بىردەملىك ھېسىيات
ئابدۇسەمەت ئوسمان
يار سېنى سۆيدۈم بىر مەزگىل،
ئەپسۇس سەندىن ۋاپا كەلمىدى.
سەن دەپ باسقان قەدەملىرىمگە،
شۇكاج تەغدىر قۇۋەت بەرمىدى.
سۆيگۈ ئۈچۈن بارىم ئاتىغان،
ھېسىياتىم چىن ئىدى ئەسلى.
ئازدۇرۇشقا بولدۇڭ سەن ئەسىر،
يېتىپ كەلدى بىزگە كۈز پەسلى.
خەيىر دېدىم كەتتىڭ يولۇڭغا،
ئاغرىنساممۇ بەخىت تىلىدىم.
ئازابىم بار پۇشايمىنىم يوق،
سەن قىلغاننى پەقەت قىلمىدىم.
مۇھەببەتتە بولماس نەيرەڭ دەپ،
ئىشەنچ بىلەن قەدەم تاشلىدىم.
سۆيگەن يارىم گۆدەككەن ئەسلى،
دەرت-ئەلەمدە كۆزنى ياشلىدىم.
ئۆز يولۇمنى تاپتىم مەن ئەمدى،
ئۆتمۈش بولدى بىردەملىك ھېسىيات.
مەندىن ئۈمۈد كۈتمىگىن قىزچاق،
سېنىڭ قەلبىڭ ماڭا بولدى يات.
