ﺳﯩﻔﻠﯩﺲ
ﺑﯩﺮ ﺧﯩﻞ ﻛﯚﭖ ﺋﯘﭼﺮﺍﻳﺪﯨﻐﺎﻥ ﺟﯩﻨﺴﯩﻲ ﻛﯧﺴﻪﻟﻠﯩﻚ ﺑﻮﻟﯘﭖ، ﺳﯩﻔﻠﯩﺲ ﭘﯘﺭﮊﯨﻨﺴﯩﻤﺎﻥ ﺑﺎﻛﺘﯧﺮﯨﻴﯩﺴﻰ ﺑﯩﻠﻪﻥ ﻳﯘﻗﯘﻣﻠﯩﻨﯩﺶ ﺳﻪﯞﻩﺑﯩﺪﯨﻦ ﻛﯧﻠﯩﭗ ﭼﯩﻘﯩﺪﯗ. ﺋﯘﻧﯩﯔ ﺋﺎﺳﺎﺳﻠﯩﻖ ﻳﯘﻗﯘﺵ ﻳﻮﻟﻰ ﺟﯩﻨﺴﯩﻲ ﻳﻮﻝ ﯞﻩ ﺋﺎﻧﯩﺪﯨﻦ ﺑﺎﻟﯩﻐﺎ ﻳﯘﻗﯘﺵ ﻳﻮﻟﯩﺪﯗ. ﺋﻪﮔﻪﺭ ﮪﺎﻣﯩﻠﻪ ﻗﻮﺭﺳﺎﻗﺘﯩﻜﻰ ﯞﺍﻗﺘﯩﺪﺍ ﻳﺎﻛﻰ ﺗﻮﻏﯘﻟﯘﺵ ﺟﻪﺭﻳﺎﻧﯩﺪﺍ ﺋﺎﻧﯩﺴﯩﺪﯨﻦ ﺳﯩﻔﻠﯩﺴﻨﻰ ﻳﯘﻗﺘﯘﺭﯨﯟﺍﻟﻐﺎﻥ ﺑﻮﻟﺴﺎ، ﺑﯘﻧﻰ ﺗﯘﻏﻤﺎ ﺧﺎﺭﺍﻛﺘﯩﺮﻟﯩﻖ ﺳﯩﻔﻠﯩﺲ ﺑﯩﻠﻪﻥ ﻳﻮﻗﯘﻣﻠﯩﻨﯩﺶ ﺩﻩﭖ ﺋﺎﺗﺎﻳﻤﯩﺰ.
ﺳﯩﻔﻠﯩﺲ ﺑﯩﻠﻪﻥ ﻳﻮﻗﯘﻣﻼﻧﻐﯘﭼﯩﻼﺭﻧﯩﯔ ﺋﺎﻻﻣﯩﺘﻰ ﻳﯘﻗﯘﻣﻠﯩﻨﯩﺶ ﺑﺎﺳﻘﯘﭼﯩﻨﯩﯔ ﺋﻮﺧﺸﺎﺵ ﺑﻮﻟﻤﺎﺳﻠﯩﻘﻰ ﺑﯩﻠﻪﻥ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﺋﺎﺩﻩﺗﺘﻪ ﺑﯩﺮﯨﻨﭽﻰ ﺑﺎﺳﻘﯘﭺ، ﺋﯩﻜﻜﯩﻨﭽﻰ ﺑﺎﺳﻘﯘﭺ، ﻳﯘﺷﯘﺭﯗﻥ ﺑﺎﺳﻘﯘﭺ ﯞﻩ ﺋﯜﭼﯩﻨﭽﻰ ﺑﺎﺳﻘﯘﭺ ﺩﻩﭖ ﺗﯚﺕ ﺑﺎﺳﻘﯘﭼﻘﺎ ﺑﯚﻟﯩﻨﯩﺪﯗ.
ﺑﯩﺮﯨﻨﭽﻰ ﺑﺎﺳﻘﯘﭺ
ﺋﺎﺩﻩﺗﺘﻪ ﻣﯘﺷﯘ ﻛﯧﺴﻪﻝ ﺑﯩﻠﻪﻥ ﻳﻮﻗﯘﻣﻼﻧﻐﯘﭼﯩﻼﺭ ﺑﯩﻠﻪﻥ ﺟﯩﻨﺴﯩﻲ ﺋﯘﭼﺮﯨﺸﯩﺶ ﺑﻮﻟﯘﭖ 3-90 ﻛﯜﻧﺪﻩ ﺋﯘﭼﺮﺍﺷﻘﺎﻥ ﺗﯧﺮﻩ ﺭﺍﻳﻮﻧﯩﺪﺍ ﺑﯩﺮ ﺧﯩﻞ ﺋﺎﻗﯘﺵ ﻳﺎﺭﺍ ﻛﯚﺭﯨﻠﯩﺪﯗ. ﺑﯘ ﺧﯩﻞ ﺗﯧﺮﯨﺪﯨﻜﻰ ﻛﯧﺴﻪﻟﻠﯩﻚ ﻛﯚﭖ ﻗﯩﺴﯩﻢ ﮪﺎﻟﻼﺭﺩﺍ (%40 ﺋﻪﮪﯟﺍﻟﺪﺍ) ﺗﺎﻕ ﻛﯧﺴﻪﻟﻠﯩﻚ ﺋﯘﭼﯩﻘﻰ ﺑﻮﻟﯘﭖ، ﺋﺎﻏﺮﯨﻤﺎﻳﺪﯗ، ﻗﯩﭽﯩﺸﻤﺎﻳﺪﯗ، ﻳﯜﺯﻯ ﭘﺎﻛﯩﺰﻩ ﺑﻮﻟﯘﭖ ﺋﺎﺩﻩﺗﺘﻪ ﮪﯩﭽﻘﺎﻧﺪﺍﻕ ﺳﯘﻳﯘﻗﻠﯘﻕ ﺋﺎﻗﻤﺎﻳﺪﯗ، ﭼﯧﮕﺮﯨﺴﻰ ﺋﯧﻨﯩﻖ ﻳﺎﺭﺍ ﺑﻮﻟﯘﭖ ﺩﯨﺌﺎﻣﯧﺘﯩﺮﻯ 0.3 ﺳﺎﻧﺘﯩﻤﯩﺘﯩﺮﺩﯨﻦ 3 ﺳﺎﻧﺘﯩﻤﯩﺘﯩﺮﮔﯩﭽﻪ ﺑﻮﻟﯩﺪﯗ. ﺋﺎﺩﻩﺗﺘﻪ ﻗﺎﺭﺷﻰ ﺗﻪﺭﻩﭘﻨﯩﯔ ﻣﯘﺷﯘﻧﺪﺍﻕ ﻛﯧﺴﻪﻟﻠﯩﻚ ﺋﯘﭼﯘﻗﻰ ﺑﺎﺭ ﺭﺍﻳﻮﻧﻰ ﺑﯩﻠﻪﻥ ﺋﯘﭼﺮﺍﺷﻘﺎﻥ ﺋﻮﺭﯗﻧﺪﺍ ﻛﯚﺭﯨﻠﯩﺪﯗ. ﺑﯩﺮ ﻗﺎﻥ ﻛﯧﺴﻪﻟﻠﯩﻚ ﺋﯘﭼﯘﻗﻰ ﺗﻪﯓ ﻛﯚﺭﯨﻠﯩﺪﯨﻐﺎﻥ ﺋﻪﮪﯟﺍﻟﻼﺭﻣﯘ ﺋﯘﭼﺮﺍﻳﺪﯗ (%40)، ﻟﯧﻜﯩﻦ ﺑﯘﻧﺪﺍﻕ ﺋﻪﮪﯟﺍﻝ ﺋﻪﻳﺪﯨﺰ ﺑﯩﻠﻪﻥ ﻳﻮﻗﯘﻣﻠﯩﻨﯩﻮ ﻗﺎﻟﻐﯘﭼﯩﻼﺭﺩﺍ ﻛﯚﭘﺮﻩﻙ ﺋﯘﭼﺮﺍﻳﺪﯗ. ﺑﻪﺯﯨﺪﻩ ﻛﯧﺴﻪﻟﻠﯩﻚ ﺋﯘﭼﯩﻘﻰ ﺋﺎﻏﺮﯨﺸﯩﻤﯘ ﻣﯘﻣﻜﯩﻦ، ﺑﻪﺯﯨﺪﻩ ﮪﻪﺗﺘﺎ ﺟﯩﻨﺴﯩﻲ ﺋﻪﺯﺍﺩﯨﻦ ﺑﺎﺷﻘﺎ ﺭﺍﻳﻮﻧﺪﺍ ﻛﯚﺭﯨﻠﯩﺸﯩﻤﯘ ﻣﯘﻣﻜﯩﻦ. ﺋﺎﻳﺎﻟﻼﺭﺩﺍ ﻛﯧﺴﻪﻟﻠﯩﻚ ﺋﯘﭼﯩﻘﻰ ﺑﺎﻟﯩﻴﺎﺗﻘﯘ ﺑﻮﻳﻨﯩﺪﺍ ﻛﯚﭘﺮﻩﻙ ﻛﯚﺭﯨﻠﯩﺪﯗ، ﺋﻪﺭﻟﻪﺭﺩﻩ ﺋﺎﺳﺎﺳﻪﻥ ﺯﻩﻛﻪﺭ ﺑﯧﺸﯩﺪﺍ ﻛﯚﺭﯨﻠﯩﺪﯗ. ﻛﯧﺴﻪﻟﻠﯩﻚ ﺋﯘﭼﯩﻘﻰ ﺋﻪﺗﺮﺍﭘﯩﺪﯨﻜﻰ ﻟﯩﻤﻔﺎ ﺑﻪﺯﻟﯩﺮﯨﺪﻩ ﺋﯩﺸﺸﯩﺶ ﻛﯚﺭﯨﻠﯩﺪﯗ. ﺑﯘ ﺧﯩﻞ ﻛﯧﺴﻪﻟﻠﯩﻚ ﺋﯘﭼﯩﻘﻰ ﺋﺎﺩﻩﺗﺘﻪ ﮪﯩﭽﻘﺎﻧﺪﺍﻕ ﺩﺍﯞﺍﻻﺵ ﻗﯩﻠﻤﯩﻐﺎﻥ ﺋﻪﮪﯟﺍﻝ ﺋﺎﺳﺘﯩﺪﺍ ﺗﻪﺧﻤﯩﻨﻪﻥ 3 ﺗﯩﻦ 6 ﮪﻪﭘﺘﯩﮕﯩﭽﻪ ﺗﻮﺭﯗﭖ ﺋﯚﺯﻟﯩﻜﯩﺪﯨﻦ ﻳﯘﻗﺎﭖ ﻛﯧﺘﯩﺸﻰ ﻣﯘﻣﻜﯩﻦ. ﺑﯘ ﯞﺍﻗﯩﺘﺘﺎ ﻛﯧﺴﻪﻟﻠﯩﻚ ﺋﯩﻜﻜﯩﻨﭽﻰ ﺑﺎﺳﻘﯘﭼﻘﺎ ﺋﯚﺗﻜﻪﻥ ﺑﻮﻟﯩﺪﯗ.
ﺋﯩﻜﻜﯩﻨﭽﻰ ﺑﺎﺳﻘﯘﭺ
ﺗﯘﻧﺠﻰ ﻳﯘﻗﯘﻣﻠﯩﻨﯩﭗ 4 ﮪﻪﭘﺘﯩﺪﯨﻦ 10 ﮪﻪﭘﺘﯩﮕﯩﭽﻪ ﺑﻮﻟﻐﺎﻧﺪﺍ ﻛﯧﺴﻪﻟﻠﯩﻚ ﺋﯩﻜﻜﯩﻨﭽﻰ ﺑﺎﺳﻘﯘﭼﻘﺎ ﻛﯩﺮﯨﺪﯗ. ﮔﻪﺭﭼﻪ ﺋﯩﻜﻜﯩﻨﭽﻰ ﺑﺎﺳﻘﯘﭼﺘﺎ ﻛﯧﺴﻪﻟﻠﯩﻚ ﺋﺎﻻﻣﻪﺗﻠﯩﺮﻯ ﮪﻪﺭ ﺧﯩﻞ ﺑﻮﻟﺴﯩﻤﯘ، ﻟﯧﻜﯩﻦ ﺋﺎﻻﻣﻪﺕ ﺋﺎﺳﺎﺳﻪﻥ ﺗﯧﺮﻩ، ﺷﯩﻠﻠﯩﻖ ﭘﻪﺭﺩﻩ ﯞﻩ ﻟﯩﻤﻔﺎ ﺑﻪﺯﻟﯩﺮﯨﺪﻩ ﻛﯚﺭﯨﻠﯩﺪﯗ. ﭘﯜﺗﯜﻥ ﺑﻪﺩﻩﻧﺪﻩ ﺳﯩﻤﻤﯩﺘﯩﺮﯨﻚ ﺗﺎﻗﺎﻟﻐﺎﻥ، ﻗﯩﺰﻏﯘﭺ، ﻗﯩﭽﯩﺸﻤﺎﻳﺪﯨﻐﺎﻥ ﺋﻪﺳﯟﻩ ﭘﻪﻳﺪﺍ ﺑﻮﻟﯩﺸﻰ ﻣﯘﻣﻜﯩﻦ، ﺑﯘﻧﺪﺍﻙ ﺋﻪﺳﯟﻩﻟﻪﺭ ﺋﺎﺩﻩﺗﺘﻪ ﺋﺎﻟﻘﺎﻥ ﯞﻩ ﺗﺎﭘﺎﻧﻐﯩﻤﯘ ﭼﯩﻘﯩﺪﯗ. ﺗﯧﺮﯨﮕﻪ ﭼﯩﻘﻘﺎﻥ ﺑﯘ ﺧﯩﻞ ﺋﻪﺳﯟﻩﻟﻪﺭﺩﻩ ﺑﺎﻛﺘﯩﺮﯨﻴﻪ ﺑﻮﻟﯘﭖ ﻳﯘﻗﯘﺷﭽﺎﻧﻠﯩﻘﻘﺎ ﺋﯩﮕﻪ. ﺗﯧﺮﯨﺪﯨﻜﻰ ﺋﻪﺳﯟﻩﺩﯨﻦ ﺑﺎﺷﻘﺎ ﻳﻪﻧﻪ ﺑﻪﺩﻩﻥ ﻗﯩﺰﯨﺶ، ﮔﯧﻠﻰ ﺋﺎﻏﺮﯨﺶ، ﮪﺎﺭﻏﯩﻨﻠﯩﻖ، ﺑﻪﺩﻩﻥ ﺋﯧﻐﯩﺮﻟﯩﻘﻰ ﭼﯜﺷﯜﭖ ﻛﯧﺘﯩﺶ، ﭼﯧﭽﻰ ﭼﯜﺷﯜﺵ، ﺑﺎﺵ ﺋﺎﻏﺮﯨﺶ ﻗﺎﺗﺎﺭﻟﯩﻖ ﺋﺎﻻﻣﻪﺗﻠﻪﺭ ﻛﯚﺭﯨﻠﯩﺪﯗ. ﺋﯩﻜﻜﯩﻨﭽﻰ ﺑﺎﺳﻘﯘﭼﺘﯩﻜﻰ ﺋﺎﻻﻣﻪﺗﻠﻪﺭ ﺋﺎﺩﻩﺗﺘﻪ 3-6 ﮪﻪﭘﺘﯩﺪﻩ ﻳﯘﻗﺎﻳﺪﯗ، ﺑﯩﺮ ﻗﯩﺴﯩﻢ ﻳﻮﻗﯘﻣﻼﻧﻐﯘﭼﯩﻼﺭﺩﺍ (%25) ﺋﺎﻻﻣﻪﺕ ﻳﯘﻗﯩﻐﺎﻧﺪﯨﻦ ﻛﯧﻴﯩﻦ ﻳﻪﻧﻪ ﻗﺎﻳﺘﺎ ﺋﯩﻜﻜﯩﻨﭽﻰ ﺑﺎﺳﻘﯘﭼﻨﯩﯔ ﺋﺎﻻﻣﻪﺗﻠﯩﺮﻯ ﻛﯚﺭﯨﻠﯩﺸﻰ ﻣﯘﻣﻜﯩﻦ.
ﻳﯘﺷﯘﺭﯗﻥ ﺑﺎﺳﻘﯘﭺ
ﺋﯩﻜﻜﯩﻨﭽﻰ ﺑﺎﺳﻘﯘﭼﺘﯩﻦ ﺋﯚﺗﻜﻪﻧﺪﯨﻦ ﻛﯧﻴﯩﻦ، ﻳﻮﻗﯘﻣﻼﻧﻐﯘﭼﯩﻼﺭﺩﺍ ﮪﯧﭽﻘﺎﻧﺪﺍﻥ ﺋﺎﻻﻣﻪﺕ ﻗﺎﻟﻤﺎﻱ، ﭘﻪﻗﻪﺕ ﻗﺎﻥ ﺗﻪﻛﺸﯜﺭﮔﻪﻧﺪﯨﻼ ﻳﻮﻗﯘﻣﻼﻧﻐﺎﻧﻠﯩﻘﯩﻨﻰ ﺑﯩﻠﮕﯩﻠﻰ ﺑﻮﻟﯩﺪﯨﻐﺎﻥ ﮪﺎﻟﻪﺕ ﺷﻪﻛﯩﻠﻠﯩﻨﯩﺪﯗ. ﺑﯘ ﺧﯩﻞ ﻳﻮﻗﯘﻣﻠﯩﻨﯩﺶ ﮪﺎﻟﯩﺘﻰ ﻳﯘﺷﯘﺭﯗﻥ ﺑﺎﺳﻘﯘﭺ ﺩﻩﭖ ﺋﺎﺗﯩﻠﯩﺪﯗ. ﻳﯘﺷﯘﺭﯗﻥ ﺑﺎﺳﻘﯘﭺ ﻳﻪﻧﯩﻤﯘ ﺋﯩﻠﮕﯩﺮﯨﻠﯩﮕﻪﻥ ﮪﺎﻟﺪﺍ ﺩﻩﺳﻠﻪﭘﻜﻰ ﻳﯘﺷﯘﺭﯗﻥ ﺑﺎﺳﻘﯘﭺ ﯞﻩ ﻛﯧﻴﯩﻨﻜﻰ ﻳﯘﺷﯘﺭﯗﻥ ﺑﺎﺳﻘﯘﭺ ﺩﻩﭖ ﺋﯩﻜﻜﯩﮕﻪ ﺑﯚﻟﯩﻨﯩﺪﯗ (ﺋﯩﻜﻜﯩﻨﭽﻰ ﺑﺎﺳﻘﯘﭼﺘﯩﻦ ﺋﯚﺗﻜﻪﻧﺪﯨﻦ ﻛﯧﻴﯩﻨﻜﻰ ﺑﯩﺮ ﻳﯩﻠﻨﯩﯔ ﺋﯩﭽﻰ ﺩﻩﺳﻠﻪﭘﻜﻰ ﻳﻮﺷﯘﺭﯗﻥ ﺑﺎﺳﻘﯘﭺ، ﺑﯩﺮ ﻳﯩﻠﺪﯨﻦ ﻛﯧﻴﯩﻦ ﻛﯧﻴﯩﻨﻜﻰ ﻳﻮﺷﯘﺭﯗﻥ ﺑﺎﺳﻘﯘﭺ ﺩﻩﭖ، ﺋﺎﻳﺮﯨﻠﻐﺎﻥ). ﺩﻩﺳﻠﻪﭘﻜﻰ ﻳﯘﺷﯘﺭﯗﻥ ﺑﺎﺳﻘﯘﭼﺘﯩﻜﻰ ﻳﻮﻗﯘﻣﻼﻧﻐﯘﭼﯩﻼﺭﻧﯩﯔ ﻳﻮﻗﯘﻣﻼﻧﺪﯗﺭﯗﺵ ﺋﯩﻘﺘﯩﺪﺍﺭﻯ ﻛﯧﻴﯩﻨﻜﻰ ﻳﻮﺷﯘﺭﯗﻥ ﺑﺎﺳﻘﯘﭼﺘﯩﻜﻰ ﻳﯘﻗﯘﻣﻼﻧﻐﯘﭼﯩﻼﺭﻏﺎ ﻗﺎﺭﯨﻐﺎﻧﺪﺍ ﻛﯜﭼﻠﯜﻛﺮﻩﻙ ﺑﻮﻟﯩﺪﯗ.
ﺋﯜﭼﯩﻨﭽﻰ ﺑﺎﺳﻘﯘﭺ
ﺋﻪﮔﻪﺭ ﮪﯧﭽﻘﺎﻧﺪﺍﻥ ﺩﺍﯞﺍﻻﺵ ﺗﻪﺩﺑﯩﺮﻯ ﻗﻮﻟﻠﯩﻨﯩﻠﻤﯩﺴﺎ ﺗﻪﺧﻤﯩﻨﻪﻥ ﺋﯜﭼﺘﯩﻦ ﺑﯩﺮ ﻗﯩﺴﯩﻢ ﻳﯘﻗﯘﻣﻼﻧﻐﯘﭼﻰ ﺩﻩﺳﻠﻪﭘﺘﻪ ﻳﯘﻗﯘﻣﻠﯩﻨﯩﭗ 3 ﻳﯩﻠﺪﯨﻦ 15 ﻳﯩﻠﻐﯩﭽﻪ ﯞﺍﻗﯩﺖ ﺋﯚﺗﻜﻪﻧﺪﯨﻦ ﻛﯧﻴﯩﻦ ﺋﯜﭼﯩﻨﭽﻰ ﺑﺎﺳﻘﯘﭼﻘﺎ ﻛﯩﺮﯨﺪﯗ. ﺋﯜﭼﯩﻨﭽﻰ ﺑﺎﺳﻘﯘﭼﺘﯩﻜﻰ ﻳﻮﻗﯘﻣﻼﻧﻐﯘﭼﯩﻼﺭﺩﺍ ﺋﺎﻻﻣﻪﺗﻨﻰ ﺋﯜﭺ ﺋﺎﺳﺎﺳﯩﻲ ﺗﯜﺭﮔﻪ ﺋﺎﻳﺮﯨﺸﻘﺎ ﺑﻮﻟﯩﺪﯗ، ﺋﯘﻻﺭ ﻳﯩﻠﯩﻤﺴﯩﻤﺎﻥ ﺋﯩﺸﺸﯩﻖ ﺗﯩﭙﻠﯩﻖ ﺳﯩﻔﻠﯩﺲ، ﻧﯧﺮﯞﺍ ﺳﯧﺴﺘﯩﻤﯩﺴﻨﯩﯔ ﺳﯩﻔﻠﯩﺴﻰ ﯞﻩ ﻳﯜﺭﻩﻙ ﻗﺎﻥ-ﺗﻮﻣﯘﺭ ﺳﯧﺴﺘﯩﻤﯩﺴﯩﻨﯩﯔ ﺳﯩﻔﯩﻠﯩﺴﻰ. ﺋﻪﮔﻪﺭ ﺩﺍﯞﺍﻻﺵ ﻗﯩﻠﻤﯩﻐﺎﻧﺪﺍ ﺳﯩﻔﯩﻠﯩﺲ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﯩﻼﺭﻧﯩﯔ ﺗﻪﺧﻤﯩﻨﻪﻥ %30 ﺗﻰ ﺋﯜﭼﯩﻨﭽﻰ ﺑﺎﺳﻘﯘﭼﻘﺎ ﺗﻪﺭﻩﻗﻘﻰ ﻗﯩﻠﯩﺪﯗ. ﺋﯜﭼﯩﻨﭽﻰ ﺑﺎﺳﻘﯘﭼﺘﯩﻜﻰ ﻳﻮﻗﯘﻣﻼﻧﻐﯘﭼﯩﻼﺭﺩﺍ ﺋﺎﺩﻩﺗﺘﻪ ﺋﺎﻻﻣﻪﺕ ﺑﻮﻟﻤﺎﻳﺪﯗ.
ﻳﯩﻠﯩﻤﺴﯩﻤﺎﻥ ﺋﯩﺸﺸﯩﻖ ﺗﯩﭙﻠﯩﻖ ﺳﯩﻔﻠﯩﺲ ﺋﺎﺩﻩﺗﺘﻪ ﻳﯘﻗﯘﻣﻠﯩﻨﯩﭗ 1 ﻳﯩﻠﺪﯨﻦ 46 ﻳﯩﻠﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ، ﺋﻮﺗﺘﯘﺭﺍ ﮪﯧﺴﺎﺏ ﺑﯩﻠﻪﻥ 15 ﻳﯩﻠﺪﯨﻦ ﻛﯧﻴﯩﻦ ﻛﯚﺭﯛﻟﯩﺪﯗ. ﺋﯘ ﺑﯩﺮ ﺧﯩﻞ ﻳﯘﻣﺸﺎﻕ، ﺋﯚﺳﻤﯩﮕﻪ ﺋﻮﺧﺸﺎﻳﺪﯨﻐﺎﻥ ﻣﯘﻧﻪﻙ ﺑﻮﻟﯘﭖ، ﭼﻮﯓ-ﻛﯩﭽﯩﻜﻠﯩﻜﻰ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﺋﯧﺪﻩﺗﺘﻪ ﺗﯧﺮﻩ، ﺳﯜﯕﻪﻙ ﯞﻩ ﺟﯩﮕﻪﺭﺩﻩ ﻛﯚﭘﺮﻩﻙ ﺋﯘﭼﺮﺍﻳﺪﯗ، ﻟﯧﻜﯩﻦ ﺑﻪﺩﻩﻧﻨﯩﯔ ﺑﺎﺷﻘﺎ ﮪﻪﺭﻗﺎﻧﺪﺍﻕ ﺟﺎﻳﯩﺪﯨﻤﯘ ﭘﻪﻳﺪﺍ ﺑﻮﻟﯩﺸﻰ ﻣﯘﻣﻜﯩﻦ.
ﻧﯧﺮﯞﺍ ﺳﯩﺴﺘﯧﻤﯩﺴﻨﯩﯔ ﺳﯩﻔﻠﯩﺴﻰ ﺋﺎﺩﻩﺗﺘﻪ ﻳﯘﻗﯘﻣﻠﯩﻨﯩﭗ 4-25 ﻳﯩﻞ ﺑﻮﻟﻐﺎﻧﺪﺍ ﭘﻪﻳﺪﺍ ﺑﻮﻟﯩﺪﯗ. ﺋﺎﻻﻣﯩﺘﻰ ﻛﯚﭖ ﺧﯩﻞ ﺑﻮﻟﯘﭖ، ﺋﺎﺳﺎﺳﻠﯩﻘﻰ ﮔﻮﻣﯘﺷﻠﯘﻕ، ﺗﯘﺗﻘﺎﻗﻠﯩﻖ، ﺑﯩﺮ ﻧﻪﺭﺳﯩﻠﻪﺭﮔﻪ ﻗﯩﺰﯨﻘﻤﺎﺱ ﺑﻮﻟﯘﭖ ﻗﯧﻠﯩﺶ، ﭘﺎﺭﺍﻟﯩﭻ ﺑﻮﻟﯘﺵ ﻗﺎﺗﺎﺭﻟﯩﻖ ﺋﺎﻻﻣﻪﺗﻠﻪﺭ ﻛﯚﺭﯛﻟﯩﺸﻰ ﻣﯘﻣﻜﯩﻦ.
ﻳﯜﺭﻩﻙ ﻗﺎﻥ-ﺗﻮﻣﯘﺭ ﺳﯩﺴﺘﯧﻤﯩﺴﯩﻨﯩﯔ ﺳﯩﻔﯩﻠﯩﺴﻰ ﺋﺎﺩﻩﺗﺘﻪ ﻳﯘﻗﯘﻣﻠﯩﻨﯩﭗ 10-30 ﻳﯩﻞ ﺋﯚﺗﻜﻪﻧﺪﻩ ﺷﻪﻛﯩﻠﻠﯩﻨﯩﺪﯗ. ﺋﺎﺳﺎﺳﻠﯩﻖ ﺋﺎﺋﻮﺭﺗﺎ (ﺑﻪﺩﻩﻧﺪﯨﻜﻰ ﻏﻮﻝ ﻗﯩﺰﯨﻞ ﺗﯘﻣﯘﺭ) ﺩﺍ ﻗﺎﻥ-ﺗﻮﻣﯘﺭ ﻳﺎﻟﻠﯘﻗﻰ، ﻗﺎﻥ-ﺗﻮﻣﯘﺭ ﺋﯚﺳﻤﯩﺴﻰ، ﻗﺎﻥ-ﺗﯘﻣﯘﺭ ﺋﯚﺳﻤﯩﺴﯩﻨﯩﯔ ﻳﯧﺮﯨﻠﯩﭗ ﭼﻮﯓ ﻗﺎﻧﺎﺵ ﻳﯜﺯ ﺑﯧﺮﯨﭗ ﺋﯚﻟﯜﭖ ﻛﯧﺘﯩﺶ ﻗﺎﺗﺎﺭﻟﯩﻖ ﺋﻪﮪﯟﺍﻟﻼﺭﻧﻰ ﭘﻪﻳﺪﺍ ﻗﯩﻠﯩﺪﯗ.
ﺗﯘﻏﻤﺎ ﺳﯩﻔﯩﻠﯩﺲ
ﺗﯘﻏﻤﺎ ﺳﯩﻔﯩﻠﯩﺲ ﺋﺎﺩﻩﺗﺘﻪ ﮪﺎﻣﯩﻠﻪ ﻗﻮﺭﺳﺎﻗﺘﯩﻜﻰ ﯞﺍﻗﺘﯩﺪﺍ ﻳﺎﻛﻰ ﺗﯘﻏﯘﻟﯘﺵ ﺟﻪﺭﻳﺎﻧﯩﺪﺍ ﺋﺎﻧﯩﺴﯩﺪﯨﻦ ﻳﯘﻗﯘﻣﻠﯩﻨﯩﺪﯗ (ﺋﺎﻧﯩﺴﻰ ﻳﯘﻗﯘﻣﻼﻧﻐﯘﭼﻰ ﺑﻮﻟﺴﺎ). ﺑﯘﻧﺪﺍﻕ ﻳﻮﻗﯘﻣﻠﯩﻨﯩﭗ ﻗﺎﻟﻐﺎﻥ ﺑﻮﯞﺍﻗﻼﺭﻧﯩﯔ ﺋﯜﭼﺘﯩﻦ ﺋﯩﻜﻜﯩﺴﯩﺪﻩ ﮪﯧﭽﻘﺎﻧﺪﺍﻕ ﺋﺎﻻﻣﻪﺕ ﻛﯚﺭﯛﻟﻤﻪﻳﺪﯗ. ﻟﯧﻜﯩﻦ ﺑﯩﺮﻩﺭ ﺋﯩﻜﻜﻰ ﻳﯩﻠﺪﯨﻦ ﻛﯧﻴﯩﻦ ﺋﺎﺳﺘﺎ-ﺋﺎﺳﺘﺎ ﺋﺎﻻﻣﻪﺕ ﺷﻪﻛﯩﻠﻠﯩﻨﯩﺪﯗ، ﺋﺎﺳﺎﺳﻠﯩﻘﻰ ﺟﯩﮕﻪﺭ ﺗﺎﻝ ﻳﻮﻏﯩﻨﺎﺵ، ﺗﯧﺮﯨﮕﻪ ﺋﻪﺳﯟﻩ ﭼﯩﻘﯩﺶ، ﺑﻪﺩﻩﻥ ﻗﯩﺰﯨﺶ، ﻧﯧﺮﯞﺍ ﺳﯧﺴﺘﯩﻤﯩﺴﯩﻨﯩﯔ ﺳﯩﻔﯩﻠﯩﺴﻰ ﯞﻩ ﺋﯚﭘﻜﻪ ﻳﺎﻟﻠﯘﻏﻰ ﻗﺎﺗﺎﺭﻟﯩﻘﻼﺭ.
ﻳﯘﻗﯘﺵ ﻳﻮﻟﻰ
ﺋﺎﺳﺎﺳﻠﯩﻘﻰ ﺟﯩﻨﺴﯩﻲ ﻣﯘﻧﺎﺳﯩﯟﻩﺕ ﯞﻩ ﺋﺎﻧﯩﺪﯨﻦ ﺑﺎﻟﯩﻐﺎ ﻳﻮﻗﯩﺪﯗ. ﻳﺎﺭﺍ ﺋﯧﻐﯩﺰﻯ ﺑﺎﺭ ﺷﯩﻠﻠﯩﻖ ﭘﻪﺭﺩﻩ ﯞﻩ ﺗﯧﺮﯨﻠﻪﺭﻧﯩﯔ ﺑﯩﺮ-ﺑﯩﺮﻯ ﺑﯩﻠﻪﻥ ﺋﯘﭼﺮﯨﺸﯩﺸﯩﺪﯨﻨﻤﯘ ﻳﯘﻗﯘﻣﻼﻧﻐﯘﭼﯩﻼﺭ ﺳﺎﻕ ﻛﯩﺸﯩﻠﻪﺭﮔﻪ ﻳﯘﻗﺘﯘﺭﯨﺸﻰ ﻣﯘﻣﻜﯩﻦ. ﺷﯘﯕﺎ ﻛﯧﺴﻪﻟﻠﯩﻚ ﺋﯧﻐﯩﺰﯨﻨﻰ ﯞﻩ ﻳﯧﻘﯩﻦ ﺋﻪﺗﺮﺍﭘﯩﻨﻰ ﺳﯚﻳﮕﻪﻧﺪﯨﻤﯘ ﻳﻮﻗﯘﻣﻠﯩﻨﯩﺪﯨﻐﺎﻥ ﺋﯩﺸﻼﺭ ﺑﻮﻟﯩﺪﯗ. ﺑﯩﺮﯨﻨﭽﻰ ﺑﺎﺳﻘﯘﭺ ﯞﻩ ﺋﯩﻜﻜﯩﻨﭽﻰ ﺑﺎﺳﻘﯘﭼﺘﯩﻜﻰ ﺳﯩﻔﯩﻠﯩﺲ ﺑﯩﻠﻪﻥ ﻳﻮﻗﯘﻣﻼﻧﻐﯘﭼﯩﻼﺭ ﺑﯩﻠﻪﻥ ﺋﯘﭼﺮﺍﺷﻘﺎﻧﻼﺭﻧﯩﯔ %30-%60 ﺗﻰ ﻳﻮﻗﯘﻣﻠﯩﻨﯩﺪﯗ. ﺑﯘ ﺧﯩﻞ ﻛﯧﺴﻪﻝ ﻗﺎﻥ ﺋﺎﺭﻗﯩﻠﯩﻘﻤﯘ ﻳﻮﻗﯘﺷﻰ ﻣﯘﻣﻜﯩﻦ، ﻟﯧﻜﯩﻦ ﻗﺎﻥ ﺋﺎﺭﻗﯩﻠﯩﻖ ﻳﯘﻗﯘﺵ ﺧﯧﻴﯩﻢ-ﺧﻪﺗﯩﺮﻯ ﺗﯚﯞﻩﻧﺮﻩﻙ ﺑﻮﻟﯩﺪﯗ. ﻟﯧﻜﯩﻦ ﺳﯩﻔﯩﻠﯩﺲ ﺋﺎﺩﻩﺗﺘﻪ ﮪﺎﺟﻪﺗﺨﺎﻧﺎ، ﻣﯘﻧﭽﺎ، ﻛﯜﻧﺪﯨﻠﯩﻚ ﺋﯘﭼﺮﯨﺸﯩﺶ، ﻛﯧﻴﯩﻢ-ﻛﯧﭽﻪﻙ ﯞﻩ ﺗﺎﻣﺎﻕ ﻗﺎﭼﯩﻠﯩﺮﻯ ﺋﺎﻗﯩﻠﯩﻖ ﻳﯘﻗﻤﺎﻳﺪﯗ.
ﺩﯨﺌﺎﮔﻨﻮﺯ ﻗﻮﻳﯘﺵ
ﺳﯩﻔﯩﻠﯩﺴﻨﯩﯔ ﺩﻩﺳﻠﻪﭘﻜﻰ ﺑﺎﺳﻘﯘﭼﯩﺪﺍ ﺋﺎﻻﻣﯩﺘﯩﮕﻪ ﻗﺎﺭﺍﭖ ﺩﯨﺌﺎﮔﻨﻮﺯ ﻗﻮﻳﯘﺵ ﺳﻪﻝ ﺗﻪﺳﺮﻩﻙ. ﺩﯨﺌﺎﮔﻨﻮﺯﻧﻰ ﻣﯘﻗﯩﻤﻼﺷﺘﯘﺭﯗﺵ ﺋﯜﭼﯜﻥ ﺋﺎﺩﻩﺗﺘﻪ ﻗﺎﻥ ﺗﻪﻛﺸﯜﺭﯛﺵ ﺋﯘﺳﯘﻟﻰ ﻗﻮﻟﻠﯩﻨﯩﻠﯩﺪﯗ. ﺑﻪﺯﯨﺪﻩ ﺗﯧﺮﯨﺪﯨﻜﻰ ﻛﯧﺴﻪﻟﻠﯩﻚ ﺋﯧﻐﯩﺰﯨﻨﻰ ﻗﯩﺮﯨﭗ ﭼﯜﺷﯜﺭﯛﭖ، ﻣﯩﻜﺮﻭﺳﻜﻮﭖ ﺋﺎﺳﺘﯩﺪﺍ ﻛﯚﺯﯨﺘﯩﺶ ﺋﺎﺭﻗﯩﻠﯩﻘﻤﯘ ﺩﯨﺌﺎﮔﻨﻮﺯ ﻗﻮﻳﯘﻟﯩﺪﯗ. ﻟﯧﻜﯩﻦ ﻣﻪﻳﻠﻰ ﻗﺎﻳﺴﯩﻼ ﺧﯩﻞ ﺩﯨﺌﺎﮔﻨﻮﺯ ﻗﻮﻳﯘﺵ ﺋﯘﺳﯘﻟﻰ ﺑﻮﻟﺴﯘﻥ ﮪﻪﺭﻗﺎﻳﺴﻰ ﺑﺎﺳﻘﯘﭼﻼﺭﻧﻰ ﭘﻪﺭﻕ ﺋﯧﺘﻪﻟﻤﻪﻳﺪﯗ، ﺳﯩﻔﯩﻠﯩﺴﻨﯩﯔ ﻛﯧﺴﻪﻟﻠﯩﻚ ﺑﺎﺳﻘﯘﭼﯩﻐﺎ ﺩﯨﺌﺎﮔﻨﻮﺯ ﻗﻮﻳﯘﺳﺘﺎ ﺋﺎﺩﻩﺗﺘﻪ ﻛﯧﺴﻪﻟﻠﯩﻚ ﺗﺎﺭﯨﺨﯩﻐﺎ ﺋﺎﺳﺎﺳﻪﻥ ﺑﻮﻟﯩﺪﯗ.
ﺳﯩﻔﯩﻠﯩﺴﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ
ﺳﯩﻔﯩﻠﯩﺴﻨﯩﯔ ﺋﺎﻟﺪﯨﻨﻰ ﺋﺎﻟﯩﺪﯨﻐﺎﻥ ﯞﺍﻛﺴﯩﻨﺎ ﺗﯧﺨﻰ ﮪﺎﺯﯨﺮﻏﯩﭽﻪ ﻳﺎﺳﺎﻟﻐﯩﻨﻰ ﻳﻮﻕ، ﺷﯘﯕﺎ ﺋﻪﯓ ﻳﺎﺧﺸﻰ ﺋﺎﻟﺪﯨﻨﻰ ﺋﯧﻠﯩﺶ ﺋﯘﺳﯘﻟﻰ ﻳﻪﻧﯩﻼ ﺳﯩﻔﯩﻠﯩﺲ ﺑﯩﻠﻪﻥ ﻳﻮﻗﯘﻣﻼﻧﻐﯘﭼﯩﻼﺭ ﺑﯩﻠﻪﻥ ﺟﯩﻨﺴﯩﻲ ﻣﯘﻧﺎﺳﯩﯟﻩﺕ ﺋﯚﺗﻜﯜﺯﻣﻪﺳﻠﯩﻚ ﯞﻩ ﺷﯘﻧﺪﺍﻗﻼ ﺑﯩﺨﻪﺗﻪﺭﻟﯩﻚ ﻗﺎﭘﭽﯘﻗﯩﻨﻰ ﻳﺎﺧﺸﻰ ﺋﯩﺸﻠﯩﺘﯩﺶ. ﻟﯧﻜﯩﻦ ﺑﯩﺨﻪﺗﻪﺭﻟﯩﻚ ﻗﺎﭘﭽﯘﻗﯩﻨﯩﯔ ﺋﯜﻧﯜﻣﻰ %100 ﺋﻪﻣﻪﺱ. ﺷﯘﯕﺎ ﻳﻪﻧﯩﻼ ﺋﯚﺯ ﺟﻮﺭﯨﺴﯩﻐﺎ ﺳﺎﺩﯨﻖ ﺑﻮﻟﯘﺵ ﺋﻪﯓ ﻳﺎﺧﺸﻰ ﺋﺎﻟﺪﯨﻨﻰ ﺋﯧﻠﯩﺶ ﺋﯘﺳﯘﻟﻰ ﺑﻮﻟﯘﭖ ﮪﯧﺴﺎﭘﻠﯩﻨﯩﺪﯗ. ﮪﺎﺭﺍﻕ ﯞﻩ ﺑﺎﺷﻘﺎ ﺯﻩﮪﻪﺭﺩﯨﻦ ﻳﯩﺮﺍﻕ ﺗﻮﺭﯗﺷﻤﯘ ﻣﯘﮪﯩﻢ ﺋﺎﻟﺪﯨﻨﻰ ﺋﯧﻠﯩﺶ ﺋﯘﺳﯘﻟﻰ ﮪﯧﺴﺎﭘﻠﯩﻨﯩﺪﯗ (ﮪﺎﺭﺍﻕ ﯞﻩ ﺑﺎﺷﻘﺎ ﺯﻩﮪﻪﺭﻟﻪﺭﻧﻰ ﺋﯩﺴﺘﯧﻤﺎﻝ ﻗﯩﻠﻐﯘﭼﯩﻼﺭﻧﯩﯔ ﻗﺎﻻﻳﻤﯩﻘﺎﻥ، ﻗﻮﻏﺪﯨﻨﯩﺸﺴﯩﺰ ﺟﯩﻨﺴﯩﻲ ﻣﯘﻧﺎﺳﯩﯟﻩﺕ ﺋﯚﺗﻜﯜﺯﯛﺵ ﺋﯧﮭﺘﯩﻤﺎﻟﻠﯩﻘﻰ ﺯﻩﮪﻪﺭ ﺋﯩﺴﺘﯧﻤﺎﻝ ﻗﯩﻠﻤﺎﻳﺪﯨﻐﺎﻥ ﻛﯩﺸﯩﻠﻪﺭﮔﻪ ﺳﯧﻠﯩﺸﺘﯘﺭﻏﺎﻧﺪﺍ ﻛﯚﭖ ﻳﯘﻗﯘﺭﻯ). ﺗﯘﻏﻤﺎ ﺳﯩﻔﯩﻠﯩﺴﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﻨﯩﯔ ﺋﻪﯓ ﻳﺎﺧﺸﻰ ﺋﯘﺳﯘﻟﻰ ﮪﺎﻣﯩﻠﺪﺍﺭ ﺋﺎﻳﺎﻟﻼﺭﻧﻰ ﺗﻪﻛﺸﯜﺭﯛﭖ، ﺋﻪﮔﻪﺭ ﺳﯩﻔﯩﻠﯩﺲ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻠﯩﻘﻰ ﺋﯧﻨﯩﻘﻼﻧﺴﺎ ﯞﺍﻗﺘﯩﺪﺍ ﺩﺍﯞﺍﻻﭖ ﺳﺎﻗﺎﻳﺘﯩﭗ، ﮪﺎﻣﯩﻠﻪ ﯞﻩ ﺑﺎﻟﯩﺴﯩﻐﺎ ﻳﯘﻗﺘﯘﺭﯗﭖ ﻗﻮﻳﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ.
ﺗﯘﻣﯘﺭﯨﺪﯨﻦ ﺯﻩﮪﻪﺭ ﺋﯘﺭﻏﯘﭼﯩﻼﺭ، ﺋﻪﻳﺪﯨﺰ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﯩﻼﺭ ﯞﻩ ﺋﻪﺭ ﺑﻪﭼﭽﯩﯟﺍﺯﻻﺭﺩﺍ ﺳﯩﻔﯩﻠﯩﺲ ﻛﯚﭘﺮﻩﻙ ﻛﯚﺭﯛﻟﯩﺪﯗ. ﭘﯜﺗﯜﻥ ﺩﯗﻧﻴﺎﺩﯨﻜﻰ ﺳﯩﻔﯩﻠﯩﺲ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﯩﻼﺭﻧﯩﯔ %90 ﻯ ﺗﻪﺭﻩﻗﻘﻰ ﻗﯩﻠﯩﯟﺍﺗﻘﺎﻥ ﺩﯙﻟﻪﺗﻠﻪﺭﮔﻪ ﻣﻪﺭﻛﻪﺯﻟﻪﺷﻜﻪﻥ ﺑﻮﻟﯘﭖ، ﺩﯗﻧﻴﺎ ﺑﻮﻳﯩﭽﻪ ﺋﻮﻣﯘﻣﻰ ﻳﯘﻗﯘﻣﻼﻧﻐﯘﭼﯩﻼﺭ ﺳﺎﻧﻰ 12 ﻣﯩﻠﻴﻮﻥ ﺋﻪﺗﺮﺍﭘﯩﺪﺍ (1999-ﻳﯩﻠﯩﺪﯨﻜﻰ ﺋﯩﺴﺘﺎﺗﯩﺴﺘﯩﻜﺎ)، ﻳﯩﻠﺪﺍ ﺗﻪﺧﻤﯩﻨﻪﻥ 700،000 ﺩﯨﻦ 1.6 ﻣﯩﻠﻴﻮﻧﻐﯩﭽﻪ ﮪﺎﻣﯩﻠﺪﺍﺭ ﺋﺎﻳﺎﻝ ﺑﯘ ﻛﯧﺴﻪﻝ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻠﯩﻘﻰ ﺋﯧﻨﯩﻘﻠﯩﻨﯩﯟﺍﺗﯩﺪﯗ.
