ﺷﯩﻨﺠﺎﯕﺪﺍ ﻳﺎﺯﻧﻰ ﺋﯚﺗﻜﯜﺯﮔﯩﻨﯩﯖﯩﺰﺩﻩ، ﮪﺎﯞﺍ ﺗﻪﯕﺸﯩﮕﯜﭼﻜﻪ، ﺷﯘﻧﺪﺍﻗﻼ ﺩﻩﺭﻩﺥ ﺳﺎﻳﯩﺴﯩﮕﻪ ﺗﺎﻳﺎﻧﻤﺎﻱ ﺗﯘﺭﺍﻟﻤﺎﻳﺴﯩﺰ.
ﺭﺍﺳﺎ ﺗﻪﺭﮔﻪ ﭼﯚﻣﯜﭖ ﻳﻮﻟﺪﺍ ﻛﯧﺘﯩﯟﺍﺗﻘﯩﻨﯩﯖﯩﺰﺩﺍ، ﻛﯩﭽﯩﻜﻜﯩﻨﻪ ﺩﻩﺭﻩﺥ ﺳﺎﻳﯩﺴﯩﻨﻰ ﻛﯚﺭﺳﯩﯖﯩﺰﻻ، ﺗﺎﻗﻪﺗﺴﯩﺰﻟﯩﻚ ﺑﯩﻠﻪﻥ ﺩﻩﺭﻩﺥ ﺳﺎﻳﯩﺴﯩﮕﻪ «ﺷﯘﯕﻐﯘﭖ» ﻛﯩﺮﯨﭗ، ﺩﻩﺭﮪﺎﻝ ﮪﻪﻣﺮﺍﮪﻠﯩﺮﯨﯖﯩﺰﻏﺎ ﻗﻮﻟﯩﯖﯩﺰﻧﻰ ﭘﯘﻻﯕﻠﯩﺘﯩﭗ: «ﻣﺎﯕﺎﻟﻤﺎﻱ ﻗﺎﻟﺪﯨﻢ، ﻣﺎﯕﺎﻟﻤﺎﻱ ﻗﺎﻟﺪﯨﻢ، ﺑﯩﺮﺩﻩﻡ ﺋﺎﺭﺍﻡ ﺋﯧﻠﯩﯟﯨﻠﯩﭗ ﺋﺎﻧﺪﯨﻦ ﻣﺎﯕﺎﻳﻠﻰ» ﺩﻩﻳﺴﯩﺰ.
ﻛﯚﭖ ﻳﯩﻠﻼﺭﺩﯨﻦ ﺑﯘﻳﺎﻥ ﺩﻩﺭﻩﺥ ﺳﺎﻳﯩﺴﺪﻩ ﺗﯘﺭﯗﭖ، ﮪﻪﻗﺴﯩﺰ ﺳﺎﻟﻘﯩﻨﺪﯨﺪﯗﻕ، ﺷﯩﻨﺠﺎﯕﺪﺍ ﻛﯜﻥ ﻧﯘﺭﯨﻨﻰ ﺩﺍﻟﺪﺍ ﻗﯩﻠﯩﭗ ﺑﯩﺰﮔﻪ ﺳﺎﻟﻘﯩﻨﻠﯩﻖ ﺋﺎﺗﺎ ﻗﯩﻠﻐﺎﻥ ﺷﯩﻨﺠﺎﯕﺪﯨﻜﻰ ﺩﻩﺭﻩﺥ ﮪﻪﻣﺮﺍﮪﻠﯩﺮﯨﻤﯩﺰﻧﻰ ﺋﻪﻣﺪﻯ ﺗﯘﻧﯘﻣﯩﺴﺎﻕ ﺑﻮﻟﻤﺎﻳﺪﯗ.
01
ﺷﯩﻨﺠﺎﯓ ﺗﯧﺮﯨﻜﻰ
ﺷﯩﻨﺠﺎﯓ ﺗﯧﺮﯨﻜﻰ ﺗﯧﺮﻩﻙ-ﺳﯚﮔﻪﺕ ﺋﺎﺋﯩﻠﯩﺴﻰ، ﺗﯧﺮﻩﻙ ﺋﯘﺭﯗﻗﺪﯨﺸﯩﺪﯨﻜﻰ ﻳﻮﭘﯘﺭﻣﺎﻕ ﺗﺎﺷﻼﻳﺪﯨﻐﺎﻥ ﻏﻮﻟﻠﯘﻕ ﺩﻩﺭﻩﺥ ﺑﻮﻟﯘﭖ، ﺋﯧﮕﯩﺰﻟﯩﻜﻰ 35 ﻣﯧﺘﯩﺮﻏﺎ، ﺩﯨﻴﺎﻣﯧﺘﯩﺮﻯ ﺑﯩﺮ ﻣﯧﺘﯩﺮﻏﺎ ﻳﯧﺘﯩﺪﯗ. ﺩﻩﺭﻩﺥ ﺗﺎﺟﯩﺴﻰ ﺗﺎﺭ ﺳﯩﻠﯩﻨﺪﯨﺮﺳﯩﻤﺎﻥ ﻳﺎﻛﻰ ﺋﯘﭼﻠﯘﻕ ﻣﯘﻧﺎﺭﺳﯩﻤﺎﻥ ﺷﻪﻛﯩﻠﺪﻩ، ﺩﻩﺭﻩﺥ ﻗﻮﯞﺯﯨﻘﻰ ﺋﺎﻗﯘﭺ ﻛﯜﻝ ﺭﻩﯓ ﻳﺎﻛﻰ ﻛﯚﻛﯜﭺ ﻛﯜﻝ ﺭﻩﯕﺪﻩ ﺑﻮﻟﯘﭖ، ﺳﯩﻠﯩﻖ ﻛﯧﻠﯩﺪﯗ، ﺋﺎﺯ ﻳﯧﺮﯨﻠﯩﺪﯗ.
ﺋﯘﻧﯩﯔ ﻛﯚﭖ ﻗﯩﺴﻤﻰ ﺟﯘﯕﮕﻮﻧﯩﯔ ﺷﯩﻨﺠﺎﯓ ﺭﺍﻳﻮﻧﯩﻐﺎ ﺗﺎﺭﻗﺎﻟﻐﺎﻧﻠﯩﻘﻰ ﺋﯜﭼﯜﻥ «ﺷﯩﻨﺠﺎﯓ ﺗﯧﺮﯨﻜﻰ» ﺩﻩﭖ ﺋﺎﺗﺎﻟﻐﺎﻥ.
ﺷﯩﻨﺠﺎﯓ ﺗﯧﺮﯨﻜﻰ ﻛﯜﻥ ﻧﯘﺭﯨﻨﻰ ﻳﺎﺧﺸﻰ ﻛﯚﺭﯨﺪﯗ، ﻗﯘﺭﻏﺎﻗﭽﯩﻠﯩﻘﻘﺎ، ﻳﯘﻗﯩﺮﻯ ﺗﯧﻤﭙﯧﺮﺍﺗﯘﺭﯨﻐﺎ ﯞﻩ ﺷﻮﺭﻏﺎ ﭼﯩﺪﺍﻣﻠﯩﻖ ﺑﻮﻟﯘﭘﻼ ﻗﺎﻟﻤﺎﻱ، ﻳﯩﻠﺘﯩﺰ ﻏﻮﻟﻰ ﻳﻪﻧﻪ ﺗﯘﭘﺮﺍﻗﺘﺎ ﭼﻮﯕﻘﯘﺭ ﻳﯩﻠﺘﯩﺰ ﺗﺎﺭﺗﺎﻻﻳﺪﯗ، ﺋﯚﺳﯜﺵ ﺳﯜﺭﺋﯩﺘﻰ ﺗﯧﺰ، ﺷﺎﻣﺎﻟﻐﺎ ﺗﺎﻗﺎﺑﯩﻞ ﺗﯘﺭﯗﺵ ﻛﯜﭼﻰ ﻛﯜﭼﻠﯜﻙ.
ﺧﯘﺩﺩﻯ «ﺋﺎﻕ ﺗﯧﺮﻩﻙ» ﻧﺎﻣﻠﯩﻖ ﻣﺎﻗﺎﻟﯩﺪﻩ ﻳﯧﺰﯨﻠﻐﺎﻧﺪﻩﻙ، «ﺋﺎﻕ ﺗﯧﺮﻩﻙ ﺋﻪﺯﻩﻟﺪﯨﻦ ﻣﯘﺷﯘﻧﺪﺍﻕ ﺗﯜﺯ، ﻗﻪﻳﻪﺭ ﺋﯘﻧﯩﯖﻐﺎ ﺋﯧﮭﺘﯩﻴﺎﺟﻠﯩﻖ ﺑﻮﻟﺴﺎ، ﺋﯘ ﺷﯘ ﻳﻪﺭﺩﻩ ﻧﺎﮪﺎﻳﯩﺘﻰ ﺗﯧﺰﻻ ﻳﯩﻠﺘﯩﺰ ﺗﺎﺭﺗﯩﭗ ﺑﯩﺦ ﺳﯜﺭﯛﭖ، ﺗﻮﻡ ﯞﻩ ﻗﺎﯞﯗﻝ ﺷﺎﺧﻼﺭﻧﻰ ﭼﯩﻘﯩﺮﯨﺪﯗ. ﻣﻪﻳﻠﻰ ﻗﯘﺭﻏﺎﻗﭽﯩﻠﯩﻘﺘﺎ ﻳﺎﻛﻰ ﻛﻪﻟﻜﯜﻧﺪﻩ ﺑﻮﻟﺴﯘﻥ، ﺋﯘ ﮪﻪﻣﯩﺸﻪ ﺷﯘﻧﺪﺍﻕ ﺗﯩﻚ ﺗﯘﺭﯨﺪﯗ، ﺋﯩﻨﺘﺎﻳﯩﻦ ﻗﻪﻳﺴﻪﺭ، ﻛﯜﭼﻠﯜﻙ، ﻗﯩﻠﭽﻪ ﺗﻪﯞﺭﻩﻧﻤﻪﻳﺪﯗ».
02
ﺗﻮﻏﺮﺍﻕ
ﺗﻮﻏﺮﺍﻕ ﻳﯧﭙﯩﻖ ﺋﯘﺭﯗﻗﻠﯘﻕ ﺋﯚﺳﯜﻣﻠﯜﻛﻠﻪﺭ ﺗﯩﭙﻰ، ﻣﺎﮔﻨﻮﻟﯩﻴﻪ ﺳﯩﻨﯩﭙﻰ، ﻣﺎﻟﭙﯩﮕﯩﻴﻪ ﭼﺎﺗﻘﯩﻠﻰ ﺋﻪﺗﺮﯨﺘﻰ، ﺗﯧﺮﻩﻙ-ﺳﯚﮔﻪﺕ ﺋﺎﺋﯩﻠﯩﺴﻰ، ﺗﯧﺮﻩﻙ ﺋﯘﺭﯗﻗﺪﯨﺸﯩﺪﯨﻜﻰ ﺑﯩﺮ ﺧﯩﻞ ﺋﯚﺳﯜﻣﻠﯜﻙ، ﻳﻮﭘﯘﺭﻣﺎﻕ ﺗﺎﺷﻼﻳﺪﯨﻐﺎﻥ ﺋﻮﺗﺘﯘﺭﺍ ﺗﯩﭙﻠﯩﻖ ﺗﻪﺑﯩﺌﯩﻲ ﻏﻮﻟﻠﯘﻕ ﺩﻩﺭﻩﺥ ﺑﻮﻟﯘﭖ، ﻳﻮﭘﯘﺭﻣﯩﻘﻰ ﻛﻪﯓ ﮪﻪﻡ ﺧﯘﺵ ﭘﯘﺭﺍﻕ ﺗﺎﺭﻗﯩﺘﯩﺪﯗ. ﺗﻮﻏﺮﺍﻗﻨﯩﯔ ﺋﯧﮕﯩﺰﻟﯩﻜﻰ 15 ﻣﯧﺘﯩﺮﺩﯨﻦ 30 ﻣﯧﺘﯩﺮﻏﯩﭽﻪ، ﺩﯨﻴﺎﻣﯧﺘﯩﺮﻯ 1.5 ﻣﯧﺘﯩﺮﻏﺎ ﻳﯧﺘﯩﺪﯗ، ﻳﯧﺸﻰ ﺋﺎﺩﻩﺗﺘﻪ 100 ﻳﯩﻠﺪﯨﻦ 300 ﻳﯩﻠﻐﯩﭽﻪ ﺑﻮﻟﯩﺪﯗ.
ﺗﻮﻏﺮﺍﻕ ﺋﺎﺳﺎﺳﻠﯩﻘﻰ ﺗﯘﭘﺮﯨﻘﻰ ﻗﯘﺭﻏﺎﻕ ﮪﻪﻡ ﺷﻮﺭﻟﯘﻕ ﺑﻮﻟﻐﺎﻥ ﻗﯘﻣﻠﯘﻕ، ﭼﯚﻝ-ﺟﻪﺯﯨﺮﯨﻠﻪﺭﮔﻪ ﺗﺎﺭﻗﺎﻟﻐﺎﻥ، ﻣﯘﮪﯩﺘﻨﯩﯔ ﺋﯚﺯﺋﺎﺭﺍ ﺗﻪﺳﯩﺮﯨﺪﻩ، ﺗﻮﻏﺮﺍﻕ ﻗﯘﺭﻏﺎﻗﭽﯩﻠﯩﻘﻘﺎ، ﺷﻮﺭﻏﺎ، ﻗﺎﺗﺘﯩﻖ ﺳﻮﻏﯘﻗﻘﺎ، ﺗﻮﻣﯘﺯ ﺋﯩﺴﺴﯩﻘﻘﺎ، ﻗﯘﻡ-ﺑﻮﺭﺍﻧﻐﺎ ﯞﻩ ﺋﯜﻧﯜﻣﺴﯩﺰ ﻳﻪﺭﮔﻪ ﭼﯩﺪﺍﻣﻠﯩﻖ ﺑﻮﻟﯘﺷﺘﻪﻙ ﺋﺎﻻﮪﯩﺪﯨﻠﯩﻜﻨﻰ ﺷﻪﻛﯩﻠﻠﻪﻧﺪﯛﺭﮔﻪﻥ، ﺋﯘ ﻗﯘﻣﻠﯘﻗﺘﺎ ﺋﻮﺭﻣﺎﻥ ﺑﻮﻻﻻﻳﺪﯨﻐﺎﻥ ﺑﯩﺮﺩﯨﻨﺒﯩﺮ ﻳﻮﭘﯘﺭﻣﺎﻕ ﺗﺎﺷﻼﻳﺪﯨﻐﺎﻥ ﺋﯧﮕﯩﺰ ﻏﻮﻟﻠﯘﻕ ﺩﻩﺭﻩﺥ.
ﮪﻪﺭ ﻗﯧﺘﯩﻢ ﺗﻮﻏﺮﺍﻕ ﺗﯩﻠﻐﺎ ﺋﯧﻠﯩﻨﻐﺎﻧﺪﺍ، ﻛﯚﭘﭽﯩﻠﯩﻚ ﺋﯘﻧﯩﯔ «ﺋﯜﭺ ﻣﯩﯔ ﻳﯩﻠﻠﯩﻖ ﺭﻭﮪﻰ»ﻧﻰ ﺗﯩﻠﻐﺎ ﺋﺎﻟﯩﺪﯗ: ﻣﯩﯔ ﻳﯩﻠﻐﯩﭽﻪ ﻗﯘﺭﯗﭖ ﻛﻪﺗﻤﻪﻳﺪﯗ، ﻗﯘﺭﯗﭖ ﻛﻪﺗﺴﯩﻤﯘ ﻣﯩﯔ ﻳﯩﻠﻐﯩﭽﻪ ﻳﯩﻘﯩﻠﻤﺎﻳﺪﯗ، ﻳﯩﻘﯩﻠﺴﯩﻤﯘ ﻣﯩﯔ ﻳﯩﻠﻐﯩﭽﻪ ﭼﯩﺮﯨﻤﺎﻳﺪﯗ.
03
ﻳﯘﻟﻐﯘﻥ
ﻳﯘﻟﻐﯘﻥ ﻏﻪﻟﯩﺘﻪ ﺳﯚﮔﻪﺕ ﺩﻩﭘﻤﯘ ﺋﺎﺗﯩﻠﯩﺪﯗ، ﺋﯘ ﻳﯘﻟﻐﯘﻥ ﺋﺎﺋﯩﻠﯩﺴﻰ ﺳﯚﮔﻪﺕ ﺋﯘﺭﯗﻗﺪﯨﺸﯩﺪﯨﻜﻰ ﻏﻮﻟﻠﯘﻕ ﺋﯚﺳﯜﻣﻠﯜﻙ، ﺋﯧﮕﯩﺰﻟﯩﻜﻰ ﺑﯩﺮ ﻣﯧﺘﯩﺮﺩﯨﻦ ﺋﺎﻟﺘﻪ ﻣﯧﺘﯩﺮﻏﯩﭽﻪ ﻛﯧﻠﯩﺪﯗ، ﺷﺎﺧﻠﯩﺮﻯ ﺋﯩﻨﭽﯩﻜﻪ، ﻗﯩﺰﻏﯘﭺ ﻗﻮﯕﯘﺭ ﺭﻩﯕﺪﻩ. ﻳﯩﯖﻨﻪ ﻳﻮﭘﯘﺭﻣﺎﻗﻠﯩﻖ ﺑﻮﻟﯘﭖ، ﻳﻮﭘﯘﺭﻣﯩﻘﯩﻨﯩﯔ ﺋﯘﺯﯗﻧﻠﯘﻗﻰ 2 ﺳﺎﻧﺘﯩﻤﯧﺘﯩﺮﺩﯨﻦ 5 ﺳﺎﻧﺘﯩﻤﯧﺘﯩﺮﻏﯩﭽﻪ ﻛﯧﻠﯩﺪﯗ، ﺋﯩﻨﺘﺎﻳﯩﻦ ﻛﯚﺭﻛﻪﻡ، ﺧﯘﯕﻤﻴﺎﯞﻏﺎ ﺋﻮﺧﺸﺎﺵ ﭼﯧﭽﻪﻛﻠﻪﻳﺪﯗ.
ﻳﯘﻟﻐﯘﻥ ﻛﯜﻥ ﻧﯘﺭﯨﻨﻰ ﻳﺎﺧﺸﻰ ﻛﯚﺭﯨﺪﯗ، ﺋﯩﺴﺴﯩﻘﻘﺎ، ﻗﯘﺭﻏﺎﻗﭽﯩﻠﯩﻘﻘﺎ، ﻧﻪﻣﻠﯩﻜﻜﻪ ﭼﯩﺪﺍﻣﻠﯩﻖ. ﺋﯘ ﺳﯜﻣﯜﺭﮔﻪﻥ ﺗﯘﺯ ﺗﻪﺭﻛﯩﺒﯩﻨﻰ ﭼﯩﻘﯩﺮﯨﺪﯗ، ﭼﯩﻘﺎﺭﻏﺎﻥ ﺗﯘﺯ ﻛﯩﺮﯨﺴﺘﺎﻝ ﺩﺍﻧﭽﯩﻠﯩﺮﻯ ﻳﻪﺭ ﻳﯜﺯﯨﮕﻪ ﭼﯜﺷﯜﭖ، ﺳﯘ ﺑﯩﻠﻪﻥ ﺋﯘﭼﺮﺍﺷﻘﺎﻧﺪﯨﻦ ﻛﯧﻴﯩﻦ ﺑﯩﺮ ﻗﻪﯞﻩﺕ ﻗﺎﺗﺘﯩﻖ «ﻗﺎﭖ» ﮪﺎﺳﯩﻞ ﻗﯩﻠﯩﭗ، ﺑﯘﻧﯩﯔ ﺑﯩﻠﻪﻥ ﻗﯘﻡ-ﺑﻮﺭﺍﻧﻐﺎ ﺗﺎﻗﺎﺑﯩﻞ ﺗﯘﺭﯨﺪﯗ.
ﺷﯘﯕﺎ، ﭘﯘﻗﺮﺍﻻﺭ ﺋﯘﻧﻰ ﻳﯧﻘﯩﻤﻠﯩﻖ ﮪﺎﻟﺪﺍ «ﮔﯜﻩﻧﻴﯩﻨﻠﻴﯘ» ﯞﻩ «ﭘﯘﺳﺎﺷﯘ» ﺩﻩﭖ ﺋﺎﺗﯩﺸﯩﺪﯗ.
04
ﺗﯩﻴﺎﻧﺸﺎﻥ ﺷﻪﻣﺸﺎﺩﻯ
ﺗﯩﻴﺎﻧﺸﺎﻥ ﺷﻪﻣﺸﺎﺩﻯ ﻳﯧﭙﯩﻖ ﺋﯘﺭﯗﻗﻠﯘﻕ ﺋﯚﺳﯜﻣﻠﯜﻛﻠﻪﺭ ﺗﯩﭙﻰ، ﻗﺎﺭﯨﻐﺎﻱ ﺋﺎﺋﯩﻠﯩﺴﻰ، ﺷﻪﻣﺸﺎﺩ ﺋﯘﺭﯗﻗﺪﯨﺸﯩﻐﺎ ﺗﻪﯞﻩ، ﺩﺍﺋﯩﻢ ﻛﯚﻛﯩﺮﯨﭗ ﺗﯘﺭﯨﺪﯨﻐﺎﻥ ﺑﯩﺮ ﺧﯩﻞ ﺩﻩﺭﻩﺥ ﺑﻮﻟﯘﭖ، ﻳﻮﭘﯘﺭﻣﯩﻘﻰ ﺗﯚﺕ ﻗﯩﺮﻟﯩﻖ ﺗﺎﻳﺎﻗﺴﯩﻤﺎﻥ ﺷﻪﻛﯩﻠﺪﻩ، ﺗﯜﺯ ﻳﺎﻛﻰ ﺳﻪﻝ ﺋﯧﮕﯩﻠﯩﭗ ﺗﯘﺭﯨﺪﯗ، ﻳﻮﭘﯘﺭﻣﯩﻘﯩﻨﯩﯔ ﺋﯘﺯﯗﻧﻠﯘﻗﻰ 2 ﺳﺎﻧﺘﯩﻤﯧﺘﯩﺮﺩﯨﻦ 3.5 ﺳﺎﻧﺘﯩﻤﯧﺘﯩﺮﻏﯩﭽﻪ، ﻛﻪﯕﻠﯩﻜﻰ ﺗﻪﺧﻤﯩﻨﻪﻥ 1.5 ﻣﯩﻠﻠﯩﻤﯧﺘﯩﺮ ﻛﯧﻠﯩﺪﯗ.
ﺗﯩﻴﺎﻧﺸﺎﻥ ﺷﻪﻣﺸﺎﺩﻯ ﺷﯩﻨﺠﺎﯓ ﺗﯩﻴﺎﻧﺸﺎﻧﻨﯩﯔ ﺟﻪﻧﯘﺑﯩﻲ-ﺷﯩﻤﺎﻟﯩﻲ ﻳﺎﻧﺒﺎﻏﺮﯨﻐﺎ، ﻛﻮﺋﯧﻨﻠﯘﻥ ﺗﯧﻐﯩﻨﯩﯔ ﻏﻪﺭﺑﯩﻲ ﻗﯩﺴﻤﯩﻐﺎ ﯞﻩ ﺟﯘﯕﻐﺎﺭﻧﯩﯔ ﻏﻪﺭﺑﯩﻲ ﻗﯩﺴﻤﯩﺪﯨﻜﻰ ﺗﺎﻏﻠﯩﻖ ﺟﺎﻳﻼﺭﻏﺎ ﺗﺎﺭﻗﺎﻟﻐﺎﻥ، ﺋﯧﮕﯩﺰﻟﯩﻜﻰ ﺋﺎﺩﻩﺗﺘﻪ 70 ~ 20 ﻣﯧﺘﯩﺮ ﺋﻪﺗﺮﺍﭘﯩﺪﺍ ﺋﯚﺳﯩﺪﯗ. ﺋﯧﮕﯩﺰﻟﯩﻜﻨﻰ ﺗﺎﻟﯩﺸﯩﺪﯨﻐﺎﻥ ﺧﯘﺳﯘﺳﯩﻴﯩﺘﻰ ﺗﯩﻴﺎﻧﺸﺎﻥ ﺷﻪﻣﺸﺎﺩﯨﻨﯩﯔ ﻗﺎﻣﻪﺗﻠﯩﻚ، ﺋﯧﮕﯩﺰ ﮔﻪﯞﺩﯨﺴﯩﻨﻰ ﺷﻪﻛﯩﻠﻠﻪﻧﺪﯛﺭﮔﻪﻥ، ﺷﯘﯕﺎ «ﭘﺎﺭﺍﺷﯘﺭ ﺩﻩﺭﯨﺨﻰ» ﺩﯦﮕﻪﻥ ﻧﺎﻣﯩﻤﯘ ﺑﺎﺭ.
ﺑﯘﻧﯩﯖﺪﯨﻦ ﺑﺎﺷﻘﺎ، ﮪﻪﺭﺑﯩﺮ ﺗﯜﭖ ﻳﯧﺘﯩﻠﮕﻪﻥ ﺗﯩﻴﺎﻧﺸﺎﻥ ﺷﻪﻣﺸﺎﺩﯨﻨﯩﯔ ﮪﻪﻣﻤﯩﺴﻰ ﻛﯩﭽﯩﻚ ﺗﯩﭙﺘﯩﻜﻰ ﺳﯘ ﺋﺎﻣﺒﯩﺮﻯ ﺑﻮﻟﯘﭖ، ﺋﻮﺗﺘﯘﺭﺍ ﮪﯧﺴﺎﺏ ﺑﯩﻠﻪﻥ 2.5 ﺗﻮﻧﻨﺎ ﺳﯘ ﺳﺎﻗﻠﯩﻴﺎﻻﻳﺪﯗ. ﺗﯩﻴﺎﻧﺸﺎﻥ ﺷﻪﻣﺸﺎﺩﯨﻨﯩﯔ ﭘﺎﺭﻏﺎ ﺋﺎﻳﻼﻧﻐﺎﻥ ﺳﯘ ﺗﻪﺭﻛﯩﺒﻰ ﺋﻮﺧﺸﺎﺵ ﻛﻪﯕﻠﯩﻚ، ﺋﻮﺧﺸﺎﺵ ﻛﯚﻟﻪﻣﺪﯨﻜﻰ ﺩﯦﯖﯩﺰ-ﺋﻮﻛﻴﺎﻧﻼﺭ ﺑﯩﻠﻪﻥ ﺳﯧﻠﯩﺸﺘﯘﺭﻏﺎﻧﺪﺍ %50 ﻛﯚﭖ.
ﺷﯘﯕﺎ، ﺗﯘﺗﺎﺵ ﻛﻪﺗﻜﻪﻥ ﺗﯩﻴﺎﻧﺸﺎﻥ ﺷﻪﻣﺸﺎﺩﻯ ﺳﯘ ﻣﻪﻧﺒﻪﺳﯩﻨﻰ ﺳﺎﻗﻼﺵ، ﻛﺎﺭﺑﻮﻧﻨﻰ ﺗﯘﺭﺍﻗﻼﺷﺘﯘﺭﯗﭖ ﺋﻮﻛﺴﯩﮕﯧﻦ ﻗﻮﻳﯘﭖ ﺑﯧﺮﯨﺶ، ﺋﺎﺗﻤﻮﺳﻔﯧﺮﺍﻧﻰ ﺳﺎﭘﻼﺷﺘﯘﺭﯗﺵ ﯞﻩ ﺳﯘ-ﺗﯘﭘﺮﺍﻗﻨﯩﯔ ﺋﯧﻘﯩﭗ ﻛﯧﺘﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﻗﺎﺗﺎﺭﻟﯩﻘﻼﺭﺩﺍ ﻣﯘﮪﯩﻢ ﺭﻭﻝ ﺋﻮﻳﻨﺎﻳﺪﯗ.
05
ﺷﯩﻨﺠﺎﯓ ﺑﺎﻝ ﻗﺎﺭﯨﻐﯩﻴﻰ
ﺷﯩﻨﺠﺎﯓ ﺑﺎﻝ ﻗﺎﺭﯨﻐﯩﻴﻰ ﻗﺎﺭﯨﻐﺎﻱ ﺋﺎﺋﯩﻠﯩﺴﻰ، ﺑﺎﻝ ﻗﺎﺭﯨﻐﺎﻱ ﺋﯘﺭﯗﻗﺪﯨﺸﯩﻐﺎ ﺗﻪﯞﻩ ﺩﻩﺭﻩﺥ ﺑﻮﻟﯘﭖ، ﺋﯧﮕﯩﺰﻟﯩﻜﻰ 40 ﻣﯧﺘﯩﺮﻏﺎ ﻳﯧﺘﯩﺪﯗ، ﺩﯨﻴﺎﻣﯧﺘﯩﺮﻯ 80 ﺳﺎﻧﺘﯩﻤﯧﺘﯩﺮ ﺋﻪﺗﺮﺍﭘﯩﺪﺍ ﺑﻮﻟﯩﺪﯗ، ﺩﻩﺭﻩﺥ ﻗﻮﯞﺯﯨﻘﻰ ﻗﺎﺭﺍﻣﺘﯘﻝ ﻛﯜﻝ ﺭﻩﯓ، ﻗﻮﯕﯘﺭ ﻛﯜﻝ ﺭﻩﯓ ﻳﺎﻛﻰ ﻗﯧﻨﯩﻖ ﻗﻮﯕﯘﺭ ﺭﻩﯕﺪﻩ ﺑﻮﻟﯩﺪﯗ.
ﺷﯩﻨﺠﺎﯓ ﺑﺎﻝ ﻗﺎﺭﯨﻐﯩﻴﻰ ﺷﯩﻨﺠﺎﯕﺪﯨﻜﻰ ﺋﺎﻟﺘﺎﻱ ﺗﯧﻐﻰ ﯞﻩ ﺗﯩﻴﺎﻧﺸﺎﻧﻨﯩﯔ ﺷﻪﺭﻗﯩﻲ ﻗﯩﺴﻤﯩﻐﺎ ﺗﺎﺭﻗﺎﻟﻐﺎﻥ، ﺋﯘ ﻛﯜﻥ ﻧﯘﺭﯨﻨﻰ ﺧﺎﻻﻳﺪﯗ، ﺗﻪﺳﻜﻪﻱ ﺟﺎﻳﻨﻰ ﻳﺎﺧﺸﻰ ﻛﯚﺭﻣﻪﻳﺪﯗ، ﺳﻮﻏﯘﻗﻘﺎ ﯞﻩ ﻗﯘﺭﻏﺎﻗﭽﯩﻠﯩﻘﻘﺎ ﭼﯩﺪﺍﻣﭽﺎﻧﻠﯩﻘﻰ ﺑﯩﺮﻗﻪﺩﻩﺭ ﻛﯜﭼﻠﯜﻙ.
ﺑﯩﺮﻗﻪﺩﻩﺭ ﻗﯘﺭﻏﺎﻕ ﺗﺎﻍ ﺟﯩﻠﻐﯩﺴﯩﺪﯨﻜﻰ ﺷﯧﻐﯩﻠﻠﯩﻖ ﺳﺎﮪﯩﻞ ﯞﻩ ﺗﯩﻚ ﺗﺎﻍ ﺟﯩﻨﺴﻠﯩﺮﻯ ﻗﺎﺗﻠﯩﻤﯩﺪﯨﻤﯘ ﺋﯚﺳﻪﻟﻪﻳﺪﯗ، ﺋﯜﻧﯜﻣﺴﯩﺰ ﺗﯘﭘﺮﺍﻗﻘﺎ ﺑﻪﺭﺩﺍﺷﻠﯩﻖ ﺑﯧﺮﻩﻟﻪﻳﺪﯗ.
06
ﺟﯩﻐﺎﻥ
ﺟﯩﻐﺎﻥ ﺟﯩﮕﺪﻩ ﺋﺎﺋﯩﻠﯩﺴﯩﮕﻪ ﺗﻪﯞﻩ ﻳﻮﭘﯘﺭﻣﺎﻕ ﺗﺎﺷﻼﻳﺪﯨﻐﺎﻥ ﭼﺎﺗﻘﺎﻝ ﻣﯧﯟﯨﺴﻰ ﺑﻮﻟﯘﭖ، ﺋﯧﮕﯩﺰﻟﯩﻜﻰ 1 ﻣﯧﺘﯩﺮﺩﯨﻦ 2.5 ﻣﯧﺘﯩﺮﻏﯩﭽﻪ ﻛﯧﻠﯩﺪﯗ، ﺋﯧﮕﯩﺰ ﺗﺎﻍ ﺟﯩﻠﻐﯩﻠﯩﺮﯨﺪﺍ ﺋﯚﺳﯩﺪﯨﻐﺎﻥ ﺟﯩﻐﺎﻧﻨﯩﯔ ﺋﯧﮕﯩﺰﻟﯩﻜﻰ 18 ﻣﯧﺘﯩﺮﻏﺎ ﻳﯧﺘﯩﺪﯗ.
ﺗﯩﻜﻪﻧﻠﯩﺮﻯ ﻛﯚﭘﺮﻩﻙ، ﻳﯘﻣﺮﺍﻥ ﺷﺎﺧﻠﯩﺮﻯ ﻗﻮﯕﯘﺭ ﻳﯧﺸﯩﻞ ﺭﻩﯕﺪﻩ، ﻛﻮﻧﺎ ﺷﺎﺧﻠﯩﺮﻯ ﻗﺎﺭﺍﻣﺘﯘﻝ ﻛﯜﻝ ﺭﻩﯕﺪﻩ، ﭼﯧﭽﻪﻛﻠﻪﺵ ﻣﻪﺯﮔﯩﻠﻰ ﮪﻪﺭ ﻳﯩﻠﻰ 4-ﺋﺎﻳﺪﯨﻦ 5-ﺋﺎﻳﻐﯩﭽﻪ، ﻣﯧﯟﯨﺴﯩﻨﯩﯔ ﭘﯩﺸﯩﺶ ﻣﻪﺯﮔﯩﻠﻰ 9-ﺋﺎﻳﺪﯨﻦ 10-ﺋﺎﻳﻐﯩﭽﻪ.
ﻗﯘﺭﻏﺎﻗﭽﯩﻠﯩﻘﻘﺎ، ﻗﯘﻡ-ﺑﻮﺭﺍﻧﻐﺎ ﭼﯩﺪﺍﻣﻠﯩﻖ، ﺷﻮﺭﻟﯩﺸﯩﭗ ﻛﻪﺗﻜﻪﻥ ﺗﯘﭘﺮﺍﻗﺘﺎ ﻳﺎﺷﯩﻴﺎﻻﻳﺪﯗ.
ﺟﯩﻐﺎﻧﻨﯩﯔ ﮪﻪﻣﻤﻪ ﻳﯧﺮﯨﻨﻰ ﮔﯚﮪﻪﺭ ﺩﯦﻴﯩﺸﻜﻪ ﺑﻮﻟﯩﺪﯗ. ﺟﯩﻐﺎﻥ ﻳﻮﭘﯘﺭﻣﯩﻘﯩﺪﺍ ﻳﯩﺮﯨﻚ ﺋﺎﻗﺴﯩﻞ، ﻳﯩﺮﯨﻚ ﻣﺎﻱ، ﻳﯩﺮﯨﻚ ﺗﺎﻻﻻﺭ ﻣﻮﻝ. ﺳﯩﻘﯩﭗ ﭼﯩﻘﯩﺮﯨﻠﻐﺎﻥ ﺟﯩﻐﺎﻥ ﻣﯧﻴﻰ ﺗﻪﺭﻛﯩﺒﯩﺪﻩ ﻛﯚﭖ ﻣﯩﻘﺪﺍﺭﺩﺍ ﯞﯨﺘﺎﻣﯩﻦ E، ﯞﯨﺘﺎﻣﯩﻦ A، ﻓﯩﻼﯞﻭﻥ ﻗﺎﺗﺎﺭﻟﯩﻘﻼﺭ ﺑﺎﺭ ﺑﻮﻟﯘﭖ، ﻣﯧﯟﯨﺴﯩﻨﯩﯔ «ﯞﯨﺘﺎﻣﯩﻦ C ﺷﺎﮪﻰ» ﺩﯦﮕﻪﻥ ﮔﯜﺯﻩﻝ ﻧﺎﻣﻰ ﺑﺎﺭ.
ﻛﯚﻟﻪﻣﻠﻪﺷﻜﻪﻥ ﺋﯩﺸﻠﻪﭘﭽﯩﻘﯩﺮﯨﺶ ﯞﻩ ﺋﯩﻨﭽﯩﻜﻪ ﭘﯩﺸﺸﯩﻘﻼﺷﻘﺎ ﺋﻪﮔﯩﺸﯩﭗ، ﺷﯩﻨﺠﺎﯓ ﺗﻪﺩﺭﯨﺠﯩﻲ ﮪﺎﻟﺪﺍ ﭘﯜﺗﯜﻥ ﻣﻪﻣﻠﯩﻜﻪﺗﻨﯩﯔ ﺟﯩﻐﺎﻥ ﺳﺎﻧﺎﺋﯩﺘﻰ ﺧﺎﻡ ﺋﻪﺷﻴﺎ ﺋﻮﺭﻣﯩﻨﻰ ﻗﯘﺭﯗﻟﯘﺷﯩﺪﯨﻜﻰ ﻣﯘﮪﯩﻢ ﺑﺎﺯﯨﻐﺎ ﺋﺎﻳﻼﻧﺪﻯ.
5-ﺋﺎﻱ ﻛﯩﺮﮔﻪﻧﺪﯨﻦ ﺑﯘﻳﺎﻥ، ﺷﯩﻨﺠﺎﯕﻨﯩﯔ ﺋﻪﯓ ﻳﯘﻗﯩﺮﻯ ﺗﯧﻤﭙﯩﺮﺍﺗﯘﺭﯨﺴﻰ 30 ﺳﯧﻠﺴﯩﻴﻪ ﮔﯩﺮﺍﺩﯗﺱ ﺋﻪﺗﺮﺍﭘﯩﺪﺍ ﺑﻮﻟﺪﻯ، ﮔﻪﺭﭼﻪ ﺗﻮﻟﯘﻕ «ﻗﻮﺭﺍﻟﻠﯩﻨﯩﭗ» ﻛﯜﭼﻠﯜﻙ ﺋﺎﭘﺘﺎﭘﺘﯩﻦ ﺋﯚﺯﯨﻤﯩﺰﻧﻰ ﻗﺎﭼﯘﺭﺳﺎﻗﻤﯘ، ﺋﯩﺸﯩﻜﺘﯩﻦ ﭼﯩﻘﯩﭙﻼ ﻳﻪﻧﯩﻼ ﭼﯩﻠﯩﻖ-ﭼﯩﻠﯩﻖ ﺗﻪﺭﮔﻪ ﭼﯚﻣﯜﭖ ﻛﯧﺘﯩﻤﯩﺰ.
ﻟﯧﻜﯩﻦ، ﺳﺎﻟﻘﯩﻦ ﺩﻩﺭﻩﺥ ﺳﺎﻳﯩﻠﯩﺮﯨﻨﯩﯔ ﮪﻪﻣﺮﺍﮪﻠﯩﻘﯩﺪﺍ ﻳﺎﺯ ﭘﻪﺳﻠﯩﻨﻰ ﺧﯘﺷﺎﻟﻠﯩﻖ ﺋﯩﻠﻜﯩﺪﻩ ﺋﯚﺗﻜﯜﺯﯨﻤﯩﺰ ﺋﻪﻟﯟﻩﺗﺘﻪ.
ﻣﻪﻧﺒﻪ: 中国喀什网维吾尔语平台
