ئەتىياز پەسلىدە ئادەم بەدىنىدىكى ماددا ئالمىشىش كۈچىيىپ، كۈتۈنۈش، يېمەك-ئىچمەك تېخىمۇ مۇھىم بولىدۇ، بولمىسا ئاسانلا ئاشقازان-ئۈچەي بىئارام بولۇش، جىگەرنىڭ ئىسسىقى ئېشىپ كېتىش، ھۆل ئىسسىق بولۇش قاتارلىق ئالامەتلەر كۆرۈلىدۇ. ئەتىياز كەلگەندە نۇرغۇن ياخشى ياۋا كۆكتاتلار كۆپچىلىكنىڭ يېيىشىگە ماس كېلىدۇ.
1. سېمىز ئوت
بۇ خىل ياۋا كۆكتات بىر قەدەر كۆپ ئۇچرايدۇ، ئۇنىڭ يېمەكلىك بىلەن داۋالاش رولى ياخشى بولۇپ، كىشىلەر ئۇنى «ئۇزۇن ئۆمۈر كۆكتاتى» دەپ ئاتايدۇ.
سېمىز ئوتنى خام يېيىشكىمۇ، پىشۇرۇشقىمۇ بولىدۇ.
2. چۇپۇرشاڭ
بۇنى ئىستېمال قىلىشتىكى ئەڭ كۆپ ئۇچرايدىغىنى چۇپۇرشاڭ بىلەن تۈگرە قىيمىسى ئېتىش، شوۋىگۈرۈچ قاينىتىش.
3. مامكاپ
«دورا ئۆسۈملۈكلىرى قامۇسى» دا: «مامكاپ زەھەرنى قايتۇرىدۇ، يەلنى، ئىسسىقنى قايتۇرىدۇ، ئىششىقنى ياندۇرىدۇ، تۇبېركۇليوزنى يوقىتىدۇ.» دەپ خاتىرىلەنگەن. ئۇ جىگەرگە پايدىلىق بولۇپ، ئىششىقنى ياندۇرىدۇ، سۈيدۈكنى راۋانلاشتۇرىدۇ.
كۆكتات ئىستېمال ئەسكەرتمىسى
(1) ئەڭ ياخشىسى ھەر كۈنى 300-500 گىرام كۆكتات ئىستېمال قىلىشقا كاپالەتلىك قىلىش، قېنىق رەڭلىك كۆكتاتلار بۇنىڭ 2 / 1 قىسمىنى ئىگىلىشى كېرەك؛
(2) كۆكتاتنى قايناق سۇ بىلەن چايقىۋېتىپ ئىستېمال قىلغاندا، گەرچە كۆكتاتنىڭ بىر قىسىم ئوزۇقلۇقىنى يوقاتقان بولسىمۇ، لېكىن %90 تىن ئارتۇق دېھقانچىلىق دورىسىنىڭ قالدۇقىنى چىقىرىۋەتكىلى بولىدۇ؛
4. كۆكتات پىشۇرغاندا، قازاندىكى سۇ قاينىغاندىن كېيىن، كۆكتاتنى قازانغا سېلىش كېرەك، بۇنداق قىلغاندا قىزىتىش جەريانىدا سۇدا ئېرىيدىغان ۋىتامىنلارنىڭ زىيانغا ئۇچرىشىدىن ساقلانغىلى بولىدۇ.
باھار پەسلى كۈتۈنۈشكە ماس كېلىدىغان پەسىل، يېڭى كۆكتاتلارنى كۆپ يېسە، ئەڭ ساغلام بولىدۇ. سىزنى ھاياجانغا سالىدىغان «باھار سەيلىرى» بارمۇ؟
باشقىلارنىڭمۇ پايدىلنىشى ئۈچۈن چەمبىرەككە يوللاپ قۇيۇڭ 
