● ● ●
شادلىق ۋە ھەسرەت
جىبران خېلىل جىبران
سېنىڭ شادلىقىڭ دەل سېنىڭ نىقابسىزلانغاندىكى ھەسرىتىڭدۇر
سېنىڭ شادلىق بۇلىقىڭدا ھەسرەتلىك كۆز ياشلىرىڭمۇ بار .
ئۇنىڭدىن باشقا يەنە قانداق بولـماقچى ؟
قايغۇـ ھەسرەت سەندە قانچىكى چوڭقۇر ئىز قالدۇرغان بولسا ، سەن قەلبىڭگە شۇنچە كۆپ شادلىقنى سىغدۇرالايسەن .
سەن شادلىق شارابى ئىچكەن جام ئەسلىدە كۇلالىچىنىڭ خۇمدىنىدا پىشۇرۇلغان ئەمەسمۇ ؟
يۈرىكىڭنى تىترىتىدىغان مۇڭلۇق ئاھاڭلارنى چىقىرىدىغان نەي ئەسلىدە تىغ بىلەن كېسىلگەن ۋە ياسالغان قومۇش ئەمەسمۇ ؟
شادلىققا چۆمگىنىڭدە قەلبىڭ بىلەن چوڭقۇرلۇقىغا نەزەر سالساڭ ، بۇرۇن سېنى ھەسرەتكە دۇچار قىلغان نەرسىلەرنىڭ ئەمدى سېنى شادلىققا چۆمدۈرگەنلىكىنى بىلىسەن.
ھەسرەت چەككىنىڭدە قەلبىڭ چوڭقۇرلىقىغا نەزەر تاشلىساڭ ، بۇرۇن سېنى كۈلدۈرگەن نەرسىلەرنىڭ ئەمدى سېنى يىغلىتىۋاتقانلىقىنى ھېس قىلىسەن .
بەزىلەر«ھەسرەتتىن شادلىق كۆپ بولىدۇ » دەيدۇ ، يەنە بەزىلەر :«ياق ، شادلىقتىن ھەسرەت كۆپ بولىدۇ » دەيدۇ .
مەن دەيمەن ئۇلار بىر بىرىدىن ئايرىلالـمايدۇ .
ئۇلارتەڭ مەۋجۇت بولۇپ ، بىرسى سەن بىلەن بىر سورۇندا ئولتۇرغان چاغدا ، يەنە بىرسىنىڭ كارىۋىتىڭدا ئۇخلاۋاتقانلىقىنى ئۇنۇتما .
ئىشەنگىنىكى، سەن ھەسرەت ۋە شادلىقنىڭ مۇۋازىنەت تەخسىسىدە تۇرىسەن .
مۇۋازىنەت تەخسەڭ قۇرۇلدالغان چاغدىلا ئاندىن سەن تىنچلىنىسەن ، تەڭپۇڭ بولىسەن .
خەزىنىچى سېنىڭ ئېرىشكەنلىرىڭنى تارازىغا سالغان چاغدا ، شادلىق ۋە ھەسرىتىڭنىڭ قايسىسىنىڭ قانچىلىك سالـماقتا ئىكەنلىكى ئايان بولىدۇ
