ليەنشياڭنىڭ ماھىيىتى: سودا-ئىشلەمچىلىك-تېخنىكا ئەندىزىسى- 大数跨境

ليەنشياڭنىڭ ماھىيىتى: سودا-ئىشلەمچىلىك-تېخنىكا ئەندىزىسى

Nepkar

2021-12-07

导读：بازار ئىگىلىكى پىرىنسىپى بويىچە، ئىگىلىك تىكلىگەندىن سېتىۋالغانغا، سېتىۋالغاندىن ئىجارىگە ئالغانغا ي

يېقىندا، ليەنشياڭنىڭ شالتاق ئىشلىرى تازا ئەۋجىگە چىقتى، بەزىلەر ليەنشياڭنى ۋەتەن ساتاتتى دېسە، بەزىلەر ليەنشياڭنى خەلقئارالىشىشنىڭ ئۈلگىسى دېيىشەتتى، قىسقىسى، ئىككى تەرەپدارلىققا بۆلۈپ كەتتى.

مېنىڭچە، «ليەنشياڭ»نىڭ مەسىلىسى ھەرگىزمۇ «ليەنشياڭ»نىڭ دۆلەت مۈلكىنى يۇتۇۋېلىش-يۇتۇۋالماسلىقى، شۇنداقلا ئۇنىڭ پۇل تېپىش-تاپماسلىقىدىن ئىبارەت ئاددىي مەسىلە ئەمەس. (بۇ يەرنى بېسىپ «ليەنشياڭ نېمە ئۈچۈن بىردىنلا تىل ئىمبارگۇسىغا ئۇچرايدۇ؟» دېگەن يازمىنى ئوقۇڭ!)

ليەنشياڭ ماھىيەتتە بىر جىزى (智子)، ئامېرىكىنىڭ جۇڭگوغا قويۇپ بەرگەن جىزىسى.

«ئۈچتەن (三体)»دە، ئۈچتەن ئادەم يەر شارى مەدەنىيىتىنىڭ مەۋجۇتلۇقىنى رازۋېدكا قىلىدۇ، ئۈچتەن يۇلتۇزلار سىستېمىسىنىڭ ئۆمرى كۆپ قالمىغانلىقتىن، ئۈچتەن كىشىلەر باشقا يول تېپىپ، بىر يۇلتۇزلار سىستېمىسى كۆچمەنلىرىنى ئىزدەپ ئۆتۈشى كېرەك ئىدى.

يەر شارى جايلاشقان قۇياش سىستېمىسىنىڭ ئۈچتەن يۇلتۇزلار سىستېمىسى بىلەن بولغان ئارىلىقى ئانچە يىراق ئەمەس، پەقەت 4.25 نۇر يىلى كېلىدۇ، ئۈچتەن ئادەم ئەينى چاغدا تۇرغۇن يۇلتۇز دەرىجىلىك ئالەم كېمىسىنى ياساش تېخنىكىسىنى ئىگىلىگەن بولۇپ، ھەرىكەتلەندۈرگۈچ كۈچى «ئوڭ-تەتۈر ماددىلارنىڭ يوقىلىش»ى ئىدى.

شۇڭا، ئۇلار تۇنجى فلوتنى قۇياش سىستېمىسىغا يۈرۈش قىلىشقا ئەۋەتكەن. بىراق، بىر مەسىلە بار، 4.25 يورۇقلۇق يىلى كائىناتنىڭ ئۆلچىمى ئىچىدە گەرچە ناھايىتى كىچىك بولسىمۇ، ئەمما ئۈچتەن فىلوتقا نىسبەتەن ئېيتقاندا ناھايىتى يىراق بولۇپ، 400 يىل ئەتراپىدا ئاندىن قۇياش سىستېمىسىغا يېتىپ بارالايدۇ.

ئۈچتەن ئادەمنىڭ بۇ چاغدا پەن-تېخنىكا ئۈستۈنلۈكى بولىدۇ، لېكىن 400 يىلدىن كېيىن بىر نېمە دېمەك تەس، ئۇنىڭ ئۈستىگە يەر شارى مەدەنىيىتىنىڭ پەن-تېخنىكا تەرەققىياتى تېزلىشىدۇ، بۇ 400 يىل ئىچىدە ئۈچتەن پەن-تېخنىكا سەۋىيەسىنى ئىگىلەش ھەرگىز مۇمكىن ئەمەس.

ئەگەر راستتىنلا شۇنداق بولسا، ئۇ ئۈچتەن فلوتى ئادەم جېنىغا زامېن بولىدۇ، بۇ يول قويۇلمايدۇ، ھەرگىز يول قويۇلمايدۇ.

ئۈچتەن ئادەم ئويلاپ تاپقان چارە يەر شارى پەن-تېخنىكىسىنىڭ تەرەققىياتىنى بوغۇپ، يەر شارى ئادەملىرىنى 400 يىل ئىچىدە ئاساسىي پەنلەردە ئىلگىرىلەش ھاسىل قىلىش ئىمكانىيىتىگە ئىگە قىلىشتىن ئىبارەت.

قانداق قىلغاندا يەر شارىنىڭ پەن-تېخنىكا تەرەققىياتىنى توسۇپ قالغىلى بولىدۇ؟ يەر شارىغا ئەقىل جىزى (智子) بېرىشتىن ئىبارەت.

بارلىق پەنلەرنىڭ ئاساسى فىزىكا بولغاچقا، فىزىكىنىڭ ئاساسى يەنە زەررىچە فىزىكىسى، شۇڭا زەررىچە فىزىكىسى تەرەققىي قىلالمىغان ھامان يەر شارىنىڭ پەن-تېخنىكىسىدا تۈپ خاراكتېرلىك ئىلگىرىلەش بولمايدۇ.

زەررىچە فىزىكىسى تەتقىقاتىنىڭ ئاچقۇچى يۇقىرى ئېنېرگىيەلىك زەررىچە تېزلەتكۈچ بولۇپ، ئەگەر تېزلەتكۈچنى بىكار قىلغاندا، زەررىچە فىزىكىسى ئاساسىي جەھەتتىن كېرەكسىز بولۇپ قالىدۇ-دە، جىزى (智子) زەررىچىسى مۇشۇنداق ئىقتىدارغا ئىگە بولۇپ، ئۇ تېزلەتكۈچكە يوشۇرۇنۇۋېلىپ، تېزلەتكۈچنىڭ تەجرىبىسىگە كاشىلا قىلىپ، ئەڭ ئاخىرقى تەجرىبە سانلىق مەلۇماتىنى ھامان خاتا قىلىپ قويىدۇ.

جىزى (智子)نىڭ كاشىلىسى بىلەن تېزلەتكۈچ كېرەكتىن چىقىپ، زەررىچە فىزىكىسى بىر ئىزدا توختاپ قالىدۇ، يەر شارىلىقلارنىڭ پەن-تېخنىكىسى ئۈزۈل-كېسىل بوغۇلىدۇ، يەر شارىلىقلارنىڭ پەن-تېخنىكىسى پەقەت قۇرۇلۇش خاراكتېرلىك بۆسۈش قىلالايدۇ، فىزىكا قائىدىسىدە بۆسۈش ھاسىل قىلالمايدۇ.

قۇرۇلۇش خاراكتېرلىك بۆسۈش دېگەن نېمە؟ قەدىمكىلەر ئات ھارۋىسىدا دەسلەپتە بىر ئات ئىشلەتكەن، كېيىن ئىككى ئات، ئۇنىڭدىن كېيىن تۆت ئات ئىشلەتكەن، ئىلگىرى ئات ھارۋىسىغا ئەڭ كۆپ بولغاندا بىر كۈنلۈك قوشۇلغان، ھازىر بىۋاسىتە بىر ۋاگون قوشۇلغان، ۋاگونغا بېزەك قوشۇلغان، يەنە ئاۋاز توسۇش سىستېمىسىمۇ ئورنىتىلغان، پادىشاھ ئات ھارۋىسىدا ئامراق خانىشى بىلەن «چەت ئەل تىلى» ئۆگەنگەن.

ئات ھارۋىسى بارغانسېرى ھەشەمەتلىك بولۇپ كەتتى، لېكىن ئۇ يەنىلا ئات ھارۋىسى خالاس، ماھىيەتلىك ئۆزگىرىش يوق، مانا بۇ قۇرۇلۇش خاراكتېرلىك بۆسۈش.

فىزىكا قائىدىسىدىكى بۆسۈش بولسا ئىچىدىن يانىدىغان دۋىگاتېلنى كەشىپ قىلىش، ئاندىن ئاپتوموبىلنى كەشىپ قىلىش، ئات ھارۋىسىنىڭ ئورنىنى ئۈزۈل-كېسىل ئېلىش ئىدى، ئاپتوموبىل ئات ھارۋىسىغا سېلىشتۇرغاندا پۈتۈنلەي يېڭى بىر نەرسە ئىدى، مانا بۇ فىزىكا قائىدىسىدىكى بۆسۈش ئىدى.

جىزى مەۋجۇت بولغاچقا، يەر شارى ئادەملىرى پەقەت قۇرۇلۇش خاراكتېرلىك بۆسۈشنىلا قولغا كەلتۈرەلەيدۇ، جاڭ بېيخەي ھوشىغا كەلگەندىن كېيىن، ئىنسانلار 2000 دىن ئارتۇق تۇرغۇن يۇلتۇز دەرىجىلىك جەڭ پاراخوتىغا ئىگە بولىدۇ، كۆلىمى ناھايىتى چوڭ، قارىماققا ناھايىتى ھەيۋەتلىك كۆرۈنىدۇ، جەڭ كېمىسىنىڭ سۈرئىتى يورۇقلۇق تېزلىكىنىڭ %15 ىگە يېتىدۇ، يەنە يۇلتۇزلار ئارا باشقۇرۇلىدىغان بومبا قويۇپ بېرەلەيدۇ.

لېكىن، جاڭ بېيخەي قىلچىمۇ ھاياجانلانمايدۇ، چۈنكى ئۇ ئاساسىي فىزىكا پەرقى تۈپەيلىدىن، بۇ جەڭ كېمىلىرى بىلەن ئۈچتەن جەڭ كېمىسىنىڭ پەرقى ئات ھارۋىسى بىلەن ماشىنىنىڭ پەرقىگە ئوخشايدىغانلىقىنى ئوبدان بىلەتتى.

«چىڭگىزخاننىڭ ئاتلىق ئەسكەرلىرىنىڭ ھۇجۇم قىلىش سۈرئىتى 20-ئەسىردىكى بىرونېۋىك قىسىملىرىنىڭكىگە باراۋەر كېلىدۇ؛ شىمالىي سۇڭ سۇلالىسىنىڭ قونداقلىق ئوقياسىنىڭ ئېتىلىش مۇساپىسى 1500 مېتىرغا يېتىدىغان بولۇپ، 20-ئەسىردىكى مەرگەن مىلتىقىدىن پەرقلەنمەيدۇ؛ لېكىن بۇلار يەنىلا قەدىمكى زاماندىكى ئاتلىق ئەسكەرلەر بىلەن قونداقلىق ئوقيادىن باشقا نەرسە ئەمەس، ھازىرقى زامان كۈچلىرى بىلەن تىركىشىشى مۇمكىن ئەمەس، ئاساسىي نەزەرىيە ھەممىنى بەلگىلەيدۇ.»

جاڭ بېيخەي كەسكىن ھالدا «تەبىئىي تاللىنىش» ناملىق پاراخوتنى ھەيدەپ قېچىپ كېتىدۇ، چۈنكى ئۇ بۇ ئۇرۇشتا چوقۇم مەغلۇپ بولىمىز، دەپ قاراپ، ئالدى بىلەن ئالدىغا چىقىپ، يەر شارى مەدەنىيىتى ئۈچۈن ئۇچقۇن ساقلاپ قالغان.

ئىش دەرۋەقە ئۇنىڭ ئويلىغىنىدەك بولىدۇ، غايەت زور يەر شارى فىلوتى بىلەن كىچىككىنە سۇ تامچىسى ئۇچراشقاندىن كېيىن، سۇ تامچىسى پەقەت ئەڭ ئىپتىدائىي تاكتىكا ــ سوقۇلۇش ئارقىلىقلا يەر شارى فىلوتىنى پۈتۈنلەي دېگۈدەك ھالاك قىلىدۇ.

چۈنكى، سۇ تامچىسى ئىشلەتكەن ماتېرىياللاردا كۈچلۈك قوشۇمچە تەسىر كۈچ ئاساس قىلىنغان بولۇپ، فىزىكا پرىنسىپىدىكى غايەت زور ئۈستۈنلۈك مەۋجۇت، يەر شارى ئادەملىرى نېمىنىڭ كۈچلۈك قوشۇمچە تەسىر كۈچ ماتېرىيالى ئىكەنلىكىنى تېخى بىلمەيتتى، قەدىمكى زاماندىكى ئارمىيە ھازىرقى زامان ئارمىيەسىگە دۇچ كەلگەنگە ئوخشاش، ئايروپىلان، تانكىلارنى كۆرگەندە پۈتۈنلەي نېمە قىلارىنى بىلەلمەي قېلىپ، ئاسماندىن چۈشكەن ئەسكەر ئوخشايدۇ، دەپ قالىدۇ.

«ليەنشياڭ»نى تىلغا ئالساق، «ليەنشياڭ»نى سانسىزلىغان جۇڭگو كارخانىلىرى «خەلقئارالاشقان ئۈلگە» دەپ تەرىپلەيدۇ، ليۇ چۈەنجى تېخىمۇ «جۇڭگو كارخانىچىلىرىنىڭ ئوقۇتقۇچىسى» دەپ تەرىپلىنىدۇ.

بۇ ليەنشياڭنىڭ بىر يۈرۈش «سودا-ئىشلەمچىلىك-تېخنىكا (贸工技)» ئىدىيەسىنىڭ ماھىيىتىنى چۈشەندۈرىدۇ، ئەمەلىيەتتە تېخنىكىدىن ۋاز كېچىپ، كۆڭۈل قويۇپ سودا قىلىپ، بازار ئىگىلىكى پىرىنسىپى بويىچە، ئىگىلىك تىكلىگەندىن سېتىۋالغانغا، سېتىۋالغاندىن ئىجارىگە ئالغانغا يەتمەيدۇ. (بۇ يەرنى بېسىپ «ليۇ چۈەنجىنىڭ خاتالىقى نەدە؟» دېگەن يازمىنى كۆرۈڭ.)

ئەگەر ئادەتتىكى كارخانا بولسا، سىز قانداق قىلىشنى ياخشى كۆرسىڭىز شۇنداق قىلىسىڭىز، ھېچكىم سىزنى باشقۇرمايدۇ، لېكىن ليەنشياڭ ئوخشىمايدۇ، ئۇنىڭ ئورنى ئىنتايىن يۇقىرى، ليۇ چۈەنجىنىڭ سودا ساھەسىدىكى ئورنىمۇ ناھايىتى يۇقىرى بولۇپ، ئۇنىڭ «ياساش سېتىۋالغانغا يەتمەيدۇ، سېتىۋېلىش ئىجارىگە ئالغانغا يەتمەيدۇ!» دېگەن ئىدىيەسى كەڭ تارقىلىپ، نۇرغۇن كىشىلەرنى زەھەرلىگەن.

ئەمەلىيەتتە، جۇڭگو ئىسلاھات، ئېچىۋېتىشتىن ئىلگىرى، تېخنىكا تەتقىق قىلىپ ئېچىشقا ئىنتايىن ئەھمىيەت بېرەتتى، قائىدە بويىچە ئېيتقاندا، ئىسلاھات، ئېچىۋېتىشتىن كېيىن، تېخىمۇ يېتەرلىك مەبلەغ ۋە ئىختىساسلىقلار بولغاندىن كېيىن، تەتقىق قىلىپ ئېچىشقا تېخىمۇ ئەھمىيەت بېرىش كېرەك ئىدى.

لېكىن، ئەمەلىيەت دەل بۇنىڭ ئەكسىچە، جۇڭگودا سىياسىي ۋەزىپىنى ئۈستىگە ئالغان دۆلەت كارخانىلىرى ۋە خۇاۋېي قاتارلىق ئاز ساندىكى كارخانىلاردىن باشقا، كۆپ ساندىكى كارخانىلار تېخنىكا تەتقىقاتىغا ئادەت خاراكتېرلىك سەل قارايدۇ، تەتقىق قىلىپ ئېچىشقا ناھايىتى كۆپ پۇل كېتىدۇ، يەنە تېخى نەتىجىسى بولۇشى ناتايىن، شۇڭا، ئەگەر ئۆزى كۆپ پايدا ئالالمىسا، تەبىئىي ھالدا تەتقىق قىلىپ ئېچىشقا جۈرئەت قىلالمايدۇ.

ھالبۇكى، جۇڭگودا گەرچە ناھايىتى كۆپ پۇل تاپىدىغان ئالاقە تورى شىركىتى بولسىمۇ، ئەمما تەتقىق قىلىپ ئېچىشقا قاتناشمىغان، مەسىلەن، ئەلى بابانىڭ بۇلتۇر ئالغان پايدىسى 150 مىليارد يۈەن، تېڭشۈننىڭ 120 مىليارد يۈەن بولغان، لېكىن سىز ئۇلارنىڭ قولغا كەلتۈرگەن پەن-تېخنىكا نەتىجىلىرىنى ئاڭلاپ باققانمۇ؟ (بۇ يەرنى بېسىپ «كىم دوست، كىم دۈشمەن؟» دېگەن يازمىنى كۆرۈڭ.)

ئاڭلاپ باقمىغانغۇ دەيمەن. بۇنىڭ بىلەن روشەن سېلىشتۇرما بولغىنى ئوكياننىڭ ئۇ قىرغىقىدۇر، ئامېرىكىنىڭ ئالاقە تورى كارخانىلىرى زور مىقداردا تۆۋەن قاتلام تېخنىكىسى تەتقىقاتى بىلەن شۇغۇللىنىدۇ، گۇگولنىڭ ئالفا ئىتى، كىۋانت ھېسابلىشى، ئامازوننىڭ بۇلۇت ھېسابلىشى قاتارلىقلار.

شۇڭا، پۇل بولماسلىق بىلەن تەتقىق قىلىپ ئاچماسلىقنى چۈشەندۈرگىلى بولمايدۇ، جۇڭگو كارخانىلىرى تەتقىق قىلىپ ئېچىشقا ئومۇميۈزلۈك ئەھمىيەت بەرمەيدۇ، بۇنىڭ مەنبەسى ئىلگىرىكى «سودا-ئىشلەمچىلىك-تېخنىكا (贸工技)» ئەندىزىسىنىڭ چوڭقۇر تەسىرىگە ئۇچراپ، «ياساش سېتىۋالغانغا يەتمەيدۇ، سېتىۋېلىش ئىجارە ئالغانغا يەتمەيدۇ!» دېگەن تەپەككۇر شەكلىنى شەكىللەندۈرگەن، تېخنىكا تەتقىق قىلىپ ئېچىش تىلغا ئېلىنسىلا، ئىختىيارسىز ھالدا تېز پۇل تاپقىلى بولمايدىغانلىقىنى، ئامېرىكىنى يەڭگىلى بولمايدىغانلىقىنى ھېس قىلىدۇ.

ئۇنىڭ ئۈستىگە «سودا-ئىشلەمچىلىك-تېخنىكا (贸工技)» ئىدىيەسىنىڭ تەسىرىدە، نۇرغۇن ئىقتىسادشۇناسلار «يادرولۇق تېخنىكىنى تەتقىق قىلىپ ياساش "بازار ئىگىلىكى"گە ماس كەلمەيدۇ.» دەپ جار سالدى، شۇنداقلا جۇڭگونىڭ يادرولۇق تېخنىكىسىنىڭ تەرەققىياتىنى ئېغىر دەرىجىدە چەكلەپ قويدى.

سودا ئۇرۇشى مەزگىلىدە، مەلۇم بىر مەشھۇر ئىقتىسادشۇناس «ئۆزەك تەتقىقاتىغا مەبلەغ سېلىش ئىنتايىن خەتەرلىك، بازار ئىگىلىكىگە ئۇيغۇن كەلمەيدۇ.» دېگەن.

ئۇنداقتا مەسىلە چىقتى، ئامېرىكىنىڭ ئىقتىسادىي ئەندىزىسى بازار ئىگىلىكىگە ئۇيغۇنمۇ؟ جاۋابى ئۇيغۇن ئەمەس.

ئامېرىكا كىرېمنىي جىلغىسىنى مىسالغا ئالساق، كىرېمنىي جىلغا 20-ئەسىرنىڭ 50-يىللىرىدىن باشلاپ بىخلىنىشقا باشلىغان، بۇ چاغدىكى كىرېمنىي جىلغا شىركىتى، مەسىلەن، شيەنتۇڭ يېرىم ئۆتكۈزگۈچ تۈرىدىكى مەھسۇلاتلارنىڭ دەسلەپكى مەزگىلىدە ئاساسلىقى ئامېرىكىنىڭ دۆلەت مۇداپىيە مىنىستىرلىقىغا سېتىپ بېرىلەتتى، چۈنكى ئەينى چاغدا بازار يېرىم ئۆتكۈزگۈچلۈك مەھسۇلاتلارغا ئانچە ئېھتىياجلىق ئەمەس ئىدى.

دۆلەت مۇداپىيە مىنىستىرلىقى كىرېمنىي جىلغىسىغا ياردەم قىلىپ ئەڭ قىيىن بولغان دەسلەپكى قۇرۇلۇش باسقۇچىدىن ئۆتكەن، شۇنىڭدىن كېيىن، دۆلەت مۇداپىيە مىنىستىرلىقى كىرېمنىي جىلغىسىغا قارىتا زور سوممىلىق مال زاكاز قىلىشنى ئىزچىل ساقلاپ كەلگەن، 21- ئەسىرنىڭ باشلىرىغىچە، دۆلەت مۇداپىيە مىنىستىرلىقىنىڭ زاكاز تالونى يەنىلا كىرېمنىي جىلغىسى ئومۇمىي زاكاز تالونىنىڭ %40 ىنى ئىگىلىگەن.

شۇنداق دېيىشكە بولىدۇكى، كىرېمنىي جىلغىسى ئامېرىكا دۆلەت مۇداپىيە مىنىستىرلىقىنىڭ تەلتۆكۈس يېتىشتۈرۈش تۈرى بولۇپ، مۇكەممەل بازار ئىگىلىكى ئەمەس، بەلكى مۇۋاپىق «كېينېس ئەندىزىسى»دۇر.

بۇنىڭدىن كۆرۈۋېلىشقا بولىدۇكى، ئامېرىكىلىقلار گەرچە ئېغىزىنى ئاچسىمۇ، يۇمسىمۇ بازار ئىگىلىكىنى تەكىتلىسىمۇ، لېكىن ئۇلار ئەزەلدىن رەسمىيەتچىلىك قىلمايدۇ، بەلكى ئەمەلىي قوللىنىشنى ھەممىدىن ئۈستۈن كۆرىدۇ. بولۇپمۇ ئۆزەكتىن ئىبارەت بۇ نەرسىنىڭ ئالدىنقى مەزگىللىك سېلىنما تەننەرخى ھەدېسىلا نەچچە يۈز مىلياردقا يېتىدۇ، ئەگەر بازار ئىگىلىكى پىرىنسىپى بويىچە ئىش قىلىشقا توغرا كەلسە، جۇڭگو مەڭگۈ بۇ تېخنىكىنى ئىگىلىۋېلىشنى ئويلاشمايدۇ، چۈنكى خۇسۇسىي كارخانا بۇنداق خەتەرلىك ئىشنى قىلمايدۇ.

تۈزۈت قىلماي ئېيتقاندا، ليەنشياڭنىڭ «سودا-ئىشلەمچىلىك-تېخنىكا (贸工技)» ئەندىزىسى ۋە ئېلىپ كەلگەن «ياساش سېتىۋالغانغا يەتمەيدۇ، سېتىۋېلىش ئىجارىگە ئالغانغا يەتمەيدۇ!» دېگەن پىكىر ئېقىمىنىڭ كەڭ تارقىلىشى جۇڭگونىڭ پەن-تېخنىكىسىنىڭ ئارقىدا قېلىشىدىكى مۇھىم سەۋەبلەرنىڭ بىرى بولۇپ، جىزىغا ئوخشاش جۇڭگونىڭ يادرولۇق تېخنىكىسىنىڭ تەرەققىيات بوشلۇقىنى قامال قىلغان.

ھەر قېتىم جۇڭگو يادرولۇق تېخنىكىغا ھۇجۇم قىلماقچى بولغاندا، زور مىقداردا غۇلغۇلا پەيدا بولىدۇ، «بۇ بازار ئىگىلىكىگە ئۇيغۇن كەلمەيدۇ»، «خەتىرى بەك چوڭ» دېگەن غۇلغۇلا ئەۋج ئالغان بولغاچقا، ھېچكىم خاتىرجەم ئىش قىلالمايدۇ، خۇددى جىزىنىڭ يۇقىرى ئېنېرگىيەلىك زەررىچە تېزلەتكۈچكە بولغان كاشىلىسىغا ئوخشاش، سىزنى مەڭگۈ توغرا تەجرىبە سانلىق مەلۇماتلىرىنى ئىشلىيەلمەيدىغان قىلىپ قويىدۇ.

ھازىرقى جۇڭگو كارخانىلىرىنىڭ مۇتلەق كۆپ قىسمى يەر شارى فىلوتىغا ئوخشاش، كۆلىمى ناھايىتى چوڭ، ئەمما ھېچقانداق يادرولۇق تېخنىكىسى يوق، دۈشمەن بىلەن ئاساسىي پەن قاتلىمى پەرقى مەۋجۇت، دۈشمەن پەقەت ئاددىي بىر كىچىك سۇ تامچىسىنى قويۇپ بەرسىلا، ئاسانلا تارمار قىلالايدۇ.

بۇ ھەرگىزمۇ چاقچاق قىلغانلىق ئەمەس، جۇڭشىڭنىڭ كۆلىمى چوڭ، ھەر يىللىق تىجارەت سوممىسىمۇ نەچچە ئون مىليارد يۈەنگە يېتىدۇ، لېكىن ئامېرىكا مۇنداقلا بىر جازاغا تارتىۋىدى، بىراقلا ھالسىرىدى، ھازىرغىچە باش كۆتۈرەلمىدى.

جۇڭشىڭلا ئەمەس، شياۋمىغا ئوخشاش نۇرغۇن جۇڭگو كارخانىلىرىمۇ ئامېرىكىنىڭ تېخنىكىسىغا ئېغىر دەرىجىدە تايىنىۋالدى، ئامېرىكىلىقلار خالىسىلا، ئۇلار ھەر ۋاقىت تۈگىشىدۇ، بىراق بۇ كارخانىلار ھازىر ئامېرىكىغا تەھدىت سالمايدۇ، تەھدىت سالمايلا قالماي، يەنە سەمىمىيلىك بىلەن ئامېرىكىلىقلارغا ئىشلەمچىلىك قىلىدۇ.

ئۇنىڭ ئۈستىگە يادرولۇق تېخنىكا بولمىسا، بىز مەڭگۈ كەسىپ زەنجىرىنىڭ ئوتتۇرا، تۆۋەن پەللىسىدە توختاپ قېلىپ، باشقىلارغا ئىشلەپ بېرىپ، ئازغىنا پىششىقلاش پۇلى تاپساق، ئۇ «سودا-ئىشلەمچىلىك-تېخنىكا (贸工技)»دىكى كارخانىچىلار بۇنىڭغا تەبىئىي ھالدا پەرۋا قىلمايدۇ، ئىشقىلىپ ئەجنەبىيلەر گۆش يېسە، ئۇلار داۋاملىق شورپا ئىچسە بولىدۇ، لېكىن كەڭ خەلق ئاممىسى تەخسىنى يالىسا بولمايدىغۇ دەيمەن.

كەلگۈسىدىكى سودا ئۇرۇشى شەكلىدىكى جۇڭگو-ئامېرىكا توقۇنۇشى كۆرىكى سانلىق مەلۇمات، تېخنىكا ۋە يېڭى مۇھىت ئاسراش ئورتاق تونۇشى ئارقىلىق ئۆزئارا كۈچ سىنىشىدىغان خەلقئارا يوشۇرۇن ئۇرۇشقا ئايلىنىدۇ. ئۈچتەن مەسىلىسىگە ئوخشاش، قانداق قىلغاندا دۈشمەننى چۆچۈتۈپ، تەڭپۇڭلۇقنى ساقلىغىلى بولىدۇ؟ روشەنكى، تايانغىنى سودا تەپەككۇرى ئاستىدىكى قىسقا مۇددەتلىك پايدا ئەمەس، تېخىمۇ كۆپ بولغىنى يادرولۇق تېخنىكىدا بۆسۈش ھاسىل قىلىش ۋە ئۇنى ئىگىلەشتىن ئىبارەت.

ئەجەبا بىز جاڭ بېيخەيگە ئوخشاش «تەبىئىي تاللىنىش» ناملىق ئايروپىلاننى ھەيدەپ قېچىپ كېتەمدۇق؟

بۇ بەلكىم بىر چارە بولۇشى مۇمكىن، لېكىن شۇنى ئۇنتۇپ قالماڭكى، ئىككى مىڭ جەڭ كېمىسىدىن تەركىب تاپقان يەر شارى فىلوتىدىن ھەقىقىي مۇۋەپپەقىيەتلىك ھالدا قېچىپ كېتەلىگىنى پەقەت ئاشۇ بىرلا فىلوت ئىدى، مۇتلەق كۆپ ساندىكى كىشىلەر يا قېچىپ كېتەلمىدى، يا قېچىپ كېتىدىغان جاي تاپالمىدى.

مەنبە: يەنتاجۈن سالونىدىن تەرجىمە ئاساسىدا تەييارلاندى.

------

تەۋسىيە كىتاب: شۆ جاۋفېڭ «ئىقتىساد تەپەككۇرى»

ئەگەر مەزكۇر كىتابنىڭ تولۇق مەزمۇنىغا قىزىقسىڭىز تۆۋەندىكى ئىككىلىك كودنى سىكاننېرلاپ مەزكۇر كىتابنىڭ ئۇيغۇرچە ئېلېكىتىرونلۇق نۇسخىسىنى ئوقۇڭ!

【声明】内容源于网络

Nepkar

在这里你只能获取对你最有用的。别忘了关注哦！

内容 408

粉丝 0

Nepkar 在这里你只能获取对你最有用的。别忘了关注哦！

总阅读311

粉丝0

内容408