جۇڭگو ئۇيغۇرچە رادىيو تورى 16-فېۋرال بېيجىڭ خەۋىرى: تېڭشۈن شىركىتى تۈنۈگۈن ئۇقتۇرۇش چىقىرىپ مۇنداق دېدى: 1-مارتتىن تارتىپ، ئۈندىداردا پۇل تۆلەش، پۇل ئاغدۇرۇشتىن رەسمىيەت ھەققى ئېلىش توختىتىلىدۇ، شۇ كۈندىن تارتىپ، ئۈندىدار ھەميانىدىن بانكا كارتىسىغا پۇل ئاغدۇرۇشتىن رەسمىيەت ھەققى ئېلىنىدۇ. ئۈندىدار ھەميانىدا سودىلىشىشتىن ھەق ئېلىش-ئۈندىداردا پۇل تۆلەشتىن كىرىم قىلىش تەدبىرى بولماستىن، بەلكى بانكا رەسمىيەت ھەققى تۆلەشكە ئىشلىتىلىدۇ. كونكرېت ھەق ئېلىش لايىھەسىدە، ھەر بىر خېرىدار پۈتۈن ئۆمرىدە مىڭ يۈەنلىك ھەقسىز پۇل ئاغدۇرۇش سوممىسىدىن بەھرىمەن بولىدۇ، ئۇنىڭدىن ئېشىپ كەتكەن قىسمىدىن بانكا ھەق ئېلىش ئۆلچىمى بويىچە رەسمىيەت ھەققى ئېلىنىدۇ، نۆۋەتتە ھەق ئېلىش نىسبىتى %0.1 بولۇپ، ھەر قېتىم پۇل ئاغدۇرغاندا ئاز دېگەندە بىر مو ئېلىنىدۇ. ئۈندىدار قىزىل بولىقى، يۈزمۇ-يۈز كىرىم-چىقىم قىلىش قاتارلىق ئىقتىدارلىرى تەسىرگە ئۇچرىمايدۇ، رەسمىيەت ھەققى ئېلىنمايدۇ.
مەنبە : تەڭرىتاغ ئۇيغۇرچە تورى
