كىملىك ھەممە ئادەمدە بار، ئۇ دۆلىتىمىز پۇقرالىرىنىڭ سالاھىيەت سىمۋولى، ئۇنىڭدا بىزنىڭ ئىسمىمىز، تۇغۇلغان كۈنىمىز ۋە ئائىلە ئادرېسىمىز قاتارلىق شەخسىي ئۇچۇرلار تەپسىلىي خاتىرىلەنگەن، ئۇ ھەميانىمىزدىكى ئەڭ مۇھىم كارتىلارنىڭ بىرى، ئۇنى ھەر خىل كەسىپلەرنى بېجىرىشتە مەسىلەن، بېلەت سېتىۋېلىش، ياتاق قاتارلىقلاردا ئىشلىتىشكە توغرا كېلىدۇ. گەرچە بىز كىملىكنىڭ سىرتقى كۆرۈنۈشى ۋە ئىشلىتىلىش ئەھۋالىغا خېلى بۇرۇنلا كۆنۈپ قالغان بولساقمۇ، لېكىن سىز كىملىكتىكى ھەر بىر ئادەمگە خاس بولغان 18 خانىلىق كىملىك نومۇرىنى راستتىنلا چۈشىنەمسىز؟ ئەمەلىيەتتە ئۇنىڭ ھەربىر خانىسى ئالاھىدە مەنىگە ئىگە، بولۇپمۇ كېيىنكى تۆت خانىسى، نۇرغۇن كەسىپلەرنى بېجىرگەندە، كېيىنكى تۆت خانىسىنى كىرگۈزۈپ دەلىللەشكە توغرا كېلىدۇ. بۈگۈن بىز بىرلىكتە چۈشىنىپ باقايلى!
ھەممىمىز بىلىمىز، كىملىكنىڭ ئاستىدا بىر قاتار 18 خانىلىق سان بار، بۇ كىملىك نومۇرى، ھەر بىر ئادەمنىڭ ئوخشىمايدۇ، ئۇ سىزنىڭ مەخسۇس نومۇرىڭىز، بۇ 18 خانىلىق سان، ھەر بىر ساننىڭ ئوخشاش بولمىغان مەنىسى بار :
1-خانىلىقتىن 2-خانىغىچە بولغان رەقەم ئۆزى تۇرۇشلۇق ئۆلكىنىڭ كودىنى بىلدۈرىدۇ، مەسىلەن، 11 بېيجىڭ شەھىرىگە، 32 سى جياڭسۇ ئۆلكىسىگە ۋەكىللىك قىلىدۇ؛
3~4 خانىغىچە بولغان سانلار ئۆزى تۇرۇشلۇق شەھەرنىڭ كودىنى ئىپادىلەيدۇ؛
5-، 6-خانىلاردىكى سانلار ئۆزى تۇرۇشلۇق رايون، ناھىيىنىڭ كودىنى ئىپادىلەيدۇ، مۇشۇ 6 خانىلىق سان ئارقىلىق سىزنىڭ دەسلەپكى نوپۇس تۇرۇشلۇق ئورنىڭىزنى بېكىتكىلى بولىدۇ.
7~14 خانىغىچە بولغان سانلار بىزنىڭ تۇغۇلغان يىل، ئاي، كۈنىمىزنى كۆرسىتىدۇ، تەرتىپ بويىچە تىزىلىدۇ، مەسىلەن، سىز 1988-يىلى 5-ئاينىڭ 10-كۈنى تۇغۇلغان بولسىڭىز، كىملىك نومۇرىنىڭ 7~14 خانىسى 19880510 بولىدۇ.
ئالدىدىكى 14 خانىلىق كىملىك نومۇرى بىلەن تونۇشۇپ بولدۇق، ئەمدى بىز كىملىكنىڭ ئاخىرقى تۆت خانىلىقىنىڭ كونكرېت مەنىسىنى سۆزلەپ ئۆتەيلى، 15-16 خانىغىچە بولغان سانلار ئالاھىدە كود بولۇپ، ساقچىخانا كودى دەپمۇ ئاتىلىدۇ، بۇ ئىككى خانىلىق سان ئارقىلىق نوپۇس تۇرۇشلۇق ساقچىخانىنى توغرا تاپقىلى بولىدۇ. مەسىلەن، مەلۇم بىر ساقچىخانىدا بىر كۈندە بەش يېڭى تۇغۇلغان بوۋاق نوپۇسقا ئېلىنغان بولسا، ئۇلارنىڭ نوپۇس ئادرېسى ئوخشاش، تۇغۇلغان ۋاقتىمۇ ئوخشاش بولسا، بۇ بەش بالىنىڭ ئالدىنقى 14 خانىسىنىڭمۇ كىملىك نومۇرى ئوخشاش بولۇشى مۇمكىن، لېكىن 15-16 خانىغىچە بولغان سانلار مۇئەييەن تەرتىپ بويىچە رەتكە تىزىلىپ، ئۇلارنى پەرقلەندۈرىدىغان بەلگە بولۇپ قالىدۇ.
كىملىك نومۇرىنىڭ 17-خانىسى جىنسىنى ئايرىشنى كۆرسىتىدۇ، تاق سان ئەرلەرگە، جۈپ سان ئاياللارغا ۋەكىللىك قىلىدۇ، يەنى 1، 3، 5، 7، 9 لار ئەرلەرگە، 0، 2، 4، 6، 8 لەر ئاياللارغا ۋەكىللىك قىلىدۇ.
كىملىك نومۇرىنىڭ ئەڭ ئاخىرقى خانىسى يەنى 18-خانىسى بىر تەكشۈرۈش كودى بولۇپ، بىر يۈرۈش مۇرەككەپ فورمۇلالار ئارقىلىق ھېسابلاپ چىقىلغان، مەقسەت كىملىك نومۇرىنىڭ توغرىلىقى ۋە گۇۋاھچىنىڭ چىنلىقىنى مۇئەييەنلەشتۈرۈش. بۇ تەكشۈرۈش كودى 0~10 بولىدۇ، ئەمما ھېسابلاپ چىقىلغان تەكشۈرۈش كودى 10 بولغاندا، ئۇنىڭ ئورنىغا x ئىشلىتىلىدۇ، بۇنداق بولغاندا كىملىك نومۇرىنىڭ ئىزچىل 18 خانىلىق بولۇشىغا كاپالەتلىك قىلغىلى بولىدۇ.
18 خانىلىق كىملىك نومۇرىغا نىسبەتەن، كۆپچىلىكنىڭ كونكرېت ئەھمىيىتىنى چۈشەنگەنلىكىگە ئىشىنىمەن، ئەمدى كىملىك توغرىسىدىكى باشقا سوغۇق بىلىملەر توغرىسىدىكى چۈشەنچىلەرنى بىلىۋېلىڭ.
1. كىملىكنىڭ ئالدى-كەينى.
بەلكىم نۇرغۇن دوستلار مېنىڭ ئويلىغىنىمدەك، بىزنىڭ سۈرىتىمىز ۋە كىملىك نومۇرىمىز بار تەرىپى كىملىكنىڭ ئالدى تەرىپى دەپ قارىغان بولۇشى مۇمكىن، لېكىن ئەمەلىيەت دەل بۇنىڭ ئەكسىچە، بۇ تەرىپى كىملىكنىڭ كەينى تەرىپى، دۆلەت گېربى بار تەرىپى كىملىكنىڭ ئالدى تەرىپى، كېلەر قېتىم خاتالاشماڭ.
2. كىملىكنىڭ ئىشلىتىش يىل چېكى.
كىملىك مەڭگۈلۈك كۈچكە ئىگە ئەمەس، ئۇنىڭ كۈچكە ئىگە مۇددىتى ئوخشىمىغان ياش قۇرامىغا ئاساسەن ئوخشاش بولمايدۇ. 16 ياشتىن تۆۋەن پۇقرالارنىڭ كىملىكنىڭ كۈچكە ئىگە مۇددىتى بەش يىل بولىدۇ؛ 16 ياشتىن 25 ياشقىچە بولغان پۇقرالار كىملىكنىڭ كۈچكە ئىگە مۇددىتى 10 يىل بولىدۇ؛ 26 ياشتىن 45 ياشقىچە بولغان پۇقرالارنىڭ كىملىكنىڭ كۈچكە ئىگە مۇددىتى 20 يىل بولىدۇ؛ 46 ياشتىن يۇقىرى پۇقرالارنىڭ كىملىكىنىڭ كۈچكە ئىگە مۇددىتى ئۇزاق مۇددەتلىك بولىدۇ.
