8-يانۋار، گوۋۇيۈەن بىرلىشىپ ئالدىنى ئېلىش-تىزگىنلەش مېخانىزمى ئاخبارات ئېلان قىلىش يىغىنى ئاچتى، دۆلەتلىك تەرەققىيات ۋە ئىسلاھات كومىتېتى، يېزا ئىگىلىكى-يېزا مىنىستىرلىقى، سودا مىنىستىرلىقى، دۆلەتلىك سەھىيە-ساغلاملىق كومىتېتى قاتارلىق ئالاقىدار مىنىستىرلىق، كومىتېتلار بايرام مەزگىلىدىكى يۇقۇمنىڭ ئالدىنى ئېلىش-تىزگىنلەش ۋە تەمىنلەشكە كاپالەتلىك قىلىش، باھانى مۇقىملاشتۇرۇشقا ئالاقىدار ئەھۋاللارنى تونۇشتۇردى ھەم تاراتقۇلارنىڭ سوئالىغا جاۋاب بەردى.
دۆلەتلىك سەھىيە-ساغلاملىق كومىتېتى: چاغان يېقىنلىغانسېرى يۇقۇمنىڭ ئالدىنى ئېلىش-تىزگىنلەش ئېڭىمىزنى تېخىمۇ ئۆستۈرۈشىمىز كېرەك
دۆلەتلىك سەھىيە-ساغلاملىق كومىتېتىنىڭ ئاخبارات باياناتچىسى مى فېڭ 8-يانۋار گوۋۇيۈەننىڭ بىرلىشىپ ئالدىنى ئېلىش-تىزگىنلەش مېخانىزمى ئاخبارات ئېلان قىلىش يىغىنىدا مۇنۇلارنى بىلدۈردى: يېقىنقى بىر ھەپتىدە دۇنيا بويىچە يېڭى تاجسىمان ۋىرۇسلۇق ئۆپكە ياللۇغى دەپ دىياگنوز قويۇلغان بىمار كۈنىگە ئوتتۇرا ھېساب بىلەن 1 مىليون 900 مىڭغا يېتىپ، ئالدىنقى قېتىملىق يۇقۇم يۇقىرى پەللىسىنىڭ ئىككى ھەسسىسىدىن ئېشىپ كەتتى. ئېلىمىزنىڭ سىرتتىن كىرىشتىن مۇداپىئەلىنىش بېسىمى يەنىمۇ ئاشتى، «سىرتتىن كىرىشتىن مۇداپىئەلىنىش، ئىچكى قىسىمدا قايتا كۆرۈلۈشنىڭ ئالدىنى ئېلىش» ئومۇمىي تاكتىكىسى ۋە «ھەرىكەت ھالىتىدە تۈگىتىش» باش فاڭجېنىدا داۋاملىق چىڭ تۇرۇپ، تەكشۈرۈشكە تېگىشلىكلىرىنى تولۇق تەكشۈرۈش، ئايرىشقا تېگىشلىكلىرىنى تولۇق ئايرىش، تۈزەشكە تېگىشلىكلىرىنى تولۇق تۈزەش تەلىپىنى كەم-كوتىسىز ئىشقا ئاشۇرۇپ، ئاھالىلەرنىڭ تۇرمۇش كاپالىتى ۋە كېسەل كۆرسىتىش، دورا ئېلىش ئېھتىياجىنى ھەقىقىي ياخشى ھەل قىلىپ، چاغان يېتىپ كېلىش ئالدىدا، يۇقۇمنىڭ ئالدىنى ئېلىش-تىزگىنلەش ئېڭىمىزنى تېخىمۇ ئۆستۈرۈشىمىز كېرەك.
مەملىكەت بويىچە يېڭى تاجسىمان ۋىرۇس ۋاكسىنىسى تولۇق ئەملەنگەن ئادەم سانى 1 مىليارد 210 مىليوندىن ئاشتى
دۆلەت سەھىيە-ساغلاملىق كومىتېتىنىڭ ئاخبارات باياناتچىسى مى فېڭ 8-يانۋار گوۋۇيۈەننىڭ بىرلىشىپ ئالدىنى ئېلىش-تىزگىنلەش مېخانىزمى ئاخبارات ئېلان قىلىش يىغىنىدا مۇنۇلارنى بىلدۈردى: 7-يانۋارغىچە، مەملىكەت بويىچە دوكلات قىلىنغان يېڭى تاجسىمان ۋىرۇس ۋاكسىنىسىنىڭ ئەملىنىش قېتىم سانى 2 مىليارد 887 مىليون 772 مىڭغا، تولۇق ئەملەنگەن ئادەم سانى 1 مىليارد 215 مىليون 878 مىڭ ئادەمگە يەتتى.
يېزا ئىگىلىكى-يېزا مىنىستىرلىقى: چاغان مەزگىلىدە ئاشلىق، ياغ، گۆش، تۇخۇم، سۈت، بېلىق، مېۋە ۋە كۆكتات قاتارلىقلار بىلەن تەمىنلەش يېتەرلىك بولىدۇ
چاغان مەزگىلىدە، پۇقرالارنىڭ ئاشلىق ۋە كۆكتاتقا بولغان ئېھتىياجى تولۇق كاپالەتكە ئىگە بولامدۇ؟ يېزا ئىگىلىكى-يېزا مىنىستىرلىقى بازار ۋە ئۇچۇرلاشتۇرۇش مەھكىمىسىنىڭ مۇئاۋىن باشلىقى ليۇ خەن 8-يانۋار ئېچىلغان گوۋۇيۈەننىڭ بىرلىشىپ ئالدىنى ئېلىش-تىزگىنلەش مېخانىزمى ئاخبارات ئېلان قىلىش يىغىنىدا مۇنۇلارنى بىلدۈردى: بۇ يىل چاغان مەزگىلىدە، ئاشلىق، ياغ، گۆش، تۇخۇم، سۈت، بېلىق ۋە كۆكتات قاتارلىقلارنىڭ تەمىناتى يېتەرلىك بولۇپ، شەھەر-يېزا ئاھالىلىرىنىڭ ئىستېمال ئېھتىياجىنى تامامەن قاندۇرالايدۇ.
دۆلەتلىك تەرەققىيات ۋە ئىسلاھات كومىتېتى: شىئەندە نۇقتىلىق تۇرمۇش بۇيۇملىرى بىلەن تەمىنلەش ۋە زاپاس ساقلاش بىر قەدەر يېتەرلىك
دۆلەتلىك تەرەققىيات ۋە ئىسلاھات كومىتېتى ئىقتىسادنىڭ ئايلىنىشىنى تەڭشەش ئىدارىسىنىڭ مۇئاۋىن باشلىقى شۈ جېڭبىن 8-يانۋار ئېچىلغان گوۋۇيۈەننىڭ بىرلىشىپ ئالدىنى ئېلىش-تىزگىنلەش مېخانىزمى ئاخبارات ئېلان قىلىش يىغىنىدا مۇنۇلارنى بىلدۈردى: دۆلەتلىك تەرەققىيات ۋە ئىسلاھات كومىتېتى ئالاقىدار تارماقلار بىلەن بىرلىكتە ھەر كۈنى شىئەن شەھىرىنىڭ ئاشلىق، ياغ، تۇخۇم، گۆش، كۆكتات، مېۋە قاتارلىق تۇرمۇش ماددىي ئەشيالىرىنىڭ ئىشلەپچىقىرىلىش، سېتىۋېلىنىش، توشۇلۇش، سېتىلىش ئەھۋالىنى كۆزىتىپ ۋە ئىگىلەپ، تۈركۈمگە بۆلۈپ بېجىرىشكە تاپشۇرۇپ، تاراتقۇلار ئىنكاس قىلغان ئايرىم مەسىلىلەرنى بېجىرىشكە ھەيدەكچىلىك قىلدى. ھازىر شىئەن شەھىرىدە نۇقتىلىق تۇرمۇش بۇيۇملىرى بىلەن تەمىنلەش ۋە زاپاس ساقلاش يېتەرلىك، ئاشلىق، ياغ باھاسى ئاساسىي جەھەتتىن مۇقىم، گۆشنىڭ باھاسى ئازراق ئۆسكەن، كۆكتات باھاسى ئالدىنقى مەزگىلدە ئۆرلىگەندىن كېيىن تۆۋەنلىدى، شەنشىگە يېڭى، تىرىك يېزا ئىگىلىك مەھسۇلاتلىرىنى توشۇيدىغان ئاپتوموبىللارنىڭ سانى مۇقىم ئەسلىگە كەلتۈرۈلدى.
مەنبە: جۇڭگو رادىيو تورى ئۇيغۇرچە سالونىدىن ئېلىندى.
مەنبە: جۇڭگو رادىيو تورى ئۇيغۇرچە سالونىدىن ئېلىندى.
تەۋسىيە كىتاب: شۆ جاۋفېڭ «ئىقتىساد تەپەككۇرى»
ئەگەر مەزكۇر كىتابنىڭ تولۇق مەزمۇنىغا قىزىقسىڭىز تۆۋەندىكى ئىككىلىك كودنى سىكاننېرلاپ مەزكۇر كىتابنىڭ ئۇيغۇرچە ئېلېكىتىرونلۇق نۇسخىسىنى ئوقۇڭ!
