سېغىنىپ قالىسەن، بەزىدە شۇنداق تەتۈر ئىدى، لىكىن ئاشۇ خۇيى بىردەملىك ئىدى، يەنىلا كىچىك بالىدەك ئۇماق ئىدى دەپ
سېغىنىپ قالىسەن، بەزىدە ئانچە-مۇنچە سوقۇشۇپ قالساقمۇ يەنىلا چىن كۆڭلىدىن سۆيەتتى دەپ
سېغىنىپ قالىسەن، گەرچە يۇلتۇزدەك كۆپ نوقسانى بار بولسىمۇ ئەمما قۇياشتەك بىر ئارتۇقچىلىقى بارئىدى دەپ
سېغىنىپ قالىسەن، بەزىدە سەل ئىش ئۇقمىسىمۇ ئەمما تالاي قىيىن كۈنلەر ئۇنىڭ بىلەن بىللە ئۆتكەن ئىدى دەپ
سېغىنىپ قالىسەن، تالاي كېچىلەر ئۇنىڭ ھەمراھلىقىدا ئۆتكەن، مىنى غېرىپسىندۇرمىغان ئىدى دەپ
