ئېچىلىۋاتىدۇ سەل ساقلاڭ
باشقىلارغا گۈل سۇنغىنىڭىزدا گۈلنىڭ خۇشپۇرىقىنى ئاۋال سىز پۇرايسىز؛ باشقىلارغا
نىجاسەت ئاتقىنىڭىزدا بولسا ئاۋال ئۆزىڭىزنىڭ قولى پاسكىنا بولىدۇ.
ئادەم قەددىنى تىك تۇتۇپ ياشىسا ئۆسىدۇ، بېشىنى يەردىن كۆتۈرمەي پايدا ئېلىشنىڭ كويىدىلا يۈرسە يەرگە چۆكىدۇ.
بىر بارمىقىڭىزنى باشقىلارغا قارىتىپ ئۇلارنىڭ قىلمىشلىرىنى ئەيىبلەۋاتقان ۋاقتىڭىزدا قالغان ئۈچ بارمىقىڭىزنىڭ ئۆزىڭىزگە توغىرلىنىپ تۇرغانلىقىنى ئۇنتۇپ قالماڭ.
مۇۋەپپىقىيەت قازانغان ئادەم باشلىنىش نۇقتىسىدا يەڭگەن ئەمەس بەلكى بۇرۇلۇش نۇقتىسىدا يەڭگەن ئادەمدۇر.
پۇل ئىككى خىل بولىدۇ : سىزنىڭ خەجلىگىنىڭىزنىڭ ئىسمى پۇل، ئۇ سىزنىڭ بايلىقىڭىز؛ سىز يىغىپ خەجلىمىگىنىنىڭ ئىسمى بولسا قەغەز، ئۇ سىزنىڭ مىراسىڭىزدۇر.
شۇنچە چىرايلىق ، كېلىشكەن تۇرۇپ ئۆزى بىلمىسە بۇنى سالاپەت دەيمىز؛ شۇنچە پۇلدار تۇرۇپ باشقىلار بىلمىسە بۇنى تەربىيە كۆرگەنلىك دەيمىز.
ئاددىي ئىشلارنى تەكرار قىلغاندا سىز بىر مۇتەخەسىس؛ تەكرارلانغان ئىشلارنى ئەستايىدىل قىلغاندا سىز بىر يەڭگۈچى؛ ئەستايىدىللىق سىزگە بېرىدىغان پايدىسى بىر ئۆمۈر تۈگىمەيدۇ.
