大数跨境

爱申活·暖新春丨压岁钿穿到寻娘子,你读懂了吗?

爱申活·暖新春丨压岁钿穿到寻娘子,你读懂了吗? 上海崇明
2019-02-07
0
导读:时光飞逝,春节又到,大人们盘算着过年用的经费,小朋友的压岁钱也是其中之一,压岁钱今年涨不涨,红包上的图案选好


时光飞逝,春节又到,大人们盘算着过年用的经费,小朋友的压岁钱也是其中之一,压岁钱今年涨不涨,红包上的图案选好了吗?小小的红包寄语着家长对孩子们最简单的祝福:新年里太太平平。“压岁钿穿到寻娘子”,崇明话的崇明压岁钱小故事,你读懂了吗?


压岁钿穿到寻娘子

  

好日脚过勒快来,春节又到特。大人勒勒造过年经费预算个辰光,压岁钿是总归勒里厢个,要放勒头位里算个,爱要商量今年涨末勿涨?涨个说话末涨几钿?交关人家挂挂于心,老早买好仔红袋袋,对上面的图案搭仔字勒汛也要横拣竖拣。

  

过年穿压岁钿拨勒小辈,勒勒崇明也是老传统,民国搭仔1989年印个《崇明县志·风俗》里孩有得记载个。老手里传下来个话法,压岁钿是压邪个,保佑小囡新年里太太平平。


  

即歇个崇明人,也继承仔革个老传统,拿压岁钿当作吉祥物穿拨小囡,祝愿伊特平平安安、快快活活;革也是长辈对小辈的奖赏,让伊特买点喜欢个物事,新年过勒更加开心。

  

老早革歇压岁钿少来一眼眼,远个拗讲特,就拿八十年代个辰光,工钿低来只有三四十块,月月里紧来前吃后空,穿个压岁钿不过几只角子,多个也只有一二块洋钿,意思意思。


  

记得有一年大年夜,一家六门吃年夜饭个辰光,拨仔两个小囡各人一个红纸包,弟兄俩摸摸蛮厚一叠,快活来跳出来,发开来一看,是一百张连号个一分头,面孔浪个笑眼少仔好汛,我也晓得忒少特,一块洋钿买得着何呀?只能对伊特话“开年多穿点”。

  

两个小囡还真懂事体,一分洋钿也呒用脱,后来一道“借”拨勒我俚用特。实际浪勒勒革歇辰光,家家困难,大年夜穿仔压岁钿,一过年回到大人手里个多来交关。


  

到仔新世纪,工钿越来越大,压岁钿也穿勒多特,即歇是五六百块、轮千块勿稀奇。乡下头原来呒哪来生个老人家,月月里起码也有仔六七百块补贴特,也年年脱孙子孙女、外孙外孙女穿压岁钿,孩要穿“大团结”嘞!

  

大人对小囡真个宝贝,穿压岁钿个钞票末要赤刮拉新个,还要连号个,话出来“万事顺利,好运连来”。有汛专门拣吉利数字,像二、三、六、八、十,总话“成双成对”、“连中三元”、“六六大顺”、“八八发发”、“十全十美”。伊特老早带好精会,拿用得着个钞票先囥好,蛮多人专门到银行去调,爱有开后门勒,托勒勒柜台浪个亲眷朋友帮帮忙,调最最满意个票子。


  

做公公、亲婆个对小辈爱要宠勒。一天下昼汛里勒瀛洲公园荡勃相,看见几个老人家聚勒一道长脚白话,臂弯里抱花斑小狗个话:“外孙女个压岁钿准备好特,穿仔十二年特,作仗穿到伊大学毕业。”戴绣球帽个笑仔勒话:“我是要穿到孙子寻娘子,孙女嫁男人家,到革辰光末任务算完成特。”

  

“我话早勒。”手里揪《崇明报》个人讲,“即歇日脚好寿命长,爱要做老太太,压岁钿有得穿下去勒。”大家孩话:“对个,对个,爱要脱第四代穿压岁钿,也要穿到伊特吃喜酒寻娘子嘞!”






责编:陈珺

编辑:毋晓菲

更多精彩内容可点击下方链接

2019年崇明如何发展?都在这些图里啦↓↓↓

关于崇明这一年的成绩和未来的发展,看看他们怎么说~

这些为我们幸福奔走的崇明人,里面可能有你的朋友和同事

上海市崇明区政协第一届委员会第三次会议今天开幕,工作报告抢先看!

一段方言小视频,告诉你崇明“两会”到底是哈么子


交一个工作生活的帮手,开一扇了解崇明的窗口,多一条喜欢小岛的理由

美图、美文投稿请发送至邮箱:cmxwb2010@163.com


【声明】内容源于网络
0
0
上海崇明
1234
内容 7867
粉丝 0
上海崇明 1234
总阅读1
粉丝0
内容7.9k