بۇ يېڭى بەلگىلىمىلەر ئەتىدىن باشلاپ تۇرمۇشىمىزغا تەسىر كۆرسىتىدۇ- 大数跨境

بۇ يېڭى بەلگىلىمىلەر ئەتىدىن باشلاپ تۇرمۇشىمىزغا تەسىر كۆرسىتىدۇ

NepKan

2022-03-31

导读：پىراۋا ئىلتىماس قىلىش، ئىشلىتىش، نومۇر تارتىشتا يېڭى ب

پىراۋا ئىلتىماس قىلىش، ئىشلىتىش، نومۇر تارتىشتا يېڭى بەلگىلىمە يولغا قويۇلىدۇ

«موتورلۇق قاتناش ۋاسىتىسى پىراۋىسىنى ئىلتىماس قىلىپ ئېلىش ۋە ئىشلىتىش بەلگىلىمىسى»، «يول قاتناش بىخەتەرلىكى قانۇنىغا خىلاپ قىلمىشلارغا نومۇر خاتىرىلەشنى باشقۇرۇش چارىسى» 1-ئاپرېلدىن باشلاپ يولغا قويۇلىدۇ. مۇھىم نۇقتىلىرى تۆۋەندىكىدەك: چوڭ، ئوتتۇرا تىپتىكى يولۇچى توشۇش ئاپتوموبىلى، يۈك ئاپتوموبىلى پىراۋىسىنى ئېلىشتا، مەملىكەت بويىچە «بىر كىنىشكىغا بىرتۇتاش ئىمتىھان ئېلىش»، شوپۇرلۇق سالاھىيەت ئىمتىھانىغا دائىر ئىشلارنى «ئۆلكە ئاتلاپ بېجىرىش»نى ئەسلىگە كەلتۈرۈش، پىراۋا ئىمتىھانىنىڭ مەزمۇنى ۋە تۈرىنى ئەلالاشتۇرۇش، يېڭىدىن كۆپەيتىلگەن يېنىك تىپتىكى پىرىتسېپلارنى ھەيدەش پىراۋىسىغا دائىر تۆت تۈرلۈك قولايلىق يارىتىش يېڭى تەدبىرىنى يولغا قويۇش؛ نومۇر خاتىرىلەشتىكى نومۇر قىممىتىنى تەڭشەش، قانۇن ئۆگىنىش ئارقىلىق كېمەيگەن نومۇرنى تولۇقلاش تەدبىرىنى مەملىكەت بويىچە يولغا قويۇش، تولۇق نومۇرلۇق ئۆگىنىش ئىمتىھانى تۈزۈمىنى تەڭشەش. ئۇنىڭدىن باشقا، يېڭى نۇسخىدىكى «موتورلۇق قاتناش ۋاسىتىلىرى شوپۇرلىرىنى تەربىيەلەش ئوقۇتۇشى ۋە ئىمتىھان پىروگراممىسى»مۇ 1-ئاپرېلدىن باشلاپ يولغا قويۇلىدۇ.

قوشۇلما قىممەت بېجى ئېلىشتا، كىچىك كۆلەملىك باج تاپشۇرغۇچىلاردىن قوشۇلما قىممەت بېجىنى كەچۈرۈم قىلىشقا بولىدۇ

مالىيە مىنىستىرلىقى، باج باش ئىدارىسى بىرلىكتە «كىچىك كۆلەملىك باج تاپشۇرغۇچىلاردىن قوشۇلما قىممەت بېجىنى كەچۈرۈم قىلىش توغرىسىدىكى ئۇقتۇرۇش»نى تارقىتىپ، 1-ئاپرېلدىن 31-دېكابىرغىچە، كىچىك كۆلەملىك قوشۇلما قىممەت بېجى تاپشۇرغۇچىلارنىڭ باج تاپشۇرۇشقا تېگىشلىك سېتىش كىرىمىدىن ئېلىنىدىغان %3 لىك قوشۇلما قىممەت بېجى كەچۈرۈم قىلىنىدۇ؛ %3 لىك ئالدىن ئېلىنىدىغان قوشۇلما قىممەت بېجى تۈرىدە، قوشۇلما قىممەت بېجىنى ئالدىن تاپشۇرۇش ۋاقتىنچە توختىتىلىدۇ، دەپ ئوتتۇرىغا قويدى.

قەرەل ئاخىرىدا قايتۇرىدىغان قوشۇلما قىممەت بېجىنى قالدۇرۇپ توغرىلاپ چىقىرىۋېتىش سىياسىتىنى يولغا قويۇش سالمىقى ئاشۇرۇلىدۇ

«قەرەل ئاخىرىدا قايتۇرىدىغان قوشۇلما قىممەت بېجىنى قالدۇرۇپ توغرىلاپ چىقىرىۋېتىش سىياسىتىنى يولغا قويۇش سالمىقىنى يەنىمۇ ئاشۇرۇش توغرىسىدىكى ئۇقتۇرۇش» 1-ئاپرېلدىن باشلاپ يولغا قويۇلىدۇ. ئىلغار ياسىمىچىلىقتىكى قوشۇلما قىممەت بېجىنى ھەر ئايدا تولۇق سوممىدا قايتۇرۇشقا دائىر قوشۇلما قىممەت بېجىنى قالدۇرۇپ توغرىلاپ چىقىرىۋېتىش سىياسىتىنىڭ دائىرىسى شەرتكە ئۇيغۇن كېلىدىغان كىچىك، مىكرو كارخانىلار (يەككە سودا-سانائەتچىلەرنىمۇ ئۆز ئىچىگە ئالىدۇ) غا كېڭەيتىلىدۇ ھەمدە كىچىك، مىكرو كارخانىلارنىڭ تۇتۇپ قېلىنغان باج سوممىسى بىر قېتىمدىلا قايتۇرۇلىدۇ.

ھەرقانداق ئەسلىھەنىڭ ئەمالار يولىنى ئىگىلىۋېلىشىغا يول قويۇلمايدۇ

دۆلەت ئۆلچىمىدىكى «بىناكارلىق ۋە شەھەر مەمۇرىيىتى قۇرۇلۇشى توسالغۇسىز يول ئومۇمىي قائىدىسى» 1-ئاپرېلدىن باشلاپ يولغا قويۇلىدۇ، ئەمالار يولىنى ياساشتا توسالغۇلاردىن ساقلىنىش تەلەپ قىلىنىدۇ، ھەرقانداق ئەسلىھەنىڭ ئەمالار يولىنى ئىگىلىۋېلىشىغا بولمايدۇ.

«يېزا ئىگىلىك سۇغۇرتىسى سۇغۇرتا تۆلىمىنى باشقۇرۇش چارىسى» يولغا قويۇلىدۇ

«يېزا ئىگىلىك سۇغۇرتىسى سۇغۇرتا تۆلىمىنى باشقۇرۇش چارىسى» 1-ئاپرېلدىن باشلاپ يولغا قويۇلىدۇ، بۇ تېرىقچىلىق سۇغۇرتىسى، باقمىچىلىق سۇغۇرتىسى ۋە ئورمان سۇغۇرتىسى كەسپىگە تەتبىقلىنىدۇ. يېزا ئىگىلىك سۇغۇرتىسىنى دېھقانلار، يېزا ئىگىلىك ئىشلەپچىقىرىش-تىجارەت تەشكىلاتلىرى ئۆز ئالدىغا سۇغۇرتىلاتسىمۇ، يېزا ئىگىلىك ئىشلەپچىقىرىش-تىجارەت تەشكىلاتلىرى، كەنت ئاھالە كومىتېتى قاتارلىق ئورۇنلار دېھقانلارنى سۇغۇرتىلىتىشقا تەشكىللىسىمۇ بولىدۇ. سۇغۇرتا ئاپپاراتى ۋە ئۇنى تەشكىللەپ سۇغۇرتىلاتقان ئورۇننىڭ سۇغۇرتىلانغۇچىنى ئالدىشىغا، ئازدۇرۇشىغا يول قويۇلمايدۇ، نامۇۋاپىق ۋاسىتە بىلەن مەجبۇرىي سۇغۇرتىلىتىشىغا ياكى سۇغۇرتىلىتىشنى چەكلىشىگە يول قويۇلمايدۇ.

يېڭى نۇسخىدىكى «تىرانسپورت ئايرودۇرۇمىنىڭ يۈرۈش بىخەتەرلىكىنى باشقۇرۇش بەلگىلىمىسى» يولغا قويۇلىدۇ

تۈزىتىلگەندىن كېيىنكى «تىرانسپورت ئايرودۇرۇمىنىڭ يۈرۈش بىخەتەرلىكىنى باشقۇرۇش بەلگىلىمىسى» 1-ئاپرېلدىن باشلاپ يولغا قويۇلىدۇ، ئايرودۇرۇم باشقۇرۇش ئاپپاراتى، ئاۋىياتسىيە تىرانسپورت كارخانىسى ۋە باشقا يۈرۈشتۈرۈش كاپالىتى ئورۇنلىرىدىن ئىشچى خىزمەتچىلەرنى بىخەتەر ئىشلەپچىقىرىش بويىچە تەربىيەلەشكە مۇشۇ بەلگىلىمىنىڭ 2-بابىدىكى ئالاقىدار تەلەپ بويىچە تەشكىللىمىگەنلەرنى خەلق ئاۋىياتسىيە ئىدارىسى ياكى خەلق ئاۋىياتسىيە رايونى باشقۇرۇش ئىدارىسى سۈرۈك ئىچىدە تۈزىتىشكە بۇيرۇيدۇ، قوشۇمچە 100 مىڭ يۈەندىن تۆۋەن جەرىمانە قويىدۇ؛ سۈرۈك ئۆتسىمۇ تۈزەتمىگەنلەرنى ئىشلەپچىقىرىش ۋە تىجارەتنى توختىتىپ تەرتىپكە سېلىشقا بۇيرۇيدۇ، قوشۇمچە 100 مىڭ يۈەندىن يۇقىرى، 200 مىڭ يۈەندىن تۆۋەن جەرىمانە قويىدۇ، بىۋاسىتە جاۋابكار مەسئۇل خادىم ۋە باشقا بىۋاسىتە جاۋابكارلارغا 20 مىڭ يۈەندىن يۇقىرى، 50 مىڭ يۈەندىن تۆۋەن جەرىمانە قويىدۇ.

ئىمپورت قىلىنغان سوغۇق ساقلاش زەنجىردىكى يېمەكلىكلەرنى بېيجىڭغا ئەكىرىشتە ئالدىن كېلىشىش تۈزۈمى يولغا قويۇلىدۇ

1-ئاپرېلدىن باشلاپ، ئىمپورت قىلىنغان سوغۇق ساقلاش زەنجىرىدىكى يېمەكلىكلەرنى بېيجىڭغا ئەكىرىشتە ئالدىن كېلىشىش كېرەك، تەكشۈرۈش پونكىتىنىڭ تەكشۈرۈشىدىن ئۆتمىگەن يېمەكلىكلەرنى بازارغا سېلىشقا، سېتىشقا يول قويۇلمايدۇ.

بېيجىڭ: ھەمبەھرە ۋېلىسىپىتنى ئىشلىتىشتە يېڭى بەلگىلىمە چىقىرىلدى، ۋېلىسىپىت مىنگەندە ھەقىقىي ئىسىم بىلەن تىزىملىتىش كېرەك

بېيجىڭ شەھەرلىك بازار نازارەت قىلىش-باشقۇرۇش ئىدارىسى «ئالاقە تورىدا ۋېلىسىپىت ئىجارىگە بېرىش سىستېمىسىنىڭ تېخنىكا ۋە مۇلازىمەت ئۆلچىمى»نى ئېلان قىلدى، بۇ ئۆلچەم 4-ئايدىن باشلاپ يولغا قويۇلىدۇ. بۇ ئۆلچەمدە ھەمبەھرە ۋېلىسىپىت كارخانىلىرىنىڭ تىجارەت سۇپىسى ئىجارىگە ئالغۇچىنىڭ تىزىمغا ئالدۇرغان كىملىك نومۇرى ۋە ئىسىم-فامىلىسىنى پەرقلەندۈرۈش، ئىجارىگە ئالغۇچىنىڭ كىملىك نومۇرى ۋە ئىسىم-فامىلىسىنىڭ «مەملىكەت بويىچە پۇقرالارنىڭ سالاھىيەت ئۇچۇرىنى تەكشۈرۈش سىستېمىسى»دىكى ئۇچۇرى بىلەن بىردەك بولغان-بولمىغانلىقىنى تەكشۈرۈش، ئىجارىگە ئالغۇچىنىڭ ۋېلىسىپىت ئىجارىگە ئېلىش شەرتىنى ھازىرلىغان-ھازىرلىمىغانلىقىغا ھۆكۈم قىلىش ئىقتىدارىنى ھازىرلىشى تەلەپ قىلىنىدۇ.

خېنەن: قارا يامغۇردىن ئاگاھلاندۇرۇش قىزىل رەڭلىك سىگنالى چىقىرىلغاندا دەرس توختىتىش كېرەك

خېنەن ئۆلكىلىك مائارىپ نازارىتى، خېنەن ئۆلكىلىك ھاۋارايى ئىدارىسى ھۆججەت تارقىتىپ، شۇ جايدىكى ھاۋارايى تارماقلىرى قارا يامغۇردىن ئاگاھلاندۇرۇش قىزىل رەڭلىك سىگنالى تارقاتقاندا، ھەر دەرىجىلىك مائارىپ مەمۇرىي تارماقلىرى دەرس توختىتىش تەدبىرىنى قوللىنىشى كېرەكلىكىنى ئايدىڭلاشتۇردى، بۇ تەدبىر 1-ئاپرېلدىن باشلاپ يولغا قويۇلىدۇ.

مەنبە: جۇڭگو رادىيو تورى ئۇيغۇرچە سالونىدىن ئېلىندى.

【声明】内容源于网络

NepKan

竭尽为您解忧，关注我们，解您的忧！

内容 296

粉丝 0

NepKan 竭尽为您解忧，关注我们，解您的忧！

总阅读206

粉丝0

内容296