大数跨境
首页
>
ماسكنىڭ مەقسىتى مارسقا بېرىپ زۇڭتۇڭ بولۇش ئۈچۈنمۇ؟
>

ماسكنىڭ مەقسىتى مارسقا بېرىپ زۇڭتۇڭ بولۇش ئۈچۈنمۇ؟

ماسكنىڭ مەقسىتى مارسقا بېرىپ زۇڭتۇڭ بولۇش ئۈچۈنمۇ؟ Nepkar
2020-11-06
1
导读：«ئەمەلىيەتتە، مېنىڭچە مارس ئەتراپىدا Starlink غا ئوخشاش تور قۇرۇش تېخىمۇ مۇھىم.» دەيدۇ ماسك.

ماسكنىڭ سۈنئىي ھەمراھ زەنجىرىدىن پايدىلىنىپ سۈنئىي ھەمراھ ئاساسى سېلىشى مارسقا بېرىپ زۇڭتۇڭ بولۇش ئۈچۈنمۇ؟ 
 
بەزى تورداشلار Starlink (سۈنئىي ھەمراھ زەنجىرى)نىڭ سىناق نۇسخىسىدىكى ئىستېمالچىلار مۇلازىمەت ماددىسىنى تېپىپ چىقتى. بۇنىڭ بىر ماددىسىدا: «مارس "ئەركىن پىلانېتا"، مارستىكى مۇستەملىكىلەر يەر شارى قانۇنىنى ئېتىراپ قىلمايدۇ.» دېيىلگەن. 
 
بۇ يىل 6-ئايدا،SpaceX  سۈنئىي ھەمراھ زەنجىرى (Starlink) سۈنئىي ھەمراھ ئالاقە تورىغا قىزىقىدىغان ئابونتلارنىڭ تىزىمغا ئالدۇرۇش قەغىزىنى يىغقان، شىركەتنىڭ ئاشكارىلىشىچە، قىسقىغىنە ئىككى ئاي ئىچىدە پۈتۈن ئامېرىكىدا «700 مىڭغا يېقىن ئادەم» ئىلتىماس قىلغان. 
 
ئالدىنقى ھەپتە، Starlink نىڭ كىچىك دائىرىلىك ئىچكى سىنىقىغا قاتناشقان بىر ئامېرىكىلىق ئابونت توردا ئورگان تەرەپنىڭ ئۇنىڭغا ئەۋەتكەن تەكلىپنامىسىنى ئاشكارىلىدى. قىزىقارلىق يېرى شۇكى، SpaceX بۇ خىل سىناق مۇلازىمىتىگە بىر ئاز قاملاشمىغان ئىسىم قويغان: يەنى Better Than Nothing (ھېچ بولمىغاندا يوقتىن ياخشى). گويا تۇنجى تۈركۈمدىكى ئىچكى سىناققا قاتناشقان خېرىدارلارنىڭ ئۈمىدىنىڭ زىيادە يۇقىرى بولۇپ كېتىشىگە سوغۇق سۇ سەپكەندەك قىلاتتى.  
 
ئېلخەتتە ئېيتىلىشىچە، «"ھېچ بولمىغاندا يوقتىن ياخشى (Better Than Nothing)" مۆلچەرلىنىشىچە، كەلگۈسى بىر نەچچە ئايدا تور سانلىق مەلۇمات يەتكۈزۈش سۈرئىتى 50Mb/s دىن 150Mb/s ئارىلىقىدا بولىدۇ، شۇنىڭ بىلەن بىر ۋاقىتتا تور 20ms دىن 40ms غىچە كېچىكىشنى كونترول قىلىنىدۇ. Mbps نى بىرلىك قىلىپ سۇندۇرۇپ ھېسابلىغاندا، " ھېچ بولمىغاندا يوقتىن ياخشى" دېگەن سۆز 400Mbps دىن 1200Mbps ئارىلىقىدا بولىدۇ، ئەڭ يۇقىرى سۈرئىتى ھازىرقى مىڭ مېگابايتلىق كەڭ بەلباغنىڭ چوققا قىممەت سەۋىيەسىگە يېتىدۇ. مىسال كەلتۈرۈپ چۈشەندۈرسەك، 10M لىق كەڭ بەلباغدا يۇقىرى ئېنىقلىقتىكى بىر كىنونى چۈشۈرۈشكە تەخمىنەن بىر سائەت ۋاقىت كېتىدۇ، 200M لىق كەڭ بەلباغقا سەككىز مىنۇت ۋاقىت كېتىدۇ، مىڭ مېگالىق كەڭ بەلباغقا بولسا 16 سېكۇنت ۋاقىت كېتىدۇ. ھالبۇكى، كېچىكىش جەھەتتە، نۆۋەتتىكى 4G تورىنىڭ كېچىكىشى 20ms تىن يۇقىرى، 5G تورىنىڭ نەزەرىيە جەھەتتىكى كېچىكىشى 1ms تىن يۇقىرى. لېكىن SpaceX "بەزىدە تورغا ئۇلانمايدۇ"» دېگەن. 
 


ئۇندىن باشقا، بۇ خىل مۇلازىمەت ھەقسىز ئەمەس. ئابونت ئالدى بىلەن 499 ئامېرىكا دوللىرى سەرپ قىلىپ سىرتتىكى ئانتېننا ۋە روتېر سېتىۋالىدۇ، كېيىن ھەر ئايدا 99 ئامېرىكا دوللىرى مۇلازىمەت ھەققى تۆلەيدۇ. Twitter دا بەزى ئابونتلار «سېتىۋالغۇچى»نى ئاشكارىلىغان بولۇپ، ئانتېننا خۇددى بىر تال UFO غا ئوخشايدۇ، روتېر بولسا كۆپ تەرەپلىك گېئومېتىرىيەلىك جىسىمدۇر. يۈرۈشلەشتۈرۈلگەن Starlink App ھازىر App Store ۋە Google Play دا ئەپ بازىرىغا چىقىرىلدى، ئىشلەتكۈچىلەر قوللىنىشتىكى كۆرسەتمىگە ئاساسەن قۇراشتۇرسا بولىدۇ. بۇنىڭ ئىچىدە، Starlink سىرتتىكى ئانتېننانى چوقۇم بىپايان جايغا (مەسىلەن، ئۆگزىگە) ئورنىتىشنى، ئانتېننانى ھېچقانداق نەرسە بىلەن توسۇۋالمايدىغان قىلىپ ئورنىتىشنى تەلەپ قىلىدۇ. 
 
تېخىمۇ قىزىقارلىقى شۇكى، بەزى تورداشلار Starlink نىڭ سىناق نۇسخىسىدىكى ئىستېمالچىلار مۇلازىمەت ماددىسىنى تېپىپ چىققان بولۇپ، بۇنىڭ بىر ماددىسىدا: «مارس "ئەركىن پىلانېتا"، مارستىكى مۇستەملىكىلەر يەر شارى قانۇنىنى ئېتىراپ قىلمايدۇ.» دېيىلگەن. بۇنىڭ ئوتتۇرىسىدا يەنە قانداق باغلىنىش بار؟ 
 
Starlink خەير-ساخاۋەت تۈرى ئەمەس 
 
2015-يىلىلا ماسك يەر شارى سۈنئىي ھەمراھ ئالاقە تورى قۇرۇش پىلانىنى ئوتتۇرىغا قويغان. 2018-يىلى 3-ئايغا كەلگەندە،SpaceX  نىڭ Starlink تۈرىگە بولغان تەستىقى FCC تەرىپىدىن تەستىقلانغان. SpaceX پىلانىدا 2025-يىلىدىن بۇرۇن ئۈچ ئوربىتىغا ئىلگىرى-كېيىن بولۇپ 12 مىڭ دانە سۈنئىي ھەمراھنى ئورۇنلاشتۇرۇشنى پىلانلىغان: «ئالدى بىلەن 550 كىلومېتىر ئوربىتىغا تەخمىنەن 1600 دانە سۈنئىي ھەمراھ ئورۇنلاشتۇرۇلىدۇ، ئاندىن 1150 كىلومېتىر ئوربىتىغا تەخمىنەن 2800 دانە Ku/Ka دولقۇن بۆلىكىدىكى سۈنئىي ھەمراھ ئورۇنلاشتۇرۇلىدۇ، ئەڭ ئاخىرىدا 340 كىلومېتىر ئوربىتىغا تەخمىنەن 7500 دانە V دولقۇن بۆلىكىدىكى سۈنئىي ھەمراھ ئورۇنلاشتۇرۇلىدۇ.» 
 
 

Starlink سۈنئىي ھەمراھ | SpaceX 

SpaceX نىڭ ئېيتىشىغا ئاساسلانغاندا، سۈنئىي ھەمراھ تورى كەڭ كۆلەملىك، بۇلۇڭسىز سىگنال بىلەن قاپلىنىشنى ئەمەلگە ئاشۇرالايدۇ، ئېلېكتىر ماگنىت ئاساسىي پونكىتىغا ئوخشاش ھەر خىل توسالغۇلارنىڭ توسقۇنلۇقىغا ئۇچرىمايدۇ؛ سىگنالنىڭ كەڭلىكىدىن باشقا، سۈنئىي ھەمراھ تورىنىڭ نەزەرىيەۋى سۈرئىتىمۇ ئەنئەنىۋى تورنىڭكىدىن تېز. كەلگۈسىدە Starlink سۈنئىي ھەمراھ تورىدىكى ھەر بىر سۈنئىي ھەمراھ لازېر نۇرى ئارقىلىق باشقا تۆت سۈنئىي ھەمراھقا ئۇلىنىپ، سىگنالنى ۋاكۇئۇمدا نۇر تېزلىكىدە يەتكۈزۈپ بېرىدۇ، بۇ ئەنئەنىۋى ئوپتىك تالانىڭ سۈرئىتىدىن %50 تېز. ھالبۇكى، بۇ پۈتكۈل پىلانغا تەخمىنەن 10 مىليارد ئامېرىكا دوللىرى مەبلەغ سېلىش مۆلچەرلەندى. 
 
بۇلتۇر 10-ئايدا ماسك مۇۋەپپەقىيەتلىك ھالدا Starlink ئارقىلىق Twitter غا: «ۋاھ، پۈتتى! (Whoa, it worked!!)» دەپ ھالەت يېڭىلىغان ھەمدە ئىنتېرنېت تورى مۇلازىمىتى بىلەن تەمىنلەيدىغانلىقىنى بىلدۈرگەن. 
 
ھازىرغىچە،SpaceX  جەمئىي Starlink ناملىق سۈنئىي ھەمراھتىن 16 قېتىم قويۇپ بېرىش ۋەزىپىسىنى تاماملىدى، 10-ئاينىڭ 24-كۈنى تېخى بىر تۈركۈم سۈنئىي ھەمراھنى ئالەم بوشلۇقىغا ئېلىپ چىقتى، ھازىر ئوربىتىدىكى سۈنئىي ھەمراھلارنىڭ سانى 860 گە يەتتى. بۇ سۈنئىي ھەمراھلار گەرچە پۈتۈن يەر شارىنى قاپلىيالمايدىغان بولسىمۇ، لېكىن ئامېرىكىنىڭ غەربىي شىمال رايونىنى تور مۇلازىمىتى بىلەن تەمىنلىيەلەيدۇ. نۆۋەتتە SpaceX ۋاشىنگىتون شىتاتىنىڭ چەت رايۇنىدىكى تەشكىلاتلار بىلەن ھەمكارلىشىۋاتىدۇ. شىركەت ھازىر يەنە ھەر كۈنى ئالتە دانە سۈنئىي ھەمراھ ياساۋاتىدۇ، ھەر ئايدا ئىككى-ئۈچ تۈركۈم سۈنئىي ھەمراھ يۇلتۇز تۈركۈمىنى ئورۇنلاشتۇرىۋاتىدۇ. 

 Starlink تورى | SpaceX 

Starlink نىڭ ئىشلىتىش چۈشەندۈرۈشىدە، ئورگان تەرەپ مۇلازىمەتنىڭ 2021-يىلى تېزلىكتە پۈتۈن دۇنيا بازارلىرىغا كېڭىيىدىغانلىقىنى بىلدۈردى. ھازىرقى ئەھۋالدىن قارىغاندا، ئامېرىكىدىكى باشقا سۈنئىي ھەمراھ كەڭ بەلباغلىق تورى تىجارىتى بىلەن شۇغۇللىنىدىغان سودىگەرلەرنىڭ ھەق ئېلىش دەرىجىسى نۇرغۇن دەرىجىگە ئايرىلغان بولۇپ، ئادەتتە ئېقىم مىقدارىنىڭ يۇقىرى چېكى بولىدۇ، لېكىن «ھېچ بولمىغاندا يوقتىن ياخشى»تا بولسا ھەق ئېلىش ئايرىلمىغان، ئۇنىڭ ئۈستىگە ئىشلىتىش يۇقىرى چېكى بار-يوقلۇقىنى چۈشەندۈرمىگەن. ئامېرىكا Viasat Unlimited Silver 25 يۈرۈشلۈك مۇلازىمىتىنى مىسالغا ئالساق، ئايلىق ھەققى 100 ئامېرىكا دوللىرى، كەڭ بەلباغ پەقەت 25Mbps، ئۇنىڭ ئۈستىگە 60GB لىق سانلىق مەلۇمات چېكى بار. قەغەز يۈزىدىن قارىغاندا، Starlink نىڭ ئەۋزەللىكى روشەن. 
 
Starlink ئالدىنقى مەزگىلدە ئىزچىل ئېغىزىدىن چۈشۈرمەيدىغان «پۈتۈن دۇنيادىكى كىشىلەرنى ئىنتېرنېت تورىغا كىرگۈزۈش!» شوئارى نۇرغۇن كىشىلەرگە ئۇنى بىر جامائەت پاراۋانلىقى تۈرى دەپ تونۇتتى. لېكىن SpaceX سودا شىركىتى بولۇش سۈپىتى بىلەن پۇل تېپىش بىرىنچى مۇھىم ۋەزىپە. Starlink نىڭ دەسلەپكى ئىشلىتىش كۆرۈنۈشى ئاساسلىقى نوپۇس زىچلىقى بىر قەدەر تۆۋەن بولغان چەت، يىراق ۋە ئانچە تەرەققىي قىلمىغان رايونلارغا مۇلازىمەت قىلغان. بۇ جايلارغا ئۇل ئالاقە تورى ياتقۇزۇشنىڭ تەننەرخى ئىنتايىن يۇقىرى، ئۇنىڭ ئۈستىگە ئابۇنىچىلار ئاز بولغاچقا، سۈنئىي ھەمراھ ئالاقە تورى لايىھەسى تولۇقلىما لايىھە بولۇپ قالدى. بۇ خىل لايىھەدە «يوقلۇقتىن بارلىققا كېلىش» ئەمەس، بەلكى «بارلىقتىن ياخشىلىققا ئۆتۈش» كەچۈرمىشى ئوتتۇرىغا قويۇلغان، شۇڭا «ھېچ بولمىغاندا يوقتىن ياخشى» دېگەن سۆزگە بەلكىم بۇ مەنە يوشۇرۇنغان بولۇشى مۇمكىن. 
 
ئوخشاش تۈردىكى تىجارەت سودىگەرلىرىنى مىسالغا ئالساق، ViaSat نىڭ ئامېرىكىدا 600 مىڭ خېرىدارى بار، ئۇنىڭغا سودا مۇلازىمىتى ۋە ھۆكۈمەت زاكاز تالونى قاتارلىق تۈرلەرنى قوشقاندا، 2020-مالىيە يىلىدىكى كىرىمى 4 مىليارد 500 مىليون ئامېرىكا دوللىرىغا يېتىدۇ. «ۋال سترېت كوچىسى گېزىتى»نىڭ بۇنىڭدىن ئىلگىرى مۆلچەرلىشىچە، 2025-يىلىغا بارغاندا Starlink ئابونتلىرى 40 مىليوندىن ئېشىپ، 30 مىليارد ئامېرىكا دوللىرىغا يېتىدىكەن. بۇ يىل 6-ئايدا، SpaceX ئامېرىكا ھەربىي تەرەپ بىلەن كېلىشىم ھاسىل قىلىپ، Starlink سۈنئىي ھەمراھ توپىنى ئىشلىتىپ ئامېرىكا قۇرۇقلۇق ئارمىيەسى ئۈچۈن ئالاقە سىنىقى ئېلىپ بېرىدىغانلىقىنى جاكارلىدى، ئامېرىكا ھاۋا ئارمىيەسى ۋە قۇرۇقلۇق ئارمىيەسى ئاللىقاچان پائال قوللىنىش ئۈستىدە ئىزدەنمەكتە، كەلگۈسىدە نەچچە ئون مىڭ سۈنئىي ھەمراھ ئۇرۇش قىلىشقا ياردەم بېرىشى مۇمكىن. 
 
ئۆتكەن يىلى ماسك مۇنداق دېگەنىدى: «SpaceX دا سودا خاراكتېرلىك قويۇپ بېرىش ئارقىلىق ھەر يىلى ئەڭ كۆپ بولغاندا 3 مىليارد ئامېرىكا دوللىرى كىرىم قىلغىلى بولىدۇ، سۈنئىي ھەمراھ ئالاقە تورى ئارقىلىق 30 مىليارد ئامېرىكا دوللىرى تاپقىلى بولىدۇ.» ئۇ يەنە مۇنداق دېدى: «بىز Starlink دىن پايدىلىنىپ ئېرىشكەن كىرىمنىڭ پىلانېتلار ئارا ئالەم كېمىسى تۈرىنى مەبلەغ بىلەن تەمىنلەيدىغانلىقىغا ئىشىنىمىز.» 
 
ئاخىرقى نۇقتا مارسقا بېرىپ زۇڭتۇڭ بولۇش؟ 
تېخىمۇ قىزىقارلىقى شۇكى، Twitter ئابونتىWhole Mars Catalog  توردا Starlink نىڭ سىناق نۇسخىسىدىكى ئىستىمالچىلار مۇلازىمەت ماددىسىنى ئاشكارلىدى. 
 
بۇ «باشقۇرۇش قانۇنى» (Governing Laws) دەپ ئاتالغان ماددا، Spacex نىڭ يەر شارى ۋە ئاي شارىدىن باشقا خەلقئارا قانۇنغا رىئايە قىلمايدىغانلىقىنى، بەلكى «سەمىمىيلىك ئاساسىغا قۇرۇلغان» ئاپتونومىيە پىرىنسىپىنى قوللىنىدىغانلىقىنى بىلدۈرىدۇ. ئاددىي قىلىپ ئېيتقاندا، ئۇلار مارسنى «ئەركىن» دەپ قارايدۇ، مارستىكى مۇستەملىكىلەر يەر شارى قانۇنىنى ئېتىراپ قىلمايدۇ. 
 
بۇ ماددىلار چىقىرىلىشتىن بۇرۇن، Spacex مارس ئەتراپىدا چوڭ تىپتىكى سۈنئىي ھەمراھ ئالاقە تورى قۇرۇش پىلانىنى ئېلان قىلغان، شۇنداقلا مارستا يەر شارىغا بېقىنمايدىغان، ئۆزىنى ئۆزى قامدىيالايدىغان شەھەر قۇرۇش كېرەك. SpaceX مۇنۇلارنى بىلدۈردى: Starlink نىڭ يەر شارى ۋە ئاي شارىدىكى مۇلازىمىتى ئامېرىكا كالىفورنىيە شىتاتىنىڭ قانۇنىغا بويسۇنىدۇ، لېكىن مارس ياكى باشقا مۇستەملىكە ئالەم ئۇچقۇلىرىدا، ئۇ ھەرقانداق يەر شارى ھۆكۈمىتىنىڭ ھوقۇقى ياكى ئىگىلىك ھوقۇقىنى ئېتىراپ قىلمايدۇ. 
 
ئۇنىڭدىن باشقا، SpaceX نىڭ CEO سى Gwynee Shotwell  يەنە: « Starlinkنىڭ نىشانى كەلگۈسىدە مارستا ئالاقە قىلىشى ئۈچۈن ئۇل ئەسلىھە ھازىرلاش.» دەپ بىلدۈردى. «ئەمەلىيەتتە، مېنىڭچە مارس ئەتراپىدا Starlink غا ئوخشاش تور قۇرۇش تېخىمۇ مۇھىم.» دەيدۇ ماسك. 
 

مارس شەھەر رەڭ خەرىتىسى | SpaceX 

ماسكنىڭ قولىدا يەنە مارسقا بارىدىغان ئالەم كېمىسى پىلانى ۋە سودا ئادەملىك ئالەم قاتنىشى پىلانى بار، Starlink پىلانىنى بەلكىم كېيىنكى ئىككى پىلاننىڭ «ئۇل ئەسلىھەسى» دەپ قاراشقا بولىدۇ، Starlink نىڭ ئەمەلىيلىشىشى بىلەن ماسكنىڭ يەر شارىدىكى ئاھالىلەرنى ئالەم بوشلۇقىغا ساياھەتكە چىقىرىش ۋە ئالەم بوشلۇقىدا كان قېزىش ئارزۇسى تېخىمۇ تېز ئەمەلگە ئاشىدۇ. 
 
ماسك يېقىندا ئۆزىنىڭ 2024-يىلىدىكى تۇنجى قېتىملىق مارس سەپىرىدە ئۆزىنى ئۇنتۇغان ھالدا ئىشلەۋاتقانلىقىنى، ئادەملىك ئالەم كېمىسىنىڭ ھازىر SpaceX نىڭ «مۇھىم ۋەزىپىسى» ئىكەنلىكىنى، ئۆتكەن بىر نەچچە ئايدا ئىشچى-خىزمەتچىلەردىن سۈرئەتنى تېزلىتىش تەلەپ قىلىنغانلىقىنى جاكارلىدى. ماسكنىڭ نىشانى ئەڭ ئاخىرىدا 1 مىليون ئادەمنى مارسقا ئېلىپ چىقىپ ياشاش پۇرسىتىگە ئىگە قىلىش بولۇپ، بۇ ئۇلاردىن ھەر كۈنى ئۈچ قېتىم ياكى ھەر يىلى 1000 قېتىم راكېتا قاتنىشىنى تەلەپ قىلىدۇ (ھەر بىر نۆۋەتچى راكېتاغا 100 ئادەم قاچىلىنىدۇ). 
 
ئەمما ھازىر Starlink مۇ بەزى خىرىسلارغا دۇچ كەلمەكتە، بۇنىڭ ئىچىدە، ئاسترونومىيە ساھەسىدىكىلەر زور مىقداردىكى سۈنئىي ھەمراھنىڭ زەنجىرگە كىرىش بىخەتەرلىكىدىن گۇمانلىنىشقا باشلىدى. ئەڭ دەسلەپتە، SpaceX پىلانى 12 مىڭ دانە سۈنئىي ھەمراھ ئورۇنلاشتۇرۇشنى پىلانلىغان، لېكىن خەلقئارا تېلېگراف ئىتتىپاقى (ITU)نىڭ ئەڭ يېڭى ھۆججىتىگە ئاساسلانغاندا، SpaceX پىلانىدا 30 مىڭ دانە سۈنئىي ھەمراھنى ئارتۇق قويۇپ بېرىشنى پىلانلىغان. بۇنىڭغا سېلىشتۇرغاندا، نۆۋەتتە يەر شارى ئوربىتىسىدا تەخمىنەن 2000 دانە خىزمەت سۈنئىي ھەمراھى بار. 
 
خارۋارد-سمىتسون ئاسمان جىسىملىرى فىزىكىسى مەركىزىدىكى ئالىم Jonathan McDowell نىڭ بايقىشىچە، Starlink نىڭ قويۇپ بەرگەن 800 دانە سۈنئىي ھەمراھىنىڭ %3 ى، يەنى 20 دىن ئارتۇق سۈنئىي ھەمراھنىڭ كۈچىدىن قالغانلىقى، ھەم يەر يۈزىنىڭ كونتروللۇقىنى قوبۇل قىلالمايدىغانلىقى ھەم ئوربىتا ئۆزگەرتەلمەيدىغانلىقى ئېنىقلانغان. گەرچە %3 كۈچتىن قېلىش ئۈنۈمى نورمال بولسىمۇ، بىراق قورقۇنچلۇق يېرى شۇكى Starlink نىڭ قويۇپ بېرىش پىلانى ئادەمنى چۆچۈتىدىغان دەرىجىدە 42 مىڭغا يەتتى. ھازىرقى كۈچتىن قېلىش ئۈنۈمىگە ئاساسلانغاندا، ئەگەر ھەممىسى قويۇپ بېرىلسە ئاز دېگەندە 1000 «ئۆلۈك سۈنئىي ھەمراھ» پەيدا بولىدىكەن. 
 
پىلانغا ئاساسەن، Starlink نىڭ سۈنئىي ھەمراھى ئۆمرىنى ئاخىرلاشتۇرغاندىن كېيىن، ماتورنىڭ تەتۈر ئىتتىرىشى بىلەن ئوربىتىنى تۆۋەنلىتىپ ئاتموسفېرا قاتلىمىغا كىرىپ بىخەتەر كۆيۈپ كېتىدۇ. ئەمما، ئەگەر سۈنئىي ھەمراھ كۈچىدىن قېلىپ، يەر يۈزىنىڭ كونتروللۇقىغا ئۇچرىمىسا، ئوربىتىدا «لاغايلاپ» يۈرۈشى ھەمدە ئاخىرىدا باشقا سۈنئىي ھەمراھلار بىلەن سوقۇلۇپ كېتىشى مۇمكىن. 
 
لېكىن SpaceX «مىقدار ئارقىلىق غەلىبە قىلىش»تا چىڭ تۇرغاندەك قىلىدۇ. Starlink پىلانى باشلانغاندىن كېيىن، SpaceX ھەر قېتىم 1000 دىن ئارتۇق ئوربىتىنى ئىلتىماس قىلىۋاتىدۇ، خەلقئارا سۈنئىي ھەمراھنىڭ ئوربىتىنى تەقسىملەش پىرىنسىپى «ئاۋۋال ئىلتىماس قىلىپ، ئاۋۋال ئىشلىتىش» ۋە «كېيىن كەلگەنلەر ئاۋۋال كەلگەنلەرگە يول بېرىش»تىن ئىبارەتتۇر. مۇنداقچە ئېيتقاندا، Starlink پەقەت ئوربىتىنى ئىلتىماس قىلىش مۇۋەپپەقىيەتلىك بولسىلا، سۈنئىي ھەمراھ بوشلۇققا قويۇپ بېرىلمىگەن تەقدىردىمۇ، باشقىلارنىڭ قايتا ئىشلىتىش ھوقۇقى بولمايدۇ، كېيىن ئىلتىماس قىلغان تۈر بىلەن بۇرۇن ئىلتىماس قىلغان تۈر ئوتتۇرىسىدا توقۇنۇش پەيدا بولمايدۇ. مۇشۇنداق بولغاندا، تۆۋەن ئوربىتىلىق رايون Starlink سۈنئىي ھەمراھى بىلەن قاپلىنىپ كېتىدۇ، بۇ تۆۋەن ئوربىتىلىق ئوربىتا بايلىقىنىڭ بارغانسېرى كەمچىل بولۇۋاتقانلىقىدىن دېرەك بېرىپلا قالماي، شۇنىڭغا ئوخشاش تۈرلەرنىڭ Starlink ئوربىتىسىدىن ئۆزىنى قاچۇرۇشىمۇ بارغانسېرى قىيىنلىشىدۇ، ئۇنىڭ ئۈستىگە تېخىمۇ كۆپ ئارتۇقچە تەننەرخ سەرپ قىلىشقا توغرا كېلىدۇ. بەلكىم، Starlink ھەقىقەتەن «يول ئىگىلىۋالغان» دەپ گۇمان قىلىنغان بولۇشى مۇمكىن. 
 


Whole Mars Catalog توردا SpaceX مارستا يەر شارى قانۇنىنى ئېتىراپ قىلمىغان ھېلىقى Twitter يازمىسىنى تارقاتقاندىن كېيىن، باففېت بىلەن غىزالانغان سۇن يۈچېن «ماسك، مارس جۇمھۇرىيىتىنىڭ زۇڭتۇڭى» دېگەن قىستۇرما بىلەن بۇ يازمىنى ئۆزىنىڭكىدە نەقىل ئالغان. ئۇنداقتا، «يولنى ئىگىلىۋېلىش» پىلانېتلار ئارا مونوپوللۇقنى ئىشقا ئاشۇرۇپ، يەنە بىر يېڭى دۆلەت قۇرۇش ئۈچۈنمۇ؟ 
 
بەلكىم، كىشىلەر كېيىن مارسقا چىقىپ، بىر-بىرىنى بىلىپ تۇرۇپ تورنىڭ مەخپىي نومۇرىنى كىرگۈزۈشى مۇمكىن. چۈنكى، «زۇڭتۇڭ» ئىلگىرى Twitter دا «سۈنئىي ھەمراھنىڭ Wi-Fi مەخپىي نومۇرى "مارس ئادىمى (martians)"» دېگەن.

مەنبە: گىك باغچىسى
ئىلقۇت تەرجىمىسى

بۈگۈنكى تەۋسىيە كىتاب: «0 دىن 1 گە»
مەزكۇر كىتابنىڭ ئاۋازلىق ۋە يېزىقچە تولۇق نۇسخىسىغا ئېرىشمەكچى بولسىڭىز، تۆۋەندىكى ئىككىلىك كودنى سىكاننېرلاپ ئېرىشىڭ!

ياكى ئاستى سول تەرەپتىكى «阅读原文» دېگەن جايدىن كىرىپ ئېرىشىڭ!
【声明】内容源于网络
0
0
Nepkar
在这里你只能获取对你最有用的。 别忘了关注哦！
内容 408
粉丝 0
Nepkar 在这里你只能获取对你最有用的。 别忘了关注哦！
总阅读311
粉丝0
内容408