近日麥當勞與組合MIRROR合作，推出叫炸雞餐送「鏡仔閃卡」，引來鏡粉日日食炸雞，全城瘋搶。「永恆」的亞視亦乘著熱潮，趁機在Facebook專頁推出「ATV男星限量版閃卡」，第一彈亞視閃卡有秦沛、Pat Poon（潘志文）、劉永和Loklam（羅樂林），被網民大讚識玩，引起話題後極速推出第二彈亞視閃卡，非常搞笑！第三彈亞視閃卡也終於流出，男主角位位份量十足，成功吸like又在網上引起熱討！
秦沛閃卡用Anson Lo專用粉紅色
亞視推出的限量版男星閃卡，無論顏色以至字款都跟MIRROR閃卡好相似，秦沛款更為Anson Lo（盧瀚霆）的專用粉紅色，秦沛的西裝袋巾以炸雞取代，字句寫上其經典潮語「你大我呀」，有網民留言指「你大我呀，有聲喎﹗」、「應該用有殺冇賠」、「點解唔係聶萬龍？」，獲得超過二百個like，暫時在四款閃卡中，留言最踴躍！
MIRROR盧瀚霆Anson Lo的麥記鏡仔卡用上教主至愛的專用粉紅色
羅樂林閃卡惡搞Lokman
而羅樂林閃卡寫上羅樂林的英文譯名「LOKLAM」，似是惡搞MIRROR隊長Lokman（楊樂文），羅樂林的閃卡一手揸槍一手拎炸雞 ，網民留言「 Lokman變Loklam」、「依家人哋叫大龍生喎，變咗同TVB宣傳﹗」、「一日死七次已經夠慘仲要惡搞拎住炸雞」。
MIRROR隊長Lokman
潘志文閃卡同AK撞色
潘志文則寫上其英文名「 PAT POON」，手上拎住一碟炸雞，相當搞鬼﹗
MIRROR江熚生Anson Kong
劉永古裝出閃卡
劉永則用上當年拍攝《秦始皇》的皇帝造型，眼神凌厲手指指，另一隻手卻拎住碟炸雞，網民紛紛為劉永配上對白「 寡人今日就要殺晒啲雞」、「 炸嘢掌於手中，我有飛滋怎說話？」。
ATV極速推出第二彈男星閃卡
網民大讚ATV識玩，不少人希望可以儲齊一套，更紛紛提議其後應該推出的男星閃卡，包括夏春秋、董驃、況天佑、江圖等經典亞視人物。由於反應熱烈，亞視其後亦極速推出第二及終極第三彈，包括「煎pan」陳展鵬、林韋辰、鄭則士及袁文傑，但不少網民仍然意猶未盡，希望之後會推出更多藝人閃卡！
「煎pan」陳展鵬，但有人希望要沿用魚網邊視衣服的那張相片，成個畫面出晒嚟
林韋辰的造型源自《南海十三郎》
鄭則士，不過很多人想起他的第一印象都是「奶呀奶呀」
袁文傑現時最出名當然是阿仙奴球迷和《愛回家》游生
最後一彈【ATV男星限量版閃卡登場】
陳啟泰背景係咩嚟？
呢個尹天照有啲似試當真嘅Locker⋯⋯
盧海鵬今次唔試咪，轉試雞⋯⋯
劉錫賢＝ATV一哥？
立即長按以下QR Code二維碼進入GoByBus.hk
查詢各大營運商的班次 及 購買車票！
