كۈندە بۇكۆكتاتلارنى خام يەپ بەرسىڭىز ھەممە كېسەلگەشىپا،بىلۋېلىڭ

　　يېڭى زېلاندىيە ئوتاگوگې داشۆسى تەتقىقاتچىلىرىنىڭ بايقىشىچە، مېۋە-چېۋە ۋە كۆكتاتنى خام يېگەندە خامۇشلۇقنىڭ ئالدىنى ئېلىپ، ئاكتىپ كەيپىيات شەكىللەندۈرۈپ، تۇرمۇشقا بولغان رازىمەنلىك دەرىجىسىنى يۇقىرى كۆتۈرگىلى بولىدىكەن.

　　تەتقىقاتچىلار 18 ياشتىن 25 ياشقىچە بولغان 400 ياشنىڭ يېمەك-ئىچمەك ئادىتىنى تەھلىل قىلىپ، ئۇلارنىڭ مېۋە-چېۋە ۋە كۆكتاتلارنى خام يېيىش، تاماق ئېتىش ھەمدە مېۋە-چېۋە ۋە كۆكتاتنى پىششىقلاپ قوبۇل قىلىش مىقدارىنى سېلىشتۇرۇپ چىققان، شۇنداقلا يەنە ئۇلارنىڭ پىسخىكىلىق ئەھۋالىنىمۇ باھالىغان. بۇ ئادەملەرنىڭ ھەرىكىتى، ئۇيقۇسى، سوزۇلما خاراكتېرلىك كېسەللىك ئەھۋالى ۋە ئومۇمىي يېمەك-ئىچمەك ئەھۋالىنى ئۇنىۋېرسال تەتقىق قىلىشتىن تەتقىقاتچىلار شۇنداق نەتىجىگە ئېرىشكەن، يەنى مېۋە-چېۋە ۋە كۆكتاتنى خام يەيدىغانلاردا خامۇشلۇققا ئوخشاش پىسخىكىلىق كېسەللەرنىڭ يۈز بېرىشى ناھايىتى ئاز كۆرۈلگەن.

　　تەتقىقاتچىلار ماقالىسىدە مۇنداق دەپ يازغان: «تەتقىقاتىمىزدا قورۇلغان، كونسېرۋالىق، پىششىقلاپ ئىشلەنگەن مېۋە-چېۋە ۋە كۆكتاتلارغا قارىغاندا، <ھالىتى ئۆزگەرمىگەن> مېۋە-چېۋە ۋە كۆكتاتلارنى يېگەندە پىسخىكىلىق ساغلاملىققا تېخىمۇ پايدىلىق بولىدىغانلىقى كۆرسىتىلدى». تەتقىقاتچىلارنىڭ قارىشىچە، بۇنداق بولۇشى بەلكىم قورۇغاندا ياكى پىششىقلاپ ئىشلەش جەريانىدا مېۋە-چېۋە ۋە كۆكتاتلارنىڭ ئوزۇقلۇق تەركىبىنىڭ خوراپ كېتىدىغانلىقىدىن بولسا كېرەك.

　　تەتقىقاتچىلار مۇنداق بىلدۈردى، نۆۋەتتە ساغلاملىق تەشۋىقاتىدا كۆپىنچە ھاللاردا مېۋە-چېۋە ۋە كۆكتاتنىڭ قوبۇل قىلىنىش مىقدارىغا ئېتىبار بېرىلىدۇ، بۇ تۈرلۈك تەتقىقات نەتىجىسى يېيىش ئۇسۇلىنىڭمۇ ئىنتايىن مۇھىم ئەھمىيەتكە ئىگە ئىكەنلىكىنى كۆرسەتتى. تەتقىقاتچىلار يەنە پىسخىكىلىق ساغلاملىق بىلەن زىچ مۇناسىۋىتى بولغان مېۋە-چېۋە ۋە كۆكتاتنى كۆرسىىتىپ بەردى: سەۋزە، شياڭجياۋ، ئالما، يېشىل يوپۇرماقلىق كۆكتاتلار، شىيوۋ، ئوسۇڭ، گەنجۈ، شىرنىلىك مېۋىلەر، خاڭگا، مايمۇن شاپتۇلى.