ئېچىلىۋاتىدۇ سەل ساقلاڭ
بەزىدە تېلفونىڭىزنىڭ سېگنالى ياخشى بولماي قالىدۇ ، يەنە بەزىدە تورىڭىز ياخشى ئىشلىمەي تورغا چىقىشتا قىينىلىسىز ، ئۇنداقتا بۇ مەسىللەرنى ھەل قىلغىلى بولامدۇ ؟ ئەلۋەتتە بولىدۇ ، ئامالى بولسا تېلفوننىڭ « ئايروپىلان ھالىتى » نى قوزغىتىش .بەزىلەر بەلكىم ئىشەنمەسلىكى مۇمكىن .تۆۋەندە بۇ مەسىلە توغۇرلۇق توختىلىپ ئۆتىمىز .
تېلفوننىڭ ئايروپىلان ھالىتىنى قوزغىتىشنىڭ نۇرغۇن ياخشى تەرەپلىرى بار .
1. ئۇخلىغان ۋاقىتتا تېلفوننى ئېتىۋەتمىسىڭىزمۇ ،«ئايروپىلان ھالىتى» نى قوزغىتىپ قويسىڭىزلا ، تېلفوننىڭ رادىئەتسىيىسىنى ئەڭ تۆۋەن چەككە چۈشۈرگىلى بولىدۇ. ئۇخلىغاندا تېلفون رادىئەتسىيىسىنىڭ تەسىرىدىن ساقلىنىش ئۈچۈن ، ياكى تېلفوننى ئېتىۋېتىشىمىزگە ياكى ئۆزىمىزدىن يىراق جايغا قويۇپ قويىشىمىزغا توغرا كېلىدۇ. لېكىن ھەر ئىككى ئۇسۇلنىڭ ئۆزىگە چۇشلۇق قولايسىز تەرەپلىرى بار ، ھەتتا بەزى تېلفونلارنى ئېتىۋەتكەندىن كېيىن سائىتى جىرىڭلىمايدۇ . شۇڭا نۇرغۇن ئادەملەر قولايلىق بولىشى ئۈچۈن چوقۇم تېلفوننى ئەتمەيلا ياستۇقىنىڭ ئاستىغا قويۇپ ئۇخلايدۇ. ئەجىبا تېلفوننىڭ رادىئەتسىيىسى مېڭەمگە تەسىر قىلىپ ، دۆتلىشىپ قالارمەنمۇ ، دەپ ئەنسىرمەمسىز؟ تېلفوننىڭ «ئايروپىلان ھالىتى» نى ئېچىپ قويسىڭىز بولىدۇ ، تېلفون ئايروپىلان ھالىتىگە كىرگەندىن كېيىن ،رادىئەتسىيىسى ئەڭ تۆۋەن چەككە چۈشىدۇ . بۇنداق بولغاندا يەنە تېلفوننى ئېتىپ ئاچقاندىكى ۋاقىتنى تېجەپ قالالايسىز ، ھەم تېلفوننى قولىڭىزنى ئۇزاتسىڭىزلا يېتىدىغان يەرگە قويۇپ قويالايسىز ، سائەتنىڭ جىرىڭلىماي قويىشىدىنمۇ ئەنسىرمەيسىز .
2. تورنى قايتا قوزغىتىش . تېلفوندا بەزىدە توردا مەسىلە كۆرىلىدۇ ياكى تور پۈتۈنلەي ئۈزۈلۈپ قالىدۇ ، بولۇپمۇ تونىل ياكى لېفىتتىن چىققاندىن كېيىن سېگنال يوقاپ كېتىش ، تور ئۈزۈلۈپ قېلىش ئەھۋاللىرى ئومۇميۈزلۈك بولىدۇ. بۇنداق ئەھۋال ئاستىدا تېلفوننىڭ « ئايروپىلان ھالىتى » نى بىر قوزغىتىپ ئاندىن يەنە ئېتىۋەتسىڭىز بولىدۇ. بۇ جەريان تېلفوننى قايتا قوزغىغان بىلەن باراۋەر بولۇپ ، تېلفونىڭىز تور ئۇلىنىشىنى قايتا تەكشۈرىدۇ ، بۇ ئۇسۇل ئالما تېلفونلارغا تولىمۇ مۇۋاپىق كېلىدۇ.
3. باشقىلارنىڭ دەخلى قىلىشىدىن ساقلىنىش . يالغۇزلۇقنى خالاپ قالغان ۋاقىتلىرىڭىزدا باشقىلارنىڭ سىزنى ئاۋارە قىلىشىنى خالىمىسىڭىز ، تېلفوننىڭ « ئايروپىلان ھالىتى » نى قوزغىتىپ قويسىڭىزلا ، سىزنى ھېچكىم تاپالمايدۇ . ئەگەر تېلفون قوبۇل قىلىشنى ياكى ئۇچۇر كېلىشىنى خالىمىسىڭىز ، تېلفونىڭىزنىڭ «ئايروپىلان ھالىتى » نى قوزغىتىپ قويغاندىن كېيىن ئاندىن سىمسىز تورغا ئۇلىۋالسىڭىز بولىدۇ . بۇنداق تورغا چىقىپ ئويۇن ئوينىسىڭىزمۇ باشقىلار تېلفون قىلىپ ئويۇنىڭىزغا دەخلى قىلالمايدۇ.
4. كەزمە مۇلازىمەت ھەققى . سىرتلارغا چىقىپ ساياھەت قىلغان ۋاقتىڭىزدا ئەگەر شۇ يەرنىڭ تورغا چىقىش كارتىسىنى بېجىرمىگەن بولسىڭىز ، ئەڭ ياخشىسى تېلفونىڭىزنىڭ «ئايروپىلان ھالىتى » نى قوزغىتىپ قويۇڭ ، ئاندىن سىمسىز تورغا ئۇلىۋالسىڭىز بولىدۇ. بۇنداق بولغاندا يۇقىرى سوممىلىق كەزمە مۇلازىمەت ھەققى تۆلەش ئاۋارچىلىقىدىن قۇتۇلىسىز .
5. تېلفوننىڭ توكىنى تېجەيدۇ . تېلفون ئىزچىل سىگنال قوبۇل قىلىش ۋە سىگنال ئىزدەش ھالىتىدە تۇرغاندا بولۇپمۇ سىگنال ياخشى ئەمەس ۋاقتىدا تېلفوننىڭ توكى ھەددىدىن زىيادە بەك خورايدۇ . تېلفوننىڭ «ئايروپىلان ھالىتى » نى ئېچىپ قويۇش تېلفوننىڭ داۋاملىق توردىن ئۇچۇر قوبۇل قىلىش خىزمىتىنى توختىتىدۇ ، بۇ ئۇسۇل بەزى تېلفونلارنىڭ ئۆزىدە بار بولغان توك تېجەش ھالىتىدىنمۇ بەك ئۈنۈملۈك.
