ﺋﺎﭘﺘﻮﺭﻯ: ﮪﻪﻟﯩﻤﻪ ﺗﯘﺭﺳﯘﻥ
ﺧﺎﻧﯩﻢ-ﻗﯩﺰﻻﺭ ﺋﯚﺯﯨﻨﻰ ﻛﯜﺗﯜﺷﻜﻪ ﮪﻪﺭ ﯞﺍﻗﯩﺖ ﺩﯨﻘﻘﻪﺕ ﻗﯩﻠﯩﺸﻰ، ﺑﻮﻟﯘﭘﻤﯘ ﻛﯜﻧﯩﮕﻪ ﺑﯩﺮ ﺩﺍﻧﻪ ﻳﻪﺭﻟﯩﻚ ﺗﻮﺧﯘ ﺗﯘﺧﯘﻣﻰ ﻳﯧﻴﯩﺸﻰ، ﻛﻪﭼﻠﯩﻚ ﺗﺎﻣﺎﻗﺘﯩﻦ ﻛﯧﻴﯩﻦ ﯞﻩ ﺋﯘﺧﻼﺷﺘﯩﻦ ﺑﯩﺮ ﺳﺎﺋﻪﺕ ﺑﯘﺭﯗﻥ 200 ﮔﺮﺍﻡ ﺳﯜﺕ ﺋﯩﭽﯩﺸﻰ ﻛﯧﺮﻩﻙ.
ﺑﯩﻠﯩﻤﻠﯩﻚ، ﺳﺎﭘﺎﻟﯩﻖ ﺑﻮﻟﯘﭖ، ﺋﯜﻣﯩﺪﯞﺍﺭﻟﯩﻖ ﺑﯩﻠﻪﻥ ﮪﺎﻳﺎﺗﻨﻰ ﺳﯚﻳﯜﺵ، ﻛﻪﯓ ﻗﻮﺭﺳﺎﻗﻠﯩﻖ ﺑﯩﻠﻪﻥ ﮪﺎﻳﺎﺗﻘﺎ ﻛﯜﻟﯜﭖ ﺑﯧﻘﯩﺸﻰ، ﺳﻪﯞﺭﭼﺎﻧﻠﯩﻖ ﺑﯩﻠﻪﻥ ﺗﯩﺮﯨﺸﯩﭗ ﻗﯩﻤﻤﻪﺕ ﻳﺎﺭﯨﺘﯩﭗ، ﺷﺎﺩﯨﻤﺎﻥ ﻳﺎﺷﺎﺵ ﺋﺎﺩﯨﺘﯩﻨﻰ ﻳﯧﺘﯩﻠﺪﯛﺭﯛﺵ ﻛﯧﺮﻩﻙ.
ﺧﺎﻧﯩﻢ ﻗﯩﺰﻻﺭ ﻗﻪﻟﺒﯩﻨﻰ،ﺑﻪﺩﯨﻨﯩﻨﻰ، ﻛﯩﻴﯩﻤﯩﻨﻰ ﯞﻩ ﺋﯚﻱ، ﮪﻮﻳﻼ ﺋﺎﺭﺍﻡ ﻣﯘﮪﯩﺘﯩﻨﻰ ﭘﺎﻛﯩﺰ، ﺭﻩﺗﻠﯩﻚ ﺗﯘﺗﯘﺷﻘﺎ ﺋﺎﻻﮪﯩﺪﻩ ﺩﯨﻘﻘﻪﺕ ﻗﯩﻠﯩﺸﻰ، ﻗﻪﻟﺒﻰ ﮔﯜﺯﻩﻝ، ﺋﯩﺸﭽﺎﻥ،ﻣﯘﻧﻪﯞﯞﻩﺭ ﺋﺎﻧﯩﻼﺭﺩﯨﻦ ﺑﻮﻟﯘﺷﻘﺎ ﺗﯩﺮﯨﺸﯩﺸﻰ ﻛﯧﺮﻩﻙ.
ﮪﻪﻳﺰ ﻣﻪﺯﮔﯩﻠﺪﻩ ﺋﯚﺯﯨﻨﻰ ﺋﯩﺴﺴﯩﻖ ﺗﯘﺗﯘﭖ، ﻗﺎﺭﺍ ﺷﯧﻜﻪﺭ ﯞﻩ ﻧﺎﯞﺍﺕ ﭼﺎﻱ ﺋﯩﭽﯩﺶ ﯞﻩ ﺋﯩﺴﺴﯩﻘﻘﺎ ﻣﺎﻳﯩﻞ ﺗﺎﻣﺎﻗﻼﺭﻧﻰ ﻣﯘﯞﺍﭘﯩﻖ ﻳﯧﻴﯩﺸﻜﻪ ﺩﯨﻘﻘﻪﺕ ﻗﯩﻠﯩﭗ،ﮪﻪﺭﮔﯩﺰ ﺋﯧﻐﯩﺮ ﺋﯩﺶ ﻗﯩﻠﻤﺎﺳﻠﯩﻖ ﻛﯧﺮﻩﻙ.
ﭘﺎﺧﺘﺎ ﺭﻩﺧﺘﺘﯩﻦ ﺗﻮﻗﯘﻟﻐﺎﻥ ﺑﻪﺩﻩﻧﮕﻪ ﺯﯨﻴﺎﻧﺴﯩﺰ ﺋﯩﭻ ﻛﯩﻴﯩﻤﻠﻪﺭﻧﻰ ﺗﺎﻟﻼﭖ ﻛﯩﻴﯩﺸﻜﻪ ﺩﯨﻘﻘﻪﺕ ﻗﯩﻠﯩﭗ، ﺑﺎﻏﯩﺮﺩﺍﻗﻨﻰ ﺑﻮﺷﺮﺍﻕ ﻛﯩﻴﯩﺶ، ﺑﻮﻟﺴﺎ ﺋﯩﭻ ﻛﯩﻴﯩﻤﻠﯩﺮﯨﻨﻰ ﻗﻪﺭﻩﻟﻠﯩﻚ ﺋﺎﭘﺘﺎﭘﻘﺎ ﺳﯧﻠﯩﺸﻘﺎ ﺩﯨﻘﻘﻪﺕ ﻗﯩﻠﯩﺸﻰ ﻛﯧﺮﻩﻙ.
ﺋﻪﯞﺭﻩﺗﻨﻰ ﮪﻪﺭ ﯞﺍﻗﯩﺖ ﺋﯩﻠﻤﺎﻥ ﺳﯘ ﺑﯩﻠﻪﻥ ﻳﯧﻨﯩﻚ ﻳﯘﻳﯘﺷﻘﺎ ﺩﯨﻘﻘﻪﺕ ﻗﯩﻠﯩﭗ، ﺑﻮﻟﯘﭘﻤﯘ ﺋﯩﺸﻪﻧﭽﯩﻠﯩﻚ ﺳﯘﻳﯘﻗﻠﯘﻗﻼﺭ ﺑﯩﻠﻪﻥ ﻳﯘﻳﯘﭖ، ﮪﻪﺭ ﺧﯩﻞ ﺋﺎﻳﺎﻟﻼﺭ ﻛﯧﺴﻪﻟﻠﯩﻜﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﻘﺎ ﺩﯨﻘﻘﻪﺕ ﻗﯩﻠﯩﺶ ﻛﯧﺮﻩﻙ.
ﺧﺎﻧﯩﻢ ﻗﯩﺰﻻﺭ ﺗﯘﻏﯘﺗﺘﯩﻦ ﭼﻪﻛﻠﻪﺵ ﺋﯘﺳﯘﻟﻠﯩﺮﯨﻨﻰ ﻣﯘﯞﺍﭘﯩﻖ ﻗﻮﻟﻠﯩﻨﯩﭗ، ﺑﺎﻻ ﻗﯩﺮﺩﯗﺭﯗﺵ، ﺑﺎﻻ ﭼﯜﺷﯜﺭﯛﺵ ﻗﺎﺗﺎﺭﻟﯩﻖ ﺧﺎﻧﯩﻢ ﻗﯩﺰﻻﺭﻧﯩﯔ ﺳﺎﻻﻣﻪﺗﻠﯩﻜﯩﮕﻪ ﺯﯨﻴﺎﻥ ﻳﻪﺗﻜﯜﺯﯨﺪﯨﻐﺎﻥ ﺋﯩﺸﻼﺭﺩﯨﻦ ﻗﺎﺗﺘﯩﻖ ﺳﺎﻗﻠﯩﻨﯩﺸﻰ ﻛﯧﺮﻩﻙ.
ﺧﺎﻧﯩﻢ ﻗﯩﺰﻻﺭ ﺗﯘﻏﯘﺕ ﻣﻪﺯﮔﯩﻠﯩﺪﻩ 40 ﻛﯜﻥ ﻳﺎﺧﺸﻰ ﺩﻩﻡ ﺋﯧﻠﯩﺸﻰ، ﺋﻮﺑﺪﺍﻥ ﻛﯜﺗﯜﻧﯜﺷﻰ، ﺟﯩﻨﺴﻰ ﻣﯘﻧﺎﺳﯩﯟﻩﺕ ﻗﯩﻠﻤﺎﺳﻠﯩﻘﻰ، ﮪﻪﺭ ﺗﻪﺭﻩﭘﻠﯩﻤﻪ ﺋﻮﺯﯗﻗﻠﯘﻕ ﺗﻮﻟﯘﻗﻼﭖ، ﺳﺎﻻﻣﻪﺗﻠﯩﻜﻨﻰ ﺋﻪﺳﻠﯩﮕﻪ ﻛﻪﻟﺘﯜﺭﯛﺷﻜﻪ ﺋﺎﻻﮪﯩﺪﻩ ﺩﯨﻘﻘﻪﺕ ﻗﯩﻠﯩﺸﻰ ﻛﯧﺮﻩﻙ.
ﺧﺎﻧﯩﻢ ﻗﯩﺰﻻﺭ ﺗﯘﻏﻘﺎﻧﺪﯨﻦ ﻛﯧﻴﯩﻦ ﺋﯚﺯﯨﻨﻰ ﻳﺎﺧﺸﻰ ﻛﯜﺗﯜﭖ، ﺑﺎﻟﯩﻨﻰ ﭼﻮﻗﯘﻡ ﺋﯧﻤﯩﺘﯩﭗ ، ﺋﺎﻧﺎ ﺳﯜﺗﻰ ﺑﯩﻠﻪﻥ ﺑﯧﻘﯩﺸﻘﺎ ﺩﯨﻘﻘﻪﺕ ﻗﯩﻠﻐﺎﻧﺪﺍ، ﺑﺎﻻ ﺳﺎﻏﻼﻡ ﺑﻮﻟﯘﭘﻼ ﻗﺎﻟﻤﺎﻱ، ﺑﺎﻟﯩﻨﯩﯔ ﺋﯚﻣﯜﺭﻟﯜﻙ ﺳﺎﻏﻼﻣﻠﯩﻘﯩﻐﺎ ﭘﺎﻳﺪﯨﻠﯩﻖ.
ﺧﺎﻧﯩﻢ ﻗﯩﺰﻻﺭ ﺋﯜﭼﯜﻥ ﺑﯩﻠﯩﻤﻠﯩﻚ، ﺗﻪﺩﺑﯩﺮﻟﯩﻚ، ﻛﻪﯓ ﻗﻮﺭﺳﺎﻕ، ﺳﻪﯞﺭﭼﺎﻥ، ﺋﯩﺸﭽﺎﻥ، ﭘﺎﻛﯩﺰ، ﺭﻩﺗﻠﯩﻚ ﺑﻮﻟﯘﺵ ﺯﯨﻨﻨﻪﺕ ﯞﻩ ﺑﻪﺧﺘﺘﯘﺭ. ﺷﯘﯕﺎ، ﺧﺎﻧﯩﻢ ﻗﯩﺰﻻﺭ ﭼﻮﻗﯘﻡ ﯞﺍﻗﯩﺖ ﭼﯩﻘﯩﺮﯨﭗ ﻣﯘﻧﺎﺳﯩﯟﻩﺗﻠﯩﻚ ﮔﯧﺰﯨﺖ ﮊﯗﺭﻧﺎﻝ، ﺭﺍﺩﯨﺌﻮ ﺗﯧﻠﯧﯟﯨﺰﯨﻴﻪ، ﻛﯩﺘﺎﺑﻼﺭﺩﯨﻦ ﺋﯜﻧﯜﻣﻠﯜﻙ ﭘﺎﻳﺪﯨﻠﯩﻨﯩﭗ، ﺋﯚﺯﯨﻨﯩﯔ ﺋﯘﻧﯩﯟﯦﺮﺳﺎﻝ ﺳﺎﭘﺎﺳﯩﻨﻰ ﻳﯘﻗﯩﺮﻯ ﻛﯚﺗﯜﺭﯛﺵ ﺋﯚﮔﯩﻨﯩﺶ ﺋﯜﭼﯜﻥ ﺋﺎﺋﯩﻠﻪ ﻗﯘﺭﯗﺷﻘﺎ ﺩﯨﻘﻘﻪﺕ ﻗﯩﻠﯩﺸﻰ ﻛﯧﺮﻩﻙ.
«ﮪﺎﻳﺎﺗﻠﯩﻖ» ﮊﯗﺭﻧﯩﻠﯩﺪﯨﻦ ﺋﯧﻠﯩﻨﺪﻯ.
