ئېچىلىۋاتىدۇ سەل ساقلاڭ
يېقىندا تېلىۋېزوردا بىر كۆڭۈل ئېچىش پىروگراممىسى قويۇلدى ،پىروگراممىنىڭ ئاسالىق مەزمۇنى پۇل ساناش مۇسابىقىسى بولۇپ ، مۇشۇنىڭغا ئوخشاپ كېتىدىغان باشقا پۇل ساناش مۇسابىقىسى ئۆتكۈزىدىغان پىروگراممىلارمۇ ئاز ئەمەس ئىدى ،ھەمدە ھەممىسىگە ئون نەچچە نەپەر نەخ مەيدان تاماشىبىنى قاتنىشاتتى ،ئاخىردا غەلبە قىلغانلارنى نەخ پۇل بىلەن مۇكاپاتلايتتى .لېكىن بۇ پۇل ساناش مۇسابىقىسىنىڭ ئويۇن قائىدىسى باشقىلىرى بىلەن ئوخشىمايدىغان بولۇپ ، رىياسەتچى بىر تۇتام پۇلنى مۇسابىقىگە قاتناشقۇچىلارنىڭ ئالدىغا قوياتتى ، بۇ پۇللارنىڭ قىممىتى ئوخشاش ئەمەس بولۇپ ،ئوخشىمايدىغان تەرتىپ بويىچە تۈپلەنگەن ئىدى .بەلگىلەنگەن ئۈچ مىنۇت ئىچىدە ،نەخ مەيداندىن تاللانغان تۆت نەپەر تاماشىبىن مۇسابىقىگە چۈشەتتى . بۇ تۆت نەپەر تاماشىبىن ئىچىدە كىم ئەڭ كۆپ ھەم توغرا سانىغان بولسا ، شۇ ئادەم ئۆزى ساناپ چىققان پۇللارنىڭ ھەممىسىگە ئېرىشەلەيتتى .
رىياسەتچى مۇسابىقە قائىدىسىنى ئېلان قىلىشى بىلەن تەڭ ، پۈتۈن مەيدان قىقاس -چۇقانغا تولدى .ئۈچ مىنۇتنىڭ ئىچىدە نەچچە ئون مىڭ يۈەن بولمىسىمۇ ، نەچچە مىڭ يۈەننى ساناپ چىققىلى بولىدۇ ، دېيىشەتتى ئۇلار .نەچچە مىنۇتنىڭ ئىچىدىلا ھېچ جاپا تارتماستىن نەچچە مىڭ يۈەنگە ئېرىشىسەن دېسە ،كىشى ھاياجانلانماي قالاتتىمۇ ؟
مۇسابىقە باشلاندى . تۆت ئادەم باش چۆكۈرۈپ پۇل ساناشقا باشلىدى .ئەلۋەتتە ، بۇ ئۈچ مىنۇت ئىچىدە رىياسەتچى ھەرگىزمۇ ماھىرلارنى خاتىرجەم پۇل سانىغىلى قويمايتتى ، ئۇ مىكروفوننى ئېلىپ ، نۆۋەت بويىچە ماھىرلاردىن ھەرخىل كاللا ئىشلىتىشنى تەلەپ قىلىدىغان سوئاللارنى سوراش ئارقىلىق ئۇلارنىڭ دىققىتىنى بۇزاتتى . ھەمدە چوقۇم رىياسەتچىنىڭ سوئالىغا توغرا جاۋاپ بەرگەندىلا ئاندىن ماھىرلارنىڭ داۋاملىق پۇل سانىشىغا رۇخسەت بېرىلەتتى .ئۈچ مىنۇت ۋاقىت توشتى ، رىياسەتچى ماھىرلارغا قەلەم –قەغەز بېرىپ ئۇلارغا ساناپ بولغان پۇلنىڭ سانىنى يازغۇزدى .
بىرىنجى ماھىرنىڭ 3472 يۈەن ،ئىككىنجى ماھىرنىڭ 5836 يۈەن ، ئۈچىنجى ماھىرنىڭ 4889 يۈەن ، تۆتىنجى ماھىر بولسا پەقەت 500 نىلا سناپ چىققان ئىدى .تۆت ماھىرنىڭ ساناپ چىققان سانلىرىدا پەرق ناھايتى چوڭ بولۇپ ،رىياسەتچى بۇ ساننى ئېلان قىلغاندا ،پەستە بىر قاتتىق كۈلكە كۆتۈرۈلدى ،ئۇلار تۆتىنجى ماھىرنىڭ نېمىشقا مۇنچە ئاز سانىغانلىقىنى چۈشەنمەي قالغان ئىدى .
بۇ ۋاقىتتا رىياسەتچى يەنە ئۇلارنىڭ سانىغان سانىنىڭ توغرا خاتالىقىنى ئېلان قىلدى ،توغرا نەتىجە ئايرىم –ئايرىم ھالدا :
3372 ، 5831 ، 4879 ، 500 ئىدى . ئۇلار ياكى يۈزنى كۆپ ھېساپلىۋالغان ، ياكى بەش ، ئوننى كەم ھېساپلاپ قويغان ئىدى .بىر قەغەز پۇلمۇ نەتىجىنىڭ توغرا - خاتا بولىشىغا چوڭ تەسىر كۆرسىتەتتى ، پەقەت ئەڭ ئاز سانىغان تۆتىنجى ماھىرلا ئەڭ توغرا ھېساپلىغان ئىدى ،مۇسابىقىنىڭ قائىدىسى بويىچە ، تۆتىنجى ماھىر 500 يۈەن مۇكاپاتقا ئېرىشتى . باشقا ئۈچ ماھىرنىڭ ئۈچ مىنۇتلۇق تىرىشچانلىقى بىكارغا كەتكەن ئىدى .
بۇ ئويلىمىغان نەتىجىنى كۆرۈپ ،پەستىكى تاماشىبىنلار بىر مەھەل سۈكۈتكە چۆمدى ، ئاندىن يەنە قىزغىن ئالقىش سادالىرىنى ياڭراتتى .بۇ ۋاقىتتا رىياسەتچى مىكروفوننى ئېلىپ كۆپچىلىككە بىر مەخپىيەتلىكنى ئېيتىپ بەردى : بۇ مۇسابىقە يولغا قويۇلغاندىن بېرى ، بارلىق مۇسابىقىگە قاتناشقان ماھىرلار ئىچىدە ، ئەڭ يۇقىرى مۇكاپات سوممىسى 1000 يۈەندىن ئېشىپ باقمىغان ، دېمەك ھېچكىم 1000 يۈەندىن ئاشۇرۇپ توغرا ساناپ باقمىغان ئىدى .
تاماشىبىنلار يەنە قايتىدىن سۈكۈتكە چۆمدى . رىياسەتچى ئەڭ ئاخىردا مۇنداق دېدى : بەزى ۋاقىتتا ،ئاقىلانە ۋاز كېچىش ،ئەمەلىيەتتە كىشىلىك ھاياتىڭىزنى كونتىرول قىلىشىڭىزدىكى تاكتىكا ھېساپلىنىدۇ ،لېكىن ئۇ تېخىمۇ چوڭ غەيرەت - شىجائىتىڭىزنىڭ بولىشىنى تەلەپ قىلىدۇ .
