بۇ خىل ئۇچۇردىن ئېھتىيات قىلىڭ!!!- 大数跨境

NepKan

2022-06-26

导读：ئەگەر سىزمۇ مۇشۇنىڭغا ئوخشاش ئۇچۇرنى تاپشۇرۇۋالسىڭىز، چوقۇم ئېھتىيات قىلىڭ!

يېقىندا، بىر تورداش ئۆزىنىڭ «مۇلازىمەت ئۇقتۇرۇشى» نامىدا قىسقا ئۇچۇر تاپشۇرۇۋالغانلىقىنى، كۆپلىگەن جۇغلانما نومۇرىنىڭ ئالماشتۇرۇلمىغانلىقىدىن ئۆكۈنۈش ھېس قىلغانلىقىنى بىلدۈرگەن، ئەگەر سىزمۇ مۇشۇنىڭغا ئوخشاش ئۇچۇرنى تاپشۇرۇۋالسىڭىز، چوقۇم ئېھتىيات قىلىڭ!

يېقىندا، نۇرغۇن ئىستېمالچى تيەنجىن شەھەرلىك ئىستېمالچىلار جەمئىيىتىگە «جۇغلانما نومۇرنىڭ ۋاقتى ئۆتۈپ كېتىش ئەسكەرتىشى» قىسقا ئۇچۇرىنى تاپشۇرۇۋالغانلىقىنى، جۇغلانما نومۇرنى ئالماشتۇرۇۋېلىش ئۈچۈن تور بەتنى ئاچقاندا، مەسىلە بايقىغانلىقىنى ئىنكاس قىلدى. يەنى، «ئالماشتۇرۇۋېلىش ئورنى»دىكى ماللارنىڭ سۈپىتىدە مەسىلە كۆرۈلگەندىن باشقا، باھاسىمۇ مۇنتىزىم مال سېتىۋېلىش تور بېتىدىكى ماللارنىڭ باھاسىدىنمۇ قىممەت ئىدى.

ئىستېمالچىلار قىسقا ئۇچۇر ئۇلىنىشى ئارقىلىق «ئالماشتۇرۇۋېلىش ئورنى» سۇپىسىغا كىرىپ، «جۇغلانما نومۇر+نەق پۇل» شەكلىدە مالغا ئالماشتۇرغان، مالنى تاپشۇرۇۋالغاندىن كېيىن، سۈپىتىدە مەسىلە بارلىقىنى بايقاپ مەسىلە ئىنكاس قىلماقچى بولغاندا، قارشى تەرەپ بىلەن ئالاقىلىشالمىغان. بۇ خىل شەكىلدە ئالماشتۇرۇلغان مالنىڭ باھاسى مۇنتىزىم مال سېتىۋېلىش تور بېتىدىكى ماللارنىڭ باھاسىدىنمۇ يۇقىرى بولغان. ئۈچ تىجارەت ئورنى مەزكۇر ئۇچۇر ۋە «ئالماشتۇرۇۋېلىش ئورنى» قاتارلىقلارنىڭ ئۆزى بىلەن مۇناسىۋەتسىز ئىكەنلىكىنى ئىنكاس قىلغان.

تيەنجىن شەھەرلىك ئىستېمالچىلار جەمئىيىتى تەكشۈرۈش ئارقىلىق، «جۇغلانما نومۇرنىڭ ۋاقتى ئۆتۈپ كېتىش ئەسكەرتىشى» قىسقا ئۇچۇرىدىكى ئۇلانمىنىڭ تىجارەت ئورنىنىڭ ئورگان تەرەپ ئۇلىنىشى ئەمەسلىكىنى، «ئالماشتۇرۇۋېلىش ئورنى» دىنمۇ تىجارەتچىنىڭ ئالاقىلىشىش ئۇچۇرىنى تاپقىلى بولمايدىغانلىقىنى بايقىدى.

تيەنجىن شەھەرلىك ئىستېمالچىلار جەمئىيىتى جۇڭگو كۆچمە خەۋەرلىشىشى، جۇڭگو بىرلەشمە خەۋەرلىشىشى، جۇڭگو تېلېگرافى تيەنجىن تارماق شىركىتى بىلەن سۆھبەت ئۆتكۈزدى. ئۈچ تىجارەت ئورنى مەزكۇر ئۇچۇر ۋە «ئالماشتۇرۇۋېلىش ئورنى» قاتارلىقلارنىڭ ئۆزى بىلەن مۇناسىۋەتسىز ئىكەنلىكىنى ئىنكاس قىلدى.

مۇھىم ئەسكەرتىش:

بىرىنچى، كېلىش مەنبەسى ئېنىق بولمىغان جۇغلانما نومۇرنى ئالماشتۇرۇۋېلىش ئۇچۇرىغا ئىشەنمەسلىك، ناتونۇش ئۇلانمىنى چەكمەسلىك كېرەك.

ئىككىنچى، ئۈچ تىجارەت ئورنى يان تېلېفون تېرمىنالى، كومپيۇتېر تېرمىنالى، خېرىدارلار مۇلازىمەت قىزىق لىنىيەسى قاتارلىق ئۈچ خىل ئۇسۇلدا نومۇر سۈرۈشتۈرۈش، سوۋغات ئالماشتۇرۇش قاتارلىق مۇلازىمەتلەر بىلەن تەمىنلەيدۇ، ئىستېمالچىلار مۇنتىزىم يوللار بىلەن مەشغۇلات قىلىشى كېرەك.

ئۈچىنچى، راست-يالغانلىقىغا ھۆكۈم قىلغىلى بولمايدىغان قىسقا ئۇچۇرلارغا نىسبەتەن، تىجارەت مۇلازىمەت قىزىق لىنىيەسىگە تېلېفون ئۇرۇپ مەسلىھەت سوراش كېرەك.

مەنبە: جۇڭگو رادىيو تورى ئۇيغۇرچە سالونىدىن ئېلىندى.

ئالاھىدە خوش خەۋەر:

ئەڭ يېڭى نادىر كىتاب «مالىيە تەپەككۇرى»نىڭ تەرجىمىسى ئېلان قىلىندى. بۇ يەرنى بېسىپ پايدىلىنىڭ!