ئېچىلىۋاتىدۇ سەل ساقلاڭ
ماۋزۇسىز
بوغدا ئابدۇللا
نىمانچە چارچاپ كېتىسەن ئىنسان ،
خىيالىڭمۇ بىر پارچىلا نان .
تۇغۇلۇشتىن - ئۆلۈشكىچە تا ،
دوقمۇش -دوقمۇش ساڭا ئىمتاھان .
ئۇھ دېگۈدەك پۇرسىتىڭ نەدە ،
تاپىنىڭدا ھەر يوغان قاداق ،
غەم ئوينايدۇ يەلكەڭ ئۈستىدە ،
كۆتۈرەي دېسەڭ قەددىڭنى پاتراق .
كۈن -كۈنلەرگە يۈكلەيسەن ئۈمىد ،
ئۆچۈپ - ئۆچەر ئاخىرقى بىر شام .
سەن دالىدا يالغۇزلا بىر جان ،
كۆزلىرىڭدە ياش تارام - تارام.
