تېسلانىڭ يادرولۇق تېخنىكىسى يوق تۇرۇپ، يەنە نېمىشقا يەنىلا يەر شارى بويىچە بىرىنچى بولىدۇ؟
تېسلانىڭ يادرولۇق تېخنىكىسى يوق، بۇنىڭغا نۇرغۇن كىشىلەر چوقۇم قايىل بولمايدۇ.
لېكىن بۇ ماسكمۇ ئۆزىنى چەتكە ئالالمايدىغان رېئاللىق.
تېسلانىڭ بىردىنبىر يادرولۇق تېخنىكىسى ئاپتوماتىك ھەيدەش سىستېمىسىدىن ئىبارەت. لېكىن، نۆۋەتتىكى يەر شارى ئاممىۋى قاتناش مۇھىتىدا، تېسلانىڭ ئاپتوماتىك ھەيدەشىمۇ پەقەت L2 دەرىجىدىلا توختاپ قېلىپ، يېرىم ئاپتوماتىك ھەيدەشكە تەۋە بولۇپ قالدى.
L2 دەرىجىلىك ئاپتوماتىك ھەيدەش تېخنىكىسىنى دۆلىتىمىزدىكى بىيادى، ۋېيلەي، شياۋپېڭ، غايە ۋە خۇاۋېي ئاپتوماتىك ھەيدەش تېخنىكىسى قاتارلىق يېڭى كۈچلەرنىڭ ھەممىسى قىلالايدۇ. كەسىپتىكى رىقابەتچىلەرنىڭ قولىدىن كېلىدىغان ئىشنى تەبىئىي ھالدا بىردىنبىر يادرولۇق تېخنىكا دېگىلى بولمايدۇ.
ئېلېكتىرلىك ھەيدەش، ئېلېكتىرلىك كونترول قىلىش، باتارېيەدىن ئىبارەت ئۈچ چوڭ زاپچاستا، تېسلامۇ ئاساسلىقى سىرتتىن سېتىۋېلىشقا تايىنىدۇ. ئەمەلىيەتتە، تېسلا ئاپتوموبىلىنىڭ بارلىق يۇمشاق دېتال تەتقىقاتىدا، تېسلا پەقەت بەش ئىشنى قىلغان بولۇپ، ئۇلار سىستېما قۇرۇلمىسى، ئېلېكتىر ماشىنا كونتروللىغۇچ، باتارېيە باشقۇرۇش سىستېمىسى، ئاپتوماتىك ھەيدەش سىستېمىسى ۋە توكلۇق تورمۇز سىستېمىسىدىن ئىبارەت.
تاسادىپىي توغرا كېلىپ قالغىنى شۇكى، توكلۇق تورمۇز سىستېمىسىنى تېسلا ئۆزى تەتقىق قىلىپ ياسىغان بولۇپ، قېرىشقاندەك تېسلا توكلۇق ئاپتوموبىلىنىڭ تورمۇزى كاردىن چىقىش ئەھۋالى كۆپ كۆرۈلىدۇ.
باشقا بارلىق زاپچاسلارنىڭ ھەممىسىنى باشقا زاۋۇتلار تەمىنلەيدۇ، مەسىلەن، ئېنېرگىيە باتارېيەسى نىڭدې دەۋرىدىن كەلگەن، توكلۇق قوزغىتىش ئۆزىكى گېرمانىيەنىڭ ئىنفېللىندىن كەلگەن، كۆرۈش سېزىمىنى ھېسابلاش ئۆزىكى ئىنتېلدىن كەلگەن، مىللىمېتىر دولقۇنلۇق رادار فالىئو، ئۈچ گۈللۈك ئەقلىي كونترول ۋە بەيداجىڭ قاتارلىقلاردىن كەلگەن.
شۇنداق دېيىشكە بولىدۇكى، قاتتىق دېتال جەھەتتە تېسلانىڭ يادرولۇق تېخنىكىسى يوق دېيەرلىك. يۇمشاق دېتال تېخنىكىسى جەھەتتە، مەن يازمىنىڭ ئالدىدا تېسلانىڭ ئاپتوماتىك ھەيدەش سىستېمىسىنى ئەمەلىي ئىشلىتىشتە كۆرۈنەرلىك پەرق يوقلۇقىنى ئېيتىپ ئۆتۈپ كەتتىم.
ئەمما، تېسلا نېمە ئۈچۈن دۇنيادىكى ئەڭ چوڭ يېڭى ئېنېرگىيەلىك ئاپتوموبىلغا ئايلىنالىدى؟ نېمە ئۈچۈن فورد، ھەممىباب، ۋولكسۋاگېن، تويوتا قاتارلىق ئاپتوموبىل ماگناتلىرى تېسلانىڭ تەمىنلەش زەنجىرىنى ئىشلىتىپ، بىۋاسىتە باشقا بىر تېسلانى ياساپ چىقالمايدۇ؟
بازار قىممىتى جەھەتتە، تېسلا ۋولكسۋاگېن، فورد، تويوتا، ھەممىباپ قاتارلىقلاردىنمۇ يۇقىرى. نېمە ئۈچۈن ئوخشاش بىر يۈرۈش تەمىنلەش زەنجىرىدە ئىككىنچى تېسلانى ياراتقىلى بولمايدۇ؟
تېسلانىڭ كۈچلۈكلىكىنى چۈشىنىش ئۈچۈن، ئالما شىركىتىنىڭ سودا ئەندىزىسىگە قايتىپ كېلىش كېرەك. ئالما يانفونى پەيدا بولۇشتىن بۇرۇن، پۈتۈن دۇنيادا ئەقلىي ئىقتىدارلىق يانفوننىڭ قانداقلىقىنى ھېچكىم بىلمەيتتى. جوبىس بىر ئالما يانفونىنى ۋۇجۇدقا كەلتۈرۈپ، پۈتۈن دۇنياغا: «ئەقلىي ئىقتىدارلىق يانفون مۇشۇنداق بولىدۇ.» دېدى.
ئوخشاشلا، ئالما قاتتىق دېتال جەھەتتە ئاساسلىقى سىرتتىن سېتىۋېلىشقا تايىنىدۇ، ئۆزى پەقەت ئەڭ يادرولۇق ئۆزەك، مەشغۇلات سىستېمىسى ۋە ئەمەلىي ئېكولوگىيە قۇرۇلۇشى قىلىدۇ. تېسلاغا سېلىشتۇرغاندا، ئالمىنىڭ بىر خىل ئۆزى تەتقىق قىلىدىغان ئۆزىكى بار. تېسلا بولسا ئۆزەكنىمۇ سىرتتىن سېتىۋالىدۇ.
لېكىن تېسلا توكلۇق ئاپتوموبىلغا ئېنىقلىما بەردى. تېسلا چىقىشتىن بۇرۇن، ئەقلىي ئىقتىدارلىق ئاپتوموبىلنىڭ قانداقلىقىنى ھېچكىم بىلمەيتتى. ماسك تېسلا توكلۇق ئاپتوموبىلىنى كۆپچىلىكنىڭ ئالدىدا نامايان قىلغاندىن كېيىن، كىشىلەر ئاندىن بۇنىڭ ئەقلىي ئىقتىدارلىق توكلۇق ئاپتوموبىلنىڭ ھالىتى ئىكەنلىكىنى بىلگەن.
ئالما شىركىتى تۇنجى ئەقلىي ئىقتىدارلىق يانفوننى ئىشلەپچىقارغاندىن كېيىن، سامسۇڭ، خۇاۋېي، شياۋمى، ۋىۋو ۋە ئوپپو قاتارلىق كارخانىلار بەس-بەستە يېتىشىپ مېڭىپ، يەر شارى ئەقلىي ئىقتىدارلىق يانفون كەسپىنىڭ تېز سۈرئەتتە تەرەققىي قىلىشىغا تۈرتكە بولدى. لېكىن ئالما يانفونىنىڭ ئورنىنى تەۋرىتىش ئىزچىل تەس بولۇپ كەلدى.
ئوخشاش قائىدە بويىچە، تېسلا دۇنيا بويىچە تۇنجى ئەقلىي ئىقتىدارلىق توكلۇق ئاپتوموبىلنى ياساپ چىققاندىن كېيىن، جۇڭگودىكى ھەرقايسى چوڭ زاۋۇت سودىگەرلىرى بەس-بەستە ئەگىشىپ، تېز سۈرئەتتە يېڭى ئېنېرگىيەلىك ئاپتوموبىل كەسپىنى زورايتتى.
بۈگۈنكى تېسلا توكلۇق ئاپتوموبىلى دەسلەپكى ئالما يانفونىغا ئوخشايدۇ. ئۇنىڭ ئەڭ چوڭ ئەۋزەللىكى مۇستەقىل يادرولۇق تېخنىكىدا ئەمەس، بەلكى ئاپتوموبىلغا قايتىدىن ئېنىقلىما بەرگەنلىكىدە. گەرچە تېسلانىڭ قوللانغىنى ئاممىۋى تەمىنلەش زەنجىرى بولسىمۇ، لېكىن تېسلا توكلۇق ئاپتوموبىلنىڭ ئۆلچىمىنى بېكىتكەن.
بىر توكسىكلىت پەقەت ئېلېكتىر كۈچى ئارقىلىق ھەرىكەتلەنسىلا بولمايدۇ، ئۇنىڭ يەنە ئاپتوماتىك ھەيدەش ئىقتىدارى، ئاپتوموبىل ئالاقە تورى سىستېمىسى، مودا سىرتقى شەكلى قاتارلىقلار بولۇشى كېرەك.
سودا ئەندىزىسى جەھەتتە، تېسلا بىلەن ئالما ئىنتايىن ئوخشىشىپ كېتىدۇ. ئۇلارنىڭ ھەممىسى يەر شارى تەمىنلەش زەنجىرىگە تايىنىپ، بىر كەسىپكە قايتىدىن ئېنىقلىما بەردى. خۇددى ئالما شىركىتىنىڭ ياسىغىنى بىر خىل يانفونلا بولماستىن، بەلكى ئەقلىي ئىقتىدارلىق يانفوننى ئاساس قىلغان كۆچمە ئالاقە تورى قوللىنىش ئېكولوگىيەسى بولغىندەك.
تېسلانىڭ ياسىغىنىمۇ بىر ئاپتوموبىللا بولماستىن، بەلكى ئەقلىي ئىقتىدارلىق ئاپتوموبىلنى ئاساس قىلغان ئاپتوموبىل كۆچمە ئالاقە تورى ئېكولوگىيەسى ئىدى.
كۆپچىلىك ئىزچىل بىر نۇقتىنى چۈشىنەلمەيدۇ، تېسلا ئالما شىركىتىنىڭ سودا ئەندىزىسىنى ئۆرنەك ئالغان ئىكەن، نېمىشقا توختىماي باھا چۈشۈرىدۇ؟
بۇنىڭ مەنبەسى شۇكى، ئالما مەشغۇلات سىستېمىسى ۋە ئۆزەكتىن ئىبارەت ئىككى يادرولۇق تېخنىكىنى ئىگىلىگەن. تېسلانىڭ پەقەت بىر پىشمىغان مەشغۇلات سىستېمىسىلا بولۇپ، ئۆزەك سىرتتىن سېتىۋېلىنىدۇ.
تېسلانىڭ ئۈزلۈكسىز باھا تۆۋەنلىتىشىدىكى سەۋەب، ئۆزىنىڭ كۆلەم ئەۋزەللىكىدىن پايدىلىنىپ، فورد، ھەممىباب، ۋولكسۋاگېن، تويوتا قاتارلىق ئەنئەنىۋى ئاپتوموبىل گۇرۇھلىرىنىڭ بۇسۇغا شەرتىنى ئۈزلۈكسىز ئۆستۈرگەنلىكىدە.
چۈنكى تېسلا پۈتۈن دۇنيادىكى توكلۇق ئاپتوموبىللارنىڭ باشلامچىسى بولۇپلا قالماي، يەنە پۈتۈن دۇنيادىكى سېتىلىش مىقدارى ئەڭ چوڭ توكلۇق ئاپتوموبىل گۇرۇھى. سېتىش كۆلىمى ئاشسىلا، تېسلا تەمىنلەش سودىگەرلىرى بىلەن سۆھبەتلەشكەندە، تېخىمۇ چوڭ كېلىشىم باھا ھوقۇقىغا ئىگە بولۇپ، تەمىنلەش سودىگەرلىرىنىڭ باھاسىنى تۆۋەنلىتىپ، ئۆزىنىڭ تەننەرخىنى ئازايتالايدۇ. (بۇ يەرنى چېكىپ «مەن 100 مىڭ دانە تېسلا سېتىۋالىمەن!» ناملىق يازمىغا قاراڭ!)
بۇ خۇددى بىر كۈندە 10 مىڭ تال مايكا ساتالىسىڭىز، سىز كىيىم-كېچەك زاۋۇتىغا بېرىپ مال ئالغاندا، زاۋۇت خوجايىنى سىزگە بىر يۈرۈشنى سەككىز يۈەندىن بېرىشى مۇمكىن. ئەگەر سىز بىر كۈندە پەقەت 1000 دانە مايكا ساتسىڭىز، زاۋۇت خوجايىنى سىزگە پەقەت 10 يۈەندىن بېرىدۇ.
گەرچە ئوخشاش بىر يۈرۈش تەمىنلەش زەنجىرى بولسىمۇ، لېكىن تېسلانىڭ تەننەرخى فورد، ھەممىباب، ۋولكسۋاگېن، تويوتا قاتارلىق ئاپتوموبىل ماگناتلىرىنىڭكىدىن خېلىلا تۆۋەن. پەقەت تېسلا قەرەللىك ھالدا باھانى بىر قېتىم تۆۋەنلەتسە، ئەنئەنىۋى ئاپتوموبىل ماگناتلىرى بۇ ماشىنىنى ياساپ چىقسا، تېسلانى يېڭەلەمدۇ؟
تېسلا مەغلۇپ قىلىدىغان ئەڭ مۇھىم رەقىبى يەنىلا يېقىلغۇلۇق ماي ئاپتوموبىلى. بۇنىڭدىن باشقا، تېسلانىڭ باھا چۈشۈرۈشى يەنە يېڭى ئېنېرگىيە ساھەسىدىكى رىقابەتچىلىرىگە قارىتا، «تۆۋەنلىتىلگەن ئۆلچەملىك زەربە»نى شەكىللەندۈرىدۇ.
بۈگۈنكى كۈندە تېسلا Model 3 نىڭ باھاسى 200 مىڭ يۈەنگە چۈشۈپ، سانسىزلىغان جۇڭگولۇق ئىستېمالچىلارنى جەلپ قىلدى. لېكىن تېسلانىڭ ھەقىقىي نىشانى باھاسىنى 200 مىڭ يۈەندىن تۆۋەن باھاغا چۈشۈرۈش ئىدى.
نېمە ئۈچۈن؟ چۈنكى تېسلانىڭ يادرولۇق تېخنىكىسى كەمچىل، ئۇ ئالما يانفونىغا ئوخشاش بىر قەدەر تۆۋەن بازار ئىگىلەش نىسبىتى بىلەن يۇقىرى سەۋىيەنى ساقلاپ قالالمايدۇ. تېسلانىڭ ئېھتىياجلىق بولغىنى، غايەت زور بازار ئىگىلەش نىسبىتى ئارقىلىق، ئاپتوموبىلغا ئورنىتىلغان مەشغۇلات سىستېمىسىنىڭ قۇراشتۇرۇش مىقدارىنى ئاشۇرۇش.
ئۇنىڭ ئۈستىگە، ئاپتوموبىل يانفونغا ئوخشىمايدۇ، ئالماشتۇرۇش دەۋرى ناھايىتى ئۇزۇن. تېسلا تېزدىن بازارنى ئىگىلىۋالمىسا باشقىلار تەرىپىدىن ئىگىلىۋېلىنىدۇ. تېسلاغا نىسبەتەن ئېيتقاندا، پەقەت بازار ئىگىلەش نىسبىتىنى ئۆستۈرگەندىلا، ئاندىن غايەت زور ئاپتوموبىل بىلەن ئالاقىلىك ئەمەلىي ئېكولوگىيە چەمبىرىكى بەرپا قىلىپ، ئالما شەكلىدىكى ئالاقە تورى ئېكولوگىيە يېپىق ھالقىسىنى شەكىللەندۈرگىلى بولىدۇ.
تېسلا دۇنياغا كەلگەن شۇ دەقىقىدىن باشلاپ، بىر ئالىي دەرىجىلىك ئاپتوموبىل ماركىسى ئەمەس ئىدى. ئۇنىڭ قىلماقچى بولغىنى كوچىلارنى قاپلىغان پۇقرالار ئاپتوموبىلى ئىدى.
تېسلا ئىلگىرى قىممەت سېتىلغان، چۈنكى تەمىنلەش زەنجىرى مۇكەممەل ئەمەس، ياساش تەننەرخى يۇقىرى ئىدى. تېسلانىڭ باھا چۈشۈرۈش جەريانى ئەمەلىيەتتە تەمىنلەش زەنجىرىنىڭ بارغانسېرى مۇكەممەللىشىش جەريانىدۇر.
گەرچە توردا نۇرغۇن كىشىلەر «مەن تېسلاغا قارشى تۇرىمەن!» دېگەن بولسىمۇ، لېكىن بىر ئالما يانفونىنىڭ باھاسى 500 يۈەن چۈشۈرۈلسە، باشقىلار كېچىچە ئۈچرەت تۇرۇپ بۇلاشقا تەييار تۇرىدۇ. تېسلانىڭ باھاسى 200 مىڭ يۈەندىن تۆۋەنگە چۈشۈرۈلسە، ئىشىنىمەنكى، يەنىلا نۇرغۇن كىشىلەر ئامالسىز قالىدۇ.
بۈگۈن تېسلانىڭ ئەۋزەللىكى يەنىلا داڭلىق ماركىغا بەكرەك ئەھمىيەت بېرىدۇ، كەلگۈسىدە تېسلانىڭ باھا ئەۋزەللىكى گېرمانىيەنىڭ ۋولكسۋاگېنغا ئوخشاش جۇڭگولۇقلارنى قىيىن ئەھۋالغا چۈشۈرۈپ قويىدۇ.
ئاپتوموبىل ئالاقە تورى سودا ئېكولوگىيەسى بەرپا قىلىش جەھەتتە، تېسلانىڭ ئۆگەنگىنى ئالما، لېكىن ئاپتوموبىل سېتىش ئىشىدا، تېسلانىڭ ھەقىقىي ئۈلگىسى ئەمەلىيەتتە گېرمانىيەنىڭ ۋولكسۋاگېن. گەرچە پۇقرالار پىكاپى سانتانا، لاڭيى قاتارلىق ئاپتوموبىل تىپلىرى پۇقرالار بازىرىنى ئىگىلىگەن بولسىمۇ، شۇنداقلا خۇيتېڭغا ئوخشاش يۇقىرى دەرىجىلىك ئاپتوموبىل تىپلىرى يۇقىرى قاتلام بازارنىڭ ئېھتىياجىنى قاندۇرىدۇ.
پەقەت مۇستەقىللىق سەۋىيەسى يۇقىرى بولسا، رىقابەت ئاندىن تولۇق بولىدۇ، چەت ئەل ماركىلىرىنىڭ باھاسى جۇڭگودا ئاندىن چۈشىدۇ.
نۇرغۇن كىشىلەر دائىم «نېمىشقا ئالمىنى جازالىمايسەن؟» دەپ سورايدۇ. سەۋەبى ئەمەلىيەتتە ناھايىتى ئاددىي. ئالما يانفونىنى جۇڭگو ياسىغان. ئالمىنى جازالاش ئۆزىنى جازالىغانغا باراۋەر.
تېسلا قارىماققا ئامېرىكىنىڭ داڭلىق ماركىسى بولسىمۇ، ئەمما ئۇنىڭ %50 ماتېرىيال بىلەن تەمىنلەيدىغان سودىگەرلىرىنىڭ ھەممىسى جۇڭگودا. تېسلانى سېتىۋېلىش ياكى سېتىۋالماسلىق ئەمەلىيەتتە ئانچە مۇھىم ئەمەس.
مۇھىمى، دۆلىتىمىزدە ئىشلەنگەن داڭلىق ماركىلار بازارلاشقان ئادەتتىكى رىقابەتتە، سۈپىتى ياخشى، باھاسى ئەرزان ئەلا سۈپەتلىك ئەقلىي ئىقتىدارلىق توكسىكلىتلارنى ياساپ چىقىپ، جۇڭگو پۇقرالىرىنى توكلۇق ئاپتوموبىل تېخنىكا ئىنقىلابى ئېلىپ كەلگەن سۈپەتلىك تۇرمۇشتىن بەھرىلەندۈرەلەمدۇ-يوق؟ دېگەندىن ئىبارەت.
ئەگەر ھەممە ئادەم چەتئەل ماركىلىرىغا قارشى تۇرسا، ئەھمىيىتى بولمايدۇ. ئۇ پەقەت دۆلىتىمىزدە ئىشلەنگەن ماركىلارنى چۈشكۈنلەشتۈرىدۇ، تولۇق رىقابەت بولمىسا، يۈكسەك تەرەققىي قىلغان سودا بولمايدۇ.
خۇددى رېن جېڭفېي ئېيتقاندەك «ۋەتەننى سۆيۈش جەزمەن خۇاۋېينىڭ مەھسۇلاتىنى سېتىۋېلىش كېرەكلىكىدىن دېرەك بەرمەيدۇ، ئالما مەھسۇلاتىنى سېتىۋېلىشمۇ ۋەتەننى سۆيمىگەنلىكتىن دېرەك بەرمەيدۇ.» بىزنىڭ خۇاۋېينىڭ مەھسۇلاتىنى سېتىۋېلىشىمىز، ماھىيەت جەھەتتىن ئېيتقاندا، خۇاۋېينىڭ 5G تېخنىكىسى ئالمىدىن يۇقىرى ئورۇندا تۇرىدۇ، خۇاۋېينىڭ 5G ئۆزىكى ۋە 5G بايراقدار يانفونى ئالمىدىن تېخىمۇ بالدۇر ئېلان قىلىنغان، چۈنكى خۇاۋېينىڭ يادرولۇق تېخنىكىسى جۇڭگولۇقلارنىڭ ھىمايە قىلىشىغا ئەرزىيدۇ.
بىراق، ئەگەر خۇاۋېيمۇ ليەنشياڭغا ئوخشاش قۇراشتۇرما مەھسۇلات بولسا، ۋەتەننى سۆيۈش دەپ ھەر قانچە توۋلىغان تەقدىردىمۇ، ئەھمىيىتى بولمايدۇ، يېڭى ئېنېرگىيەلىك ئاپتوموبىل ساھەسىدە، ئوخشاشلا شۇنداق.
ئىلگىرى ياپونىيەنىڭ ئائىلە ئېلېكتىر سايمانلىرى ماركىسى جۇڭگو بازىرىنى ئىگىلىگەن ئىدى، كېيىن گېلى، مېيدې، خەيئېر قاتارلىقلار باش كۆتۈرگەندىن كېيىن، ياپونىيەنىڭ ئائىلە ئېلېكتىر سايمانلىرى ماركىسى يوقالمىدىمۇ؟
ئىلگىرى نوكىيا، موتورولا جۇڭگودىكى يانفون بازىرىغا ھۆكۈمرانلىق قىلغان، كېيىن خۇاۋېي، شيامى، ۋىۋو ۋە ئوپپولار باش كۆتۈرگەندىن كېيىن، پەقەت بىرلا ئالمىلا قالدى ئەمەسمۇ؟
ھازىر بىيادى، ۋېيلەي، غايە، شياۋپېڭ قاتارلىق يېڭى ئېنېرگىيەلىك ئاپتوموبىل ماركىلىرى باش كۆتۈردى، سىلەر شېرىك ماركىنىڭ تۇيۇقسىز يوقاپ كېتىۋاتقانلىقىنى بايقىدىڭلارمۇ؟
تارىخىي تەجرىبىلەر بىزگە شۇنى قايتا-قايتا ئۇقتۇردىكى، دۆلىتىمىزدە ئىشلەنگەن ماركىلارنىڭ باش كۆتۈرۈشى يەرلىك كەسىپ ۋە تېخنىكىدا يېڭىلىق يارىتىشتىن ئايرىلالمايدۇ.
سودا-ئىشلەمچىلىك-تېخنىكا ئەندىزىسى بولۇشى كېرەكمۇ ياكى تېخنىكا-ئىشلەمچىلىك-سودا ئەندىزىسى بولۇشى كېرەكمۇ؟ كىمنىڭ كۆڭلىدە سان يوق؟
مەنبە: ئىشلەپچىقىرىش ئەترىتى باشلىقى سالونىدىن تەرجىمە ئاساسىدا تەييارلاندى.
بىۋاسىتە نەپدان سالونىغا ئەگىشىۋېلىپ كۆرسىڭىزمۇ بولىدۇ!
تېخىمۇ كۆپ مۇناسىۋەتلىك يازمىلارنى كۆرمەكچى بولسىڭىز تۆۋەندىكى ئىككىلىك كودنى سىكاننېرلاپ كۆرۈڭ!
يېقىندا نەپداندا كۆپچىلىككە تەمىنلەنگەن يېڭىلىق مەزمۇنلاردىن ھادىسە تۈسىنى ئالغان نادىر كىتاب «ئىقتىساد تەپەككۇرى»، ئېلى قۇربان مۇئەللىمنىڭ كىلاسسىك دەرسى «مېنىڭ پىسخىكا مەسلىھەتچىم» ۋە «خەير-خوش چۈشكۈنلۈك»، سودا ساھەسىدىكى نادىر دەرسلىك «شىركەتنىڭ كۈچى»، سودا ساھەسىدىكى تەپەككۇر ئۇچقۇنى چاچقۇچى نادىر كىتاب «0 دىن 1 گە»، مۇۋەپپەقىيەت قازىنىش يولىدىكى ياخشى يېتەكچى «چوڭ خوجايىننىڭ مەخپىيىتى»، كىشىلىك ھايات پىلانلاش يېتەكچى ئوقۇشلۇقى «كەلگۈسى ئۈچۈن يېزىلغان خەتلەر»، پۇلنى چۈشىنىش جەھەتتىكى نادىر كىتاب «باي دادام، نامرات دادام» ۋە «باي دادام، ئىقتىسادىي قابىلىيىتىڭىزنى ئۆستۈرسۇن»، «ئىنسان تەبىئىيىتىدىكى ئاجىزلىقلار ۋە ئارتۇقچىلىقلار»، «تىلدىكى بۆسۈش»، «ناتىقلىق سەنئىتى»، «ئادەت تۈرمىسىدىن ھالقىڭ»، «ھىجرانى قىسسە سۆزلەيدۇ» تېمىسىدىكى تۆت چوڭ كىلاسسىك ئەسەر ھەققىدىكى زور ھەجىملىك پىروگرامما ئۇنىڭدىن باشقا ئەڭ يېڭى نەشردىكى فوتوشوپ ئۆگىنىش دەرسلىكى (جەمىئىي 104 قىسىم، ھەر بىر قىسمىنىڭ ۋاقتى يېرىم سائەتتىن بىر سائەتكىچە داۋاملىشىدۇ) «فوتوشوپ 2021-نەشرىنى تولۇق ئۆگىنىش سىن دەرسلىكى» ۋە «فوتوشوپتىن ئالاھىدە كۈچەيتمە سىنىپ دەرسلىكى» ۋە نەپداندا ئىلگىرى بار بولغان دەرسلىك ۋە كىتابلارنىڭ ھەممىسى كۆپچىلىكنىڭ ياخشى پايدىلىنىش قىممىتىگە ئىگە بايلىقى بولالايدۇ.
يۇقىرىقىلارغا ئېرىشىش ئۇسۇلى نەپدان، نەپكار سالونلىرىنىڭ تىزىملىكىدىن مۇناسىپ بەت يۈزىگە كىرىپ ئېرىشسىڭىز بولىدۇ.
