يېقىنقى مەزگىلدە كۆمۈر باھاسى ئۇدا تېز ئۆرلەپ، تارىختىكى ئەڭ يۇقىرى سەۋىيە يارىتىلدى، بۇنىڭ بىلەن ئىككىلەمچى كەسىپلەرنىڭ ئىشلەپچىقىرىش تەننەرخى زور دەرىجىدە ئېشىپ، توك بىلەن تەمىنلەش ۋە قىشتا پار بىلەن تەمىنلەشكە پايدىسىز تەسىر كۆرسەتتى، جەمئىيەتتىكى ھەرقايسى تەرەپلەرنىڭ ئىنكاسى كۈچلۈك بولدى. دۆلەت تەرەققىيات ۋە ئىسلاھات كومىتېتى 19-ئۆكتەبىر چۈشتىن كېيىن، يۇقىرىقى ئەھۋاللارنى كۆزدە تۇتۇپ، كۆمۈر بازىرىدا تەمىنلەشكە كاپالەتلىك قىلىش، باھانى مۇقىملاشتۇرۇش خىزمىتىنى ياخشى ئىشلەش ئۈچۈن، نۇقتىلىق كۆمۈر كارخانىلىرى، جۇڭگو كۆمۈر سانائىتى جەمئىيىتى، جۇڭگو ئېلېكتىر ئېنېرگىيە كارخانىلىرى بىرلەشمىسىنى تەشكىللەپ، بۇ يىل قىش، كېلەر يىلى ئەتىيازدا ئېنېرگىيە بىلەن تەمىنلەشكە كاپالەتلىك قىلىش خىزمىتى مېخانىزمى بويىچە كۆمۈر مەخسۇس سۆھبەت يىغىنى ئېچىپ، قانۇن بويىچە كۆمۈر باھاسىغا ئارىلىشىش تەدبىرىنى تەتقىق قىلدى.
«باھا قانۇنى»نىڭ 30-ماددىسىدا مۇھىم تاۋار ۋە مۇلازىمەت باھاسى كۆرۈنەرلىك ئۆسكەن ياكى كۆرۈنەرلىك ئۆرلەش ئېھتىماللىقى بولغاندا، گوۋۇيۈەن ۋە ئۆلكىلىك، ئاپتونوم رايونلۇق، بىۋاسىتە قاراشلىق شەھەرلىك خەلق ھۆكۈمەتلىرى قىسمەن باھاغا باھا پەرقى نىسبىتى ياكى پايدا نىسبىتىگە چەك قويۇپ، باھا چېكىنى بەلگىلەپ، باھا ئۆستۈرۈشنى ئىلتىماس قىلىش تۈزۈمى ۋە باھا تەڭشەشنى ئەنگە ئالدۇرۇش تۈزۈمى قاتارلىق ئارىلىشىش تەدبىرلىرىنى يولغا قويسا بولىدۇ، دەپ ئېنىق بەلگىلەنگەن.
كۆمۈر مۇھىم ئاساسىي ئېنېرگىيە مەنبەسى بولۇپ، دۆلەت ئىگىلىكى ۋە خەلق تۇرمۇشى بىلەن زىچ مۇناسىۋەتلىك، ھازىر باھانىڭ ئۆسۈش نىسبىتى تەمىنلەش-تەلەپ ئاساسىي دائىرىسىدىن پۈتۈنلەي چەتنەپ كەتتى، ئۇنىڭ ئۈستىگە ئىسسىنىش پەسلىگە يېقىنلاشقاندا، باھادا يەنىلا بىر قەدەر غەيرىي ئىدراكىي ئۆرلەش يۈزلىنىشى كۆرۈلدى. دۆلەت تەرەققىيات ۋە ئىسلاھات كومىتېتى «باھا قانۇنى»دا بەلگىلەنگەن زۆرۈر ۋاسىتىلەردىن تولۇق پايدىلىنىپ، كۆمۈر باھاسىغا ئارىلىشىش كونكرېت تەدبىرىنى تەتقىق قىلىپ، كۆمۈر باھاسىنىڭ مۇۋاپىق دائىرىگە قايتىشىنى ئىلگىرى سۈرۈپ، كۆمۈر بازىرىنىڭ ئىدراكلىققا قايتىشىنى ئىلگىرى سۈرۈپ، ئېنېرگىيە بىخەتەرلىكى ۋە مۇقىم تەمىناتىغا، خەلق ئاممىسىنىڭ قىشنى ئىسسىق ئۆتكۈزۈشىگە كاپالەتلىك قىلىدۇ.
دۆلەت تەرەققىيات-ئىسلاھات كومىتېتى ئالاقىدار تارماقلار بىلەن بىرلىكتە كۆمۈر بازىرىنىڭ ئەھۋالى ۋە باھا يۈزلىنىشىگە يېقىندىن دىققەت قىلىپ، تەمىنلەشكە كاپالەتلىك قىلىش، باھانى مۇقىملاشتۇرۇش خىزمىتىدە ساقلانغان زىددىيەت ۋە مەسىلىلەرنى ۋاقتىدا ماسلاشتۇرۇپ ھەل قىلىدۇ؛ بازارنى نازارەت قىلىپ باشقۇرۇش تارماقلىرى قانۇن ئىجراسىنى تەكشۈرۈش سالمىقىنى ئاشۇرىدۇ، «تاقەت» قىلىپ تۇرمايدۇ، ساختا ئۇچۇر تارقىتىش، باھادا تىل بىرىكتۈرۈش، باھانى ھە-ھۇ بىلەن ئۆستۈرۈش، بېسىۋېلىش قاتارلىق قانۇنغا خىلاپ قىلمىشلارغا قاتتىق زەربە بېرىپ، بازار تەرتىپىنى ھەقىقىي قوغدايدۇ.
يىغىندا مۇنۇلار تەلەپ قىلىندى: كۆمۈرچىلىك كارخانىلىرى يۇقىرى يۈكسەكلىكتە ھەقىقىي تۇرۇپ، ئومۇملۇق ئېڭىنى تۇرغۇزۇپ، تەمىنلەشكە كاپالەتلىك قىلىش، باھانى مۇقىملاشتۇرۇش خىزمىتىنى تەشەببۇسكارلىق بىلەن ياخشى ئىشلىشى، قانۇن ئېڭىنى كۈچەيتىپ، قانۇن، بەلگىلىمىگە ئۇيغۇن تىجارەت قىلىپ، ئوتتۇرا، ئۇزاق مەزگىللىك سودا توختامىنى قاتتىق ئىجرا قىلىشى، ئىجتىمائىي مەسئۇلىيىتىنى پائال ئادا قىلىپ، يۇقىرى، تۆۋەن ئېقىندىكى كەسىپلەرنىڭ ماس تەرەققىياتىنى ئىلگىرى سۈرۈشى كېرەك. توك تارقىتىش، ئىسسىقلىق بىلەن تەمىنلەش ۋە خەلق تۇرمۇشىغا كېرەكلىك كۆمۈر ئېھتىياجىغا كاپالەتلىك قىلىشى، ئىقتىسادنىڭ مۇقىم ئايلىنىشىغا كۈچ قوشۇشى كېرەك.
مەنبە: جۇڭگو رادىيو تورى ئۇيغۇرچە سالونىدىن ئېلىندى.
يېقىندا نەپداندا كۆپچىلىككە تەمىنلەنگەن يېڭىلىق مەزمۇنلاردىن ھادىسە تۈسىنى ئالغان نادىر كىتاب «ئىقتىساد تەپەككۇرى»، ئېلى قۇربان مۇئەللىمنىڭ كىلاسسىك دەرسى «مېنىڭ پىسخىكا مەسلىھەتچىم» ۋە «خەير-خوش چۈشكۈنلۈك»، سودا ساھەسىدىكى نادىر دەرسلىك «شىركەتنىڭ كۈچى»، سودا ساھەسىدىكى تەپەككۇر ئۇچقۇنى چاچقۇچى نادىر كىتاب «0 دىن 1 گە»، مۇۋەپپەقىيەت قازىنىش يولىدىكى ياخشى يېتەكچى «چوڭ خوجايىننىڭ مەخپىيىتى»، كىشىلىك ھايات پىلانلاش يېتەكچى ئوقۇشلۇقى «كەلگۈسى ئۈچۈن يېزىلغان خەتلەر»، پۇلنى چۈشىنىش جەھەتتىكى نادىر كىتاب «باي دادام، نامرات دادام» ۋە «باي دادام، ئىقتىسادىي قابىلىيىتىڭىزنى ئۆستۈرسۇن»، «ئىنسان تەبىئىيىتىدىكى ئاجىزلىقلار ۋە ئارتۇقچىلىقلار»، «تىلدىكى بۆسۈش»، «ناتىقلىق سەنئىتى»، «ئادەت تۈرمىسىدىن ھالقىڭ»، «ھىجرانى قىسسە سۆزلەيدۇ» تېمىسىدىكى تۆت چوڭ كىلاسسىك ئەسەر ھەققىدىكى زور ھەجىملىك پىروگرامما ئۇنىڭدىن باشقا ئەڭ يېڭى نەشردىكى فوتوشوپ ئۆگىنىش دەرسلىكى (جەمىئىي 104 قىسىم، ھەر بىر قىسمىنىڭ ۋاقتى يېرىم سائەتتىن بىر سائەتكىچە داۋاملىشىدۇ) «فوتوشوپ 2021-نەشرىنى تولۇق ئۆگىنىش سىن دەرسلىكى» ۋە «فوتوشوپتىن ئالاھىدە كۈچەيتمە سىنىپ دەرسلىكى» ۋە نەپداندا ئىلگىرى بار بولغان دەرسلىك ۋە كىتابلارنىڭ ھەممىسى كۆپچىلىكنىڭ ياخشى پايدىلىنىش قىممىتىگە ئىگە بايلىقى بولالايدۇ.
يۇقىرىقىلارغا ئېرىشىش ئۇسۇلى مەزكۇر سالوننىڭ تىزىملىكىدىن مۇناسىپ بەت يۈزىگە كىرىپ ئېرىشسىڭىز بولىدۇ.
