大数跨境
首页
>
دىققەت: 5 يىلغىچە چىقىمدان، ئۈندىداردا پۇل تۆلىشى چەكلىنىدۇ
>

دىققەت: 5 يىلغىچە چىقىمدان، ئۈندىداردا پۇل تۆلىشى چەكلىنىدۇ

دىققەت: 5 يىلغىچە چىقىمدان، ئۈندىداردا پۇل تۆلىشى چەكلىنىدۇ Nepkar
2020-11-12
0
导读：ئەگەر كىملىكى يۈتۈپ كەتكەن، تېلېفون كارتىسى ياكى بانكا كارتىسىدا بىنورمال ئەھۋال بولغانلار چوقۇم ۋاق

بۇ كىشىلەر چوڭ ئىشقا يولۇقتى، بەش يىل ئىچىدە چىقىمدان، ئۈندىداردا پۇل تۆلەشنى ئىشلىتىشى مەنئىي قىلىنىدۇ! 
كۆپ جايدىكى ساقچى تەرەپ قول سالدى 
 
 
يېقىندا، نۇرغۇن كىشىلەر ج خ تارماقلىرى تەرىپىدىن ئاگاھلاندۇرۇلۇپ: «بەش يىل ئىچىدە چىقىمدان ۋە ئۈندىداردا پۇل تۆلەشنى ئىشلىتىشى مەنئىي قىلىنىدۇ، پەقەت نەق پۇل ئىستېمال قىلالايدۇ.» دەپ كۆرسىتىلدى. 
 
بۇ كىشىلەرنىڭ بۇنداق قاتتىق جازالىنىشىدىكى سەۋەب ئۇلارنىڭ بانكا كارتىسى، تېلېفون كارتىسىدىن ئىبارەت «ئىككى كارتا»نى ئىشلىتىپ ئېلىپ-سېتىش، ئالدامچىلىق قىلغانلىقىدىن بولغان. 
 
گۇاڭدۇڭ، چېڭدۇ... قاتارلىق جايلاردىكى ساقچىلار «ئىككى كارتا» قانۇنغا خىلاپ جىنايىتىگە زەربە بەردى! 
 
گۇاڭجۇدا 2000 دىن ئارتۇق ئادەم بانكا كارتىسىنى ئىجارىگە بېرىش ۋە سېتىش قىلمىشى سەۋەبلىك ئاگاھلاندۇرۇلدى 
 
مۇخبىرنىڭ 11-نويابىر گۇاڭدۇڭ ئۆلكىلىك ج خ نازارىتىدىن ئىگىلىشىچە، گۇاڭدۇڭ ئۆلكىسى «ئىككى كارتا»غا زەربە بېرىش مەخسۇس ھەرىكىتىنى قانات يايدۇرغاندىن بۇيان، 2421 ئادەمنىڭ بانكا ھېساباتى ۋە شەخسىي بانكا كارتىسىنى سېتىش، ئىجارىگە بېرىش، ئارىيەتكە بېرىش قاتارلىق لەۋزىدە تۇرماسلىق قىلمىشى جازالانغان، ئۇلار بەش يىل ئىچىدە پەقەت نەق پۇل ئىشلىتىش، كۆچمە چىقىم قىلىش ئۈسكۈنىلىرىنى ئىشلەتمەسلىك، چىقىمدان ھېساباتىغا تىزىملاتماسلىق ۋە ئۈندىداردا چىقىم قىلىش ھېساباتى ئاچماسلىق قاتارلىق چەكلەش بۇيرۇقىنى تاپشۇرىۋالدى. 
 
10-ئاينىڭ 10-كۈنىدىن باشلاپ، پۈتۈن مەملىكەتتە تېلېفون كارتىسى، بانكا كارتىسىنى قانۇنسىز ئاچقان جىنايەت شايكىلىرىغا زەربە بېرىش، ئۇنى تۈزەش، جازالاش ئاساسىي نىشان قىلىنغان «كارتىنى ئۈزۈۋېتىش (断卡)» ھەرىكىتى قانات يايدۇرۇلدى. ھەرىكەتتىن بۇيان، گۇاڭدۇڭ ئۆلكىسىدىكى ج خ تارماقلىرى «ئىككى كارتا»غا چېتىشلىق 4200 دىن ئارتۇق جىنايەت گۇماندارىنى قولغا ئالدى، «ئىككى كارتا»غا چېتىشلىق 317 قارا كۈلرەڭ ئىشلەپچىقىرىش شايكىسىنى، 617 جىنايەت ئۇۋىسىنى بىتچىت قىلدى، نەق مەيداندا 6850 دىن ئارتۇق بانكا كارتىسى، 48 مىڭ 880 دىن ئارتۇق يانفون كارتىسى، 1 مىليون 90 مىڭدىن ئارتۇق پۇقرالارنىڭ شەخسىي ئۇچۇرىنى تەكشۈرۈپ قولغا چۈشۈردى. 
 
ئومۇمىي ئۇقتۇرۇشقا ئاساسلانغاندا، گۇاڭدۇڭ ئۆلكىلىك تېلېگراف تورىدىكى يېڭىچە قانۇنغا خىلاپ جىنايەتلەرگە زەربە بېرىش، تۈزەش نازارەت دەرىجىلىك بىرلەشمە يىغىنى ئىشخانىسى 47 سودا بانكىسى تور نۇقتىسى، دېلوغا چېتىشلىق 7 نۇقتىلىق ناھىيە، رايون بىلەن سۆھبەتلەشكەن، خەتەرلىك تېلېفون نومۇرىدىن 530 مىڭدىن ئارتۇقنى تەكشۈرۈپ تاقىغان، ئالدامچىلىق خەۋپى بار ھۆكۈمەت بانكىسى ھېساباتىدىن 400 مىڭدىن ئارتۇقنى، شەخسىي بانكا ھېساباتىدىن 200 مىڭدىن ئارتۇقنى تەكشۈرۈپ ئېنىقلىغان ۋە بىر تەرەپ قىلغان، دېلوغا چېتىشلىق «ئىككى كارتا»غا چېتىشلىقى كۆپرەك بولغان بىر تۈركۈم تىجارەت تور نۇقتىسى ۋە كەسىپ «ئىچكى ئۇچۇر مەنبە»لىرىنى ئاشكارىلىغان. 
 
 
گۇاڭدۇڭ فوشەن ساقچىلىرى ھەرىكەتتە كارتا ئوقۇرى، تېلېفون كارتىسى قاتارلىق دېلو سادىر قىلىش قوراللىرىنى قولغا چۈشۈردى (10-نويابىر تارتىلغان). شىنخۇا ئاگېنتلىقى تارقاتقان (گۇاڭدۇڭ ئۆلكىلىك ج خ نازارىتى تەمىنلىگەن رەسىم) 
 
چېڭدۇ قانۇنسىز سودا بانكا كارتىسى، تېلېفون كارتىسىنى ئاچقان، ئېلىپ-ساتقان 1376 نەپەر كىشىنى جازالىدى
 
چېڭدۇ ساقچى دائىرىلىرى بانكا كارتىسى، تېلېفون كارتىسى ئېلىپ-سېتىشتەك قانۇنغا خىلاپ جىنايى ھەرىكەتلەرگە قاتتىق زەربە بەردى، بۇ يىل 10-ئايدا «كارتىنى ئۈزۈش ھەرىكىتى (断卡行动)» باشلانغاندىن بۇيان، شەھەر بويىچە 204 جىنايەت گۇماندارىغا جىنايى ئىشلار بويىچە مەجبۇرلاش تەدبىرى قوللىنىپ، كارتا سېتىش شايكىسىدىن 36 نى بىتچىت قىلىپ، 574 بانكا كارتىسى، 54 مىڭ تېلېفون كارتىسىنى قولغا چۈشۈردى. شۇنىڭ بىلەن بىر ۋاقىتتا، چېڭدۇ ساقچى تەرەپ جۇڭگو خەلق بانكىسىنىڭ چېڭدۇ شۆبە بانكىسى، ئۈچ چوڭ خەۋەرلىشىش شىركىتى بىلەن بىرلىشىپ، تۇنجى تۈركۈمدە «ئىككى كارتا»نى قانۇنسىز ئىجارىگە بەرگەن، ئارىيەتكە بەرگەن، ساتقان، سېتىۋالغان 1376 كىشىگە ئاگاھلاندۇرۇش تەدبىرى قوللاندى، بۇ 1243 كىشىگە بانكا كارتىسى جازاسى، 133 كىشىگە تېلېفون كارتىسى جازاسى بېرىشنى ئۆز ئىچىگە ئالىدۇ. 
 
تونۇشتۇرۇلۇشىچە، بانكا كارتىسى جەھەتتىكى جازالاش تەدبىرلىرى ئاساسلىقى ئۈچ تەرەپنى ئۆز ئىچىگە ئالىدىكەن: 
 
بىرىنچى، ئىناۋەت جازاسى بېرىش. جۇڭگو خەلق بانكىسىنىڭ چېڭدۇ شۆبە بانكىسى ئالاقىدار ئۇچۇرلارنى پۇل مۇئامىلە ئىناۋەت ئاساسىي سانلىق مەلۇمات ئامبىرىغا كىرگۈزۈپ باشقۇرىدۇ، مەلۇم ۋاقىت ئىچىدە ئالاقىدار خادىملارنىڭ قەرز پۇل ئېلىش ۋە كىرېدىت كارتىسى ئىلتىماس قىلىشىغا تەسىر كۆرسىتىدۇ؛ 
 
ئىككىنچى، كەسىپكە چەك قويۇش. 5 يىل ئىچىدە ئالاقىدار ئورۇن ۋە شەخسلەرنىڭ بانكا سچوتىدىكى پۇكەيدىن باشقا كەسىپ، چىقىم سچوتىدىكى بارلىق كەسىپلەر ۋاقتىنچە توختىتىلىدۇ. مۇنداقچە قىلىپ ئېيتقاندا، ئالاقىدار ئورۇن ۋە شەخسلەر بەش يىل ئىچىدە بانكا كارتىسى ئارقىلىق ATM ئاپپاراتىدا پۇل ئامانەت قويۇش، پۇل ئېلىشقا، تور بانكىسى، يانفون بانكىسى ئارقىلىق ھېسابات يۆتكەشكە، كارتا سۈركەپ مال سېتىۋېلىشقا، مال سېتىۋېلىش تور پونكىتىدا تېز پۇل تۆلەشكە، چىقىمدان ھېساباتىغا تىزىملىتىشقا، چىقىمدان، ئۈندىداردا قىزىل بولاق قوبۇل قىلىش، تارقىتىش ۋە كودنى سكاننېرلاپ پۇل تۆلەشكە بولمايدۇ؛ 
 
ئۈچىنچى، ئىسچوتنى قاتتىق باشقۇرۇش. بانكا ۋە چىقىم قىلىش ئاپپاراتى بەش يىل ئىچىدە ئالاقىدار ئورۇن ۋە خادىملارغا يېڭى ھېساب ئېچىپ بېرىشكە بولمايدۇ. جازالاش مۇددىتى توشقاندا ھېساب ئېچىشنى ئىلتىماس قىلسا، بانكا ۋە چىقىم قىلىش ئاپپاراتى تەكشۈرۈش سالمىقىنى زورايتىدۇ. 
 
تېلېفون كارتىسى جەھەتتىكى جازالاش تەدبىرلىرىدە، ج خ ئورگانلىرى بېكىتكەن تېلېفون كارتىسىنى ئىجارىگە بەرگەن، ئارىيەتكە بەرگەن، ساتقان ھەمدە تېلېگراف تور ئالدامچىلىقى جىنايىتىگە زىيان سېلىشقا ئىشلەتكەن لەۋزىدە تۇرمىغان ئابونتلارغا قارىتا، ئۈچ چوڭ خەۋەرلىشىش تىجارەت شىركىتى پەقەت بىرلا تېلېفون كارتىسىنى ساقلاپ قېلىپ، بەش يىل ئىچىدە يان تېلېفون كارتىسىنى تورغا كىرگۈزمەسلىكتەك جازالاش تەدبىرىنى يولغا قويدى. 
 
كەڭ ئامما قوغداش ئېڭىنى كۈچەيتىشى كېرەك 
 
«كارتىنى ئۈزۈۋېتىش» ھەرىكىتىدە ساقچى تەرەپ كۈچ چىقىرىپلا قالماي، ئاممىمۇ ھوشيارلىقنى ئۆستۈرۈشى كېرەك. 
 
بىرىنچىدىن، ئۆزىنى قوغداش ئېڭىنى كۈچەيتىش كېرەك. شەخسىي ئۇچۇرنى قوغداش ئېڭىنى ئۆستۈرۈپ، كىملىك، بانكا كارتىسى، يانفون كارتىسىنى ياخشى قوغداش، يۈتۈپ كەتكەن ھامان دەرھال يوقالغانلىقىنى مەلۇم قىلىش، ئىشلەتمەي تاشلىۋېتىلگەن بانكا كارتىسى، يانفون كارتىسىنى ۋاقتىدا تىزىمدىن ئۆچۈرۈش رەسمىيىتىنى بېجىرىش، خالىغانچە تاشلىۋەتمەسلىك، ئېلىپ-ساتماسلىق كېرەك. 
 
ئىككىنچى، قانۇن قارىشىنى چوڭقۇرلاشتۇرۇش كېرەك. شەخسىي ئىناۋەت خاتىرىسىگە تەسىر يېتىشتىن ساقلىنىش ئۈچۈن، ئۆزىنىڭ كىملىكى، بانكا كارتىسى، يان تېلېفون كارتىسىنى ئىجارە، ئارىيەتكە بەرمەسلىك، ساتماسلىق كېرەك. 
 
ئۈچىنچى، ئىجتىمائىي مەسئۇلىيەت تۇيغۇسىنى كۈچەيتىش كېرەك. كىملىك، بانكا كارتىسى، يانفون كارتىسىنى ئېلىپ-سېتىش قاتارلىق قانۇنغا خىلاپ قىلمىشلارنى بايقىسا، جامائەت خەۋپسىزلىكى ئورگىنىغا ۋاقتىدا مەلۇم قىلىشى كېرەك. 
 
ئۇنىڭدىن باشقا، ساقچىلار شۇنى ئەسكەرتىدۇكى، ئەگەر كىملىكى يۈتۈپ كەتكەن، تېلېفون كارتىسى ياكى بانكا كارتىسىدا بىنورمال ئەھۋال بولغانلار چوقۇم ۋاقىت چىقىرىپ نامىدا ئەھۋالنى بىلمەيدىغان تېلېفون كارتىسى ياكى بانكا كارتىسىنىڭ بار-يوقلۇقىنى سۈرۈشتۈرۈپ، «قانۇنغا خىلاپلىق قىلغان جىنايەت گۇماندارى» دەپ قارىلىپ زەربە بېرىلىپ، جازالىنىپ، شەخسىي تۇرمۇشىغا تەسىر يېتىشتىن ساقلىنىشى كېرەك. نورمالسىزلىق بايقالسا، ئالاقىدار تارماقلارغا ۋاقتىدا ئىنكاس قىلىش كېرەك. 
 
بۇنىڭدىن ئىلگىرى خەۋەر قىلىنىشىچە، گوۋۇيۈەن مەملىكەت مىقياسىدا «كارتىنى ئۈزۈۋېتىش» ھەرىكىتىنى قانات يايدۇرۇشنى ئورۇنلاشتۇرغان 
 
10-ئاينىڭ 10-كۈنى، گوۋۇيۈەننىڭ تېلېگراف تورىدىكى يېڭىچە قانۇنغا خىلاپ جىنايەتكە زەربە بېرىش ۋە ئۇنى تۈزەش خىزمىتى مىنىستىرلار ئارا بىرلەشمە يىغىنىدا، مەملىكەت مىقياسىدا «كارتىنى ئۈزۈۋېتىش» ھەرىكىتىنى قانات يايدۇرۇپ، تېلېفون كارتىسى، بانكا كارتىسىنى قانۇنسىز ئېچىپ سېتىش جىنايىتىگە قاتتىق زەربە بېرىش ۋە ئۇنى تۈزەش ئورۇنلاشتۇرۇلدى. 
 
 
مەركىزىي تېلېۋىزىيە ئىستانسىسى مالىيە-ئىقتىساد «دەل ۋاقتىدىكى مالىيە-ئىقتىساد» سەھىپىسى خەۋىرى
 
جامائەت خەۋپسىزلىكى ئورگىنى بېكىتكەن بانكا ئىسچوتى ياكى چىقىم ئىسچوتىنى ئىجارە بەرگەن، ساتقان، ئارىيەت بەرگەن، سېتىۋالغان ئورۇن ۋە شەخسلەر، شۇنىڭدەك مۇناسىۋەتلىك تەشكىللىگۈچىلەر باشقىلارنىڭ سالاھىيىتىنى ئۆزىنىڭ قىلىۋېلىپ ياكى ۋاكالەتچىلىك مۇناسىۋىتىنى ئويدۇرۇپ چىقىرىپ، بانكا ئىسچوتى ياكى چىقىم ئىسچوتى ئاچقان ئورۇنلار ۋە شەخسلەر ئۆزىنىڭ بانكا ئىسچوتىنىڭ پوكەي كەسپىدىن باشقا كەسپى، چىقىم ئىسچوتىدىكى بارلىق كەسپىنى بەش يىلغىچە ۋاقىتلىق توختىتىش ھەمدە ئۇلارغا يېڭىدىن ئىسچوت ئېچىپ بەرمەسلىك جازالاش تەدبىرى قوللىنىش كېرەك. 
 
شۇنىڭ بىلەن بىر ۋاقىتتا، تېلېفون كارتىسىنى ئىجارىگە بەرگەن، ئارىيەتكە بەرگەن، ساتقان، سېتىۋالغان لەۋزىدە تۇرمىغان ئابونتلارنى جازالاش تەدبىرلىرىنى تۈزۈپ چىقىپ، دېلوغا چېتىشلىق «ئىككى كارتا»نى كۆپرەك بېجىرگەن بىر تۈركۈم تىجارەت تور نۇقتىلىرى ۋە كەسپىي خادىملارنى ئاشكارىلىغان.

مەنبە: جۇڭگو ئىقتىساد تورى سالونى
ئىلقۇت تېز تەرجىمىسى

تەۋسىيە كىتاب: شۆ جاۋفېڭ «ئىقتىساد تەپەككۇرى»
ئەگەر مەزكۇر كىتابنىڭ تولۇق مەزمۇنىغا قىزىقسىڭىز تۆۋەندىكى ئىككىلىك كودنى سىكاننېرلاپ مەزكۇر كىتابنىڭ ئۇيغۇرچە ئېلېكىتىرونلۇق نۇسخىسىنى ئوقۇڭ!

ياكى ئاستى سول تەرەپتىكى «阅读原文» دېگەن جاينى بېسىپ ئوقۇڭ!
【声明】内容源于网络
0
0
Nepkar
在这里你只能获取对你最有用的。 别忘了关注哦！
内容 408
粉丝 0
Nepkar 在这里你只能获取对你最有用的。 别忘了关注哦！
总阅读311
粉丝0
内容408