特色｜看香港浴室的10大特色[粤语编辑]，才发现我们太幸福了

香港地，地方细，而且樓宇間格越趨奇妙，情願個廳大少少，都唔介意浴室迫到爆。其實，有時真係想舒舒服服沖個涼都難。

到底香港浴室有咩特色？一切都應該由冇位說起......

●喺外國，就算浴室同廁所一齊，都起碼可以隔開少少，日本更加好多時係分開浴室同廁所。香港地就算有浴缸，除非係豪宅，否則你浸緊浴時都係對正個馬桶......

●新界村屋，明明個廁所唔算細，但為咗方便易維修，大多都係裝企缸......其實，買唔起豪宅嘅我有時真係想浸吓浴，係咪唯有去泳池或者住酒店？

●又係因為地方細，好多時沖涼位都連埋洗手盆，咁洗手盆上方就一定係一塊鏡，咁你沖涼嘅時候就可以一路照鏡喇。不過，只限頭段，因為塊鏡好快被蒸氣蒸到睇唔到。

●香港大部份屋企嘅窗，尤其係浴室隻窗，都係對住另一層樓，咁基本上無論去廁所或者沖涼，你都係冇可能打開佢嘅，而因為咁，廁所隻窗又多數都會貼咗一層磨砂貼紙......

●無論係用電或者煤氣，都總會有大大個熱水爐俾你望住。其實我最怕用電熱水爐，冬天要光速沖涼真係好唔爽。

●如果你屋企浴室係用啲吸盤嘅掛鈎、層架嚟放沐浴露等雜物，應該會試過浴室明明冇人，但突然傳嚟聲響，嚇一嚇個心離一離，鼓起勇氣去睇一睇，先知原來係啲吸盤甩晒，啲雜物跌晒落地......其實唔喺你沖緊涼時跌落嚟你隻腳指上面，已經好好彩。

●一家人，每個人最少都一條毛巾，如果用毛巾架掛起，一行入浴室就親身體會到咩叫做「萬國旗」，唔使特登行出街睇。

●香港人平時咁忙，要一展歌喉，邊有咁多時間特登走去K房，所以好多人都將浴室當係私人練歌房，啲水聲會蓋過你唱歌把聲，咁就唔怕嘈親屋企人啦，大大聲唱都仲得。

●有小朋友嘅屋企，浴室同浴簾好多時都貼滿一啲得意貼紙，多數係市面上一啲當紅嘅卡通人物，巧打耳呀！

●浴室地方細，但要放嘅嘢又多，毛巾、浴帽、海綿、廁所刷、衫褲等等數極都仲有，所以好多人都鍾意自製置物空間，例如將好多掛鈎同置物籃安裝喺浴室，都啱嘅，要利用最少空間放最多嘅嘢，咁先符合香港人講求經濟效益嘅性格。

丨推荐阅读 点击标题即可阅读

大干｜火力全开，7月终级让利，这个老品牌新玩法，Gobo高宝厨卫发力了

微信号：

weiyuquan-

卫浴圈子

在这里看懂中国卫浴

识别爆料

电话：020-83234584