ٴزاھارا نۇرادىل قىزى
قىسقاشا بايان
اعارتۋشى ۇستاز، اقىن، ادەبيەت تانۋشى، تاڭجارىق زەرتتەۋشى، سازگەر-ءزاھارا ءنۇرادىل قىزى شينجياڭ ۋنيۆەرسيتەتى فيلولوگيا ينيسيتۋتى فيلولوگيا(جۇڭگو تىلدەر) فاكۋلتەتىنىڭ زەينەتكەرى، دوتسەنت.
قازىر« جۇڭگو جازۋشىلار وداعىنىڭ»،«جۇڭگو از ساندى ۇلت جازۋشىلار عىلمي قوعامىنىڭ»،«شينجياڭ جازۋشىلار قوعامىنىڭ»،«شينجياڭ اۆتونوميالى رايونى مۋزيكانتتار قوعامىنىڭ»،«شينجياڭ اۆتونوميالى رايونى تاڭجارىقتى زەرتتەۋ قوعامىنىڭ»،«شينجياڭ اۆتونوميالى رايونى ادەبيەت-كوركومونەرشىلەر قوعامىنىڭ»،«شينجياڭ اۆتونوميالى رايونى قازاق جاڭا ءداۋىر مادەنيەت قوعامىنىڭ»،«شينجياڭ ۇيعۇر اۆتونوميالى رايونى زيالى ايەلدەر قوعامىنىڭ» مۇشەسى.
شينجياڭ ۇيعۇر اۆتونوميالى رايونى ادەبيەت-كوركەمونەر بىرلەستىگىنىڭ، شينجياڭ جازۋشىلار قوعامى 4-رەتكى جانە 6-رەتكى قۇرىلتايىنىڭ ۋاكىلى.
ءازيلاعا
(ٴازيلا ٴمادىسالام قىزىنا ارناۋ)
ٴزاھارا نۇرادىل قىزى
گۇل تەرىپ ءوستىڭ تالدى* قىرقاسىنان،
ءار باستاۋ، ءار بۇلاعى جىر تاسىعان.
اقىندىق ونەرىڭدى تانىپ ەدىم،
سانجىدا سالعانىڭدا شىرقاتىپ ءان.
ادەمى اققۋىنداي تۇنىق كولدىڭ،
دارياسىن ولەڭنىڭ ءجۇزىپ كەلدىڭ.
باتىلى بارماپ ەدى سوندا وتىرعان،
سەنىمەن ايتىسۋعا جىگىتتەردىڭ.
شابىتپەن شارشى توپتى جارىپ ەدىڭ،
اۋەنگە قۇيقىلجىتىپ سالىپ ەدىڭ.
ويلى دا ونەگەلى سوزدەرىڭمەن،
كوڭىلىمدە وشپەستەي قالىپ ەدىڭ.
ونەرگە جەتىلدىرگەن جارقىن زامان،
وجەتسىڭ ەش مايداندا تارتىنباعان.
تىلىڭە تيەك ەتسەڭ جاقسىلىقتى،
اق ءجۇزىڭ اق التىنداي جارقىلداعان.
بىتپەسىن رۋحى السىزگە قۋات قالاي!
مەيىرىڭ مۇڭلىقتارعا شۋاقتى اراي.
بالىق پەن سۋداي تەرەڭ ءسىڭىپ كەتتىڭ،
حالقىڭنىڭ قاجەتى ءۇشىن،جىراقتاماي.
جەتكىزىپ اقىل ايتساڭ دانا بولدىڭ،
جەتىمگە كوڭىلى سىنىق پانا بولدىڭ.
توگىلىپ ىستىق ىقىلاس كوكىرەگىڭنەن،
شيپاگەر،بىردە تۋىت انا بولدىڭ.
ۇيرەندىڭ شيپالىقتى قاريادان،
باستادىڭ اقىندىقتى اريادان.
قاجىرلى،قايسار بولىپ ءورشىل ءوستىڭ،
ءتالىم الىپ تاربيەلى جانۇيادان.
قاشاندا جىگەرسىزدىڭ باعى باسەڭ،
شالقىتساڭ شىرايلى دا ءانىڭ اسەم.
ۇستازىم ءمادىسىلام سەنىڭ اكەڭ،
جاقىنسىڭ اناڭ جاقتان جانىما سەن.
تالدىنىڭ* سۋىن ءىشىپ ءبىر وسكەنبىز،
ءوزارا باسقا اماندىق تىلەسكەنبىز.
بولامىن مەن اپايىڭ،ٴسىڭىلىم سەن،
ىلە حۋ-گۇلگە ورانعان كۇنەستەنبىز.
2026.6.15
*تالدى–جەر اتى
كوررەكتورى: ٴلاززات تۇكىباي قىزى
