ئېچىلىۋاتىدۇ سەل ساقلاڭ
بايقىدىڭىزمىكىن، ھازىر مەيلى ياشلار ياكى ياشانغانلار بولسۇن ، بويۇن ئومۇرتقا كېسەللىكلىرىگە گىرىپتار بولىدىغانلار بارغانسىرى كۆپەيمەكتە . بۇ كېسەللىكنىڭ كېلىپ چىقىش سەۋەپلىرىمۇ ھەرخىل ، لېكىن كۆپ قىسىم ئەھۋاللاردا بۇنى ئۆزىڭىز بىر قوللۇق كەلتۈرۈپ چىقارغان بولىسىز .
بويۇن ئومۇرتقا ياللۇغى ئېغىر بولغاندا ئادەمگە چىدىغۇسىز ئازاپ ئېلىپ كېلىدۇ ، يېنىك بولغان تەقدىردىمۇ تۇرمۇشىمىزغا ئازدۇر - كۆپتۇر قولايسىزلىقلارنى ئېلىپكېلىدۇ . مەيلى يېنىك بولسۇن ياكى ئېغىر بولسۇن ،داۋالاش جەريانى ئاستا ھەم ئۇزاق بولىدۇ .
بۈگۈن بويۇن ئومۇرتقا كېسەللىكلىرىنى كەلتۈرۈپ چىقىرىدىغان تۆت خىل ئامىل ئۈستىدە توختىلىپ ئۆتمەكچىمىز ، سەۋەبىنى بىلگەندىلا ئاندىن ئالدىنى ئېلىش خىزمەتلىرىنى ياخشى ئىشلىگىلى بولىدۇ .
بىرىنجى : يۈرۈش - تۇرۇش ھالىتى خاتا بولۇش .
ئەقلىي - ئىقتىدارلىق يان تېلفونلارنىڭ ئومۇملىشىشىغا ئەگىشىپ ، بېشىنى تۆۋەن سېلىپلا يۈرىيدىغانلارمۇ بارغانسىرى كۆپەيمەكتە . ئىشچى - خىزمەتچىلەر پۈتۈن بىر كۈن كومپىيوتىر ئالدىدا ئولتۇرىدۇ ، ھارغان ۋاقىتلىرىدا بولسا ئۈستەلنىڭ ئۈستىگە ئۆزىنى تاشلاپلا ئارام ئالىدۇ ، ئارام ئالغان ۋاقىتلاردا كىرىسلودا يېتىپ تېلىۋىزور كۆرىدۇ ، كارۋاتتا يېتىپ كىتاب كۆرىدۇ ... بۇ خىل يۈرۈش تۇرۇش ھالەتلىرىنىڭ بىر ئورتاق تەرىپى بار ، ئۇ بولسىمۇ بويۇن قىسمىمىز ئېگىلگەن ھالەتتە بولىدۇ ھەم بۇنداق ھالەت ئۇزۇن مەزگىل داۋاملىشىدۇ . بۇنداق قىلىشنىڭ بىۋاستە ئاقىۋىتى بولسا ، موسكۇللار ئۇزۇن مەزگىل زىيادە قىسقىراپ ، بويۇن ئومۇرتقا سۆڭىكىنى چىڭ تارتىپ تۇرىدۇ ، بۇنىڭ بىلەن ئومۇرتقا سۆڭىكى ئۇپىراپ ،سۆڭەك ئۆسىۋالىدۇ ،ئومۇرتقا ئارلىق تەخسىسىنىڭ شەكلى ئۆزگىرىدۇ ياكى ئۆسىۋالىدۇ .
ئالدىنى ئېلىش ئۇسۇلى : ئۇزۇن مەزگىل باشنى ئېگىپ ئولتۇرۇشتىن ساقلىنىڭ ، ئۈستەلدىن بېشىنى كۆتۈرمەيدىغان ئىشچى - خىزمەتچىلەر بوينىڭىزنى كۆپ ھەركەتلەندۈرۈپ بېرىڭ ، كۈندىلىك تۇرمۇشتا بويۇن ئومۇرتقا موسكۇللىرىغا بولغان بەدەن چېنىقتۇرۇشنى كۈچەيتىپ بېرىڭ .
ئىككىنجى : ياستۇق زىيادە ئېگىز ياكى زىيادە پاكار بولۇپ قېلىش .
ياستۇق ئىشلىتىلىش ئورنى ئەمەلىيەتتە باش ئەمەس بەلكى بويۇن . ئەگەر ياستۇق زىيادە ئېگىز بوپ قالسا ، بۇ ۋاقىتتىكى ھالىتىڭىز بويۇننى ئېگىپ تۇرغان بىلەن ئوخشاش بولىدۇ . ناۋادا زىيادە پاكار بوپ قالسا، بوينىڭىز بوشلۇقتا لەيلەپ قالىدۇ ، ئەركىن تۇرالمايدۇ .شۇنداق دېيىشكە بولىدۇكى بوينىڭىز پۈتۈن كۈنلۈك خىزمەت ھالىتىدە تۇرىدۇ . بۇنداق بولىۋەرسە ، چارچاش ئېغىر بولغانلىقتىنمۇ بويۇن ئومۇرتقا كېسەللىكى كېلىپ چىقىدۇ .
ئالدىنى ئېلىش ئۇسۇلى : ياستۇق تاللىغاندا ئىمكانقەدەر ئوتتۇرسى چوڭقۇر ، ئىككى تەرىپى ئېگىز ياستۇقنى تاللاڭ ، ئومۇرتقىغا نىسبەتەن ئىنتايىن ياخشى بولغان تىرەش رولىنى ئوينايدۇ . ئوڭدىسىغا ياتقاندا ياستۇقنىڭ ئېگىزلىكى ئۆزىڭىزنىڭ مۇشتۇمى بىلەن تەڭ بولسا بولىدۇ . يانچە ياتقاندا بىر يېرىم مۇش ئېگىزلىكتە بولسا مۇۋاپىق بولىدۇ .
ئۈچىنجى : شامال ئۆتۈپ قېلىش .
ھاۋا ئىسسىق ، بىردەم سىرتقا چىقسىڭىز پۈتۈن بەدىنىڭىز تەرگە چۆمۈلۈپ كېتىدۇ . بەزىلەر ئۆيگە قايتىش بىلەنلە شامالدۇرغۇچ ، ھاۋا تەڭشىگۈچلەرگە بەدىنى تۇرۇپ شامالداشنى ياخشى كۆرىدۇ .بەك راھەت بولىدۇ . لېكلىن بىردەم ئىسسىق ، بىردەم سوغۇق بولسا ، يېيىلغان قىل - قان تومۇرلار دەرھال قىسقىراپ قان ئايلىنىش ياخشى بولماسلىق ، كېرەكسىز ماددىلارنىڭ چىقىرلىشى توسالغۇغا ئۇچراشنى كەلتۈرۈپ چىقىرىپ ، مىكروبسىز ياللۇغ پەيدا قىلىدۇ .
ئالدىنى ئېلىش ئۇسۇلى : ھاۋا ئىسسىغاندا ، شامالدۇرغۇچ ، ھاۋا تەڭشىگۈچلەرگە بىۋاستە بەدىنىنى تۇتۇپ سالقىنداشتىن ھەزەر ئەيلەش كېرەك ، بولۇپمۇ بويۇن قىسىمىنى . ھاۋا سوۋىغاندا ، بويۇن قىسىمنى ئىسسىق تۇتۇش كېرەك .
تۆتىنجى : بويۇن قىسىمدىكى تاشقى يارا .
تاشقى يارا بويۇن قىسىمدىكى ئەسلىدىنمۇ بار بولغان چېكىنىشنى ئېغىرلىتىۋېتىدۇ، ھەتتا بىۋاستە ئومۇرۇتقىنىڭ مۇستەھكەملىكىگە تەسىر كۆرسىتىپ ، بويۇن ئومرۇتقا كېسەللىكىنى كەلتۈرۈپ چىقىرىدۇ .
ئالدىنى ئېلىش تەدبىرى : ماشىنىلىق سىرتقا چىققاندا بىخەتەرلىك تاسمىسىنى ياخشى تاقاڭ . ماشىنىنى تورمۇز قىلغاندا دىققەت قىلىڭ . ئېگىز جايلاردا خەتەرلىك خىزمەتلەرنىقىلىدىغانلار ئالدىنى ئېلىش تەدبىرىنى ياخشى قىلىڭ . مەسىلەن: ئىش ئورنىغا كىرگەندە بىخەتەرلىك قالپىقىنى ياخشى تاقاڭ .
