ئېچىلىۋاتىدۇ سەل ساقلاڭ

1. ئەينەككە  قاراپ  بېقىڭ . سىزنىڭ  باشقىلارنىڭ  جېنىنى ئېلىپ  يېنىدا  قويغۇزالىغۇدەك   گۈزەل  رۇخسارىڭىز  بامىكەن ؟

2. بانكا   كارتىڭىزنىڭ قالدۇق  سوممىسىغا  قاراپ بېقىڭ . يېتەرلىك  مال – دۇنيارىڭىز بامىكەن ؟

3. يېڭى  نىكاھ قانۇنىغا  قاراپ  بېقىڭ . ئۇ سىزگە  شۇنى  ئېيتىپ بېرىدۇكى  :  باي ئادەمگە  ياتلىق  بولۇپ نامراتلىقتىن   قۇتۇلىدىغان  دەۋر ئاللىقاچان  ئۆتۈپ  كەتتى ، ھەممە ئىشتا  ئۆزىڭىزگە  تايانمىسىڭىز بولمايدۇ . 

مۇنداق ياشاڭ ، ھەممە  ئادەمنىڭ ھەۋىسى  كەلگۈدەك

1. تىرىشىپ  قانداق پۇل  تېپىش  ھەققىدە باش   قاتۇرىدىغان  ئايال بولۇڭ ، قانداق  قىلىپ  پۇل تېجەشنىڭ  كويىدىلا  يۈرىدىغان ئەمەس .

2. چىرايلىق  گەپلەرنىڭ ھەممىسىنى  راست   دەپ  قالماڭ  ، سەت  گەپلەرنىڭ ھەممىسى  بىلەن  زىغىرلىشىپ ئولتۇرماڭ .

3.ھازىرقى  ھالىتىڭىزنى باتۇرلۇق  بىلەن  قوبۇل  قىلىڭ ھەم  ئۈزلۈكسىز  ئۇنى مۇكەممەللەشتۈرۈڭ.

4. چارچاشلىرىڭىزنى ئۇيقۇ  ئارقىلىق  تۈگىتىڭ ، لېكىن  ئۇيقۇڭىزدىن  كۈلۈپ ئويغىنىشنى   ئۇنۇتماڭ .

5.   ئوقۇش تارىخىڭىز  يۇقىرى  بولمىسىا ھېچقىسى  يوق ، لېكىن  چوقۇم  تەربىيە كۆرگەن  ئايال  بولۇڭ .

6.  گۈزەل رۇخسارىڭىز بولمىسا  ھېچقىسى يوق ،  لېكىن  چوقۇم ئاقكۆڭۈل  بولۇڭ.

7.  پۇل  راستىنلا مۇھىم  ،  لېكىن ئەرلەرنى   ياكى  ئاتا- ئانىڭىزنى   بارلىق ئىقتىسادىڭىزنىڭ  مەنبەسى  قىلىۋالماڭ ، ئۆز  كۈچىڭىزگە تايىنىپ  پۇل  تاپىدىغان ئىقتىدارنى   ھازىرلاڭ.

8. ئۆتكەن   ئىشلارنى  ئۆتكىلى  قويۇڭ  ، ئورۇنسىز  ئۆزىڭىزنى  چارچىتىۋالماڭ .

9. ھەممە  نەرسىڭىزنى  ئۇتتۇرۇپ  قويسىڭىزمۇ  ، كۈلكىڭىزنى ئۇتتۇرۇپ  قويماڭ. 

10.   ئۆزىڭىزنى  دۇنيادا بىر  دەپ  تەمەننا  قويۇپ  كەتمەڭ ، سىز  ئايرىلىشنى  تاللىغان  ۋاقتىڭىزدا  شۇنى بايقايسىزكى  ،  سىز  بولمىسىڭىزمۇ  ھاياتنىڭ   چاقى  ئوخشاش چۆرگىلەۋېرىدۇ.

11.ئەگەر  ھازىرقى خىزمتىڭىزنى  ياقتۇرمىسىڭىز ،  ئىستىپا بېرىپ  بىراقلا  ئىشلىمەڭ ، ئۇنداق  قىلالمىسىڭىز   ھەممىلا يەردە  خىزمىتىڭىزنىڭ  ناچارلىقىدىن زارلاپ  يۈرمەڭ .

12.ئۆزىڭىزنى  تاشلىۋەتمەڭ ، ياسىنىشنى  ئۇنۇتماڭ . 

13. پۇلى  بار  ئەردىن بىرنى  تېپىپ  توي قىلىۋالسام  ھەممە  نەرسەم بار  بولىدۇ  دەپ ئويلىماڭ . دۇنيادا  چىرايلىق  قىزلار پۇكەيگە  تىزىپ  قويغان  كولادەك  كۆپ  ، ئەرلەرنىڭ  قايسىسىنى  ئىچكۈسى كەلسە  شۇنى  تاللاپ ئىچىۋېرىدۇ .

14. ئۆزىڭىز  ياخشى كۆرگەن  نەرسىنى  ئۆزىڭىز پۇل  تېپىپ   سېتىۋېلىڭ .

15. ھەرقانچە  ئاچچىقىڭىز كەلسىمۇ  سوغۇققان  بولۇڭ ، ئۆزىڭىزنى  بېسىۋېلىشنى  ئۈگىنىڭ ، بار  ئاچچىقىنى  چىرايىغا چىقىرۋېلىش ،  ۋارقىراپ-جارقىراش  ئاياللارغا  ياراشمايدۇ.

16. مۇۋاپىق تەنتەربىيە  پائالىيىتى  بىلەن  شۇغۇللىنىڭ . ئۇ  سىزنى  تېخىمۇ لاتاپەتلىك  قىلىدۇ  ، سىزنى  سىز  ئەزەلدىن كۆرۈپ  باقمىغان  بىر دۇنياغا  باشلاپ  بارىدۇ.

17. باشقىلارنىڭ  نەزىرىگە ئىلىنىش  ئۈچۈنلا  ياشىماڭ ، ئۆزىڭىز  بولۇڭ.