ﻧﺎﭘﻮﻟﯧﺌﻮﻥ ﺧﯩﻞ (Napoleon Hill) ﺑﻮﻟﺴﺎ 1883-ﻳﯩﻠﻰ 10-ﺋﺎﻳﻨﯩﯔ 26-ﻛﯜﻧﻰ ﺗﯘﻏﯘﻟﻐﺎﻥ ﺑﻮﻟﯘﭖ، 1969-ﻳﯩﻠﻰ 11-ﺋﺎﻳﻨﯩﯔ 8-ﻛﯜﻧﻰ ﯞﺍﭘﺎﺕ ﺑﻮﻟﻐﺎﻥ، ﺩﯗﻧﻴﺎ ﺑﻮﻳﯩﭽﻪ ﺋﻪﯓ ﺑﯘﺭﯗﻧﻘﻰ ﮪﺎﺯﯨﺮﻗﻰ ﺯﺍﻣﺎﻥ ﻣﯘﯞﻩﭘﭙﻪﻗﯩﻴﻪﺗﺸﯘﻧﺎﺳﻠﯩﻘﻨﯩﯔ ﺋﯘﺳﺘﺎﺯﻯ ﯞﻩ ﺭﯨﻐﺒﻪﺗﻠﻪﻧﺪﯛﺭﯛﺵ ﻛﯩﺘﺎﺑﻠﯩﺮﻯ ﻳﺎﺯﻏﯘﭼﯩﺴﻰ، ﺋﺎﻣﯧﺮﯨﻜﯩﻨﯩﯔ ﺋﯩﻜﻜﻰ ﺯﯗﯕﺘﯘﯕﻰ (ﯞﻭﺩﺭﻭﯞ ﯞﯨﻠﺴﻮﻥ ﯞﻩ ﻓﯩﺮﺍﻧﻜﻠﯩﻦ ﺭﻭﺯﯞﯦﻠﺖ) ﯞﻩ ﻣﯩﻠﻴﻮﻧﻠﯩﻐﺎﻥ ﺋﻮﻗﯘﺭﻣﻪﻧﻠﻪﺭﻧﯩﯔ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺸﯩﻐﺎ ﺗﻪﺳﯩﺮ ﻛﯚﺭﺳﻪﺗﻜﻪﻥ.
ﺋﺎﻣﯧﺮﯨﻜﯩﺪﺍ ﻧﺎﭘﻮﻟﯧﺌﻮﻥ ﺧﯩﻠﻨﯩﯔ ﺋﯩﺴﻤﯩﻨﻰ ﮪﻪﻣﻤﻪ ﺋﺎﺩﻩﻡ ﺑﯩﻠﯩﺪﯗ، ﺋﯘ ﺋﯩﺠﺎﺩﯨﻲ ﮪﺎﻟﺪﺍ ﭘﯜﺗﯜﻧﻠﻪﻱ ﻳﯧﯖﻰ ﻣﯘﯞﻩﭘﭙﻪﻗﯩﻴﻪﺕ ﺋﯩﻠﯩﻤﯩﻨﻰ ﺑﻪﺭﭘﺎ ﻗﯩﻠﻐﺎﻥ ﺑﻮﻟﻐﺎﭼﻘﺎ، ﺩﯗﻧﻴﺎﺩﯨﻜﻰ ﺋﯘﻟﯘﻍ ﻣﯘﯞﻩﭘﭙﻪﻗﯩﻴﻪﺕ ﭘﯧﺸﯟﺍﻟﯩﺮﯨﻨﯩﯔ ﺑﯩﺮﻯ، ﺋﯘ ﺑﻪﺭﭘﺎ ﻗﯩﻠﻐﺎﻥ ﻣﯘﯞﻩﭘﭙﻪﻗﯩﻴﻪﺕ ﭘﻪﻟﺴﻪﭘﯩﺴﻰ ﯞﻩ ﺭﯨﻐﺒﻪﺗﻠﻪﻧﺪﯛﺭﯛﺵ ﻛﯜﭼﯩﮕﻪ ﺋﯩﮕﻪ 17 ﺗﯜﺭﻟﯜﻙ ﻣﯘﯞﻩﭘﭙﻪﻗﯩﻴﻪﺕ ﭘﯩﺮﯨﻨﺴﯩﭙﻰ ﯞﻩ ﺋﯘﻧﯩﯔ ﻣﻪﯕﮕﯜ ﻳﺎﻟﻘﯘﻧﺠﺎﭖ ﺗﯘﺭﯨﺪﯨﻐﺎﻥ ﻗﯩﺰﻏﯩﻨﻠﯩﻘﻰ ﻣﯩﻠﻴﻮﻧﻠﯩﻐﺎﻥ ﻛﯩﺸﯩﮕﻪ ﺋﯩﻠﮭﺎﻡ ﺑﯧﺮﯨﺪﯗ، ﺷﯘﯕﺎ ﺋﯘ «ﻣﯩﻠﻴﻮﻧﯧﺮﻻﺭﻧﯩﯔ ﻳﺎﺭﺍﺗﻘﯘﭼﯩﺴﻰ» ﺩﻩﭖ ﺋﺎﺗﺎﻟﻐﺎﻥ.
ﻧﺎﭘﺎﻟﯩﺌﻮﻥ ﺧﯩﻠﻨﯩﯔ «ﻣﯘﯞﻩﭘﭙﻪﻗﯩﻴﻪﺕ ﺩﻩﺳﺘﯘﺭﻯ» (成功规律)، «ﮪﻪﻣﻤﻪ ﺋﺎﺩﻩﻡ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﺎﻻﻳﺪﯗ» (人人都能成功)، «ﺑﯧﻴﯩﺶ ﺋﯜﺳﺘﯩﺪﻩ ﺋﯩﺰﺩﯨﻨﯩﺶ» (思考致富) ﻗﺎﺗﺎﺭﻟﯩﻖ ﺩﺍﯕﻠﯩﻖ ﺋﻪﺳﻪﺭﻟﯩﺮﻯ ﻛﻪﻡ ﺩﯦﮕﻪﻧﺪﻩ 26 ﺧﯩﻞ ﻳﯧﺰﯨﻘﻘﺎ ﺗﻪﺭﺟﯩﻤﻪ ﻗﯩﻠﯩﻨﯩﭗ، 34 ﺩﯙﻟﻪﺕ ﯞﻩ ﺭﺍﻳﻮﻧﺪﺍ ﻧﻪﺷﺮ ﻗﯩﻠﯩﻨﯩﭗ ﺗﺎﺭﻗﯩﺘﯩﻠﯩﭗ، 80 ﻣﯩﻠﻴﻮﻧﺪﯨﻦ ﺋﺎﺭﺗﯘﻕ ﺳﯧﺘﯩﻠﻐﺎﻥ.
ﻧﺎﭘﻮﻟﯧﺌﻮﻥ ﺧﯩﻞ 1883-ﻳﯩﻠﻰ ﯞﯨﺮﮔﯩﻨﯩﻴﻪ ﺋﯩﺸﺘﺎﺗﯩﻨﯩﯔ ﯞﯨﻴﯩﺲ ﻧﺎﮪﯩﻴﻪﺳﯩﺪﯨﻜﻰ ﭼﻪﺕ ﺗﺎﻏﻠﯩﻖ ﺭﺍﻳﻮﻧﺪﺍ ﺗﯘﻏﯘﻟﻐﺎﻥ، ﻳﺎﺵ ﯞﺍﻗﺘﯩﺪﺍ ﺋﺎﺋﯩﻠﯩﺴﻰ ﻧﺎﻣﺮﺍﺕ ﺋﯩﺪﻯ. ﺋﯘ 10 ﻳﺎﺷﻘﺎ ﻛﯩﺮﮔﻪﻧﺪﻩ ﺋﺎﻧﯩﺴﻰ ﻗﺎﺯﺍ ﻗﯩﻠﻐﺎﻥ، ﺩﺍﺩﯨﺴﻰ ﺑﯩﺮ ﻳﯩﻠﺪﯨﻦ ﻛﯧﻴﯩﻦ ﻳﻪﻧﻪ ﺑﯩﺮ ﺋﺎﻳﺎﻝ، ﻳﻪﻧﻰ ﺧﯩﻠﻨﯩﯔ ﺋﯚﮔﻪﻱ ﺋﺎﻧﯩﺴﻰ ﻣﺎﺭﺳﺎ ﺑﯩﻠﻪﻥ ﺗﻮﻱ ﻗﯩﻠﻐﺎﻥ. ﻣﺎﺭﺳﺎ ﻳﺎﺧﺸﻰ ﺗﻪﺭﺑﯩﻴﻪ ﻛﯚﺭﮔﻪﻥ ﻳﺎﺵ ﺗﯘﻝ ﺋﺎﻳﺎﻝ، ﺩﺍﺩﯨﺴﻰ ﺩﻭﺧﺘﯘﺭ، ﺋﯘﻧﯩﯔ ﻛﯧﻠﯩﺸﯩﻨﻰ ﺧﯩﻠﻨﯩﯔ ﮪﺎﻳﺎﺗﯩﺪﯨﻜﻰ ﺑﻪﺧﺖ ﺩﯦﻴﯩﺸﻜﻪ ﺑﻮﻟﯩﺪﯗ. ﻣﺎﺭﺗﺎ ﻧﺎﮪﺎﻳﯩﺘﻰ ﺗﯧﺰﻻ ﺑﯘ ﺟﯘﺷﻘﯘﻥ، ﺩﺍﺋﯩﻢ ﭼﺎﻗﭽﺎﻗﻼﺭﻧﻰ ﻗﯩﻠﯩﺪﯨﻐﺎﻥ ﺋﯚﮔﻪﻱ ﺋﻮﻏﻠﯩﻨﻰ ﻳﺎﺧﺸﻰ ﻛﯚﺭﯛﭖ ﻗﺎﻟﻐﺎﻥ. ﻣﺎﺭﺳﺎﻧﯩﯔ ﺗﻪﺭﺑﯩﻴﻪ ﯞﻩ ﺋﯩﻠﮭﺎﻣﻰ ﺧﯩﻠﻐﺎ ﺯﻭﺭ ﺗﻪﺳﯩﺮ ﻛﯚﺭﺳﯩﺘﯩﭗ، ﺋﯘﻧﻰ ﺋﯚﻣﯜﺭﻟﯜﻙ ﭘﺎﻳﺪﯨﻐﺎ ﺋﯧﺮﯨﺸﺘﯜﺭﮔﻪﻥ. ﺧﯩﻞ ﺋﯚﮔﻪﻱ ﺋﺎﻧﯩﺴﯩﻨﻰ ﺋﻪﺳﻠﯩﮕﯩﻨﯩﺪﻩ، ﻟﯩﻨﻜﻮﻟﯩﻨﻨﯩﯔ ﺋﯚﮔﻪﻱ ﺋﺎﭘﯩﺴﯩﻐﺎ ﺑﺎﮪﺎ ﺑﻪﺭﮔﻪﻥ ﺳﯚﺯﯨﻨﻰ ﻧﻪﻗﯩﻞ ﻛﻪﻟﺘﯜﺭﮔﻪﻥ: «ﻣﯧﻨﯩﯔ ﻗﯩﻠﻐﺎﻧﻠﯩﺮﯨﻤﻨﯩﯔ ﮪﻪﻣﻤﯩﺴﻰ ﺋﯘﻧﯩﯖﻐﺎ ﻣﻪﻧﺴﯘﭖ.» ﺧﯩﻞ 31 ﻳﺒﺸﯩﺪﺍ ﺋﯚﮔﻪﻱ ﺋﺎﻧﯩﺴﯩﻨﯩﯔ ﻳﺎﺭﺩﯨﻤﯩﺪﻩ ﺑﯩﺮ ﻗﻮﺭﺍﻟﻨﻰ ﺧﻪﺕ ﺑﯧﺴﯩﺶ ﻣﺎﺷﯩﻨﯩﺴﻰ (ﻣﺎﺷﯩﻨﻜﺎ)ﻏﺎ ﺋﺎﻟﻤﺎﺷﺘﯘﺭﻏﺎﻥ، ﺷﯘﻧﯩﯖﺪﯨﻦ ﺋﺒﺘﯩﺒﺎﺭﻩﻥ ﻳﯧﺰﯨﻘﭽﯩﻠﯩﻖ ﮪﺎﻳﺎﺗﯩﻨﻰ ﺑﺎﺷﻠﯩﻐﺎﻥ.
ﺋﯩﻜﻜﻰ ﻳﯩﻞ ﺗﻮﻟﯘﻕ ﺋﻮﺗﺘﯘﺭﺍ ﻣﻪﻛﺘﻪﭘﺘﻪ ﺋﻮﻗﯘﻏﺎﻧﺪﯨﻦ ﻛﯧﻴﯩﻦ، ﺧﯩﻞ ﺑﯩﺮ ﺳﻮﺩﺍ ﺷﯚﻳﯜﻩﻧﯩﮕﻪ ﺋﯩﻤﺘﯩﮭﺎﻥ ﺑﯧﺮﯨﭗ ﺋﯚﺗﯜﭖ، ﺋﻮﻗﯘﺵ ﭘﯜﺗﻜﯜﺯﮔﻪﻧﺪﯨﻦ ﻛﯧﻴﯩﻦ ﯞﯨﺮﮔﯩﻨﯩﻴﻪ ﺋﯩﺸﺘﺎﺗﯩﻨﯩﯔ ﺑﺎﺵ ﺗﻪﭘﺘﯩﺶ ﺋﻪﻣﻪﻟﺪﺍﺭﻯ ﺭﯗﻓﯘﺱ ﺋﺎﻳﺮﯦﺲ (Rufus Ayres) ﺋﯜﭼﯜﻥ ﺑﯩﺮ ﻣﻪﺯﮔﯩﻞ ﺧﯩﺰﻣﻪﺕ ﻗﯩﻠﻐﺎﻥ. ﺧﯩﺰﻣﻪﺕ ﺟﻪﺭﻳﺎﻧﯩﺪﺍ، ﺧﯩﻞ ﻗﺎﻧﯘﻧﻐﺎ ﻗﯩﺰﯨﻘﯩﭗ ﻗﺎﻟﻐﺎﻥ، ﺷﯘﻧﯩﯔ ﺑﯩﻠﻪﻥ ﺋﯩﻨﯩﺴﻰ ﯞﯨﯟﯨﻴﺎﻥ ﺧﯩﻞ (Vivian Hill)ﻧﻰ ﺑﯩﻠﻠﻪ ﺟﻮﺭﺟﯩﺘﻮﻥ ﺩﺍﺷﯚﺳﻰ ﻗﺎﻧﯘﻥ ﺷﯚﻳﯜﻩﻧﯩﮕﻪ ﺑﯧﺮﯨﺸﻘﺎ ﻗﺎﻳﯩﻞ ﻗﯩﻠﻐﺎﻥ ﮪﻪﻣﺪﻩ ﺋﯩﻜﻜﯩﺴﯩﻨﯩﯔ ﺋﻮﻗﯘﺵ ﭘﯘﻟﻰ ﻗﻪﻟﻪﻡ ﮪﻪﻗﻘﻰ ﺑﯩﻠﻪﻥ ﺗﯚﻟﯩﮕﻪﻥ. ﺋﺎﺧﯩﺮﯨﺪﺍ ﯞﯨﯟﯨﻴﺎﻥ ﺋﻮﯕﯘﺷﻠﯘﻕ ﮪﺎﻟﺪﺍ ﺋﺎﻟﯩﻲ ﻣﻪﻛﺘﻪﭘﻨﻰ ﭘﯜﺗﺘﯜﺭﮔﻪﻥ، ﺋﻪﻣﻤﺎ ﺧﯩﻞ ﺋﻮﺗﺘﯘﺭﺍ ﻳﻮﻟﺪﺍ ﺋﻮﻗﯘﺷﺘﯩﻦ ﭼﯧﻜﯩﻨﯩﭗ، «ﺑﻮﺏ ﺗﺎﻳﻠﻮﺭ ﮊﯗﺭﻧﯩﻠﻰ»ﺩﯨﻦ ﺧﯩﺰﻣﻪﺕ ﺗﺎﭘﻘﺎﻥ . ﮊﯗﺭﻧﺎﻝ ﺗﻪﮪﺮﯨﺮﺍﺗﯩﻨﯩﯔ ﺑﺎﺷﻠﯩﻘﻰ ﺭﻭﺑﯧﺮﺕ ﺗﺎﻳﻠﻮﺭ (Robert Taylor) ﺑﻮﻟﯘﭖ، ﺋﯘ ﺗﯧﻨﻨﯧﺴﺴﻰ ﺋﯩﺸﺘﺎﺗﯩﺪﯨﻦ ﻛﻪﻟﮕﻪﻥ ﻛﯧﯖﻪﺵ ﭘﺎﻻﺗﺎ ﺋﻪﺯﺍﺳﻰ، ﺋﯘ ﺧﯩﻠﻨﻰ ﮪﻪﺭ ﺳﺎﮪﻪﺩﯨﻜﻰ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﺍﻧﻐﺎﻥ ﻛﯩﺸﯩﻠﻪﺭﻧﻰ ﺯﯨﻴﺎﺭﻩﺕ ﻗﯩﻠﯩﭗ، ﺋﯘﻻﺭﻧﯩﯔ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺶ ﮪﯧﻜﺎﻳﯩﺴﯩﻨﻰ ﻳﯧﺰﯨﺸﻘﺎ ﺋﻮﺭﯗﻧﻼﺷﺘﯘﺭﻏﺎﻥ.
25 ﻳﺎﺷﻘﺎ ﻛﯩﺮﮔﻪﻥ ﻳﯩﻠﻰ، ﺋﯘ ﭘﻮﻻﺕ-ﺗﯚﻣﯜﺭ ﭘﺎﺩﯨﺸﺎﮪﻰ ﺋﺎﻧﺪﺭﯦﯟ ﻛﺎﺭﻧﯧﺠﻰ (Andrew Carnegie)ﻧﻰ ﺯﯨﻴﺎﺭﻩﺕ ﻗﯩﻠﯩﺶ ﯞﻩﺯﯨﭙﯩﺴﯩﻨﻰ ﺗﺎﭘﺸﯘﺭﯗﯞﺍﻟﻐﺎﻥ. ﺑﯘ ﻛﺎﺭﻧﯧﺠﯩﻨﯩﯔ ﺗﯘﻧﺠﻰ ﻗﯧﺘﯩﻢ ﺯﯨﻴﺎﺭﻩﺗﻨﻰ ﻗﻮﺑﯘﻝ ﻗﯩﻠﯩﺸﻰ ﺑﻮﻟﻐﺎﭼﻘﺎ، ﺋﯘ ﺩﻩﺭﺳﻠﯩﺮﯨﻨﻰ ﺗﻮﻟﯘﻕ ﺋﯩﺸﻠﯩﮕﻪﻥ، ﺯﯨﻴﺎﺭﻩﺕ ﻧﺎﮪﺎﻳﯩﺘﻰ ﺋﻮﯕﯘﺷﻠﯘﻕ ﺑﻮﻟﻐﺎﻥ، ﻛﺎﺭﻧﯧﺠﻰ ﺑﯘ ﺗﻮﻏﺮﯨﺴﯩﺪﺍ ﻛﻪﯓ-ﻛﯘﺷﺎﺩﻩ ﺳﯚﺯﻟﯩﮕﻪﻥ، ﺧﯩﻠﻨﯩﯔ ﺩﻩﭘﺘﯩﺮﻯ ﺯﯨﻴﺎﺭﻩﺕ ﺧﺎﺗﯩﺮﯨﺴﻰ ﺑﯩﻠﻪﻥ ﻟﯩﻖ ﺗﻮﻟﻐﺎﻥ. ﺗﯘﻳﯘﻗﺴﯩﺰ، ﻛﺎﺭﻧﯧﺠﻰ ﺋﯘﻧﯩﯖﺪﯨﻦ ﮪﻪﻗﺴﯩﺰ ﺧﯩﺰﻣﻪﺗﻨﻰ ﻗﻮﺑﯘﻝ ﻗﯩﻠﯩﺸﻨﻰ ﺧﺎﻻﻳﺪﯨﻐﺎﻥ-ﺧﺎﻟﯩﻤﺎﻳﺪﯨﻐﺎﻧﻠﯩﻘﯩﻨﻰ، ﺧﺎﻟﯩﺴﺎ 20 ﻳﯩﻞ ﯞﺍﻗﯩﺖ ﺳﻪﺭﭖ ﻗﯩﻠﯩﭗ ﺩﯗﻧﻴﺎﺩﯨﻜﻰ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﺍﻧﻐﯘﭼﯩﻼﺭﻧﻰ ﺗﻪﺗﻘﯩﻖ ﻗﯩﻼﻻﻳﺪﯨﻐﺎﻧﻠﯩﻘﯩﻨﻰ ﺳﻮﺭﯨﻐﺎﻥ، ﺑﯘﻧﯩﯖﻐﺎ ﻛﺎﺭﻧﯧﺠﻰ ﮪﻪﻕ ﺑﻪﺭﻣﻪﻳﺘﺘﻰ. ﺧﯩﻞ ﺳﻪﻝ ﺗﯧﯖﯩﺮﻗﺎﭖ ﻗﺎﻟﻐﺎﻥ. ﻟﯧﻜﯩﻦ ﺑﯘﻧﯩﯔ ﺑﯩﺮ ﺗﯜﺭﻟﯜﻙ ﺋﯩﻨﺘﺎﻳﯩﻦ ﻗﯩﻴﯩﻦ ﺧﯩﺰﻣﻪﺕ ﺋﯩﻜﻪﻧﻠﯩﻜﯩﻨﻰ ﺩﻩﺭﮪﺎﻝ ﮪﯧﺲ ﻗﯩﻠﻐﺎﻥ. ﻧﺎﯞﺍﺩﺍ ﻗﻮﺷﯘﻟﺴﺎ ﭘﯘﻝ ﺗﺎﭘﻘﯩﻠﻰ ﺑﻮﻟﻤﺎﻳﺪﯗ، ﻗﻮﺷﯘﻟﻤﯩﺴﺎ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﺍﻧﻐﯘﭼﯩﻼﺭ ﺑﯩﻠﻪﻥ ﺳﯚﮪﺒﻪﺗﻠﯩﺸﯩﺶ ﭘﯘﺭﺳﯩﺘﯩﺪﯨﻦ ﻣﻪﮪﺮﯗﻡ ﻗﺎﻟﯩﺪﯗ. ﺧﯩﻞ ﮪﻪﻗﯩﻘﻪﺗﻪﻥ ﻗﯩﻴﯩﻦ ﺋﻪﮪﯟﺍﻟﻐﺎ ﭼﯜﺷﯜﭖ ﻗﺎﻟﻐﺎﻥ. ﺑﯩﺮﺍﻕ، ﺋﯘ ﻳﻪﻧﯩﻼ ﺭﯨﻘﺎﺑﻪﺕ ﻛﯜﭼﯩﮕﻪ ﺋﯩﮕﻪ ﺗﯘﺭﻣﯘﺷﻨﻰ ﻳﺎﺧﺸﻰ ﻛﯚﺭﮔﻪﭼﻜﻪ، «ﺧﺎﻻﻳﻤﻪﻥ» ﺩﻩﭖ ﺟﺎﺭﺍﯕﻠﯩﻖ ﮪﺎﻟﺪﺍ ﺟﺎﯞﺍﺏ ﺑﻪﺭﮔﻪﻥ. ﻛﺎﺭﻧﯧﺠﯩﻤﯘ ﮪﺎﯕﯟﯨﻘﯩﭗ ﺗﯘﺭﯗﭖ ﻗﺎﻟﻐﺎﻥ ﯞﻩ «ﺭﺍﺳﺘﺘﯩﻨﻼ ﺧﺎﻻﻣﺴﻪﻥ؟» ﺩﻩﭖ ﺳﻮﺭﯨﻐﺎﻥ. ﺧﯩﻞ ﻳﻪﻧﯩﻼ «ﺧﺎﻻﻳﻤﻪﻥ» ﺩﯦﮕﻪﻥ. ﻛﺎﺭﻧﯧﺠﻰ ﺭﺍﺯﯨﻤﻪﻧﻠﯩﻚ ﺑﯩﻠﻪﻥ ﻛﯜﻟﯜﭖ ﻗﻮﻳﻐﺎﻥ ﯞﻩ ﻗﻮﻟﯩﻨﻰ ﻛﯚﺗﯜﺭﯛﭘﻼ، ﻗﻮﻟﯩﺪﺍ ﭼﯩﯔ ﺗﯘﺗﯘﭖ ﺗﯘﺭﻏﺎﻥ ﺳﺎﺋﯩﺘﯩﻨﻰ ﻛﯚﺭﺳﻪﺗﻜﻪﻥ: «ﺋﻪﮔﻪﺭ ﺟﺎﯞﺍﺏ ﺑﯧﺮﯨﺶ ﯞﺍﻗﺘﯩﯔ 60 ﺳﯧﻜﯘﻧﺖ ﺑﻮﻟﯘﭖ ﻗﺎﻟﻐﺎﻥ ﺑﻮﻟﺴﺎ، ﺑﯘ ﭘﯘﺭﺳﻪﺗﻜﻪ ﺋﯧﺮﯨﺸﻪﻟﻤﯩﮕﻪﻥ ﺑﻮﻻﺗﺘﯩﯔ. ﻣﻪﻥ 200ﮔﻪ ﻳﯧﻘﯩﻦ ﻳﺎﺷﻨﻰ ﻛﯚﺯﺩﯨﻦ ﻛﻪﭼﯜﺭﯛﭖ ﺑﻮﻟﺪﯗﻡ، ﻟﯧﻜﯩﻦ ﮪﯧﭽﻘﺎﻳﺴﯩﺴﻰ ﺑﯘﻧﺪﺍﻕ ﺗﯧﺰ ﺟﺎﯞﺍﺏ ﺑﯧﺮﻩﻟﻤﯩﺪﻯ. ﺑﯘ ﺋﯘﻻﺭﻧﯩﯔ ﺋﯩﻜﻜﯩﻠﯩﻨﯩﭗ ﺑﯩﺮ ﻗﺎﺭﺍﺭﻏﺎ ﻛﯧﻠﻪﻟﻤﯩﮕﻪﻧﻠﯩﻜﯩﻨﻰ ﭼﯜﺷﻪﻧﺪﯛﺭﯨﺪﯗ. ﻣﻪﻥ ﺳﯧﻨﻰ ﺋﯧﺘﯩﺮﺍﭖ ﻗﯩﻠﯩﻤﻪﻥ! ﺑﯘ ﺧﯩﺰﻣﻪﺗﻜﻪ ﺋﯧﺮﯨﺸﺘﯩﯔ.»
ﺋﯩﻜﻜﯩﻨﭽﻰ ﻛﯜﻧﻰ ﻛﺎﺭﻧﯧﺠﻰ ﺋﯘﻧﻰ ﺋﯧﻠﯩﭗ ﺋﻪﻳﻨﻰ ﭼﺎﻏﺪﯨﻜﻰ ﺋﻪﯓ ﺩﺍﯕﻠﯩﻖ ﻛﻪﺷﭙﯩﻴﺎﺗﭽﻰ ﺋﯧﺪﯨﺴﻮﻧﻨﻰ ﺯﯨﻴﺎﺭﻩﺕ ﻗﯩﻠﻐﺎﻥ. ﺋﯘﻧﯩﯖﺪﯨﻦ ﻛﯧﻴﯩﻦ، ﻛﺎﺭﻧﯧﺠﯩﻨﯩﯔ ﺋﺎﻻﻗﯩﺴﻰ ﯞﻩ ﻳﺎﺭﺩﯨﻤﻰ ﺋﺎﺭﻗﯩﻠﯩﻖ، ﺧﯩﻞ ﮪﯧﻨﺮﻯ ﻓﻮﺭﺩ، ﺗﻮﻣﺎﺱ ﺋﯧﺪﯨﺴﻮﻥ، ﺟﻮﺭﺝ ﺋﯧﺴﻤﺎﻥ (ﻛﻪﺷﭙﯩﻴﺎﺗﭽﻰ، ﻛﻮﺩﺍﻙ ﺷﯩﺮﻛﯩﺘﯩﻨﯩﯔ ﻗﯘﺭﻏﯘﭼﯩﺴﻰ)، ﺟﻮﻥ ﺭﻭﻛﻔﯧﻠﻠﯧﺮ ﻗﺎﺗﺎﺭﻟﯩﻖ ﺳﯩﻴﺎﺳﯩﻲ ﺳﺎﮪﻪ، ﺳﻮﺩﺍ-ﺳﺎﻧﺎﺋﻪﺕ ﺳﺎﮪﻪﺳﻰ، ﺋﯩﻠﯩﻢ-ﭘﻪﻥ ﺳﺎﮪﻪﺳﻰ، ﭘﯘﻝ ﻣﯘﺋﺎﻣﯩﻠﻪ ﺳﺎﮪﻪﺳﻰ ﻗﺎﺗﺎﺭﻟﯩﻖ ﺳﺎﮪﻪﻟﻪﺭﺩﻩ ﻧﻪﺗﯩﺠﯩﺴﻰ ﻛﯚﺭﯛﻧﻪﺭﻟﯩﻚ ﺑﻮﻟﻐﺎﻥ 500ﮔﻪ ﻳﯧﻘﯩﻦ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﺍﻧﻐﯘﭼﻰ ﺑﯩﻠﻪﻥ ﺗﻮﻧﯘﺷﻘﺎﻥ. ﻣﯘﯞﻩﭘﭙﻪﻗﯩﻴﻪﺕ ﻗﺎﺯﺍﻧﻐﺎﻥ ﺑﯘ ﻛﯩﺸﯩﻠﻪﺭﻧﯩﯔ ﮪﻪﻗﯩﻘﯩﻲ ﻗﺎﺭﺍﺷﻠﯩﺮﻯ ﻧﺎﭘﻮﻟﯧﺌﻮﻥ ﺧﯩﻠﻨﯩﯔ ﮪﺎﻳﺎﺗﯩﺪﯨﻜﻰ ﺩﻩﺳﻤﺎﻳﯩﮕﻪ ﺋﺎﻳﻼﻧﻐﺎﻥ. ﺋﯘﻻﺭﻧﯩﯔ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺶ ﺗﻪﺟﺮﯨﺒﯩﻠﯩﺮﯨﻨﻰ ﺗﻪﺗﻘﯩﻖ ﻗﯩﻠﯩﺶ ﯞﻩ ﻣﯘﻻﮪﯩﺰﻩ ﻗﯩﻠﯩﺶ ﺋﺎﺳﺎﺳﯩﺪﺍ، ﺳﯧﻠﯩﺸﺘﯘﺭﯗﺵ ﯞﻩ ﺗﻪﺗﻘﯩﻖ ﻗﯩﻠﯩﺶ ﺋﺎﺭﻗﯩﻠﯩﻖ، ﻛﯩﺸﯩﻠﻪﺭ ﺋﯩﻨﺘﯩﺰﺍﺭ ﺑﻮﻟﻐﺎﻥ ﮪﺎﻳﺎﺗﻨﯩﯔ ﮪﻪﻗﯩﻘﯩﻲ ﻣﻪﻧﯩﺴﯩﻨﻰ، ﻳﻪﻧﻰ ﻗﺎﻧﺪﺍﻕ ﻗﯩﻠﻐﺎﻧﺪﺍ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﺍﻧﻐﯩﻠﻰ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﺎﺧﯩﺮ ﺗﺎﭘﻘﺎﻥ. ﺑﯘﻻﺭﻧﻰ ﻗﯩﻠﯩﺶ ﺋﯜﭼﯜﻥ ﻛﺎﺭﻧﯧﺠﻰ ﺋﯧﻴﺘﻘﺎﻧﺪﻩﻙ ﺗﻮﭘﺘﻮﻏﺮﺍ 20 ﻳﯩﻞ ﯞﺍﻗﯩﺖ ﻛﻪﺗﻜﻪﻥ.
ﺷﯘﻧﯩﯖﺪﯨﻦ ﻛﯧﻴﯩﻦ، ﺧﯩﻞ ﺋﯚﺯﯨﻨﯩﯔ ﺗﻪﺗﻘﯩﻘﺎﺗﯩﻐﺎ ﺋﺎﺳﺎﺳﻪﻥ «ﻣﯘﯞﻩﭘﭙﻪﻗﯩﻴﻪﺕ ﺩﻩﺳﺘﯘﺭﻯ» ﺩﯦﮕﻪﻥ ﻛﯩﺘﺎﺑﻨﻰ ﻳﯧﺰﯨﭗ، ﻳﺎﺷﻼﺭﻏﺎ ﻳﻮﻝ ﻛﯚﺭﺳﻪﺗﻜﻪﻥ. ﺑﯘ ﻛﯩﺘﺎﺏ ﺑﺎﺯﺍﺭﻏﺎ ﺳﯧﻠﯩﻨﯩﺸﻰ ﺑﯩﻠﻪﻧﻼ ﻧﺎﮪﺎﻳﯩﺘﻰ ﻳﺎﺧﺸﻰ ﺳﯧﺘﯩﻠﯩﭗ، ﺑﯩﺮ ﻣﻪﮪﻪﻝ ﻳﯧﯖﻰ ﺭﯦﻜﻮﺭﺕ ﻳﺎﺭﯨﺘﯩﻠﯩﭗ، ﻣﯩﻠﻴﻮﻧﻠﯩﻐﺎﻥ ﻛﯩﺸﯩﻠﻪﺭﻧﻰ ﺑﺎﻳﻠﯩﻖ ﯞﻩ ﺋﻮﺭﯗﻧﻐﺎ ﺋﯩﮕﻪ ﻗﯩﻠﯩﺸﻘﺎ ﺭﯨﻐﺒﻪﺗﻠﻪﻧﺪﯛﺭﯨﺪﯨﻐﺎﻥ ﺩﻩﺭﺳﻠﯩﻚ ﺑﻮﻟﯘﭖ ﻗﺎﻟﻐﺎﻥ. ﺋﯘ ﺑﯘ ﻛﯩﺘﺎﺑﻘﺎ ﺗﺎﻳﯩﻨﯩﭗ، ﺧﯩﻞ ﺑﯘ ﻛﯩﺘﺎﺑﻘﺎ ﺗﺎﻳﯩﻨﯩﭗ، ﺋﺎﻣﯧﺮﯨﻜﺎ ﺟﻪﻣﺌﯩﻴﯩﺘﯩﺪﯨﻜﻰ ﺩﺍﯕﻠﯩﻖ ﺋﺎﻟﯩﻢ، ﺋﯩﻠﮭﺎﻣﻼﻧﺪﯗﺭﻏﯘﭼﻰ ﯞﻩ ﻣﺎﺋﺎﺭﯨﭙﺸﯘﻧﺎﺱ، 1 ﻣﯩﻠﻴﻮﻥ ﺩﻭﻟﻼﺭ ﻛﯩﺮﯨﻢ ﻗﯩﻠﻐﺎﻥ ﺋﯘﺯﺍﻕ ﻣﯘﺩﺩﻩﺗﻠﯩﻚ ﺑﺎﺯﺍﺭﻟﯩﻖ ﻳﺎﺯﻏﯘﭼﻰ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ، ﻳﻪﻧﻪ «ﺋﯩﻜﻜﻰ ﻧﯚﯞﻩﺗﻠﯩﻚ ﺋﺎﻣﯧﺮﯨﻜﺎ ﺯﯗﯕﺘﯘﯕﻰ ﯞﻭﺩﺭﻭﯞ ﯞﯨﻠﺴﻮﻥ ﯞﻩ ﻓﯩﺮﺍﻧﻜﻠﯩﻦ ﺭﻭﺯﯞﯦﻠﺘﻨﯩﯔ ﻣﻪﺳﻠﯩﮭﻪﺗﭽﯩﺴﻰ ﺑﻮﻟﻐﺎﻥ». ﻣﯘﯞﻩﭘﭙﻪﻗﯩﻴﻪﺕ ﺋﯘﻧﯩﯖﻐﺎ ﺑﯩﺮ ﺋﯩﺸﯩﻜﻨﻰ ﺋﯧﭽﯩﭗ ﺑﻪﺭﮔﻪﻥ. ﺋﺎﺭﻗﺎ-ﺋﺎﺭﻗﯩﺪﯨﻦ ﻛﻪﻟﮕﻪﻥ ﺷﺎﻥ-ﺷﻪﺭﻩﭘﻠﻪﺭ ﺋﺎﻟﺪﯨﺪﺍ، ﺋﯘ: «ﺟﯜﺭﺋﻪﺕ ﻣﯘﯞﻩﭘﭙﻪﻗﯩﻴﻪﺗﻨﯩﯔ ﻗﯘﺗﻘﯘﺯﻏﯘﭼﯩﺴﻰ. ﺋﻪﮔﻪﺭ ﺋﯘ ﻛﯜﻧﻰ ﻗﻪﺗﺌﯩﻲ ﺟﺎﯞﺍﺏ ﺑﻪﺭﻣﯩﮕﻪﻥ ﺑﻮﻟﺴﺎﻡ، ﭼﻮﻗﯘﻡ ﺑﯘﻧﺪﺍﻕ ﻧﻪﺗﯩﺠﯩﮕﻪ ﺋﯧﺮﯨﺸﻪﻟﻤﯩﮕﻪﻥ ﺑﻮﻻﺗﺘﯩﻢ» ﺩﯦﮕﻪﻥ.
ﺋﯘ 1937-ﻳﯩﻠﻰ «ﺑﯧﻴﯩﺶ ﺋﯜﺳﺘﯩﺪﻩ ﺋﯩﺰﺩﯨﻨﯩﺶ» ﺩﯦﮕﻪﻥ ﻛﯩﺘﺎﺑﻨﻰ ﭘﯜﺗﻜﯜﺯﮔﻪﻥ، ﺑﯘ ﻣﻪﺷﮭﯘﺭ ﺋﻪﺳﻪﺭﻧﯩﯔ ﺋﻮﻗﯘﺭﻣﻪﻧﻠﯩﺮﻯ 10 ﻣﯩﻠﻴﻮﻧﺪﯨﻦ ﺋﺎﺷﻘﺎﻥ. 1960-ﻳﯩﻠﻰ ﺋﯘﻧﯩﯔ ﺋﯩﺰ ﺑﺎﺳﺎﺭﻯ ﻛﯩﻠﯧﻤﯧﻨﺖ ﺳﯩﺘﻮﻥ (Clement Stone) ﺑﯩﻠﻪﻥ ﺑﯩﺮﻟﯩﺸﯩﭗ، «ﮪﻪﻣﻤﻪ ﺋﺎﺩﻩﻡ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﺎﻻﻳﺪﯗ» ﺩﯦﮕﻪﻥ ﺋﻪﺳﻪﺭﻧﻰ ﻧﻪﺷﺮ ﻗﯩﻠﺪﯗﺭﻏﺎﻥ. ﺑﯘ ﻛﯩﺘﺎﺏ ﻛﯩﺸﯩﻠﻪﺭﻧﻰ ﺋﺎﯓ، ﺧﺎﺭﺍﻛﺘﯧﺮ ﯞﻩ ﺗﯘﺭﻣﯘﺵ ﺋﺎﺩﯨﺘﯩﺪﯨﻜﻰ ﻛﻪﻣﭽﯩﻠﯩﻜﻠﻪﺭﻧﻰ ﺗﯜﺯﯨﺘﯩﺶ ﺋﺎﺭﻗﯩﻠﯩﻖ ﻛﯩﺸﯩﻠﯩﻚ ﺩﯗﻧﻴﺎﺩﯨﻜﻰ ﺑﺎﻳﻠﯩﻘﻘﺎ ﺋﯧﺮﯨﺸﯩﺸﻜﻪ ﺋﯩﻠﮭﺎﻣﻼﻧﺪﯗﺭﯨﺪﯗ.
ﺧﯘﻻﺳﯩﻠﯩﮕﻪﻧﺪﻩ، ﻧﺎﭘﻮﻟﯧﺌﻮﻥ ﺧﯩﻠﻨﯩﯔ ﮪﺎﻳﺎﺕ ﻣﯘﺳﺎﭘﯩﺴﻰ ﺋﯚﮔﯩﻨﯩﺸﯩﻤﯩﺰﮔﻪ، ﻛﯩﺘﺎﺑﻠﯩﺮﻯ ﺋﻮﻗﯘﺷﯩﻤﯩﺰﻏﺎ ﺋﻪﺭﺯﯨﻴﺪﯗ، ﺋﻪﻣﻤﺎ ﺋﯚﮔﻪﻧﮕﻪﻧﺪﻩ ﯞﻩ ﺋﻮﻗﯘﻏﺎﻧﺪﺍ ﺋﻪﻗﻠﯩﻲ ﺗﻪﭘﻪﻛﻜﯘﺭ ﻗﯩﻠﯩﺸﯩﻤﯩﺰ، «ﺷﺎﻛﯩﻠﯩﻨﻰ ﺋﯩﻠﻐﺎﭖ، ﻣﯧﻐﯩﺰﯨﻨﻰ ﻗﻮﺑﯘﻝ ﻗﯩﻠﯩﺶ»ﻧﻰ ﺑﯩﻠﯩﺸﯩﻤﯩﺰ ﻛﯧﺮﻩﻙ. ﻧﺎﭘﻮﻟﯧﺌﻮﻥ ﺧﯩﻞ ﻧﯘﺭﻏﯘﻥ ﻛﯩﺸﯩﻠﻪﺭﻧﯩﯔ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺸﯩﻐﺎ ﺗﯜﺭﺗﻜﻪ ﺑﻮﻟﯘﭘﻼ ﻗﺎﻟﻤﺎﻱ، ﻳﻪﻧﻪ ﻛﯚﭘﻠﯩﮕﻪﻥ ﻣﯘﯞﻩﭘﭙﻪﻗﯩﻴﻪﺗﭙﻪﺭﻩﺳﻠﻪﺭﻧﯩﯔ ﺋﺎﻟﺪﯨﻨﯩﺸﯩﻐﺎ ﺳﻪﯞﻩﺏ ﺑﻮﻟﻐﺎﻥ. ﻧﯘﺭﻏﯘﻥ ﺋﯚﺯﻣﯧﺪﯨﻴﺎﻻﺭ ﺋﯘﻧﯩﯔ ﮪﺎﻳﺎﺗﯩﻨﻰ ﺯﯨﻴﺎﺩﻩ ﻛﯚﭘﺘﯜﺭﯛﭖ، ﺋﯚﺯ ﻣﻪﻧﭙﻪﺋﻪﺗﻰ ﺋﯜﭼﯜﻥ ﺧﯩﺰﻣﻪﺕ ﻗﯩﻠﻐﯘﺯﻏﺎﻥ، ﻧﯘﺭﻏﯘﻥ ﺋﺎﻟﺪﺍﻣﭽﯩﻼﺭ ﺋﯘﻧﯩﯔ ﻧﺎﻣﻰ ﯞﻩ ﻛﯩﺘﺎﺑﻰ، ﺷﯘﻧﺪﺍﻗﻼ ﺑﯘﺭﻣﯩﻼﻧﻐﺎﻥ ﮪﺎﻳﺎﺕ ﮪﯧﻜﺎﻳﯩﺴﻰ ﺋﺎﺭﻗﯩﻠﯩﻖ ﺑﺎﺷﻘﯩﻼﺭﻧﻰ ﺋﺎﻟﺪﺍﭖ، ﻗﺎﻗﺘﻰ-ﺳﻮﻗﺘﻰ ﻗﯩﻠﻐﺎﻥ. ﺷﯘﻧﯩﯔ ﺋﯜﭼﯜﻥ ﻧﺎﭘﻮﻟﯧﺌﻮﻥ ﺧﯩﻠﻐﺎ ﺋﻪﻗﯩﻞ-ﺋﯩﺪﺭﺍﻛﯩﻤﯩﺰ ﺋﺎﺭﻗﯩﻠﯩﻖ ﻗﺎﺭﯨﺸﯩﻤﯩﺰ ﻻﺯﯨﻢ!
