ھامىلىنىڭ ۋارىسلىق ھوقۇقى بارمۇ-يوق؟- 大数跨境

NepKan

2022-01-06

导读：ۋەسىيەتتە ئەمگەك ئىقتىدارى يېتەرسىز ھەمدە تىرىكچىلىك يولى يوق ۋارىسلارغا تېگىشلىك مىراس ئۈلۈشى قالدۇ

مەسىلىنىڭ كېلىپ چىقىش:

دەۋاگەر لى خانىم بىلەن ئېرى گو شيەنشېڭ 1998-يىلى توي قىلغان. 2002-يىلى، گو ئەپەندى ئۆزىنىڭ نامىدا بىر يۈرۈش 45m2 كىچىك تىپتىكى تاۋار ئۆي سېتىۋالغان. 2004-يىلى 1-ئايدا ئىككەيلەن مەلۇم دوختۇرخانا بىلەن سۈنئىي ئۇرۇقلاندۇرۇش كېلىشىمى ئىمزالىغاندىن كېيىن، لى خانىم ھامىلىدار بولغان. 2004-يىلى 4-ئايدا گو ئەپەندى راك كېسىلىگە گىرىپتار بولۇپ دوختۇرخانىدا يېتىپ قالغاندا، لى خانىمغا بۇ بالىنى كېرەك قىلمايدىغانلىقىنى بىلدۈرگەن، ئەمما لى خانىم بالا تۇغۇشتا چىڭ تۇرغان.

5-ئاينىڭ 20-كۈنى، گو ئەپەندى دوختۇرخانىدا ئۆز قولى بىلەن ۋەسىيەت قالدۇرۇپ، ۋەسىيىتىدە ئۆزىنىڭ سۈنئىي ئۇرۇقلاندۇرۇشتىن تۇغۇلغان بۇ بالىنى ئالمايدىغانلىقىنى ھەمدە ئاشۇ بىر يۈرۈش كىچىك ئۆينى ئاتا-ئانىسىغا ھەدىيە قىلىدىغانلىقىنى بىلدۈرگەن ھەمدە 5-ئاينىڭ 23-كۈنى كېسەل بىلەن ئالەمدىن ئۆتكەن، لى خانىم شۇ يىلى 10-ئايدا بىر ئوغۇل تۇغقان. شۇنىڭدىن كېيىن، لى خانىم ئېرىنىڭ مىراسىغا ۋارىسلىق قىلىش مەسىلىسى توغرىسىدا قېيىنئاتىسى بىلەن قېيىنئانىسى ئوتتۇرىسىدا تالاش-تارتىش يۈز بېرىپ، سوت مەھكىمىسىگە ئەرز سۇنغان.

مەسىلە تالاش-تارتىش نۇقتىسى ۋە سەۋەبى:

بۇ دېلودىكى تالاش-تارتىشنىڭ قىزىق نۇقتىسى ئاساسلىقى مۇنداق ئىككى تەرەپنى ئۆز ئىچىگە ئالىدۇ:

بىرىنچى، ھامىلىنىڭ ۋارىسلىق ھوقۇقى بارمۇ-يوق؟

ئىككىنچى، گو فامىلىلىك ۋەسىيەت قالدۇرغان ئەھۋالدا، كىچىك ئۆيگە قانداق ۋارىسلىق قىلىش كېرەك؟

«ھەق تەلەپ قانۇن دەستۇرى بۇ مەسىلىنى قانداق بىر تەرەپ قىلىدۇ؟

2021-يىلى 1-ئاينىڭ 1-كۈنىدىن باشلاپ يولغا قويۇلغان «جۇڭخۇا خەلق جۇمھۇرىيىتىنىڭ ھەق تەلەپ قانۇن دەستۇرى» (تۆۋەندە قىسقارتىلىپ «ھەق تەلەپ قانۇن دەستۇرى» دېيىلىدۇ)نىڭ «ۋارىسلىق قىلىش» قىسمىدا ھامىلىنىڭ ۋارىسلىق ھوقۇقى مەسىلىسى توغرىسىدا ئېنىق بەلگىلىمە بار: «مىراس بۆلگەندە، ھامىلىگە تېگىشلىك مىراس ئۈلۈشىنى ساقلاپ قويۇش كېرەك. ھامىلە ئۆلۈك تۇغۇلسا، ساقلاپ قويۇلغان مىراس ئۈلۈشى قانۇنىي ۋارىسلىق بويىچە بىر تەرەپ قىلىنىدۇ.»

بۇ يەرنى بېسىپ «ۋارىسلىق ۋەسىيەتنامىسى»نىڭ ئۇيغۇرچە ۋە دۆلەت تىلى نۇسخىسىنى چۈشۈرۈپ ئىشلىتىڭ!

ئادۋوكاتنىڭ بايانلىرى ۋە تەكلىپلىرى:

ھامىلىنىڭ ۋارىسلىق ھوقۇقىغا ئىگە بولۇش-بولماسلىق مەسىلىسى توغرىسىدا، «جۇڭخۇا خەلق جۇمھۇرىيىتىنىڭ ۋارىسلىق قانۇنى» (تۆۋەندە قىسقارتىلىپ «ۋارىسلىق قانۇنى» دېيىلىدۇ)نىڭ 28-ماددىسىدا: «مىراس بۆلگەندە، ھامىلىنىڭ ۋارىسلىق ئۈلۈشىنى ساقلاپ قېلىش كېرەك.» دەپ بەلگىلەنگەن. بۇنىڭدىن باشقا، «ئالىي خەلق سوت مەھكىمىسىنىڭ جۇڭخۇا خەلق جۇمھۇرىيىتىنىڭ ۋارىسلىق قانۇنىنى ئىزچىل ئىجرا قىلىشقا دائىر بىر قانچە مەسىلە توغرىسىدىكى پىكرى»نىڭ 45-ماددىسىدىمۇ: «ھامىلە ئۈچۈن قالدۇرۇلىدىغان مىراس ئۈلۈشى قالدۇرۇلمىغان بولسا، ۋارىسلار ۋارىسلىق قىلغان مىراستىن تۇتۇپ قېلىش كېرەك.» دەپ بەلگىلەنگەن. «ھەق تەلەپ قانۇن دەستۇرى»دىمۇ ئوخشاشلا ھامىلىنىڭ ۋارىسلىق ھوقۇقى مەسىلىسىگە چېتىلىدۇ، ئۇنىڭ 16-ماددىسىدا: «مىراسقا ۋارىسلىق قىلىش، ھەدىيە قوبۇل قىلىش قاتارلىق ھامىلىنىڭ مەنپەئەتىنى قوغداش ئىشلىرىدا، ھامىلە ھەق تەلەپ ھوقۇق ئىقتىدارىغا ئىگە دەپ قارىلىدۇ. لېكىن، ھامىلە ئۆلۈك تۇغۇلسا، ئۇنىڭ ھەق تەلەپ ھوقۇق ئىقتىدارى باشتىنلا مەۋجۇت ئەمەس، دەپ قارىلىدۇ.» دېيىلگەن.

«ھەق تەلەپ قانۇن دەستۇرى»نىڭ 16-ماددىسىدىكى بەلگىلىمە 13-ماددىسىدا بېكىتىلگەن «تەبىئىي ئىگىلەر تۇغۇلغاندىن تارتىپ ئۆلگىچە ھەق تەلەپ ھوقۇق ئىقتىدارىغا ئىگە، ئۇلار قانۇن بويىچە ھەق تەلەپ ھوقۇقىدىن بەھرىمەن بولىدۇ، ھەق تەلەپ مەجبۇرىيىتىنى ئۈستىگە ئالىدۇ.» دېگەن ئاساسىي پىرىنسىپىدا بۆسۈش ھاسىل قىلىپ، «ھەق تەلەپ قانۇن دەستۇرى»نى ئادەمنىڭ ھوقۇقىنى قوغداش جەھەتتە تۇغۇلۇشتىن ئىلگىرىكى ھامىلە مەزگىلىگىچە كېڭەيتىپ، ھەق تەلەپ ھوقۇق ئىقتىدارىغا دائىر بىر تۈرلۈك ئالاھىدە قائىدىنى بېكىتتى. بۇ ئىجتىمائىي تۇرمۇشنىڭ تەرەققىي قىلىشى ۋە ئىلگىرىلىشىگە ئەگىشىپ، ھەق تەلەپ ھوقۇق تۈرى ۋە ھوقۇقىنى ئىشقا ئاشۇرۇش ئۇسۇلىنىڭ ئۈزلۈكسىز كېڭەيگەنلىكىنىڭ نەتىجىسى، دەسلەپكى تەبىئىي شەخسنىڭ ھوقۇق ئىقتىدارى ئۇقۇمىنىڭ تەرەققىياتىدۇر.

بۇ تۈزۈمنى تەسىس قىلىش «ھەق تەلەپ قانۇن دەستۇرى»نىڭ ھاياتقا يۈكسەك ھۆرمەت قىلىدىغان ئىنسانپەرۋەرلىك روھىنى نامايان قىلغان. ئەگەر ھامىلىنىڭ ھەق تەلەپ ھوقۇق ئىقتىدارى پۈتۈنلەي ئىنكار قىلىنسا، ئۇنداقتا ئاتىسى بوۋاق تۇغۇلۇشتىن بۇرۇن ئۆلۈپ كەتسە، بوۋاق تۇغۇلۇپلا ئاتىسىنىڭ مال-مۈلكىگە ۋارىسلىق قىلالمايدۇ، ئاتىسىنىڭ مال-مۈلكىگە پەقەت ئانىسى ۋە باشقا ۋارىسلار ۋارىسلىق قىلىدۇ، بۇ بالىنىڭ ياشاش ھوقۇق-مەنپەئىتىگە زىيان يەتكۈزىدۇ. «ھەق تەلەپ قانۇن دەستۇرى»نىڭ «ۋارىسلىق قىلىش» قىسمىدا ھامىلىنىڭ ۋارىسلىق ھوقۇقىغا دائىر بەلگىلىمە «ۋارىسلىق قانۇنى»دىن كەلگەن.

ھامىلە ئۆلۈك تۇغۇلسا، ساقلاپ قويۇلغان مىراس ئۈلۈشى قانۇنىي ۋارىسلىق بويىچە بىر تەرەپ قىلىنىدۇ. بۇ بەلگىلىمە ئىلگىرىكىدەكلا ھامىلىنىڭ ۋارىسلىق قىلىش مەنپەئىتىگە كاپالەتلىك قىلىپ، دۆلىتىمىزنىڭ ۋارىسلىق قىلىش تۈزۈمىدىكى كۈتۈنۈش، بالىلار تەربىيەسى پىرىنسىپىنى تولۇق نامايان قىلدى، تېخىمۇ مۇھىمى، قانۇندا ھاياتلىققا ھۆرمەت قىلىش ۋە ھاياتلىق باراۋەرلىكى قانۇن ئىدارە قىلىش ئىدىيەسىنىڭ ئىپادىسىدۇر.

جەمئىيەتتىكى ھەر ساھەنىڭ ھامىلىنىڭ قانۇنلۇق ھوقۇق مەنپەئىتىگە كۆڭۈل بۆلۈپ، ئەھمىيەت بېرىپ، ئۇنى قوغداپ، ھەر بىر كىشىنى بەختلىك تۇرمۇش كەچۈرۈش، ساغلام ئۆسۈپ يېتىلىش ئىمكانىيىتىگە ئىگە قىلىشىنى تەۋسىيە قىلىمەن.

بۇ يەرنى بېسىپ «ۋارىسلىق ۋەسىيەتنامىسى»نىڭ ئۇيغۇرچە ۋە دۆلەت تىلى نۇسخىسىنى چۈشۈرۈپ ئىشلىتىڭ!

مۇناسىۋەتلىك قانۇن ماددىلىرى:

«ھەق تەلەپ قانۇن دەستۇرى»نىڭ 16-ماددىسى:

«مىراسقا ۋارىسلىق قىلىش، ھەدىيە قوبۇل قىلىش قاتارلىق ھامىلىنىڭ مەنپەئەتىنى قوغداش ئىشلىرىدا، ھامىلە ھەق تەلەپ ھوقۇق ئىقتىدارىغا ئىگە دەپ قارىلىدۇ. لېكىن، ھامىلە ئۆلۈك تۇغۇلسا، ئۇنىڭ ھەق تەلەپ ھوقۇق ئىقتىدارى باشتىنلا مەۋجۇت ئەمەس دەپ قارىلىدۇ.»

«ھەق تەلەپ قانۇن دەستۇرى»نىڭ 1141-ماددىسى:

«ۋەسىيەتتە ئەمگەك ئىقتىدارى يېتەرسىز ھەمدە تىرىكچىلىك يولى يوق ۋارىسلارغا تېگىشلىك مىراس ئۈلۈشى قالدۇرۇش كېرەك.»

«ھەق تەلەپ قانۇن دەستۇرى»نىڭ 1155-ماددىسى:

«مىراس بۆلگەندە، ھامىلىگە تېگىشلىك مىراس ئۈلۈشىنى ساقلاپ قويۇش كېرەك. ھامىلە ئۆلۈك تۇغۇلسا، ساقلاپ قويۇلغان مىراس ئۈلۈشى قانۇنىي ۋارىسلىق بويىچە بىر تەرەپ قىلىنىدۇ.»

مەنبە: مەزكۇر يازما چىڭخۇا داشۆ نەشرىياتى تەرىپىدىن 2021-يىلى 6-ئايدا نەشر قىلىنغان «ھەق تەلەپ قانۇن دەستۇرى دەۋرى: سىز بىلمىسىڭىز بولمايدىغان قانۇن ساۋاتلىرى» ناملىق كىتابتىن تەرجىمە قىلىندى.

«ھەق تەلەپ قانۇن دەستۇرى» قايسى خىل توختاملار بار؟

2021-12-29