مىليونېر قوشنىمىز: ئامېرىكىلىق بايلارنىڭ ھەيران قالارلىق سىرى- 大数跨境

مىليونېر قوشنىمىز: ئامېرىكىلىق بايلارنىڭ ھەيران قالارلىق سىرى

Nepkar

2022-02-24

导读：خەۋپ-خەتەر دېگەن نېمە؟ خەۋپ-خەتەر پەقەت بىر خىل كىرىم مەنبەسى. ياللانما خادىملارنىڭمۇ خەتىرى بار.

كۆپچىلىك ياخشىمۇسىلەر، يازما باشلىنىشتىن بۇرۇن كۆپچىلىككە بىر ئىشتا ئەسكەرتىش بەرمەكچىمەن: سالوننىڭ يوللاش قائىدىسى ئۆزگەرتىلگەن بولغاچقا، ئەگەر『在看』نى چېكىۋەتمىسىڭىز ياكى『星标』بەلگىسى قويۇلمىسا، يوللانغان سەرخىل يازمىلارنى كۆرەلمەسلىكىڭىز مۇمكىن! ئەگەر مەزكۇر سالوننىڭ سەرخىل مەزمۇنلىرىنى قولدىن بېرىپ قويۇشنى خالىمىسىڭىز، ئۈستى تەرەپتىكى «Nepkar» دېگەن كۆك خەتنى چېكىپ، ئاندىن ئوڭ تەرەپ ئۈستى بۇرجىكىدىكى «...» نى چەككەندىن كېيىن『设为星标』قىلىپ تاللاڭ. كۆپچىلىكنىڭ كۆڭۈل بۆلگىنىگە يەنە بىر قېتىم رەھمەت ئېيتىمەن!

-----

«مىليونېر قوشنىمىز» − ئامېرىكىلىق بايلارنىڭ كىشىنى ھەيران قالدۇرىدىغان سىرى

ئاپتورى: توماس. J. ستانلېي. ۋىلھېلم. دانكو

1995-يىلىدىن 1996-يىلىغىچە بۇ كىتابتا ئاساسلىقى 500 دىن ئارتۇق مىليونېر شەخىس بىلەن سۆھبەتلىشىپ ۋە 11 مىڭدىن ئارتۇق يۇقىرى ساپ بايلىققا ئىگە ياكى يۇقىرى كىرىملىكلەردىن سوئال-جاۋابلىق تەكشۈرۈش ئارقىلىق تەتقىق قىلىنغان، ئامېرىكىدا كىم باي، شۇنداقلا ئۇلار قانداق بېيىغان؟ ئۇلارنىڭ پەرزەنتلىرىنىڭ مالىيە جەھەتتىكى ئىپادىسى ۋە پەرزەنتلىرىنى تەربىيەلىشى قانداق قاتارلىقلار؟ سوئاللارغا جاۋاب تېپىش ئۈچۈن ئىزدىنىلگەن ئىدى.

1. قانداق ئادەم باي بولىدۇ؟

پۇل جەھەتتە تولۇق مۇستەقىل بولۇش، خىزمەت قىلماي راھەت تۇرمۇش كەچۈرىدىغان بايلىققا ئىگە بولۇش، يەنى ھازىر كىشىلەر دائىم دەيدىغان مالىيە ئەركىنلىكى تۇرمۇش ئېھتىياجىنى قاندۇرۇش ئۈچۈن ئۆزىنىڭ ۋاقتىنى سېتىپ چىقىرىشنى تەلەپ قىلمايدىغان ئەھۋال كۆزدە تۇتۇلىدۇ.

2. بىر ئادەم ياكى بىر ئائىلىنىڭ باي ياكى ئەمەسلىكىگە قانداق ھۆكۈم قىلىش كېرەك؟

ئۇنىڭ ئىگىلىگەن ساپ مۈلكىگە ئاساسەن پەرقلەندۈرۈش، ساپ مۈلۈك مۈلۈكنىڭ ھازىرقى قىممىتىدىن قەرزنى چىقىرىۋەتكەندىن كېيىنكى قالدۇقنى كۆرسىتىدۇ. ئۇلار ئېرىشكەن مۆلچەردىكى ساپ مۈلۈك سەۋىيەسىگە ئاساسەن پەرقلەندۈرۈش، بىر ئادەمنىڭ كىرىمى ۋە يېشى قانچىلىك ساپ مۈلۈككە ئېرىشىشىدىكى مۈھىم ئامىلدۇر.

كۆزلىمە ساپ قىممەتنى ھېسابلاشتىكى بىر خىل ئاددىي تەجرىبە قائىدىسى: ياش سانىنى باجدىن ئىلگىرىكى يىللىق ئائىلە كىرىمىگە كۆپەيتىپ، ئۇنى 10 غا بۆلۈپ، ئېرىشكەن مىراس قىممىتىنى ئېلىۋەتكەندىن كېيىنكى قىممەت سىزدە بولۇشقا تېگىشلىك ساپ قىممەت بولىدۇ. بۇنىڭ ئىچىدە ئائىلە كىرىمى ھەر خىل مەنبەلەردىن كىرگەن كىرىمنى ئۆز ئىچىگە ئالىدۇ، لېكىن مىراس بۇنىڭ سىرتىدا.

بايلىق توپلاش ماھىرى بايلىق مۆلچەرى سەۋىيەسىگە ئېرىشىشنىڭ ئىككى ھەسسە قىممىتىنى كۆرسىتىدۇ. ئەكسىچە، ئەگەر ئېرىشكەن بايلىق كۆزلىگەن سەۋىيەنىڭ يېرىمى ياكى ئۇنىڭدىنمۇ ئاز بولسا، بۇنداق كىشىلەر تۆۋەن دەرىجىلىك بايلىق جۇغلىغۇچىلار دەپ ئاتىلىدۇ.

تۆۋەن دەرىجىلىك بايلىق جۇغلىغۇچىلار بىزگە ئۆزلىرى ھەققىدە سۆز قىلغاندا كىرىم، ئىستېمال ئادىتىنى ۋە ئورنىنى ئىپادىلەيدىغان تۈرلۈك تاۋارلارنى تەكىتلەشكە مايىل بولىدۇ. بايلىق توپلاش ماھىرى بولسا ئۇلارنىڭ نەتىجىسى، مەسىلەن ئۇلارنىڭ ئوقۇشى ۋە قانداق كارخانا قۇرغانلىقى ئۈستىدە توختىلىدۇ.

بايلىق توپلاش ماھىرلىرى نەتىجىگە ئېرىشىشنى، بايلىق يارىتىشنى، پۇل جەھەتتە تولۇق مۇستەقىل بولۇشنى، يوقلۇقتىن بارلىققا كېلىشنى تەلەپ قىلىدۇ. تۆۋەن دەرىجىلىك بايلىق توپلىغۇچىلار بولسا يۇقىرى قاتلاملىق تۇرمۇش ئۇسۇلىنى تېخىمۇ نامايەن قىلىشقا مۇھتاج بولىدۇ.

3. ئۇلار قانداق قىلىپ بېيىغان؟

بايلار ئادەتتە پۇل توپلىيالايدىغان تۇرمۇش ئۇسۇلىنى قوللىنىدۇ. تەتقىقات جەريانىدا بايلارنىڭ تۆۋەندىكىدەك يەتتە ئورتاق ئالاھىدىلىكى بارلىقى بايقالغان:

1) كۆزگە كۆرۈنەرلىك ھالدا كۆپ كىرىم ئاز چىقىملىق تۇرمۇش كەچۈرىدۇ.

2) ۋاقىت، زېھىن ۋە پۇلنى ئۈنۈملۈك ئورۇنلاشتۇرۇپ، بايلىقنىڭ جۇغلىنىشىغا كۈچ چىقىرىدۇ.

3) پۇل جەھەتتە ئۆز كۈچىگە تايىنىشنىڭ ئۆزىنىڭ يۇقىرى قاتلامدىكى ئىجتىمائىي ئورنىنى نامايەن قىلىشتىنمۇ مۇھىم ئىكەنلىكىگە قەتئىي ئىشىنىدۇ.

4) ئۇلارنىڭ ئاتا-ئانىلىرى ئۇلارنى «ئىقتىسادىي ئامبۇلاتورىيەدىكى بىمارلارنىڭ ھالىدىن خەۋەر ئېلىش» بىلەن تەمىنلىمەيدۇ (يەنى ئۇلار دۆلەت ئىچىدە دائىم دېيىلىدىغان «ياشانغانلارغا تايىنىۋېلىش» ئەمەس).

5) ئۇلارنىڭ قۇرامىغا يەتكەن بالىسى ئىقتىسادىي جەھەتتە ئۆزىنى ئۆزى قامدىيالايدۇ.

6) ئۇلار بازار پۇرسىتىنى چىڭ تۇتۇشتا ئىنتايىن زېرەك.

7) ئۇلار مۇۋاپىق كەسىپنى تاللايدۇ.

ئادەمنىڭ ئاتالمىش تەلەيگە، مىراسقا ۋارىسلىق قىلىشى، يۇقىرى قاتلاملىق دەرىجە ئورنىغا، ھەتتا يۇقىرى ئەقىل-پاراسەتكە تايىنىپ بايلىق توپلىشى ناھايىتى تەس. بايلىق دائىم جاپالىق ئىشلەيدىغان، قەتئىي بوشاشمايدىغان، پىلانلاشقا ماھىر بولغان، بولۇپمۇ ئۆزىگە قاتتىق تەلەپ قويىدىغان تۇرمۇش ئۇسۇلىنىڭ نەتىجىسىدۇر. بايلىق سارىيى قۇرۇشتا ئۆزىگە قاتتىق تەلەپ قويۇش، قۇربان بېرىش ۋە جاپالىق خىزمەت قىلىشنى خالايدىغان بولۇش كېرەك.

4. بايلارنىڭ تىپىك تۇرمۇش ئۇسۇلى قانداق؟

1) چىقىم جەھەتتە تېجەشلىك بولۇش

ئۆزى ياكى ئائىلىسىدىكىلەر ئۈچۈن كىيىم-كېچەك، ئاياغ سېتىۋېلىشتا بەك قىممەت بولمايدۇ، ئالىي دەرىجىلىك تاۋارلارنىڭ ئەڭ يۇقىرى باھاسىمۇ بەك يۇقىرى ئەمەس.

2) مىليونېرلارنىڭ ئاتا-ئانىلىرى تىجەشلىك، ئۆزلىرى تىجەشلىك، جۆرىسىمۇ تىجەشلىك بولىدۇ.

3) ئائىلە ئىگىلىكى بىر يىللىق خام چوت بويىچە ئېلىپ بېرىلىدۇ، خام چوت قىلمايدىغان مىليونېر ئالدى بىلەن ئىشقا ئاشۇرۇلغان كىرىمنىڭ %15 ىنى مەبلەغ سېلىشقا ئورۇنلاشتۇرۇپ، قالدۇق پۇلنى چىقىم قىلىشقا ئىشلىتىدۇ. يەنە بىر قىسىم خام چوت قىلمايدىغان، شۇنداقلا نىسبەتەن كەمچىل بولغان مىليونېرلار بولۇپ، بۇنىڭ ئىچىدە بىر قىسىم كىشىلەرنىڭ بارلىق ياكى كۆپ قىسىم بايلىقى ۋارىسلىق قىلىش ئارقىلىق يارىتىلغان، يەنە بىر قىسىم كىشىلەرنىڭ كىرىمى ئىنتايىن يۇقىرى، چىقىمنى چىقىرىۋەتكەندىن كېيىن يەنىلا يەتتە خانىلىق ساپ قىممىتى بولىدۇ (مەزكۇر يازمىمىزدا 100 مىڭ ئامېرىكا دوللىرىلىق يىللىق كىرىم يۇقىرى كىرىم ھېسابلىنىدۇ.)

4) ئائىلىسىنىڭ ھەر يىلى كىيىم-كېچەك، يېمەك-ئىچمەك، تۇرالغۇ، يۈرۈش-تۇرۇش قاتارلىق جەھەتلەرگە قانچە پۇل كېتىدىغانلىقىنى بىلىدۇ.

5) ئېنىق شەرھىيلەنگەن بىر يۈرۈش ھەر كۈنلۈك، ھەر ھەپتىلىك، ھەر ئايلىق، ھەر يىللىق ۋە پۈتۈن ئۆمۈرلۈك نىشان سىستېمىسى بار.

6) كەلگۈسىدىكى بايلىقنى نۇرغۇن ۋاقىت سەرپ قىلىپ پىلانلاش.

گەرچە مىليونېرلار مەبلەغ سېلىش توغرىسىدا تەدبىر بەلگىلەشتە تېخىمۇ مول تەجرىبىگە ئىگە بولسىمۇ، لېكىن ئۇلار مىليونېر ئەمەسلەرگە قارىغاندا كۆپ ۋاقىت سەرپ قىلىپ، تېخىمۇ ياخشى مەبلەغ سالغۇچى بولۇشقا تىرىشىدۇ. بۇ مىليونېرلارنىڭ بېيىشىدىكى ئاساسلىق سەۋەبلەرنىڭ بىرى.

ئەگەر سىزنىڭ نىشانىڭىز پۇل جەھەتتە تولۇق مۇستەقىل بولۇش بولسا، ئۇنداقتا قانداق قىلىش كېرەك؟ سىزنىڭ پىلانىڭىز ھازىرقى ئىستېمالنى قۇربان قىلىپ، كەلگۈسىدىكى پۇل جەھەتتە تولۇق مۇستەقىل بولۇشنى قولغا كەلتۈرۈش بولۇشى كېرەك. سىز تاپقان ھەر بىر يۈەن ئىستېمالغا ئىشلىتىدىغان پۇلنىڭ بىر قىسمىنى ئالدى بىلەن باج ئالغۇچى تۇتۇپ قالىدۇ. بىر ئادەم ئۆز كىرىمى بىلەن مەبلەغ سېلىشنى قانچە بالدۇر باشلىسا، بايلىق توپلاش پۇرسىتىمۇ شۇنچە چوڭ بولىدۇ. قۇرامىغا يەتكەندىن كېيىن بالدۇرراق كىرىم ۋە مەبلەغ سېلىش كېرەك. دىققەت قىلىشقا تېگىشلىكى شۇكى، بىر ئادەم مەبلەغ سېلىشقا نىسبەتەن ھېچقانچە بىلىمى بولمىغان ياكى پۈتۈنلەي چۈشەنمىگەن چاغدا مەبلەغ سېلىش تەدبىرى بەلگىلىسە، بۇ خىل مەبلەغ سېلىشنىڭ كۆپ قىسمى زىيانغا ئۇچرايدۇ.

ئەڭ مۇھىمى شۇكى، سىلەرنىڭ پىلان خىزمىتىڭلار، خام چوت خىزمىتىڭلار بىلەن ئىستېمال ھەرىكىتىڭلار بىردەك ماسلاشقان بولۇشى كېرەك.

يۇقىرى كىرىملىك تۆۋەن دەرىجىلىك بايلىق جۇغلىغۇچىلارنىڭ كۆپىنچىسى ئىستېمال بازىرىنى تەتقىق قىلىشقا نۇرغۇن ۋاقىت سەرپ قىلىدۇ، ئەمما پاي چېكى بازىرىنى تەتقىق قىلمايدۇ.

سىزنىڭ كۆڭۈل بۆلىدىغىنىڭىز بايلىق توپلاشقا مۇناسىۋەتلىك ئىشمۇ؟ ياكى سىز ۋاقىت سەرپ قىلىپ سىزنىڭ بېيىش مەسىلىڭىزگە توسقۇنلۇق قىلىدىغان مەسىلە ھەققىدە تەپەككۇر قىلىۋاتامسىز؟ بايلىق توپلاش ماھىرى بىلەن تۆۋەن دەرىجىلىك بايلىق توپلىغۇچىنىڭ ئۆزلىرى قورقىدىغان ۋە ئەنسىرەيدىغان ئىشلاردا قانداق پەرقى بار؟ ئاددىي قىلىپ ئېيتقاندا، تۆۋەن دەرىجىلىك بايلىق جۇغلىغۇچىلارنىڭ باش قاتۇرىدىغان ئىشى بايلىق جۇغلاش ماھىرلىرىنىڭ باش قاتۇرىدىغان ئىشىدىن كۆپ بولىدۇ.

كۆپ ساندىكى كىشىلەر باي بولۇشنى ئويلايدۇ، لېكىن كۆپ ساندىكى كىشىلەر زۆرۈر ۋاقىت، زېھنىي كۈچ ۋە پۇل چىقىرىپ بۇ نىشانلارنى ئەمەلگە ئاشۇرۇش پۇرسىتىنى كۈچەيتمەيدۇ.

بىز ئوتتۇرا ھال كىرىملىك 854 جاۋاب يازغۇچىنى تەكشۈرۈش جەريانىدا، مەبلەغ سېلىش پىلانى بىلەن بايلىق جۇغلانمىسى ئوتتۇرىسىدا كۈچلۈك ئوڭ تاناسىپلىق مۇناسىۋىتى بارلىقىنى بايقىدۇق.

ئاكتىپ مەبلەغ سالغۇچىلار دائىم ئۆزلىرىنىڭ مەبلىغىنى تەتقىق قىلىش، پىلانلاشقا قارىغاندا، تېخىمۇ كۆپ ۋاقىت سەرپ قىلىپ ئاكسىيە سودا پائالىيىتى بىلەن شۇغۇللىنىدۇ.

5. نېمە ئۈچۈن ئاتا-ئانىسىنىڭ ھەدىيەسىنى قوبۇل قىلغان پەرزەنتلەر بايلىق توپلاشتا بۇنى قوبۇل قىلمىغانلاردىن تۆۋەن تۇرىدۇ؟

ھەدىيەنى قوبۇل قىلمىغان قۇرامىغا يەتكەن پەرزەنتلەر بايلىق ۋە كىرىم جەھەتتە ھەدىيە قوبۇل قىلغۇچىدىن يۇقىرى بولىدۇ.

نېمە ئۈچۈن ئادەتتە كۆپ ساندىكى ھەدىيەنى قوبۇل قىلغۇچىلارنىڭ بايلىق توپلاش خاھىشى ھەدىيەنى قوبۇل قىلمىغانلارغا قارىغاندا كۆپ ئاجىز دەيمىز؟

1) بىكارغا كەلگەن بايلىق ئىستېمالغا كۆپرەك ئىشلىتىلىدۇ، پۇل ئامانەت قويۇش ۋە مەبلەغ سېلىشقا ئاز ئىشلىتىلىدۇ.

2) ھەدىيە قوبۇل قىلغۇچى ئادەتتە ئۆزىنىڭ بايلىقى بىلەن ئاتا-ئانىسىنىڭ بايلىقىنى پۈتۈنلەي ئايرىۋەتمەيدۇ.

3) ھەدىيە قوبۇل قىلغۇچىنىڭ ئىناۋەتكە بولغان بېقىنىش دەرىجىسى ھەدىيە قوبۇل قىلمىغۇچىدىن كۆپ چوڭ بولىدۇ.

4) ھەدىيەنى قوبۇل قىلغۇچىنىڭ مەبلىغى ھەدىيەنى قوبۇل قىلمىغانلارغا قارىغاندا كۆپ ئاز بولىدۇ.

ئەمەلىيەت ئاتا-ئانىلارنىڭ ئىقتىسادچىل بولۇپ، ئۆزىنى ناھايىتى ياخشى كونترول قىلالايدىغانلىقىنى ھەمدە بۇ قىممەت قارىشى ۋە مۇستەقىللىقىنى پەرزەنتلىرىگە سىڭدۈرگەندە، ئۇلارنىڭ پەرزەنتلىرى بايلىق توپلاش ماھىرىغا ئايلىنىدىغانلىقىنى ئىسپاتلىدى.

6. قانداق قىلغاندا پەرزەنتلەرنى ئىقتىسادىي ئۈنۈمگە ئىگە قىلغىلى بولىدۇ؟

پەرزەنتلەرنى ئىقتىسادىي ئۈنۈمگە ئىگە قىلىش ئۈچۈن، پەرزەنتلىرىڭلارغا نېمە بېرەلەيسىلەر؟

مائارىپتىن باشقا، پەرزەنتلەرگە يەنە بىر خىل مۇھىت يارىتىپ بېرىش كېرەك، بۇنىڭ بىلەن مۇستەقىل ئىدىيە ۋە نەتىجە ھۆرمەتكە ئېرىشىدۇ، شەخسنىڭ مۇۋەپپەقىيىتى قەدىرلىنىدۇ، مەسئۇلىيەت تۇيغۇسى ئاندىن تېگىشلىك جاۋابقا ئېرىشىدۇ. توغرا، تۇرمۇشتا ئەڭ مۇھىمى ئەركىنلىك، پەرزەنتلىرىڭىزگە ئۆزىگە تايىنىپ تۇرمۇش كەچۈرۈش توغرىسىدا تەربىيە بېرىشىڭىز كېرەك. بۇ پۇل ئۈچۈن ئەڭ ئاز چىقىم بولىدۇ، ناھايىتى ئۇزۇن ۋاقىت ئىچىدە، پەرزەنت ۋە ئاتا-ئانا ئىككى تەرەپكە بولغان مەنپەئەتى ئەڭ چوڭ بولىدۇ.

ئاتا-ئانىلار دائىم بىزدىن قانداق قىلغاندا غەيرەتنى ئۇلارنىڭ پەرزەنتلىرىگە سىڭدۈرگىلى بولىدىغانلىقىنى سورايدۇ. بىز ئۇلارنىڭ پەرزەنتلىرىگە سېتىش كەسپىنىڭ تەسىرىنى قوبۇل قىلدۇرۇش تەكلىپىنى بېرىمىز. سىلەر بالاڭلارنى باشلانغۇچ ياكى ئوتتۇرا مەكتەپتە سىنىپ يىغىنى كادىرى بولۇشقا ئىلھاملاندۇرۇشۇڭلار كېرەك. ئۇلار چوقۇم ئۆزىنى بۇ ئوقۇغۇچىلار توپىغا تەشۋىق قىلىشى كېرەك، ھەتتا بالىلار ساۋاقداشلىرىغا پېچىنە-پىرەنىك سېتىپ بېرىشمۇ ئاكتىپ تەسىر پەيدا قىلىدۇ. پارچە سېتىش خىزمىتى بالىلارغا بىر ئوبيېكتىپ ئۈچىنچى تەرەپنىڭ باھاسىنى قوبۇل قىلىش يولى تەمىنلەيدۇ.

ئەگەر سىز باي بولسىڭىز، پەرزەنتىڭىزنى بەختلىك، مۇستەقىل ئادەم قىلماقچى بولسىڭىز، ئامال بار باشقىلارنىڭ پۇل-مېلىنى قوبۇل قىلىش توغرىسىدا ئاز سۆزلىشىڭىز، بۇنداق ئىشنى ئاز قىلىشىڭىز كېرەك.

ياراملىق پەرزەنتلەرنى يېتىشتۈرۈش قائىدىسى

قۇرامىغا يەتكەن مۇۋەپپەقىيەت قازانغان بىر قىسىم باي ئاتا-ئانىلار پەرزەنتىنى قانداق تەربىيىلەشتە بىزگە ئىنتايىن قىممەتلىك ئۇچۇرلارنى تەمىنلەپ بېرىدۇ.

1. ھەرگىزمۇ پەرزەنتلىرىگە ئاتا-ئانىسىنىڭ بەك باي ئىكەنلىكىنى ئېيتماسلىق كېرەك.

2. مەيلى سىز قانچىلىك باي بولۇڭ، پەرزەنتلەرگە ئۆزىنى كونترول قىلىش، تۇرمۇشتا تېجەشلىك بولۇش توغرىسىدا تەربىيە بېرىش كېرەك.

ئېگىلمەس-سۇنماس، قەيسەر بولۇش كېرەك، تۇرمۇش دېگەن مۇشۇنداق، باشقىچە قىلىپ ئېيتقاندا، ھېچكىم سىزگە ئەتىرگۈل بىلەن تولغان گۈزەل ماكان ۋەدە بەرمىگەن.

3. پەرزەنتىڭىز پىشىپ يېتىلگەن، مۇكەممەل، ئۆزىگە قاتتىق تەلەپ قويىدىغان تۇرمۇش ئۇسۇلى ۋە مۇقىم كەسىپ بەرپا قىلىشتىن بۇرۇن، ئۇلارنىڭ سىزنىڭ باي ئىكەنلىكىڭىزنى بىلىشىگە يول قويماسلىققا كاپالەتلىك قىلىشىڭىز كېرەك.

نەق پۇل ئۇلارغا بەك كۆپ تاللاش ئەركىنلىكى بېرىدۇ، بولۇپمۇ بالىلار تېخى ياش ۋاقتىدا. ھەر خىل تارقىتىش ۋاستىلىرى تېلېۋىزور بولۇپ، ياشلارنىڭ قىممەت قارىشىنى كونترول قىلىدۇ، ئىستېمال قىلىشنى بەك تەكىتلەيدۇ، بۇنىڭ ئۈچۈن بەزى باي ئاتا-ئانىلار ئەزەلدىن ئۇلارغا پۇل ھەدىيە قىلمايدۇ، دائىم بالىلارغا، ئەگەر چوڭ نەرسىلەرنى سېتىۋالماقچى بولساڭلار، ئۆزۈڭلار ئالدى بىلەن كۆپ قىسمىنى توپلىشىڭلار كېرەك، دەيدۇ.

4. ئامال بار پەرزەنتلىرى ياكى نەۋرىلىرى بىلەن ۋارىسلىق قىلالايدىغان نەرسە ياكى ھەدىيە بۇيۇمى سۈپىتىدە ئېرىشەلەيدىغان نەرسە توغرىسىدا پاراڭلاشماسلىق كېرەك.

مەسئۇلىيەتسىز ۋەدە دائىم ئىناقسىزلىق ۋە توقۇنۇش كەلتۈرۈپ چىقىرىدۇ.

5. قۇرامىغا يەتكەن ئۆزىگە ھەدىيە قىلىنغان پۇل ياكى باشقا قىممەتلىك بۇيۇملارنى سۆھبەت تاكتىكىسىنىڭ بىر قىسمى قىلىشقا ھەرگىز بولمايدۇ.

ئۇ مۇھەببەت ئۈچۈن، ھەتتا مەجبۇرىيەت، مەسئۇلىيەت ياكى مېھرىبانلىقنى مەقسەت قىلىدۇ. ئاتا-ئانىلار يۇقىرى بېسىملىق سۆھبەتلىشىش تاكتىكىسىنى قوللانسا، دائىم قۇرامىغا يەتكەن پەرزەنتلىرىنىڭ ھۆرمىتىدىن ئايرىلىپ قالىدۇ.

ئاتا-ئانىلار بۇ خىل توقۇنۇشنىڭ ھەتتا قۇرامىغا يەتكەن پەرزەنتلەرگىچە يامرىشىدىن بىئارام بولىدۇ. سىز بالىلىرىڭىز ياكى نەۋرىلىرىڭىز بىلەن تۆۋەندىكىدەك ئىشلارنى سۆزلىشىپ باقتىڭىزمۇ؟

«بىز قېرىندىشىڭىزغا ياردەملىشىپ ئۇنىڭ ئۆيىنى قايتىدىن بېزەپ بېرىمىز، ئۇنىڭ بالىسىنى شەخسىي مەكتەپكە ئاپىرىپ بېرىمىز، بىز سىزگە يەنە ئازراق پۇل قوشۇپ بېرەيلى، 5000 ئامېرىكا دوللىرى بولسا بولامدۇ؟»

بۇ خىل ئۇسۇلدا خاتالىق قەيەردە؟ ئۇ دائىم قوبۇل قىلغۇچى تەرەپكە بۇنى ئۆزلىرىگە يۈز كېلەلمەيدىغانلىقنىڭ بىر خىل ئىپادىسى ياكى ئۇلارنىڭ ئاتا-ئانىسىنىڭ نارازىلىقىنى بېسىقتۇرۇشنىڭ بىر خىل ئۇسۇلى دەپ ھېس قىلدۇرىدۇ.

6. قۇرامىغا يەتكەن پەرزەنتلەرنىڭ ئائىلە ئىشلىرىغا ئارىلاشماسلىق

ئاتا-ئانىلارنىڭ كۆڭۈلدىكىدەك تۇرمۇش ئۇسۇلىغا بولغان كۆز قارىشى ئۇلارنىڭ قۇرامىغا يەتكەن ئوغلى ياكى قىزىنىڭ كۆز قارىشى بىلەن دەل ئەكسىچە بولۇشى ياكى سىزنىڭ كېلىنىڭىز، كۈيئوغلىڭىزنىڭ كۆز قارىشى بىلەن ئوخشاش بولماسلىقى مۇمكىن. قۇرامىغا يەتكەن پەرزەنتلەر ئاتا-ئانىسىنىڭ ئۆزلىرىنىڭ تۇرمۇشىغا ئارىلىشىشىدىن نارازى بولىدۇ. ئۇلار ئۆز تۇرمۇشىنى كەچۈرسۇن، ھەتتا ئۇلارغا سەمىمىي مەسلىھەت بەرگەندە، ئالدى بىلەن رۇخسەت ئېلىش كېرەك.

7. پەرزەنتلەر بىلەن رىقابەتلىشىشكە ئۇرۇنماڭ

سىزنىڭ قانچىلىك پۇل توپلىغانلىقىڭىزنى مەڭگۈ كۆز-كۆز قىلماڭ، چۈنكى ئۇنداق قىلىشنىڭ ياخشى تەسىرى بولماستىن ئەكسىچە يامان تەسىرى بولىدۇ. بۇ جەھەتتە پەرزەنتلەر ئاتا-ئانىسى بىلەن رىقابەتلىشەلمەيدۇ، رىقابەتلىشىشمۇ پۈتۈنلەي ھاجەتسىز. سىزنىڭ نەتىجىلىرىڭىزنى كۆز-كۆز قىلىشىڭىزنىڭ ھاجىتى يوق. سىزنىڭ پەرزەنتىڭىزنىڭ سىز تاماملاپ بولغان نەتىجىڭىزنى قولغا كەلتۈرۈشكە يېتەرلىك ئەقىل-پاراسىتى بار. ھەرگىزمۇ تۆۋەندىكى ئۇسۇل بويىچە سۆھبىتىڭىزنى باشلىماڭ: «مەن سىلەرنىڭ يېشىڭلاردا ئاللىقاچان ...»

مۇۋەپپەقىيەت قازانغان كەسىپكارلىق روھىغا ئىگە پەرزەنتلەرگە نىسبەتەن ئېيتقاندا، بايلىق توپلاش ئۇلارنىڭ ئەڭ يۇقىرى نىشانى ئەمەس، ئۇلار ناھايىتى ياخشى تەربىيەگە ئىگە بولۇشى، تەڭتۇشلىرىنىڭ ئەتىۋارلىشى، يۇقىرى مەرتىۋىگە ئېرىشىشى كېرەك. ئوخشاش بولمىغان كەسىپلەرنىڭ كىرىم ۋە بايلىق جۇغلاشتىكى پەرقى، نۇرغۇن پەرزەنتلەر ئۈچۈن ئېيتقاندا، ئۇلارنىڭ ئاتا-ئانىسىدەك ئۇنداق مۇھىم ئەمەس.

8. دائىم پەرزەنتىڭىزنىڭ ئوخشىمىغان ئادەم ئىكەنلىكىنى ئېسىڭىزدە تۇتۇڭ.

9. تەكىتلەپ ئۆتۈشكە تېگىشلىكى شۇكى، پەرزەنتىڭىزنىڭ نەتىجىسى گەرچە چوڭ بولمىسىمۇ، لېكىن بۇنىڭ پەقەت مۇۋەپپەقىيەتكە سىمۋول قىلىنىدىغان نەرسە ئىكەنلىكىنى تەكىتلىمەسلىك كېرەك.

بالىلارنى تەربىيىلەشتە پەقەت ئىستېماللا ئەمەس، بەلكى مۇۋەپپەقىيەت قازىنىش ئارقىلىق پۇل تېپىپ ئىستېمالنى كۈچەيتىش بىر ئادەمنىڭ ئاخىرقى نىشانى بولۇپ قالماسلىقى كېرەك.

10. پەرزەنتىڭىزگە نۇرغۇن نەرسىلەرنىڭ پۇلدىنمۇ قىممەتلىك ئىكەنلىكىنى ئېيتىپ بېرىڭ.

«ساغلام، ئۇزۇن ئۆمۈر كۆرگەن، بەختلىك، يېقىن ئائىلە، مۇستەقىل، يېقىن دوست... ئەگەر مۇشۇلارنى ھازىرلىسىڭىز، سىز بىر باي ھېسابلىنىسىز. نام-ئابرۇي، ھۆرمەت، ھەققانىيلىق، سەمىمىيلىك، مۇۋەپپەقىيەتكە تولغان تارىخ! پۇل دېگەن ئازادە، خۇشال-خۇرام تۇرمۇشقا قويۇلغان بىر پارچە مۇز... سىز مەڭگۈ ئالدىماڭ، ئوغرىلىماڭ ... قانۇنغا خىلاپلىق قىلماڭ ياكى باج ئوغرىلىماڭ.»

سىز ئوڭۇشسىز شارائىتتا يوشۇرۇنۇشقا ئامالسىز. سىز بالىڭىزنى ھاياتلىقتىن قاچۇرۇشقا ئامالسىز. مۇۋەپپەقىيەت جاپا-مۇشەققەتلەرگە بەرداشلىق بېرىش، توسالغۇلارنى يېڭىش ئارقىلىق قولغا كېلىدۇ، ھەتتا بالىلىق دەۋرىدىن باشلىنىدۇ. مۇۋەپپەقىيەت قازانغۇچىلار ئەزەلدىن ئۆزىنىڭ خىرىسنى، ئوڭۇشسىز شارائىتتىكى ھوقۇقىنى ئىنكار قىلمايدىغان كىشىلەردۇر. ئاشۇ بالىلارنى جەمئىيىتىمىزدىكى ھەر خىل ئۇچراش ئېھتىمالى بولغان كېسەللىك باكتېرىيەلىرىدىن ئۆزىنى قاچۇرۇشقا ئۇرۇنغان كىشىلەر بالىلارغا مەڭگۈ قورقۇش، ئەندىشە قىلىش ۋە بېقىنىش كەيپىياتى پەيدا قىلىدىغان ۋاكسىنا ئەملەشكە ئامالسىز قالىدۇ.

7. قانداق قىلغاندا تېخىمۇ كۆپ پۇل تاپقىلى بولىدۇ؟ سىز نېمىشقا باي ئەمەس؟

بەلكىم سىز بازاردا مەۋجۇت بولۇش پۇرسىتىنى تاپالمىغان بولۇشىڭىز مۇمكىن. نىشاننى بايلارغا، بايلارنىڭ بالىلىرىغا، باي تۇل خوتۇنلار ۋە جۆرىسىز ئەرلەرگە قاراتقان كىشىلەرنىڭ نۇرغۇن مۇھىم سودا پۇرسىتى بار.

بايلار، بولۇپمۇ ئۆز-ئۆزىدىن ئۆسۈپ يېتىلگەن بايلار نۇرغۇن مەھسۇلات ۋە مۇلازىمەت ئىستېمالىنى تېجەيدۇ، باھاسىنى يىپىدىن-يىڭنىسىغىچە زىغىرلايدۇ. لېكىن، ئۇلار مەبلەغ سېلىشقا دائىر مەسلىھەت، پىكىر ۋە مۇلازىمەت، بوغالتىرلىق مۇلازىمىتى، باج تاپشۇرۇشقا دائىر مەسلىھەت، پىكىر، قانۇن مۇلازىمىتى ھەمدە ئۆزى ۋە ئائىلە ئەزالىرىنىڭ داۋالاش ۋە چىش دوختۇرى مۇلازىمىتى، مائارىپ مەھسۇلاتلىرى ۋە تۇرالغۇ ئۆي قاتارلىقلارنى سېتىۋېلىش جەھەتتە باھاغا نىسبەتەن ناھايىتى سەزگۈر ھېسابلانمايدۇ. ئۇنىڭ ئۈستىگە بايلارمۇ ھەممىلا سورۇندا تېجەشلىك بولمايدۇ، ئۇلار پەرزەنتلىرى، نەۋرىلىرى ئۈچۈن ھەر خىل مەھسۇلات ۋە مۇلازىمەت سېتىۋالغاندا بۇنداق بولۇشى ناتايىن. بايلارنىڭ پەرزەنتلىرى، نەۋرىلىرى ئاتا-ئانىسى، بوۋا-مومىسىنىڭ زور مىقداردىكى ھەدىيەسىنى چىقىم قىلغاندىمۇ ئىقتىسادچىل بولۇشى ناتايىن.

8. مىليونېرغا ئايلىنىشتىكى ئەڭ چوڭ تەسىر كۆرسىتىدىغان ئامىل

ئۆز ئالدىغا تىجارەت قىلىش، ئۇلارنىڭ كارخانا ئىگىلىرى ياكى كەسپىي زاتلار باشقا كەسىپتىكىلەرگە قارىغاندا مىليونېر بولۇش ئېھتىماللىقى ئۈچ ھەسسە يۇقىرى بولىدۇ.

بىز ھەر قايسى كەسىپ ساھەسىدىكى مىليونېرلارنى 20 يىل تەتقىق قىلىش ئارقىلىق، كارخانا ئىگىسىنىڭ خاراكتېرى كەلگۈسىدىكى بايلىق سەۋىيەسىنى مۆلچەرلەشتە كارخانا تۈرىدىن تېخىمۇ مۇھىم دېگەن خۇلاسىگە كەلدۇق.

ئەگەر سىز تېجەشلىك ھەم ئېھتىياتچان مەبلەغ سالغۇچى بولسىڭىز، ئۆزىڭىزنىڭ پايدا ئالىدىغان كارخانىڭىز بولسا، ئۇنداقتا ئەھۋال قانداق بولىدۇ؟ بۇنداق ئەھۋال ئاستىدا، سىز بېيىپ كېتىشىڭىز مۇمكىن.

خەۋپ-خەتەر دېگەن نېمە؟ خەۋپ-خەتەر پەقەت بىر خىل كىرىم مەنبەسى. ياللانما خادىملارنىڭمۇ خەتىرى بار.

بىر مىليونېرنىڭ ئۆز ئالدىغا تىجارەت قىلىش توغرىسىدىكى كۆز قارىشى:

ھازىر تېخىمۇ كۆپ كىشىلەر ئۇلار ياخشى كۆرمەيدىغان ئىش ئورنىدا خىزمەت قىلىدۇ. مەن سەمىمىيلىك بىلەن سىلەرگە دېسەم، بىر مۇۋەپپەقىيەت قازانغان ئادەم مۇنداق بىر ئادەم: ئۇ بىر خىل كەسىپ تاپىدۇ، ئۇ ئۇنىڭ خىزمىتىنى ياخشى كۆرىدۇ، ئۇ تاڭ ئاتقۇچە ئالدىراش ئىشلەيدۇ، ئۆزى خىزمەت قىلىدىغان جايغا قاراپ ئىلگىرىلەيدۇ. بۇ دەل مېنىڭ ئۆلچىمىم. مەن ئىزچىل مۇشۇنداق، مەن تاڭ ئاتماستا ئالدىراپ ئىشخانامغا كىرىپ، خىزمىتىمنى باشلىۋېتىمەن.

نۇرغۇنلىغان تاشقى ئامىللار، كۆپ ھاللاردا، تىزگىنلىگىلى بولمايدىغان ئامىللار بۇ ساھەلەرنىڭ پايدا ئېلىش ئىقتىدارىغا ۋە كارخانىلارنىڭ پايدا ئېلىش ئىقتىدارىغا تەسىر كۆرسىتىدۇ. بىر كەسپتىكى نۇرغۇن كارخانىلار پايدا ئالغاندا، دائىم نۇرغۇن كىشىلەرنى بۇ كەسپكە جەلپ قىلىدۇ، نەتىجىدە بۇ كەسپنىڭ پايدىسى تۆۋەنلەپ كېتىدۇ. ئىستېمال خاھىشىنىڭ ئۆزگىرىشىمۇ پايدىغا تەسىر كۆرسىتىدۇ. بىزنىڭ ھۆكۈمەتنىڭ پائالىيىتىنىڭمۇ مۇشۇنداق تەسىرى بار.

بۇ يەرنى بېسىپ «دەۋر تەرەققىياتى، ئىقتىساد يۈزلىنىشى ۋە كەلگۈسىدىكى بىز!» دېگەن يازمىنى كۆرۈڭ!

بۇ يەرنى بېسىپ «خېڭدانىڭ كىرىزىس ۋەقەسى ۋە بۇنىڭدىن كېيىنكى ئىقتىساد يۈزلىنىشى!» دېگەن يازمىنى كۆرۈڭ!

------

تەۋسىيە كىتاب: شۆ جاۋفېڭ «ئىقتىساد تەپەككۇرى»

ئەگەر مەزكۇر كىتابنىڭ تولۇق مەزمۇنىغا قىزىقسىڭىز تۆۋەندىكى ئىككىلىك كودنى سىكاننېرلاپ مەزكۇر كىتابنىڭ ئۇيغۇرچە ئېلېكىتىرونلۇق نۇسخىسىنى ئوقۇڭ!