مەڭگۈ ئەسقاتىدىغان ئەستە ساقلاش قانونىيىتى

باغلاشتۇرۇپ ئەستە قالدۇرۇش ئۇسۇلى دېگىنىمىز ئەستە قالدۇرۇشقا تېگىشلىك ئۇچۇرلارنى ئالاقىدار سۈرەت، ئاۋاز، ھەرىكەت قاتارلىقلار بىلەن باغلاپ، ئوبرازلىق ئەستە قالدۇرىدىغان ئۇسۇلنى كۆرسىتىدۇ. مەسىلەن، «قۇتقۇزۇش ئاپتوموبىلى» دېگەن بۇ سۆزنىڭ ئېنگىلىزچىسىنى ئۆگەنگەندە، ئادەمنىڭ ھاياتىنى قۇتقۇزغان كۆرۈنۈشكە باغلاپ ماھىرلىق بىلەن بۇ سۆزنى ئەستە ساقلىۋالسا بولىدۇ. (ambulanceدېگەن بۇ سۆزنى دۆلەت تىلىدا 俺不能死 دەپ باغلاشتۇرۇپ تەلەپپۇزقىلسىمۇ بولىدۇ)

زەنجىرسىمان ئەستە ساقلاش ئۇسۇلى دېگىنىمىز كۆپ ئۇچرىمايدىغان ئۇچۇرلار ۋە كۆپ ئۇچرايدىغان ئۇچۇرلارنى ئەپچىللىك بىلەن باغلاپ، بىرلەشتۈرۈشنى كۆرسىتىدۇ، بۇ ئەستە قالدۇرۇشقا بىر «ئىشىك تۇتقۇچى» تېپىپ بەرگەنگە باراۋەر بولۇپ، ئاز كۈچ بىلەن كۆپ نەرسىنى ئەستە قالدۇرۇش ئۈنۈمىگە يەتكىلى بولىدۇ. بۇ ئۇسۇل يەنە ئەستە قالدۇرۇش ئوردىسى ئۇسۇلى دەپمۇ ئاتىلىدۇ، مەسىلەن بىز نۇرغۇن تېلىۋىزىيە پىروگراممىلىرىدا كۆرگەن تېز سۈرئەتتە ئەستە ساقلاش مۇسابىقىلىرىدە ئەستە ساقلىغۇچى ئەھمىيەتسىز ئۇچۇرلارنى بەدىنىدىكى ئەزالارغا باغلاشتۇرۇش ئارقىلىق ئەستە ساقلىۋالىدۇ.

بوشلۇق ئەستە ساقلاش ئۇسۇلى دېگىنىمىز ئەستە ساقلىغۇچى ئەستە ساقلاشقا تېگىشلىك ئالاقىدار ئۇچۇرلارنى ئۆزىگە بىر قەدەر تونۇشلۇق بولغان بوشلۇق مۇھىتىغا قويۇپ، ئۆزىگە تونۇشلۇق بۇ بوشلۇق مۇھىتى ئارقىلىق ناتونۇش ئۇچۇرلارنى ئەستە ساقلىۋالىدىغان ئۇسۇلنى كۆرسىتىدۇ. مەسىلەن، ئەستە ساقلىغۇچى ئۆيىدىكى ئىشىك، ئۈستەل-ئورۇندۇق، شامالدۇرغۇچ، ھاۋا تەڭشىگۈچ، كىرئالغۇ، توڭلاتقۇ قاتارلىقلارنى ئوخشىمىغان ئۇچۇرلارغا ئۇدۇللاپ، ئاندىن ئۇچۇرلارنى ئوخشىمىغان كاتەكچىلەرگە تولدۇرىدۇ، ناتونۇش ئۇچۇرلارنى ئەستە ساقلىغاندا تەبىئى ھالدا بۇ ناتونۇش ئۇچۇرلارنى ئۆزىگە تونۇش ئۇچۇرلارغا ئۇدۇللايدۇ، بۇنداق قىلغاندا مەززىسىز ئۇچۇرلارنى بىر گۇرۇپپا قىزىقارلىق ئۇچۇرلارغا ئۆزگەرتكىلى بولىدۇ.

كارتىلىق ئەستە ساقلاش ئۇسۇلى دېگىنىمىز ئەستە ساقلاشقا تېگىشلىك ئۇچۇرلارنى كارتىغا خاتىرىلىۋېلىپ، خالىغان ۋاقىت، خالىغان جايدا بۇ ئۇچۇرلارنى تەكرارلاشنى كۆرسىتىدۇ. بۇ ئۇسۇل يەنە «تەكرارلاش ئارقىلىق ئۇنتۇشقا قارشى تۇرۇش ئۇسۇلى» دەپمۇ ئاتىلىدۇ. بۇ ئېببىڭخائۇس ئەگرى سىزىقى پىرىنسىپىدىن بىۋاستە پايدىلىنىلغان ئۇسۇل بولۇپ، ئۇنتۇلۇش سۈرئىتى دەسلەپتە بىر قەدەر تېز بولىدۇ، بىراق ۋاقىتنىڭ ئۆتۈشىگە ئەگىشىپ، ئۇنتۇلۇش سۈرئىتى تەدرىجى ئاستىلايدۇ، ئۇنداقتا ئۇنتۇشقا قارشى تۇرۇش ئۈچۈن چوقۇم ئۇنتۇشنىڭ قانۇنىيىتىگە ئاساسەن مۇۋاپىق تەكرار ۋاقتىنى ئورۇنلاشتۇرۇپ، ئۈزلۈكسىز تەكرار قىلىش ئارقىلىق، بەزى قىسقا مۇددەتلىك خاتىرىلەرنى ئۇزاق مۇددەتلىك خاتىرىگە ئۆزگەرتكىلى بولىدۇ.

ئۇچۇرلارنى قويۇلدۇرۇش ئۇسۇلى دېگىنىمىز ئەستە قالدۇرغۇچى بارلىق ئۇچۇرلارنى بىر ئومۇمى گەۋدە قىلىپ، ئۇچۇرلارنىڭ ئىچكى قانۇنىيىتىنى ئىزدەپ تېپىپ، بەزى مۇھىم مەزمۇنلارنى باغلاشتۇرۇپ، ئاندىن مۇھىم مەزمۇنلاردىن پايدىلىنىپ پۈتۈن گەۋدىنىڭ مەزمۇنىنى ئەسلەيدىغان ئۇسۇلنى كۆرسىتىدۇ. بۇ ئۇسۇلدىن پايدىلىنىپ تېكىست، قەدىمى شېئىر، تارىخى بىلىملەر ۋە جۇغراپىيىلىك بىلىملەرنى ئەستە ساقلىغاندا ئۇچۇرلارنىڭ مىقدارىنى زور دەرىجىدە ئازايتقىلى بولىدۇ، ئۇچۇر مىقدارى ئازلىغان ئىكەن ئەستە قالدۇرۇش سۈرئىتى ۋە ئۈنۈمى تەبىئى ھالدا يۇقىرى كۆتۈرىلىدۇ. بۇ ئۇسۇلنى يەنە «تەپەككۇرنى يېتەكلىگۈچى رەسىم ئۇسۇلى» دەپمۇ ئاتىلىدۇ، تەپەككۇرنى يېتەكلەش رەسىمىدىن پايدىلىنىپ ئەستە ساقلاش ئەمەلىيەتتە دەل ئۇچۇرلارنى قويۇلدۇرۇش ئۇسۇلىدىن پايدىلىنىشتۇر!

يۇقىرىقى ئۇسۇللاردىن پايدىلانسىڭىز چوقۇم پەرزەنتىڭىزنىڭ ئەستە قالدۇرۇش ئىقتىدارىنى كۈچەيتەلەيسىز. ئۇنىڭدىن باشقا ئاستىدىكى ئېلاننى چېكىپ قويسىڭىز كۈندە ئەستە ساقلاش ئىقتىدارىڭىزنى ئاشۇرىدىغان مەزمۇنلاردىن ھوزۇرلىنىپ، تېخىمۇ ئاسان ئەستە ساقلىيالايدىغان بولىسىز.

dastur