香港小姐2022｜首轮佳丽IG大起底 连诗雅师妹与港姐有渊源 星二代林卓锜曾大谈性史
《2022香港小姐竞选》系TVB年度盛事，首轮面试已于上周四（2日）举行，今年不乏高质佳丽参选，亦有比较骑呢嘅代表，除咗本地姜，今年都有好多内地和海外女生参选；部分面试佳丽亦火速被起底，搜索个人IG，网民就表示今届质数极参差；以下就有10位面试佳丽嘅背景。
1. 河北佳丽Blaire
Blaire一现身将军澳巴士站已经抢晒镜，当日着上浅灰色背心及粉红色恤衫嘅Blaire大晒丰满上围，力压全场。睇返Blaire IG相，私下打扮其实同当日面试无咩分别，都系钟意以小背心衬恤衫，不时又会分享泳衣照，似乎对自己身材相当有自信。而据知Blaire今次系特地向公司请假参与港姐首轮面试，就连同事都唔知情。
2. 翻版超莲Bianca
Bianca暂时系讨论声音较高嘅面试佳丽之一，皆因唔笑时貌似何超莲。据悉，Bianca今年25岁，拥有邹族血统（荷兰人后裔）及港大中文系硕士高学历，现时职业为网志作家、注册教师和编剧Model，佢亦不时喺IG大晒泳衣照。
3. 连诗雅师妹邢慧敏（Sharon）
邢慧敏（Sharon）现年27岁，系模特儿公司Jamcast嘅全职模特儿，与连诗雅、黎纪君系同门师妹，不时孖住连诗雅出席活动。邢慧敏亦拥有唔少幕前演出经验，早前更与2020年港姐季军郭柏妍参加演技训练班；邢慧敏都识得唔少圈中人，其中与洪永城老婆梁诺妍（Inez）相当熟络。
4. 星二代林卓锜Denice（原名：林钰洧）
林卓锜系资深演员林俊贤女儿，以27岁之龄赶上港姐尾班车参选。林卓锜同样拥有唔少幕前演出经验，例如ViuTV节目《对号入座》和《鬼同你上位》；而佢就喺《对号入座》中大胆分享性史令网民印象深刻，佢就透露系因为身边朋友提议先鼓起勇气参选港姐，又表示有问过爸爸意见。
5. 混血纹身学徒傅乐儿（Tiffany）
傅乐儿（Tiffany）五官标致，系一名混血儿，21岁已经做模特儿，曾参加亚洲第一名模选秀节目《SUPERMODELME》第六季，现时亦系一名纹身师学徒。傅乐儿IG分享众多泳衣照及模特儿工作照，粉丝人数已达1万6千人，有一定人气基础。
6. 瑜伽老师Sheryl Lam
27岁嘅Sheryl系一位瑜伽导师，平日亦热衷于健身，IG不时都会分享运动照。
7. 兼职模特儿Mira
Mira今年26岁，职业为兼职模特儿，IG上不乏模特儿工作照；又喺简介写住自己钟意打泰拳同跳当代舞。
8. 翻版胡琳Robin
Robin与歌手胡琳外貌有几分相似，24岁嘅佢系一名核数师，而IG所PO嘅相都比较贴地。
9. 美国回流Cecca
25岁嘅Cecca从美国回港，现正从事金融行业。
10. 商科生Alina
Alina今年23岁，系一名商科学生，IG成日分享去酒店同餐厅打卡嘅相；而佢嘅才艺就系跳舞。
