مەركىزىي كومىتېت بەنگۇڭتىڭى، گوۋۇيۈەن بەنگۇڭتىڭى ھۆججەت تارقاتتى!
ناھىيە بازىرىدا نوپۇسقا ئېلىشقا چەكلىمە قويۇشنى بىكار قىلىش سىياسىتى ئومۇميۈزلۈك ئەمەلىيلەشتۈرۈلىدۇ
مەنبە: خەلق تورى
خەلق تورى ئۇيغۇرچە قانىلىنىڭ 5-ئاينىڭ 9-كۈنى بېيجىڭدىن بەرگەن تېلېگراممىسى: يېقىندا مەركىزىي كومىتېت بەنگۇڭتىڭى، گوۋۇيۈەن بەنگۇڭتىڭى «ناھىيە بازىرىنى مۇھىم ۋاسىتە قىلغان شەھەر-بازارلاشتۇرۇش قۇرۇلۇشىنى ئىلگىرى سۈرۈش توغرىسىدىكى پىكىر»نى بېسىپ تارقاتتى. بۇنىڭدا ناھىيە بازىرىنىڭ تەرەققىياتى توغرىسىدا مۇھىم يېڭى تەلەپلەر بار.
ناھىيە بازىرىدا نوپۇسقا ئېلىشقا چەكلىمە قويۇشنى بىكار قىلىش سىياسىتى ئومۇميۈزلۈك ئەمەلىيلەشتۈرۈلىدۇ
كارخانىلار دېھقان ئىشلەمچىلەرنى ئىشچى-خىزمەتچىلەرنىڭ كۈتۈنۈش سۇغۇرتىسى، داۋالىنىش سۇغۇرتىسى، ئىشتا يارىلىنىش سۇغۇرتىسى، ئىشسىزلىق سۇغۇرتىسى، تۇغۇت سۇغۇرتىسى قاتارلىق ئىجتىمائىي سۇغۇرتا ھەققىنى تاپشۇرۇش دائىرىسىگە كىرگۈزۈش مەسئۇلىيىتىنى ئومۇميۈزلۈك ئەمەلىيلەشتۈرۈپ، دېھقان ئىشلەمچىلەرنى بەلگىلىمە بويىچە ئىشچى-خىزمەتچىلەرنىڭ ئاساسىي داۋالىنىش سۇغۇرتىسى ۋە شەھەر-بازارلاردىكى ئىشچى-خىزمەتچىلەرنىڭ ئاساسىي كۈتۈنۈش سۇغۇرتىسىغا قاتنىشىشقا مۇۋاپىق يېتەكلەش كېرەك. شەھەرگە كىرىپ نوپۇسقا ئېلىنغان دېھقانلارنىڭ يېزا يەر ھۆددىگەرلىك ھوقۇقى، ئۆيلۈك يەرنى ئىشلىتىش ھوقۇقى، كوللېكتىپ پايدىنى تەقسىملەش ھوقۇقىنى قانۇن بويىچە كاپالەتلەندۈرۈپ، ئۇلارنىڭ يۇقىرىقى ھوقۇق-مەنپەئەتىنى قانۇن بويىچە ئۆز ئىختىيارلىقى بىلەن ھەقلىق ئۆتۈنۈپ بېرىشىنى قوللاش كېرەك.
چوڭ شەھەرلەرنىڭ ئەتراپىدىكى ناھىيەلەرنىڭ تەرەققىياتىنى تېزلىتىش كېرەك
«پىكىر»دە مۇنۇلار ئوتتۇرىغا قويۇلدى: شەھەرلەر توپى ۋە مەركىزىي شەھەر چەمبىرىكى دائىرىسىگە جايلاشقان ناھىيە بازارلىرىنىڭ قوشنا چوڭ شەھەر قۇرۇلۇشىغا سىڭىشىپ تەرەققىي قىلىشىنى قوللاپ، نوپۇس، كەسىپ، ئىقتىدار، بولۇپمۇ ئادەتتىكى ياسىمىچىلىق، رايون خاراكتېرلىك ئەشيا ئوبوروتى بازىسى، كەسپىي بازار، زىيادە مەركەزلەشكەن ئاممىۋى مۇلازىمەت بايلىقىنى تارقاقلاشتۇرۇش، يۆتكەشنى تەشەببۇسكارلىق بىلەن قوبۇل قىلىپ، تېز سۈرئەتلىك قاتناشنى تۇتاشتۇرۇشنى كۈچەيتىپ، قوشنا چوڭ شەھەرلەر بىلەن راۋان، قولاي، فۇنكسىيەسى بىر-بىرىنى تولۇقلايدىغان، كەسىپلەر يۈرۈشلەشكەن ھەمراھ ناھىيە بازىرىغا ئايلاندۇرۇش كېرەك.
نوپۇسى كېمىيىپ كەتكەن ناھىيە بازىرىنى تىپىنى ئۆزگەرتىپ تەرەققىي قىلدۇرۇشقا يېتەكلەش كېرەك
«پىكىر»دە يەنە مۇنۇلار ئايدىڭلاشتۇرۇلدى: شەھەر-بازارلارنىڭ تەرەققىيات ئۆزگىرىش ۋەزىيىتىگە بىرلەشتۈرۈپ، نوپۇسى كېمىيىپ كەتكەن ناھىيە بازارلىرىدا شەھەر-بازار قۇرۇلۇش يېرىنىڭ كۆپىيىشىنى قاتتىق كونترول قىلىپ، ساقلانما مىقدارنى جانلاندۇرۇپ، نوپۇس ۋە ئاممىۋى مۇلازىمەت بايلىقىنىڭ مۇۋاپىق مەركەزلىشىشىنى ئىلگىرى سۈرۈپ، خەلق تۇرمۇشىنى كاپالەتلەندۈرۈش ۋە پاناھلاندۇرۇش-يۆلەشنى كۈچەيتىپ، نوپۇسنى قوشنا ئىقتىسادىي تەرەققىيات ئەۋزەل رايونلارغا يۆتكىلىشكە تەرتىپلىك يېتەكلەپ، شارائىتى بار، بايلىقى تۈگىگەن ناھىيە بازارلىرىنىڭ سەپلىمە كەسىپلەرنى يېتىلدۈرۈشىگە مەدەت بېرىش كېرەك.
ناھىيە بازىرى قۇرۇلۇشىنىڭ نورمال يەر ئىشلىتىش ئېھتىياجىغا كاپالەتلىك قىلىش لازىم
«پىكىر»دە مۇنۇلار ئوتتۇرىغا قويۇلدى: تۈجۈپىلىك، يۇقىرى ئۈنۈملۈك قۇرۇلۇش يېرىدىن پايدىلىنىش مېخانىزمى ئورنىتىش كېرەك. ساقلانما، تۆۋەن ئۈنۈملۈك قۇرۇلۇش يېرىنى قايتا ئېچىشنى كۈچەيتىپ، يېڭىدىن كۆپەيتىلگەن قۇرۇلۇش يېرى پىلان كۆرسەتكۈچىنى مۇۋاپىق ئورۇنلاشتۇرۇپ، ناھىيە بازىرى قۇرۇلۇشىنىڭ نورمال يەر ئىشلىتىش ئېھتىياجىغا كاپالەتلىك قىلىش كېرەك. يەر تېجەش تىپىدىكى ئىخچام، يۇقىرى ئۈنۈملۈك ئېچىش ئەندىزىسىنى كېڭەيتىپ، قۇرۇلۇش يېرى 2-دەرىجىلىك بازىرىنى قېلىپلاشتۇرۇش كېرەك. ئۇزاق مۇددەتلىك ئىجارە بېرىش، ئاۋۋال ئىجارە بېرىش، كېيىن ئۆتۈنۈپ بېرىش، ئېلاستىك يىللىق تەمىنلەش قاتارلىق ئۇسۇللار بىلەن سانائەت يېرىنى تەمىنلەشكە ئىلھام بېرىپ، ھازىرقى سانائەت يېرىنىڭ ھەجىم نىسبىتى ۋە بىرلىك يەر كۆلىمىنىڭ ھاسىلات نىسبىتىنى ئۆستۈرۈش كېرەك.
كۆرۈپ بېكىتكۈچى: ياسىن قادىر
مەنبە: خەلق تورى
----
تەۋسىيە كىتاب: شۆ جاۋفېڭ «ئىقتىساد تەپەككۇرى»
