«پولات پالۋان-ئېلون ماسك» ناملىق كىتاب ئېرىشكەن ماختاشلار- 大数跨境

«پولات پالۋان-ئېلون ماسك» ناملىق كىتاب ئېرىشكەن ماختاشلار

Nepkar

2020-10-06

导读：چوقۇم ئوقۇشقا تېگىشلىك ئېسىل ئەسەرلەر. جوبىستىن بۇيانقى كىرىمنىي جىلغىسىدىكى ئەڭ كۈچلۈك ئىگىلىك تىكل

«كىرىمنىي پولات پالۋىنى ئېلون ماسكنىڭ تەۋەككۇلچىلىق ھاياتى» ناملىق كىتاب ئېرىشكەن ماختاشلار

پەن-تېخنىكا، ئىگىلىك تىكلەش ياكى ئۇلۇغ ئارزۇغا قىزىقىدىغان كىشىلەر ئۈچۈن ئېيتقاندا، بۇ كىتاب ئەڭ ياخشى تەپەككۇر يوۆنىلىشى بىلەن تەمىنلەپ، بىزگە دۇنيادىكى ئەڭ مۇھىم ئىگىلىك تىكلىگۈچىلەرنىڭ ئۆزگىچە خاراكتېرى، مەڭگۈ قانائەت قىلمايدىغان غەرىزى ۋە قىيىنچىلىق ئىچىدە ساغلام ئۆسۈپ يېتىلىش ئىقتىدارىنى چوڭقۇر چۈشەندۈرۈپ بېرىدۇ. بۇ كىتاب سەمىمىي ھېسسىياتقا تولغان بولۇپ، ئەڭ ھەقىقىي ماسك ئىنچىكە تەسۋىرلەنگەن.

--ۋاشىنگتون پوچتا گېزىتى

چوقۇم ئوقۇشقا تېگىشلىك ئېسىل ئەسەرلەر. جوبىستىن بۇيانقى كىرىمنىي جىلغىسىدىكى ئەڭ كۈچلۈك ئىگىلىك تىكلىگۈچىنى ئىنتايىن قالتىس تەسۋىرلەپ بەرگەن. SpaceX، تېسلانىڭ قۇرغۇچىلىرى ئوڭۇشسىزلىقنى يېڭىلىق يارىتىپ مۇۋەپپەقىيەت قازىنىشتا ساقلانغىلى بولمايدىغان بىر قىسىم دەپ قارايدۇ. لېكىن بىر ئۇلۇغ تەرجىمىھالدا ئۇنىڭ بىر جاھىل مۇكەممەللىك تەرەپدارى بولۇشتىكى مۇۋەپپەقىيىتى تەسۋىرلەنگەن.

--پۇل مۇئامىلە ۋاقىت گېزىتى

ئېلون ماسك بەلكىم جوبىستىن كېيىنكى كىرىمنىي جىلغىسىدىكى ئەڭ رىۋايەت تۈسىگە ئىگە شەخس بولۇشى مۇمكىن. بۇ ناھايىتى ئوقۇشچانلىققا ئىگە ئەسەر بولۇپ، ماسكنىڭ خاراكتېرىنىڭ ئوخشىمىغان تەرەپلىرى ۋە ئۇنىڭ كىرىمنىي جىلغىسىدىكى ئەڭ چوڭ كۆلەمدىكى بىر قىسىم كۈرەشلەردە ئوينىغان رولى نامايەن قىلىنغان. ئۇ قاراملىق بىلەن زېرەكلىكنىڭ ئۆزگىچە بىرىكمىسى بولۇپ، جاھىللىق بىلەن دۇنيانى ئۆزگەرتىدۇ، بەزىدە سەل ئەسەبىيلىشىپ قالىدۇ.

--ئىقتىسادشۇناسلار

بۇ يىلقى ئەڭ ياخشى كىتاب، ئېسىل ھەم قىزىقارلىق.

--ۋال كوچىسى گېزىتى

ۋانس ئەپەندى ئوقۇرمەنلەرنى ماسك توغرىسىدىكى ئىنتايىن ئوبيېكتىپ، پورترېت رەسىمگە ئوخشاش ئەسەرلەر بىلەن تەمىنلەپ، بىزنى ئۇنىڭ دوستلىرى ۋە دۈشمىنى تەرەپلىرىدىن ئۇنىڭ ئۆزىنى بىرلا ۋاقىتتا چۈشىنىش ئىمكانىيىتىگە ئىگە قىلدى. بۇ ئوقۇماققا تولىمۇ قىزىقارلىق كىتاب. ئاپتور بىزگە يېشىل ئېنېرگىيە ۋە ئالەم بوشلۇقى راكېتاسىنى قويۇپ بېرىش تېخنىكىسىغا ئائىت تېخىمۇ كۆپ ئۇچۇرلارنى ئېلىپ كەلدى، شۇنىڭ بىلەن بىر ۋاقىتتا، ئۇ يەنە ماسكنىڭ يېنىدا خىزمەت قىلىدىغان كۆزگە كۆرۈنگەن ئىختىساسلىقلارنىڭ ھېكايىسى بىلەن تەمىنلىدى. ئەڭ قالتىس ئىش شۇكى، بۇ كىتابتا ئاپتور ماسكنىڭ ھېكايىسىنى جانلىق سۈرەتلەپ، ئوقۇرمەنلەرنى ئىنتايىن راۋان ئوقۇش تەسىراتى بىلەن تەمىنلىگەن.

--نيۇيورك ۋاقىت گېزىتى

ھەقىقىي ياخشى ئەسەر چوقۇم ئىككى جەھەتتە ئىنتايىن گەۋدىلىك بولۇشى كېرەك. بىرىنچى، ئىلگىرى ھېچكىم ئېيتىپ باقمىغان نۇرغۇن ئېسىل ھېكايىلەر بىلەن تەمىنلەش؛ ئىككىنچى، بىر تەرەپلىمىلىكنى پۈتۈنلۈك دەپ قارىماي، بىر مۇھىم شەخسنىڭ ئەگرى-توقاي ھاياتىنى مۇكەممەل چۈشەندۈرۈش بىلەن تەمىنلەش. روشەنكى، ماسك توغرىسىدىكى بۇ كىتاب بۇ ئىككى جەھەتتە كۆپچىلىكنىڭ ئۈمىدىنى يەردە قويمايدۇ. ئاپتور مول چوڭقۇر كۆزىتىش بىلەن تەمىنلەپ، بىزگە بۇ پەن-تېخنىكا گىگانت ئادىمىنىڭ قانداق مۇۋەپپەقىيەت قازانغانلىقىنى چۈشەندۈردى.

--فوربېس

ئاشىلى ۋانس يۇقىرى ھېكايىلىق ئىپادىلەش بىلەن، بىزگە سودا دۇنياسىنىڭ يۇقىرى پەللىسىگە ئۆرلەۋاتقان بۇ ئەر--ئېلون ماسكنى نامايان قىلدى. ئاپتور نوپۇزلۇق ھەم تەپسىلىي بايانلىرى ئارقىلىق ئوقۇرمەنلەرگە ماسكنىڭ ئىنسانلارغا ئەڭ چوڭ تەسىر كۆرسەتكەن ئادەم بولۇپ قالغانلىقىنى ئىسپاتلاپ بەرگەن. ماسك ئىنسانلارنى مارسقا ئېلىپ بارالامدۇ-يوق؟ بۇ پىلانېتتىكى ئىجادىي ۋەقە بولۇپ قالىدۇ.

--بازارلىق كىتاب «بىراقلا تورغا چۈشۈرۈش»نىڭ ئاپتورى براد ستونسىتىۋ

جوبىستىن كېيىنكى كەمدىن-كەم ئۇچرايدىغان كارخانىچى، ئېلون ماسك يېڭى دۇنيانىڭ دەرۋازىسىنى ئېچىپ، ئەمەلگە ئاشۇرۇش مۇمكىن بولغان پەن-تېخنىكىنى رېئاللىققا ئايلاندۇرۇشقا كۈچ چىقاردى. بىز تۇرمۇشىمىزدا دەرىجىدىن تاشقىرى قەھرىمان تونى سىتاكتەك شەخسنىڭ بولغانلىقىدىن خۇشال بولدۇق ھەمدە بۇ كىتابتا ماسكنىڭ كىشىلىك ھايات ھېكايىسىنىڭ مۇشۇنداق جانلىق بايان قىلىنغانلىقىنى تۇنجى قېتىم ئاڭلىدۇق.

--تەۋەككۈل مەبلەغچى ۋە ئالاقە تورى پېشۋاسى مارك ئاندېرسون

ئاشىلى ۋانس ئوقۇرمەنلەرگە كۆپ قېتىم ئوڭۇشسىزلىققا ئۇچرىغان بىر ئادەمنىڭ ھەقىقىي ھېكايىسىنى ئېنىق نامايان قىلىپ بەردى. ئۇ كونا ئىدىيەگە جەڭ ئېلان قىلدى ھەم دۇنيارىمىزنى تېخىمۇ گۈزەل قىلىشقا ئۇرۇندى. مەن ھەر بىر ئادەمنىڭ بۇ كىتابنى ئوقۇشىنى تەۋسىيە قىلىمەن ھەمدە بۇنىڭدىن ئىلھام ئېلىپ، نىشاننى تېخىمۇ يۇقىرىراق قىلىپ بېكىتىشىگە تىلەكداشمەن.

-- iPod ۋە iPhone ئاتىسى، نايسىت شىركىتىنىڭ قۇرغۇچىسى تونى فەدېر

ماسكقا ئوخشاش كارخانىچىلارنىڭ دۇنيانىڭ تەرەققىياتىنى ئىلگىرى سۈرۈشكە تۈرتكە بولغىنى ئادەتتە نام-مەنپەئەت ئۈچۈن ئەمەس، بەلكى كۈچلۈك بۇرچ تۇيغۇسى ۋە شەخسىي قەھرىمانلىق تۈسىنى ئالغان ئارزۇ-ئارمانلار، شۇنداقلا ئىنتايىن ئاز ساندىكى كىشىلەرنىڭ ۋۇجۇدىدا ئۆمۈرلۈك قىزىقىشنىڭ بولۇشى. ئېلون ماسكنىڭ كىشىلىك ھايات كەچۈرمىشى دۇنيانى ئۆزگەرتكەن سانسىزلىغان ئۇلۇغ ئوقەتچىلەرنىڭ كەچۈرمىشىگە ئوخشاش، نەچچە مىڭ قېتىم رومان يازغىلى، ئېكرانغا ئېلىپ چىققىلى بولىدىغان، ھەر قېتىم قايتا كۆرگەندە يەنىلا كىشى قەلبىنى ھاياجانغا سالىدىغان، پۈتكۈل ئىنسانىيەتكە مەنسۇپ بولغان ئاجايىپ ھېكايە.

--بولقا پەن-تېخنىكىسىنىڭ CEO سى لو يوڭخاۋ

ئېلون ماسك ئەنئەنىۋى مەنىدىكى كارخانىچى ئەمەس. بۇ كىتابتا كۆپچىلىك ئۆزىنىڭ دۇنياغا بولغان ئوخشاش بولمىغان قارىشىدا چىڭ تۇرىدىغان ھەمدە ئۇنى رېئاللىققا ئايلاندۇرۇشقا قۇربى يېتىدىغان ئەمەلىي ئىشلىگۈچىنىڭ رىۋايىتىنى كۆرەلەيدۇ. بۇ رىۋايەتنىڭ ئەھمىيىتى شۇكى، بىزگە بايلىق يارىتىشنىڭ يۇقىرى پەللە ياكى ئاخىرقى نۇقتا ئەمەسلىكىنى، ھەقىقىي رىۋايەتلىك مۇۋەپپەقىيەتنىڭ سودا ئارقىلىق ئۆزىنىڭ كەلگۈسىگە بولغان تەسەۋۋۇرىنى ئەمەلگە ئاشۇرۇپ، ئىنسانلار ئۈچۈن ئىز قالدۇرۇش ئىكەنلىكىنى بىلدۈرىدۇ.

--جىكې باغچىسىنىڭ قۇرغۇچىسى جاڭ پېڭ

كىتابتا ماسك بىر ئەسەبىي تېخنىكا يېڭىلاش ئۇستىسى، مۇۋەپپەقىيەت قازانغان سودىگەر، شۇنداقلا قان-ياشقا تولغان ئاددىي ئادەم. ئىگىلىك تىكلىگۈچىلەر بۇ كىتابنى ئوقۇغاندا، ماسكنىڭ كىشىنى ھەيران قالدۇرىدىغان ئىگىلىك تىكلەش مۇساپىسى ۋە مول، قىزىقارلىق كىشىلىك ھايات كەچۈرمىشلىرىنى ھېس قىلغاندىن باشقا، يەنە بەزى ئۇچۇرلارنىڭ ناھايىتى قىممىتى بار. مەسىلەن، مەقسەتلىك ئۆگىنىش، ئادەم ئىشلىتىش يولى، شۇنداقلا مۇۋاپىق شېرىك ۋە خەۋپ-خەتەرگە مەبلەغ سالغۇچىنى قانداق تاللاش كېرەك دېگەندەك.

--سوۋگوۋ پەن-تېخنىكىسىنىڭ CEO سى ۋاڭ شياۋچۈەن

پەقەت «ئەسەبىي» دېگەن سۆز بىلەنلا ماسكنى تەسۋىرلىگىلى بولىدۇ. قىزىقىشى ۋە تۇيغۇسىغا تايىنىپلا ناتونۇش بىر كەسىپكە بۆسۈپ كىرىدۇ، ئەگەر بىر يالاڭاياغ مۇشۇنداق قىلغان بولسا، بۇنى ھەر ھالدا چۈشىنىشكە بولىدۇ؛ لېكىن مۇۋەپپەقىيەت قازانغان مىلياردېر، مۇۋەپپەقىيەت ۋە شان-شەرىپىدىن بەھرىمەن بولىۋاتقان بىر مەبلەغ سالغۇچى بۇنداق قىلسا، ئۆزىنىڭ بارلىق مۈلكىنى دېگۈدەك ئىلگىرى مۇۋەپپەقىيەت قازانغان كەسىپ بىلەن قىلچە مۇناسىۋىتى بولمىغان جايغا سېلىشقا جۈرئەت قىلالىسا، ئۇنىڭ ئۈستىگە يەنىلا ئىككى ناتونۇش كەسىپ بولسا، مېنىڭچە مانا بۇ ھەقىقىي ئارزۇنىڭ قوزغىتىش كۈچى.

--360 شىركىتىنىڭ باش مۇدىرى جوۋ خۇڭيى

ئېلون ئۇلۇغۋار ئىرادىلىك تەۋەككۈلچى. ئۇ سانائەت كەشپىياتى ۋە شىركەت تەشكىلى ئارقىلىق ئۆزىنىڭ قىممەت قارىشىنى ئىپادىلىمەكچى بولدى. ئۇ پەقەت سودىدا مۇۋەپپەقىيەت قازىنىشنىلا قوغلاشمايدۇ. شۇنداق دېيىشكە بولىدۇكى، ئېلون جوبىسنىڭ ئىزىنى بېسىپ، دۇنيا پەن-تېخنىكىسىدا يېڭىلىق يارىتىشنىڭ يېڭى مەبۇدىسىغا ئايلاندى.

--يىداۋ ئاپتوموبىلىنىڭ قۇرغۇچىسى جوۋ خاڭ

ماسكقا ئوخشاش كارخانىچىلار بەلكىم جۇڭگو سودا ساھەسىدىكى كەم ئۇچرايدىغان تۈرلەر بولۇشى مۇمكىن. بۇ خىل ئاددىي تەسەۋۋۇردىن ھالقىغان، توختىماي ئالغا ئىلگىرىلەيدىغان جاسارەت، جاننى ئالىقانغا ئېلىپ قويۇپ ئېلىشىدىغان جاسارەت ماسكنى ئۇدا ئىگىلىك تىكلىگۈچىلا ئەمەس، بەلكى ئىنسانلارنىڭ ئىزدىنىش ئىرادىسىنىڭ نامايەندىسىگە ئايلاندۇردى. كەلگۈسىنى يارىتىشتەك كۈچلۈك ئارزۇغا ئىگە بولغاندىلا، ئىنسانىيەت تارىخىغا تەسىر كۆرسىتىدىغان ئۇلۇغ ئىشلارنى قىلغىلى بولىدۇ.

--يىباۋ چىقىم بىرلەشمە قۇرغۇچىسى يۈ چېن

تېخنىكىغا ئەقىدە قىلىش دۇنيانى ئۆزگەرتىدىغان، تېخنىكا ئارقىلىق ئىجتىمائىي ئۆزگىرىشكە تۈرتكە بولىدىغان غايىچىلىك بولسا كىرىمنىي جىلغىسىنىڭ ئۇلۇغ ئەنئەنىسى. مىكروسوفتنىڭ گايتىسى، ئالمىنىڭ جوبىسى، گۇگولنىڭ پېيچىسىدىن تېسلانىڭ ماسكىغىچە ھەممىسى شۇنداق. جۇڭگو ئالاقە تورىنىڭ ئۆسۈپ يېتىلىشى پۈتۈن دۇنيانىڭ دىققىتىنى تارتتى، تېخنىكا غايىسىنى قايتا قوزغىتىدىغان ۋاقىت كەلدى! مېنىڭچە BAT قاتارلىق ماگناتلار ۋە يېڭى بىر ئەۋلاد TMD قاتارلىق ماگناتلار تېخىمۇ زور مەسئۇلىيەتنى ئۈستىگە ئېلىشى كېرەك، بۇ بىز بىر ئەۋلاد كىشىلەرنىڭ تارىخىي مەسئۇلىيىتى. بۇ كىتاب سىزگە بىر قۇتۇپ يولۇچىسىنىڭ قانداق قىلىپ غايىنى كۆڭلىگە پۈكۈپ پالۋان بولۇشنىڭ ئىچكى سىرىنى ئېيتىپ بېرىدۇ.

--داڭلىق تاراتقۇ، «كىرىش ئېغىزى دەرىجىلىك مەھسۇلات» ئىنستىتۇتىنىڭ قۇرغۇچىسى ۋاڭ گۈەنشيۇڭ

قانداق ئىجتىمائىي مېخانىزم، سودا مۇھىتى، مەدەنىيەت نەتىجىلىرى ئېلون ماسكنى ۋۇجۇدقا چىقارغان؟ بۇ كىتابنى ئوقۇپ بولغاندىن كېيىن، مېنىڭ ئوقۇرمەنلەرگە بېرىدىغان تەكلىپىم شۇكى، سىز بۇ غەلىتە ئادەمدىن ئازراق ئىلھام ئالسىڭىز بولىدۇ، لېكىن بۇنداق ئادەم بولۇشنى ئارزۇ قىلماڭ.

--دىڭ شياڭيۈەننىڭ CTO سى فېڭ داخۇي

ئەڭ بۇرۇن مەن تېسلانى تۆت چاق ئورنىتىلغان ئۇچالايدىغان iPad دەپ ئويلىغان ئىدىم، ھازىر مېنىڭچە تېسلا بىر خىل مۇنەۋۋەر ئادەم-كومپيۇتېر دىئالوگلۇق ئەقلىي ئىقتىدارلىق مەھسۇلات ئىكەن. تالاش-تارتىشنى يەتكۈچە تارتىپ ياخشى قارالماسلىقتىن ھازىرقى زور مۇۋەپپەقىيەتكە ئېرىشىشكىچە، ماسكنىڭ ئالاقە تورى ۋە ئاپتوموبىل ساھەسىدىن ھالقىپ ئۆتۈشى ئاغدۇرمىچىلىق قىلغۇچىلارنىڭ ئەزەلدىن ئەسلىدىكى كەسىپتە دۇنياغا كەلمىگەنلىكىنى ئىسپاتلىدى. بۇ دەۋردىكى ئاغدۇرمىچىلىق قىلغۇچىلار تەلۋىلەرگىلا تەۋە، ماسك بولسا تەلۋەلەر ئىچىدىكى ئەڭ داڭلىقى، ئۇنىڭ ماڭا 40 مىڭ كىلومېتىردىن ئارتۇق راۋان ھەيدەش تەسىراتى ئېلىپ كەلگەنلىكىگە رەھمەت ئېيتىمەن. گەرچە ئارىمىزدىكى كۆپ ساندىكى كىشىلەر باشقا بىر ماسك بولۇشقا ئامالسىز بولسىمۇ، لېكىن بىز يەنىلا ئۇنىڭ ھېكايىسىدىن ئۇ تەشەببۇس قىلغان يېڭىلىق يارىتىش ئەقىدىسى ۋە ئاغدۇرمىچىلىق ئىدىيەسىنى قوغلاشماقچى بولساق، بۇ كىتاب ئەڭ ياخشى ئوقۇشلۇق ھېسابلىنىدۇ.___ W

--WeMedia يېڭى تاراتقۇ گۇرۇھىنىڭ CMO سى، تېسلانىڭ دەسلەپكى مەزگىلدىكى ئاپتوموبىل ئىگىسى چېن جۇڭ

【声明】内容源于网络

Nepkar

在这里你只能获取对你最有用的。别忘了关注哦！

内容 0

粉丝 0

Nepkar 在这里你只能获取对你最有用的。别忘了关注哦！

总阅读0

粉丝0

内容0