一间玻璃屋
两种氛围
五个口味
还有一个韩国欧巴
充足嘅阳光射入玻璃屋，零舍舒服，特别系呢个咁寒冷嘅冬日，大太阳照住食炸鸡又真系几爽噶。
韩式简约装修，充满少女心嘅摆设，颜值之高完爆唔少咖啡店，系朋友闺蜜聚会自拍嘅好地方，讲到呢度相信妹子们已经忍唔住拿出相机疯狂啪啪啪。可以系如此清新雅致嘅玻璃屋食炸鸡，真系一种好特别嘅感觉。
到左晚上，又唔同个讲法。一闪一闪嘅吊灯系屋顶垂落嚟，就好似流星一样。无论坐系室内定喺室外，你都会不禁感叹，哇！原来食炸鸡都可以咁浪漫，冧女必到√
知道大良小白家嘅咁多位，一定唔会唔知佢嘅灵魂厨师系一个货真价实嘅韩！国！欧！巴！呢度嘅酱料、配料全部都系韩国进口，更好咁保证韩国味道。
因为新鲜嘅鸡会有好嘅口感，靓嘅肉色，所以欧巴每日都会去市场挑选新鲜靓鸡，因此每日嘅炸鸡都系限量供应喔！
有传统嘅韩式、酱香、香葱、蜂蜜、芝士五种口味任你挑选，正妹当然要试下小白家大卖嘅韩式炸鸡啦。如果系堂食嘅话，店员通常会帮你将炸鸡同酱拌好，口感丰富，外酥内嫩，再嚟翻啖啤酒简直一流。
降温降雨冻冰冰，点可以少得香葱味炸鸡！浓香嘅酱汁一下子攻陷你嘅嗅觉，酥脆嘅炸鸡加上香葱，香而不腻，绝对系冬日好享受！
冬天又点少得一个暖粒粒嘅火锅呢？咁韩式又点少得一个部队火锅呢？韩国欧巴将韩国正宗部队火锅带到，仲加咗d小中国元素添！去片！
材料十足，几乎塞爆成个煲，3、4个朋友一齐食基本无问题，最紧要系气氛够好，你食呢旧我食个旧，个个烚下烚下，其乐融融。
肉食嘅朋友就嚟翻个肥牛火锅，香喷喷嘅汤汁，闻到都忍唔住想饮啊喂。
年糕系列
찰떡
如果你对年糕无感，咁可能你未食过小白家嘅年糕。有咩咁神奇？呢度嘅年糕全部都系每日新鲜订货新鲜制造，绝唔用冷藏年糕，所以口感好鬼过瘾，爆Q劲弹牙，一下子俘虏你！
传统做法、传统风味，但系Q弹嘅口感绝对令你欲罢不能啊喂。
如果喜欢稍微重口味d，不妨试下酱香年糕。酱香风味深入年糕，每一啖都味道十足，正！
如果咸香都满足唔到你呢个重口味狂魔，咁就要即刻点呢个地狱年糕，火辣辣嘅感觉真系可以令你来回地狱又折返人间，最惨就系因为年糕够Q弹，令你360度都感受到来自地狱浓浓嘅辣意。
西式做法更新鲜又够吸引人，同传统年糕个食法唔一样，连食物都跨界碰撞，你无理由唔试下！
唔系普通嘅即食面啊咁多位，系韩国波纹面！唔单止爽口，而且拉面就算吸收咗d汤都唔会糊开嚟，反而味道十足！
辣辣的好过瘾，冻冰冰，食翻个辛拉面成个人都暖噻~~
正妹住系乐从，平时要食炸鸡真系要跑到武雷公咁远先有得食，先唔好讲味道，就系想食情绪都无一大半，仲点可以安心开餐？唔通乐从就无炸鸡食？
好彩，乐从首家炸鸡店杀到中欧电商城，文艺小清新嘅环境，最重要系炸鸡终于杀到嚟乐从啦！！以后唔使为咗个炸鸡跑到大良容桂咁远，而且小白家仲喺货真价实韩国欧巴亲自下厨，冧冧都幸福感满泄。
系咁富有情怀嘅韩式小清新集散地嚟翻个韩式简餐，风味十足，简餐自成风格，令人从中得到大大的满足！
你系单眼皮男孩吗？
如果你符合呢个条件
恭喜你
小白家9折9折9折
任你吃吃吃！
最重要嘅系
有炸鸡点少得啤酒？
无论你系单眼皮双眼皮定喺三眼皮
啤酒任你饮
（指定啤酒除外）
（2016年3月尾前有效）
咁仲等咩啊？
嗱嗱临同埋朋友一齐嚟
全顺德颜值最高炸鸡店！
1 顺德区乐从镇河滨北路326号中欧电商城
营业时间
9:30-22：00
巴士搭乘
下车站点：
小布乐站—348路、344路
小布站—135路、桂28路、801路
·END·
招商电话 微信号：ceeccity 0757-28861234
