بۇ ئىشقا قۇرامىغا يەتمىگەنلەرنىڭ قاتنىشىشى مەنئى قىلىنىدۇ!

توردا بىۋاسىتە كۆرسىتىش كەسپىنى قېلىپلاشتۇرۇشنى ھەقىقىي كۈچەيتىپ، قۇرامىغا يەتمىگەنلەرنىڭ ساغلام ئۆسۈپ يېتىلىشىگە ياخشى مۇھىت يارىتىش ئۈچۈن، مەركىزىي مەنىۋى مەدەنىيلىك ئىشخانىسى، مەدەنىيەت ۋە ساياھەت مىنىستىرلىقى، دۆلەت رادىيو-تېلېۋىزىيە باش ئىدارىسى، دۆلەت ئالاقە تورى ئۇچۇر ئىشخانىسى 7-ماي «توردا بىۋاسىتە كۆرسىتىشتىكى ھەدىيە بېرىشنى قېلىپلاشتۇرۇپ، قۇرامىغا يەتمىگەنلەرنى قوغداشنى كۈچەيتىش توغرىسىدىكى پىكىر»نى ئېلان قىلىپ، مۇنۇلارنى ئوتتۇرىغا قويدى:

1. قۇرامىغا يەتمىگەنلەرنىڭ بىۋاسىتە كۆرسىتىشتىكى ھەدىيە بېرىشكە قاتنىشىشى مەنئى قىلىنىدۇ.

2. قۇرامىغا يەتمىگەنلەرنىڭ تور رىياسەتچىسى بولۇشىنى قاتتىق كونترول قىلىش، 16 ياشقا توشمىغان قۇرامىغا يەتمىگەنلەرنى تور رىياسەتچىلىك مۇلازىمىتى بىلەن تەمىنلىمەسلىك كېرەك.

3. «ياش-ئۆسمۈرلەر ئەندىزىسى»نى ئەلالاشتۇرۇپ، دەرىجىسىنى ئۆستۈرۈش كېرەك.

4. قۇرامىغا يەتمىگەنلەرگە مەخسۇس خېرىدارلار مۇلازىمىتى قىلىش ئەترىتى قۇرۇش كېرەك.

5. نۇقتىلىق ئىقتىدارلارنىڭ قوللىنىشىنى قېلىپلاشتۇرۇش، تور سۇپىلىرى پىكىر ئېلان قىلىنىپ بىر ئاي ئىچىدە ھەدىيە رەت تەرتىپ تىزىملىكىنى بىردەك ئەمەلدىن قالدۇرۇشى كېرەك.

6. بېسىق مەزگىلدىكى باشقۇرۇشنى كۈچەيتىش كېرەك.

7. تور ساپاسى تەربىيەسى قاتارلىق خىزمەت تەدبىرلىرىنى كۈچەيتىش كېرەك.

مەنبە: جۇڭگو رادىيو تورى ئۇيغۇرچە سالونىدىن ئېلىندى.

----

تەۋسىيە كىتاب: شۆ جاۋفېڭ «ئىقتىساد تەپەككۇرى»

ئەگەر مەزكۇر كىتابنىڭ تولۇق مەزمۇنىغا قىزىقسىڭىز بۇ يەرنى بېسىپ مەزكۇر كىتابنىڭ تولۇق تەرجىمىسىنىڭ ئېلېكىتىرونلۇق نۇسخىسىنى ئوقۇڭ!