ئاتا-ئانىسى ئالاھىدە سەۋەبتىن ئايرىۋېتىلسە، بالىغا كىم قارايدۇ؟- 大数跨境

首页

ئاتا-ئانىسى ئالاھىدە سەۋەبتىن ئايرىۋېتىلسە، بالىغا كىم قارايدۇ؟

NepKan

2022-01-07

导读：شياۋ گاڭنىڭ ئاتا-ئانىسى يۇقۇم ئەھۋالى سەۋەبىدىن XXX شەھىرىدە ئايرىۋېتىلگەن، ئۇنىڭ تۇرمۇشىدىن كىم خەۋ

شياۋ گاڭنىڭ ئاتا-ئانىسى يۇقۇم ئەھۋالى سەۋەبىدىن XXX شەھىرىدە ئايرىۋېتىلگەن، ئۇنىڭ تۇرمۇشىدىن كىم خەۋەر ئالىدۇ؟

مەسىلىنىڭ كېلىپ چىقىشى:

2020-يىلى 1-ئاينىڭ 22-كۈنى، شياۋ گاڭنىڭ ئاتا-ئانىسى XXX شەھىرىگە كاماندىروپكىغا بارغاندا، ئەسلىدە ئىككى كۈن ئىچىدە قايتىپ كېلىشنى پىلانلىغان بولسىمۇ، لېكىن يېڭىچە تاجىسىمان ئۆپكە ياللۇغى يۇقۇم ئەھۋالى سەۋەبىدىن، XXX شەھىرى 2020-يىلى 10-ئاينىڭ 23-كۈنى سائەت 10 دىن باشلاپ، پۈتۈن شەھەر بويىچە ئاممىۋى قاتناش، مېترو، كېچىك كېمىسى، ئۇزۇن يوللۇق يولۇچى توشۇش ۋاقىتلىق توختىتىلدى، ئايرودۇرۇم، ۋوگزالنىڭ XXX شەھىرىدىن چىقىش ئېغىزى ۋاقتىنچە تاقالدى، ئۇنىڭ ئاتا-ئانىسى XXX شەھىرىدە تۇرۇپ قېلىشقا مەجبۇر بولدى.

شياۋ گاڭ بۇ يىل 11 ياشقا كىردى، ئائىلىسىدە باشقا ئادەم يوق، قانداق قىلىش كېرەك؟

مەسىلىنىڭ تالاش-تارتىش نۇقتىسى ۋە سەۋەبى:

شياۋ گاڭنىڭ تۇرمۇشتا ئۆزىنىڭ ھاجىتىدىن چىقالمايدىغانلىقى ئېنىق، باشقىلارنىڭ ھالىدىن ۋاقىتلىق خەۋەر ئېلىشىغا توغرا كېلىدۇ. بۇنداق تۇيۇقسىز يۈز بەرگەن ئەھۋالدا، شياۋ گاڭنىڭ ۋەسىيلىكىنى كىم ئۈستىگە ئېلىشى كېرەك؟

«ھەق تەلەپ قانۇن دەستۇرى» بۇ مەسىلىنى قانداق بىر تەرەپ قىلىدۇ؟

تاسادىپىي ۋەقە قاتارلىق جىددىي ئەھۋال تۈپەيلىدىن ۋەسىي ۋەسىيلىك مەسئۇلىيىتىنى ۋاقتىنچە ئادا قىلالماي، ۋەسىيلىك قىلىنغۇچىنىڭ تۇرمۇشىدىن خەۋەر ئالىدىغان ئادىمى بولمىسا، ۋەسىيلىك قىلىنغۇچى تۇرۇشلۇق جايدىكى شەھەر ئاھالە كومىتېتى، كەنت ئاھالە كومىتېتى ياكى خەلق ئىشلىرى تارمىقى ۋەسىيلىك قىلىنغۇچىغا زۆرۈر بولغان ۋاقىتلىق تۇرمۇشىدىن خەۋەر ئېلىش تەدبىرى ئورۇنلاشتۇرۇشى كېرەك.

بۇ يەرنى بېسىپ «ۋارىسلىق ۋەسىيەتنامىسى»نىڭ ئۇيغۇرچە ۋە دۆلەت تىلى نۇسخىسىنى چۈشۈرۈپ ئىشلىتىڭ!

ئادۋوكاتنىڭ بايانلىرى ۋە تەكلىپلىرى:

11 ياشلىق شياۋ گاڭ ھەق تەلەپ ھەرىكەت ئىقتىدارى چەكلەنگەن ئادەم، ئۇنىڭ ئاتا-ئانىسى قانۇندا بەلگىلەنگەن ھامىيلىق قىلغۇچى، يەنى ئاتا-ئانىسى ۋەسىيلىك قىلىنغۇچىنىڭ جىسمانىي ھوقۇقى، مال-مۈلۈك ھوقۇقى ۋە باشقا قانۇنلۇق ھوقۇق-مەنپەئەتىنى قوغداش مەسئۇلىيىتىنى ئادا قىلىدۇ. لېكىن، ئاتا-ئانىسى تاسادىپىي ۋەقە تۈپەيلىدىن ۋەسىيلىك مەسئۇلىيىتىنى ئادا قىلالمىغان ئەھۋالدا، شياۋ گاڭنىڭ ھالىدىن كىم ۋاقىتلىق خەۋەر ئالىدۇ؟ دېگەن مەسىلىدە «ھەق تەلەپ قانۇنى ئومۇمىي قائىدىسى»دە بەلگىلىمە چىقىرىلمىغان.

مۇشۇنداق ئارقا كۆرۈنۈش ئاستىدا، تۇيۇقسىز يۈز بەرگەن يېڭى تىپلىق تاجسىمان ئۆپكە ياللۇغى يۇقۇم ئەھۋالىغا قارىتا، «ھەق تەلەپ قانۇن دەستۇرى»مۇ ۋەزىيەتنىڭ ئۆزگىرىشىگە ماسلىشىپ، كۆزىتىش تۈزۈمىنى يەنىمۇ مۇكەممەللەشتۈرۈشنى ئۆز ئىچىگە ئالغان نۇرغۇن تەڭشەش ئېلىپ باردى. بۇنىڭدا مۇنداق بەلگىلەنگەن: «تاسادىپىي ۋەقە قاتارلىق جىددىي ئەھۋال يۈز بېرىپ، ۋەسىيلەر ۋەسىيلىك مەسئۇلىيىتىنى ۋاقتىنچە ئادا قىلالماي، ۋەسىيلىك قىلىنغۇچىنىڭ تۇرمۇشىدىن خەۋەر ئالىدىغان ئادىمى بولمىسا، ۋەسىيلىك قىلىنغۇچى تۇرۇشلۇق جايدىكى شەھەر ئاھالە كومىتېتى، كەنت ئاھالە كومىتېتى ياكى خەلق ئىشلىرى تارمىقى ۋەسىيلىك قىلىنغۇچىغا زۆرۈر بولغان ۋاقىتلىق تۇرمۇشدىن خەۋەر ئېلىش تەدبىرى ئورۇنلاشتۇرۇشى كېرەك.

«ھەق تەلەپ قانۇنى ئومۇمىي قائىدىسى»نىڭ 34-ماددىسىدىكى مەزمۇن بىلەن سېلىشتۇرغاندا، يۇقىرىقى بەلگىلىمە يېڭىدىن قوشۇلغان مەزمۇن بولۇپ، ئۇنىڭ قانۇن چىقىرىشتىكى مەقسىتى ۋەسىيلىك قىلىنغۇچىنىڭ تۇرمۇشىدىن خەۋەر ئېلىشقا مەخسۇس ئادەم قويۇش ياكى ۋەسىيلىك قىلىنغۇچىنى مەركەزلەشتۈرۈپ تۇرمۇشىدىن خەۋەر ئېلىش قاتارلىقلار، ۋەسىيسىدىن ۋاقىتلىق ئايرىلغان ۋەسىيلىك قىلىنغۇچىنى نورمال تۇرمۇشقا ئىگە قىلىپ، كۈتۈلمىگەن ئەھۋال يۈز بېرىشنىڭ ئالدىنى ئېلىشتىن ئىبارەت.

«ھەق تەلەپ قانۇنى دەستۇرى»نى تۈزۈش ج ك پ 18-نۆۋەتلىك مەركىزىي كومىتېتىنىڭ 4-ئومۇمىي يىغىنىدا ئوتتۇرىغا قويۇلغان قانۇن چىقىرىش ۋەزىپىسى بولۇپ، بۇ «ئىجتىمائىي تۇرمۇش قامۇسى» قانۇن دەستۇرى دەپ ئاتىلىپ، پۇقرالار تۇرمۇشىنىڭ ھەرقايسى تەرەپلىرىگە تەسىر كۆرسىتىپ، شەخسىي ھوقۇقنى كاپالەتلەندۈرۈش ۋە ئىجتىمائىي مەسئۇلىيەتنى ئىشقا ئاشۇرۇشقا مۇناسىۋەتلىك بولۇپ، كىشىلەرنىڭ دىققىتىنى تارتتى.

2020-يىلى 5-ئاينىڭ 22-كۈنى، 13-نۆۋەتلىك مەملىكەتلىك خەلق قۇرۇلتىيى 3-يىغىنىدا، مەملىكەتلىك خەلق قۇرۇلتىيى دائىمىي كومىتېتىنىڭ مۇئاۋىن كومىتېت باشلىقى ۋاڭ چېن «جۇڭخۇا خەلق جۇمھۇرىيىتىنىڭ ھەق تەلەپ قانۇنى دەستۇرى (دەسلەپكى لايىھەسى)» توغرىسىدا ئىزاھات بەردى. ئۇ مۇنداق كۆرسەتتى: «پارتىيە 19-قۇرۇلتىيىدا خەلقنىڭ جىسمانىي ھوقۇقى، مال-مۈلۈك ھوقۇقى، ئادەملىك ھوقۇقىنى قوغداش ئېنىق ئوتتۇرىغا قويۇلدى، لېكىن ھازىر يولغا قويۇلۇۋاتقان ھەق تەلەپ قانۇنىنى چىقىرىشتىكى بەزى قائىدىلەر ئارقىدا قېلىپ، خەلقنىڭ كۈندىن-كۈنگە ئېشىپ بېرىۋاتقان گۈزەل تۇرمۇش ئېھتىياجىغا ماسلىشالمايۋاتىدۇ. ھەق تەلەپ قانۇن دەستۇرىنى تۈزۈشتە، ھەق تەلەپ ھوقۇق تۈرلىرىنى مۇكەممەللەشتۈرۈش ۋە تولۇقلاش ئارقىلىق، تېخىمۇ مۇكەممەل بولغان ھەق تەلەپ ھوقۇق سىستېمىسىنى شەكىللەندۈرۈپ، ھوقۇقنى قوغداش ۋە قۇتقۇزۇش قائىدىسىنى مۇكەممەللەشتۈرۈپ، قېلىپلاشقان، ئۈنۈملۈك بولغان ھوقۇقنى قوغداش مېخانىزمىنى شەكىللەندۈرۈش كېرەك. "ھەق تەلەپ قانۇن دەستۇرى"نىڭ تاسادىپىي جىددىي ۋەقە يۈز بەرگەن ئەھۋالدا ۋەسىيلىك قىلىنغۇچىنى قوغدىشى، ئېنىقكى، خەلقنىڭ ھوقۇق-مەنپەئىتىنى تېخىمۇ ياخشى قوغداپ، خەلق ئاممىسىنىڭ ئېرىشىش تۇيغۇسى، بەخت تۇيغۇسى ۋە بىخەتەرلىك تۇيغۇسىنى ئۈزلۈكسىز ئاشۇرۇپ، كىشىلەرنىڭ ئومۇميۈزلۈك تەرەققىياتىنى ئىلگىرى سۈرۈشتە ئىنتايىن مۇھىم ئەھمىيەتكە ئىگە.»

بۇ يەرنى بېسىپ «ۋارىسلىق ۋەسىيەتنامىسى»نىڭ ئۇيغۇرچە ۋە دۆلەت تىلى نۇسخىسىنى چۈشۈرۈپ ئىشلىتىڭ!

مۇناسىۋەتلىك قانۇن ماددىلىرى:

«ھەق تەلەپ قانۇن دەستۇرى»نىڭ 34-ماددىسىدا: «ۋەسىينىڭ مەسئۇلىيىتى--ۋەسىيلىك قىلىنغۇچىغا ۋاكالىتەن ھەق تەلەپ قانۇن ھەرىكىتى قىلىپ، ۋەسىيلىك قىلىنغۇچىنىڭ جىسمانىي ھوقۇقى، مال-مۈلۈك ھوقۇقى ۋە باشقا قانۇنلۇق ھوقۇق-مەنپەئەتىنى قوغداش ۋە باشقىلار.

ۋەسىينىڭ ۋەسىيلىك مەسئۇلىيىتىنى قانۇن بويىچە ئادا قىلىشىدىن شەكىللەنگەن ھوقۇقىنى قانۇن قوغدايدۇ.

ۋەسىيلەردىن ۋەسىيلىك مەسئۇلىيىتىنى ئادا قىلمىغانلار ياكى ۋەسىيلىك قىلىنغۇچىنىڭ قانۇنلۇق ھوقۇق-مەنپەئەتىگە زىيان سالغانلار قانۇن جاۋابكارلىقىنى ئۈستىگە ئالىدۇ.

تاسادىپىي ۋەقە قاتارلىق جىددىي ئەھۋاللار يۈز بەرگەنلىكتىن ۋەسىي ۋەسىيلىك مەسئۇلىيىتىنى ۋاقتىنچە ئادا قىلالماي، ۋەسىيلىك قىلىنغۇچىنىڭ تۇرمۇشىدىن خەۋەر ئالىدىغان ئادەم چىقمىغان ئەھۋال كۆرۈلگەندە، ۋەسىيلىك قىلىنغۇچى تۇرۇشلۇق جايدىكى ئاھالە كومىتېتى، كەنت ئاھالە كومىتېتى ياكى خەلق ئىشلىرى تارمىقى ۋەسىيلىك قىلىنغۇچىنىڭ تۇرمۇشىدىن ۋاقىتلىق خەۋەر ئالىدىغان زۆرۈر تەدبىرلەرنى قوللىنىشى لازىم.» دەپ بەلگىلەنگەن.

مەنبە: مەزكۇر يازما چىڭخۇا داشۆ نەشرىياتى تەرىپىدىن 2021-يىلى 6-ئايدا نەشر قىلىنغان «ھەق تەلەپ قانۇن دەستۇرى دەۋرى: سىز بىلمىسىڭىز بولمايدىغان قانۇن ساۋاتلىرى» ناملىق كىتابتىن تەرجىمە قىلىندى.

ھامىلىنىڭ ۋارىسلىق ھوقۇقى بارمۇ-يوق؟

2022-01-06