تومۇرنى ئاچىدىغان قەدىمىي رېتسېپ

ھەكىملەر قالدۇرغان رىسالىلەردە تومۇرنى ئاچىدىغان مۇنداق بىر رېتسېپ بار: «پەرەڭ لىمونى، زەنجىۋىل، سامساق ۋە ئالما تەييارلايمىز؛ ئالدى بىلەن سامساق ۋە زەنجىۋىلنى ئادالاپ، ئۇششاق توغرىۋالىمىز، ئاندىن ئېزىپ ياكى چاناپ داكىغا ئېلىپ سىقىپ سۈيىنى چىقىرىمىز؛ ئاندىن ئۇنى ساپال خۇمرىغا تۆكۈپ، ئۈستىگە پەرەڭ لىمونى بىلەن ئالمىنى ئېزىپ چىقارغان سۇنى تۆكىمىز، ئاخىرىدا كۈچلۈك ئوتتا بىر ئۆرلىتىۋالغاندىن كېيىن، ئاغزىنى ئوچۇق قويۇپ، تاكى سۇ تەركىبى پارلىنىپ كەتكىچە سۇس ئوتتا ۋىل-ۋىل قاينىتىمىز».

ھەكىملەر يەنە مۇنداق دېيىشتى: «يېرىم ئاش پېشىمدىن كېيىن ئوتتىن ئېلىپ سوۋۇتىمىز، سوۋۇغاندىن كېيىن ئۇنىڭغا بىر ھەسسە ھەسەل قۇيۇپ تاكى قاينالما سىڭىشكىچە قوچۇپ، ئاندىن ئەينەك خومرىغا قاچىلاپ سۆرۈن جايدا ساقلايمىز؛ ھەر كۈنى بىر قوشۇقتىن يەپ بەرسەك، قان تومۇرغا مۇناسىۋەتلىك كېسەللىكلەر يىلتىزىدىن شىپا تاپىدۇ. ئۇنى يەنە ئۇسۇلۇق ئورنىدا ئىچىپ بەرسە، ئادەم قان تومۇر كېسەللىكلىرى، يۇقىرى قان بېسىم ۋە زۇكامدىن نېرى تۇرىمىز».