گۈمبەدەك (موگو) تەركىبىدىكى ئامىنو كىسلاتاسىنىڭ مىقدارى گۆش ، سۈت ، تۇخۇملاردىكى ئاقسىل تەركىبى بىلەن ئوخشاش . ئۇ بەدەننىڭ نورمال تەرەققىي قىلىشى ئۈچۈن ئىنتايىن مۇھىم .
گۈمبەدەك تەركىبىدە كۆپ خىل ئىقتىدارنى تەڭشەيدىغان ۋىتامىن ۋە مىنېرال ماددىلار بار . ئۇ بەدەننىڭ يېڭى ماددا ئالماشتۇرۇشىنى ئىلگىرى سۈرۈش ئارقىلىق قان قەنتىنى تۆۋەنلىتىش رولىنى ئويناپ ، قاندىكى ماينى تىزگىنلەپ ، قان سۇيۇقلۇقىنىڭ قويۇقلۇقىنى تەڭشەيدۇ .
گۈمبەدەك تەركىبىدىكى مىكرو ئېلېمېنت ـ خىروم گلۇكوزىغا قارشى كۈچنى ساقلاشتا ھەم ئىنسۇلىننى تەقسىملەشتە كەم بولسا بولمايدىغان ئېلېمنتلارنىڭ بىرى . ئۇ ئورگانىزمدىكى قەنتنىڭ ماددا ئالماشتۇرۇشىنى نورمال ئىلگىرى سۈرىدۇ .
گۈمبەدەك تەركىبىدىكى خولىن بەدەندە ياغنىڭ كۆپىيىشىنى تىزگىنلەيدۇ . گۈمبەدەك تەركىبىدە كاربون - سۇ بىرىكمىسى ئىنتايىن ئاز . دىيابېت ئاغرىقلىرى ۋە بەدىنىدە خولېستېرىل مىقدارى بىر قەدەر يۇقىرىلارنىڭ ئىستېمال قىلىشىغا ماس كېلىدۇ .
دىيابېت ئاغرىقلىرىدا ئاسانلا سۆڭەك شالاڭشىش ، داۋاملىق بەل ئاغرىش ، پەي تارتىشىش ، ماغدۇرسىزلىق قاتارلىق كېسەللىك ئالامىتى كۆرۈلىدۇ . بۇنداق ئەھۋالدا گۈمبەدەك ئىستېمال قىلىپ بەرسە ، سۆڭەكنى كۈچلەندۈرىدۇ ، گۈمبەدەك تەركىبىدىكى ۋىتامىن D كاناماش (دادۇر) تەركىبىدىن 20 ھەسسە ، خەيدەي تەركىبىدىن سەككىز ھەسسە يۇقىرى .
dastur دەستۇر 代斯图尔