ﺑﻪﻳﺪﯗ ﺗﻮﺭﻯ ﺧﻪﯞﯨﺮﻯ

ﺋﺎﻟﯩﻲ ﺩﻩﺭﯨﺠﯩﻠﯩﻚ ﮪﯜﻧﻪﺭ-ﺳﻪﻧﺌﻪﺕ ﺑﯘﻳﯘﻣﻠﯩﺮﯨﻨﻰ ﻳﺎﺳﺎﺵ ﺋﯜﭼﯜﻥ، ﺋﯩﻨﺴﺎﻧﻼﺭ ﭘﯩﻞ ﭼﯩﺸﻰ، ﻳﻮﻟﯟﺍﺱ ﺗﯧﺮﯨﺴﻰ ﻗﺎﺗﺎﺭﻟﯩﻖ ﺑﯘﻳﯘﻣﻼﺭﺩﯨﻦ ﭘﺎﻳﺪﯨﻠﯩﻨﯩﭗ، ﺳﺎﻧﺴﯩﺰﻟﯩﻐﺎﻥ ﻳﺎﯞﺍ ﭘﯩﻞ ﯞﻩ ﻳﻮﻟﯟﺍﺳﻼﺭﻏﺎ ﺯﯨﻴﺎﻧﻜﻪﺷﻠﯩﻚ ﻗﯩﻠﻐﺎﻥ، ﺋﻮﯞﭼﯩﻼﺭﻧﯩﯔ ﺑﯘ ﺗﯚﻣﯜﺭ ﺗﯩﺮﻧﯩﻘﻰ ﺋﺎﺳﺘﯩﺪﯨﻦ ﮪﻪﺗﺘﺎ ﻗﯘﺷﻼﺭﻣﯘ ﻗﯧﭽﯩﭗ ﻗﯘﺗﯘﻻﻟﻤﯩﻐﺎﻥ.

ﺗﻪﺑﯩﺌﻪﺕ ﺩﯗﻧﻴﺎﺳﯩﺪﺍ ﺑﯩﺮ ﺧﯩﻞ ﻗﯘﺵ ﺑﺎﺭ ﺑﻮﻟﯘﭖ، ﺋﯘﻧﯩﯔ ﺑﺎﺵ ﺳﯚﯕﯩﻜﯩﻨﯩﯔ ﻗﯩﻤﻤﯩﺘﻰ ﺗﻪﺧﻤﯩﻨﻪﻥ 800 ﻳﯜﺯ ﻣﯩﯔ ﺧﻪﻟﻖ ﭘﯘﻟﯩﻐﺎ ﻳﺎﺭﺍﻳﺪﯗ! ﺋﯘﻧﻰ ﻗﯩﺴﻘﯩﻐﯩﻨﻪ ﯞﺍﻗﯩﺘﺘﺎ ﺋﯩﻨﺴﺎﻧﻼﺭ ﺋﯧﭽﯩﻨﯩﺸﻠﯩﻖ ﻳﻮﻗﯩﺘﯩﭗ، ﺋﯜﭺ ﻳﯩﻠﺪﺍ ﻳﻮﻗﯩﻠﯩﺶ ﮔﯩﺮﺩﺍﺑﯩﻐﺎ ﺑﯧﺮﯨﭗ ﻗﺎﻟﻐﺎﻥ ﺗﯜﺭﺩﯨﻦ ﺋﯧﻐﯩﺮ ﻳﻮﻗﯩﻠﯩﺶ ﮔﯩﺮﺩﺍﺑﯩﻐﺎ ﺑﯧﺮﯨﭗ ﻗﺎﻟﻐﺎﻥ ﺗﯜﺭﮔﻪ ﺋﺎﻳﻼﻧﺪﯗﺭﯗﭖ ﻗﻮﻳﻐﺎﻥ. ﺑﯘ ﺧﯩﻞ ﻗﯘﺵ ﺩﻩﻝ ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺵ ﺑﻮﻟﯘﭖ، ﻗﯘﺷﻼﺭ ﺋﺎﺭﯨﺴﯩﺪﯨﻜﻰ ﻛﻪﺭﻛﯩﺪﺍﻧﻘﯘﺵ ﺋﺎﺋﯩﻠﯩﺴﯩﮕﻪ ﺗﻪﯞﻩ، ﺋﯘ ﻳﻪﻧﻪ ﺗﯧﻨﻰ ﺋﻪﯓ ﭼﻮﯓ ﻛﻪﺭﻛﯩﺪﺍﻧﻘﯘﺵ ﺑﻮﻟﯘﭖ، ﺋﯘﻧﯩﯔ ﺋﺎﺳﺘﯩﺪﺍ ﺋﯘﻧﯩﯔ ﺋﻮﺭﻧﯩﻨﻰ ﺋﺎﻟﯩﺪﯨﻐﺎﻥ ﮪﯧﭽﻘﺎﻧﺪﺍﻕ ﻛﻪﻧﺠﻰ ﺗﯜﺭ ﻳﻮﻕ، ﺷﯘﯕﺎ ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺵ ﻧﺎﮪﺎﻳﯩﺘﻰ ﺋﺎﺯ ﺋﯘﭼﺮﺍﻳﺪﯨﻐﺎﻥ ﺗﯜﺭ ﮪﯧﺴﺎﺑﻠﯩﻨﯩﺪﯗ. ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺵ ﺗﯩﺮﻭﭘﯩﻚ ﺑﻪﻟﺒﺎﻍ ﯞﻩ ﺳﯘﺑﺘﺮﻭﭘﯩﻚ ﺑﻪﻟﺒﺎﻍ ﺭﺍﻳﻮﻧﻠﯩﺮﯨﺪﯨﻜﻰ ﻛﻪﯓ ﻳﻮﭘﯘﺭﻣﺎﻗﻠﯩﻖ ﺋﻮﺭﻣﺎﻧﻠﯩﻘﻼﺭﺩﺍ ﻳﺎﺷﺎﻳﺪﯗ، ﺋﯘ ﺋﺎﺳﯩﻴﺎﻏﺎ ﺧﺎﺱ ﺗﯜﺭ ﺑﻮﻟﯘﭖ، ﺑﯩﺮﻣﺎ، ﮪﯩﻨﺪﯨﺴﺘﺎﻥ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ ﺋﯘﻧﻰ ﺋﯘﭼﺮﺍﺗﻘﯩﻠﻰ ﺑﻮﻟﯩﺪﯗ. ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺷﻨﯩﯔ ﺋﻮﺯﯗﻗﻠﯘﻗﻰ ﺋﺎﺭﯨﻼﺵ ﺑﻮﻟﯘﭖ، ﮪﻪﺭ ﺧﯩﻞ ﻣﯧﯟﻩ ﯞﻩ ﻳﺎﯞﺍ ﻛﯚﻛﺘﺎﺗﻼﺭﻏﺎ ﺗﺎﻳﯩﻨﯩﭗ ﺋﻮﺯﯗﻗﻠﯩﻨﯩﺪﯗ، ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ ﻳﻪﻧﻪ ﺋﺎﻧﺪﺍ-ﺳﺎﻧﺪﺍ ﮔﯚﺵ ﺋﯩﺴﺘﯧﻤﺎﻝ ﻗﯩﻠﯩﭗ ﺑﻪﺩﯨﻨﯩﻨﯩﯔ ﺋﺎﻗﺴﯩﻠﻐﺎ ﺑﻮﻟﻐﺎﻥ ﺋﯧﮭﺘﯩﻴﺎﺟﯩﻨﻰ ﺗﻮﻟﯘﻗﻼﻳﺪﯗ، ﺋﯘﻻﺭ ﺋﯧﺘﯩﺰ-ﺋﯧﺮﯨﻘﻼﺭﺩﺍ ﮪﺎﺷﺎﺭﺍﺕ، ﭼﺎﺷﻘﺎﻥ ﯞﻩ ﻛﯩﭽﯩﻚ ﻳﯩﻼﻧﻼﺭﻧﯩﻤﯘ ﺗﯘﺗﯘﭖ ﻳﻪﻳﺪﯗ.

ﭼﯧﻜﻪﺗﻜﻪ ﺋﺎﭘﯩﺘﻰ ﻳﯜﺯ ﺑﻪﺭﮔﻪﻥ ﭘﻪﺳﯩﻠﺪﻩ، ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺵ ﻳﻪﻧﻪ ﺋﯧﺘﯩﺰﻟﯩﻘﻘﺎ ﺗﺎﺭﻗﺎﻟﻐﺎﻥ ﭼﯧﻜﻪﺗﻜﻪ ﺗﯘﺧﯘﻣﯩﻨﻰ ﻳﻪﻳﺪﯗ ﮪﻪﻣﺪﻩ ﭼﯧﻜﻪﺗﻜﯩﻨﯩﯔ ﮔﯚﺷﻰ ﯞﻩ ﻗﯧﻨﯩﻨﻰ ﭼﻮﻗﯘﭖ ﻳﻪﻳﺪﯗ. ﺷﯘ ﺟﺎﻳﺪﯨﻜﻰ ﺩﯦﮭﻘﺎﻧﻼﺭ ﺋﯜﭼﯜﻥ ﺋﯧﻴﺘﻘﺎﻧﺪﺍ، ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺷﻨﻰ ﺑﯩﺮ ﺧﯩﻞ ﭘﺎﻳﺪﯨﻠﯩﻖ ﻗﯘﺵ ﺩﯦﻴﯩﺸﻜﻪ ﺑﻮﻟﯩﺪﯗ، ﺑﯘ ﻗﯘﺷﻨﯩﯔ ﺋﻪﯓ ﮔﻪﯞﺩﯨﻠﯩﻚ ﺋﺎﻻﮪﯩﺪﯨﻠﯩﻜﻰ ﺋﯘﻧﯩﯔ ﺑﺎﺵ ﻗﯩﺴﻤﻰ. ﺋﯘﻧﯩﯔ ﺑﺎﺵ ﺳﯚﯕﯩﻜﻰ ﺑﺎﺷﻘﺎ ﻗﯘﺷﻼﺭﻏﺎ ﺋﻮﺧﺸﯩﻤﺎﻳﺪﯗ، ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺷﻨﯩﯔ ﺑﺎﺵ ﺳﯚﯕﯩﻜﻰ ﺋﯩﻨﺘﺎﻳﯩﻦ ﻗﺎﺗﺘﯩﻖ ﺑﻮﻟﯘﭖ، ﮪﯜﻧﻪﺭﯞﻩﻧﻠﻪﺭﻧﯩﯔ ﻛﯚﯕﯜﻝ ﻗﻮﻳﯘﭖ ﺋﻮﻳﯘﺷﯩﻐﺎ ﺑﻪﺭﺩﺍﺷﻠﯩﻖ ﺑﯧﺮﻩﻟﻪﻳﺪﯗ.

ﺗﯧﺨﯩﻤﯘ ﻣﯘﮪﯩﻤﻰ ﺷﯘﻛﻰ، ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺷﻨﯩﯔ ﺑﺎﺵ ﺳﯚﯕﯩﻜﯩﻨﯩﯔ ﺋﯩﭽﻜﻰ ﻗﯩﺴﻤﻰ ﺋﯘﻳﯘﻝ ﺑﻮﻟﯘﭖ، ﺋﯧﻐﯩﺮﻟﯩﻘﻰ ﭘﯜﺗﯜﻥ ﺑﻪﺩﯨﻨﯩﻨﯩﯔ %10ﯨﻨﻰ ﺋﯩﮕﯩﻠﻪﻳﺪﯗ، ﺋﻪﮔﻪﺭ ﺑﺎﺵ ﺳﯚﯕﯩﻜﯩﻨﯩﯔ ﺋﻪﺗﺮﺍﭘﯩﺪﯨﻜﻰ ﺗﯜﻛﻠﻪﺭ ﭘﯜﺗﯜﻧﻠﻪﻱ ﺋﯧﻠﯩﯟﯦﺘﯩﻠﺴﻪ، ﺑﯘ ﺧﯘﺩﺩﻯ ﺗﯧﺨﻰ ﺋﯧﭽﯩﻠﻤﯩﻐﺎﻥ ﮔﯚﮪﻪﺭﮔﻪ ﺋﻮﺧﺸﺎﻳﺪﯗ.

ﭘﻪﻗﻪﺕ ﺑﯘ ﺑﺎﺵ ﺳﯚﯕﯩﻜﯩﻨﻰ ﺋﯩﻨﭽﯩﻜﯩﻠﯩﻚ ﺑﯩﻠﻪﻥ ﭘﺎﺭﻗﯩﺮﯨﺘﯩﺶ، ﺳﯩﻠﯩﻘﻼﺵ ﻗﺎﺗﺎﺭﻟﯩﻖ ﻛﯚﭖ ﺧﯩﻞ ﺋﯩﺶ ﺗﻪﺭﺗﯩﭙﻰ ﺑﻮﻳﯩﭽﻪ ﺑﯩﺮ ﺗﻪﺭﻩﭖ ﻗﯩﻠﻐﺎﻧﺪﯨﻼ، ﺋﺎﻧﺪﯨﻦ ﻣﯘﻛﻪﻣﻤﻪﻝ ﺑﯩﺮ ﺳﻪﻧﺌﻪﺕ ﺑﯘﻳﯘﻣﯩﻐﺎ ﺋﯧﺮﯨﺸﻜﯩﻠﻰ ﺑﻮﻟﯩﺪﯗ. ﺑﺎﺵ ﺳﯚﯕﯩﻜﯩﻨﯩﯔ ﺧﯘﺳﯘﺳﯩﻴﯩﺘﻰ ﺋﺎﻻﮪﯩﺪﻩ ﺑﻮﻟﻐﺎﭼﻘﺎ، ﺋﯘﻧﯩﯖﺪﺍ ﻣﯘﺭﻩﻛﻜﻪﭖ ﮔﯜﻝ ﻧﯘﺳﺨﯩﻠﯩﺮﯨﻨﯩﻤﯘ ﺋﻮﻳﻐﯩﻠﻰ ﺑﻮﻟﯩﺪﯗ. ﻛﯩﺸﯩﻠﻪﺭ ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺷﻨﯩﯔ ﺑﯧﺸﯩﺪﯨﻦ ﭘﺎﻳﺪﯨﻠﯩﻨﯩﭗ ﻧﻪﭘﯩﺲ ﺭﻭﻣﻜﺎ ﻳﺎﺳﺎﻳﺪﯗ، ﮪﯜﻧﻪﺭ-ﺳﻪﻧﺌﻪﺕ ﺑﯘﻳﯘﻣﻠﯩﺮﯨﻨﻰ ﺗﺎﻣﺎﺷﺎ ﻗﯩﻠﯩﺸﻘﺎ ﺋﯩﺸﻠﯩﺘﯩﺪﯗ، ﺑﺎﮪﺎﺳﯩﻤﯘ ﻧﺎﮪﺎﻳﯩﺘﻰ ﻳﯘﻗﯩﺮﻯ ﺑﻮﻟﯩﺪﯗ. ﻳﺎﯞﺭﻭﭘﺎﻟﯩﻘﻼﺭﻧﯩﯔ ﺋﺎﭼﻜﯚﺯﻟﯜﻛﻰ ﮪﻪﻣﻤﯩﮕﻪ ﺋﺎﻳﺎﻥ، ﺋﯘﻻﺭ ﺑﯘ ﺧﯩﻞ ﻧﻪﭘﯩﺲ ﮪﯜﻧﻪﺭ-ﺳﻪﻧﺌﻪﺕ ﺑﯘﻳﯘﻣﻠﯩﺮﯨﻨﻰ ﻛﯚﺭﮔﻪﻧﺪﯨﻦ ﻛﯧﻴﯩﻦ، ﺷﻪﺭﻗﯩﻲ ﺟﻪﻧﯘﺑﯩﻲ ﺋﺎﺳﯩﻴﺎ ﺧﻪﻟﻘﯩﻨﯩﯔ ﻧﻪﺯﯨﺮﯨﮕﻪ ﻗﺎﻧﺎﺋﻪﺕ ﻗﯩﻠﻤﺎﻱ، ﺋﻪﻛﺴﯩﭽﻪ ﮪﯩﻨﺪﯨﺴﺘﺎﻥ ﻗﺎﺗﺎﺭﻟﯩﻖ ﺟﺎﻳﻼﺭﻧﻰ ﻣﯘﺳﺘﻪﻣﻠﯩﻜﻪ ﻗﯩﻠﯩﭗ، ﺋﯚﺯﻟﯩﺮﻯ ﻗﻮﻟﻐﺎ ﺋﯧﻠﯩﺸﻘﺎ ﺑﺎﺷﻠﯩﻐﺎﻥ. ﺋﯘﻧﯩﯔ ﺋﯜﺳﺘﯩﮕﻪ ﻳﺎﯞﺭﻭﭘﺎ ﻣﯘﺳﺘﻪﻣﻠﯩﻜﯩﭽﯩﻠﯩﺮﻯ ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺷﻨﻰ ﻗﺎﻻﻳﻤﯩﻘﺎﻥ ﺗﯘﺗﯘﭖ ﺋﯚﻟﺘﯜﺭﮔﻪﭼﻜﻪ، ﺋﯘﻻﺭﻧﯩﯔ ﺳﺎﻧﯩﻤﯘ ﻳﻮﻗﯩﻠﯩﺶ ﮔﯩﺮﺩﺍﺑﯩﻐﺎ ﺑﯧﺮﯨﭗ ﻗﺎﻟﺪﻯ.

21-ﺋﻪﺳﯩﺮﮔﻪ ﻛﯩﺮﮔﻪﻧﺪﯨﻦ ﻛﯧﻴﯩﻦ، ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺷﻨﯩﯔ ﺳﺎﻧﻰ ﺋﯩﻨﺘﺎﻳﯩﻦ ﺋﺎﺯ ﺑﻮﻟﻐﺎﻧﻠﯩﻘﺘﯩﻦ، «ﺩﯗﻧﻴﺎ ﺗﻪﺑﯩﺌﻪﺗﻨﻰ ﻗﻮﻏﺪﺍﺵ ﺋﯩﺘﺘﯩﭙﺎﻗﻰ»ﻧﯩﯔ ﺋﯧﻐﯩﺮ ﺧﻪﯞﭖ-ﺧﻪﺗﻪﺭ ﺗﯩﺰﯨﻤﻠﯩﻜﯩﮕﻪ، «ﯞﺍﺷﯩﻨﮕﺘﻮﻥ ﺋﻪﮪﺪﯨﻨﺎﻣﯩﺴﻰ»ﻧﯩﯔ 1-ﺩﻩﺭﯨﺠﯩﻠﯩﻚ ﻗﻮﻏﺪﯨﻠﯩﺪﯨﻐﺎﻥ ﮪﺎﻳﯟﺍﻧﻼﺭ ﺗﯩﺰﯨﻤﻠﯩﻜﯩﮕﻪ ﻛﯩﺮﮔﯜﺯﯛﻟﮕﻪﻥ.

ﺩﯗﻧﻴﺎ ﺑﻮﻳﯩﭽﻪ ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺷﻨﯩﯔ ﮪﯜﻧﻪﺭ-ﺳﻪﻧﺌﻪﺕ ﺑﯘﻳﯘﻣﻠﯩﺮﯨﻨﻰ ﻗﺎﺗﺘﯩﻖ ﻛﻮﻧﺘﺮﻭﻝ ﻗﯩﻠﯩﺸﻘﺎ ﺋﻪﮔﯩﺸﯩﭗ، ﻗﺎﺭﺍﯕﻐﯘ ﺑﺎﺯﺍﺭﺩﺍ ﺋﻮﺑﻮﺭﻭﺕ ﻗﯩﻠﯩﻨﯩﺪﯨﻐﺎﻧﻼﺭﻣﯘ ﺑﺎﺭﻏﺎﻧﺴﯧﺮﻯ ﺋﺎﺯﻻﭖ ﻛﻪﺗﺘﻰ، ﺋﯩﻠﮕﯩﺮﻯ ﻛﯩﻤﺌﺎﺭﺗﯘﻕ ﻗﯩﻠﯩﭗ ﺳﯧﺘﯩﺶ ﻳﯩﻐﯩﻨﯩﺪﺍ، ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺷﻨﯩﯔ ﮪﯜﻧﻪﺭ-ﺳﻪﻧﺌﻪﺕ ﺑﯘﻳﯘﻣﻠﯩﺮﻯ 800 ﻣﯩﯔ ﻳﯜﻩﻧﮕﻪ ﺳﯧﺘﯩﻠﻐﺎﻥ ﺑﻮﻟﯘﭖ، ﺑﯘ ﭘﯘﻝ ﻗﺎﺭﺍﯕﻐﯘ ﺑﺎﺯﺍﺭﺩﯨﻜﻰ ﭘﯩﻞ ﭼﯩﺸﻰ ﺑﺎﮪﺎﺳﯩﻨﯩﯔ ﺋﯜﭺ ﮪﻪﺳﺴﯩﺴﯩﮕﻪ ﺑﺎﺭﺍﯞﻩﺭ ﺋﯩﺪﻯ. ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺵ ﮪﯜﻧﻪﺭ-ﺳﻪﻧﺌﻪﺕ ﺑﯘﻳﯘﻣﻠﯩﺮﯨﻨﻰ ﻳﺎﺳﯩﻐﺎﻧﺪﺍ، ﻗﯘﺭﺍﻣﯩﻐﺎ ﻳﻪﺗﻜﻪﻥ ﺋﻪﺭﻛﻪﻙ ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺷﻨﯩﯔ ﺑﯧﺸﻰ ﺋﻪﯓ ﻳﺎﺧﺸﻰ ﺑﻮﻟﯩﺪﯗ، ﭼﯜﻧﻜﻰ ﺋﯘﻧﯩﯔ ﺑﯧﺸﻰ ﺋﻪﯓ ﭼﻮﯓ، ﺋﻪﯓ ﻗﺎﺗﺘﯩﻖ ﺑﻮﻟﯘﭖ، ﺳﯧﺘﯩﻠﯩﺶ ﺑﺎﮪﺎﺳﯩﻤﯘ ﺋﻪﯓ ﻗﯩﻤﻤﻪﺕ ﺑﻮﻟﯩﺪﯗ.

ﻟﯧﻜﯩﻦ ﺳﯩﺰ ﺑﯩﻠﻪﻣﺴﯩﺰ؟ ﺋﻪﮔﻪﺭ ﺑﯩﺮ ﺋﺎﺋﯩﻠﯩﺴﻰ ﺑﺎﺭ ﺋﻪﺭﻛﻪﻙ ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺷﻨﻰ ﺋﻮﯞﻟﯩﺴﺎ، ﺋﯘﻧﺪﺍﻗﺘﺎ ﭘﯜﺗﯜﻥ ﺋﺎﺋﯩﻠﻪ ﭘﯧﺸﻜﻪﻟﻠﯩﻜﻜﻪ ﺋﯘﭼﺮﺍﻳﺪﯗ.

ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺷﻨﯩﯔ ﺋﻪﯞﻻﺩ ﻗﺎﻟﺪﯗﺭﯗﺷﺘﺎ ﻣﯘﻧﺪﺍﻕ ﺑﯩﺮ ﺋﺎﺩﯨﺘﻰ ﺑﺎﺭ: ﺋﯘﻻﺭ ﭼﺎﯕﮕﯩﺴﯩﻨﻰ ﺋﯧﮕﯩﺰ ﻗﯩﻴﺎﻧﯩﯔ ﮔﯩﺮﯞﯨﻜﯩﮕﻪ ﻳﺎﺳﺎﻳﺪﯗ، ﭼﯩﺸﻰ ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺵ ﺋﻪﯞﻻﺩ ﻗﺎﻟﺪﯗﺭﻏﺎﻧﺪﯨﻦ ﻛﯧﻴﯩﻦ، ﺋﻪﺭﻛﯩﻜﻰ ﺗﻪﺭﻩﭖ-ﺗﻪﺭﻩﭘﺘﯩﻦ ﺗﻮﭘﺎ، ﺩﻩﺭﻩﺥ ﺷﺎﺧﻠﯩﺮﯨﻨﻰ ﺋﯩﺰﺩﻩﭖ ﭼﯩﺸﻰ ﻛﻪﺭﻛﯩﺪﺍﻧﻐﺎ ﻳﺎﺭﺩﻩﻡ ﺑﯧﺮﯨﺪﯗ، ﺋﻪﺭﻛﯩﻜﻰ ﺋﯘﯞﯨﺴﯩﻨﻰ ﭘﯧﭽﻪﺗﻠﻪﭖ، ﭘﻪﻗﻪﺕ ﺑﯩﺮ ﻛﯩﭽﯩﻚ ﺗﯚﺷﯜﻙ ﻗﺎﻟﺪﯗﺭﯗﭖ، ﻳﯧﻤﻪﻛﻠﯩﻚ ﻳﯧﻴﯩﺶ ﯞﻩ ﻣﻪﻳﻨﻪﺕ ﻧﻪﺭﺳﯩﻠﻪﺭﻧﻰ ﭼﯩﻘﯩﺮﯨﯟﯦﺘﯩﺸﻜﻪ ﺋﯩﺸﻠﯩﺘﯩﺪﯗ.

ﭘﯜﺗﻜﯜﻝ ﻗﺎﻣﺎﻝ ﻗﯩﻠﯩﺶ ﺟﻪﺭﻳﺎﻧﻰ ﺑﯩﺮ ﻧﻪﭼﭽﻪ ﺋﺎﻱ ﺩﺍﯞﺍﻣﻠﯩﺸﯩﺪﯗ، ﺗﺎﻛﻰ ﺑﺎﻟﯩﻠﯩﺮﻯ ﺗﻮﻟﯘﻕ ﭘﯩﺸﯩﭗ ﻳﯧﺘﯩﻠﮕﻪﻧﺪﻩ، ﺋﻪﺭﻛﻪﻙ ﭼﯩﺸﻰ ﻗﯘﺵ ﭼﺎﯕﮕﯩﺴﯩﻨﻰ ﻳﯧﺮﯨﭗ ﭼﯩﻘﯩﺸﻘﺎ ﻳﺎﺭﺩﻩﻡ ﺑﯧﺮﯨﺪﯗ.

ﺑﯘ ﻣﻪﺯﮔﯩﻠﺪﻩ ﺑﯩﺮ ﺋﺎﺋﯩﻠﻪ ﻛﯩﺸﯩﻠﯩﺮﯨﻨﯩﯔ ﻳﯧﻤﻪﻙ-ﺋﯩﭽﻤﯩﻜﻰ، ﻳﯧﺘﯩﭗ-ﻗﻮﭘﯘﺷﯩﻨﻰ ﺋﻪﺭﻛﻪﻙ ﻗﯘﺵ ﺋﯜﺳﺘﯩﮕﻪ ﺋﺎﻟﯩﺪﯗ، ﺋﯘ ﻳﯧﻤﻪﻛﻠﯩﻚ ﯞﻩ ﺳﯘﻧﻰ ﺋﺎﻟﺪﯨﻦ ﻗﺎﻟﺪﯗﺭﯗﻟﻐﺎﻥ ﻛﯩﭽﯩﻚ ﺗﯚﺷﯜﻛﭽﯩﻠﻪﺭ ﺋﺎﺭﻗﯩﻠﯩﻖ ﭼﯩﺸﻰ ﻗﯘﺵ ﯞﻩ ﺑﺎﻻ ﻗﯘﺷﻘﺎ ﺑﯧﺮﯨﺪﯗ. ﺋﻪﮔﻪﺭ ﺋﻪﺭﻛﻪﻙ ﻗﯘﺵ ﺋﻮﯞﻻﻧﺴﺎ، ﺋﯘﻧﯩﯔ ﺋﯩﭽﯩﮕﻪ ﻗﺎﭘﺴﯩﻠﯩﭗ ﻗﺎﻟﻐﺎﻥ ﭼﯩﺸﻰ ﻗﯘﺵ ﭘﻪﻗﻪﺕ ﺋﺎﭼﻠﯩﻘﺘﯩﻦ ﺋﯚﻟﯜﭖ ﻛﯧﺘﯩﺶ ﺧﻪﯞﭘﯩﮕﻪ ﺩﯗﭺ ﻛﯧﻠﯩﺪﯗ.

ﺑﻪﻟﻜﯩﻢ ﻛﯩﺸﯩﻠﻪﺭ ﭼﯩﺸﻰ ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺵ ﺋﯘﯞﯨﺴﯩﻨﻰ ﺋﯚﺯﻯ ﺋﺎﭼﺎﻟﻤﺎﻣﺪﯗ ﺩﻩﭖ ﺳﻮﺭﯨﺸﻰ ﻣﯘﻣﻜﯩﻦ.

ﺑﯩﺮﯨﻨﭽﯩﺪﯨﻦ، ﭼﯩﺸﻰ ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺷﻨﯩﯔ ﺋﯩﻘﺘﯩﺪﺍﺭﯨﻐﺎ ﺗﺎﻳﯩﻨﯩﭗ، ﺋﯘﻧﻰ ﻳﺎﻟﻐﯘﺯ ﻳﯧﺮﯨﺶ ﻧﺎﮪﺎﻳﯩﺘﻰ ﺗﻪﺱ.

ﺋﯩﻜﻜﯩﻨﭽﯩﺪﯨﻦ، ﺋﯘﻻﺭ ﺋﯘﺯﺍﻕ ﺗﻪﺩﺭﯨﺠﯩﻲ ﺗﻪﺭﻩﻗﻘﯩﻴﺎﺕ ﺟﻪﺭﻳﺎﻧﯩﺪﺍ ﺑﯘﻧﺪﺍﻕ ﺗﯘﺭﻣﯘﺵ ﺋﯘﺳﯘﻟﯩﻐﺎ ﻛﯚﻧﯜﭖ ﻗﺎﻟﻐﺎﻥ، ﺋﯘﻻﺭﻏﺎ ﻧﯩﺴﺒﻪﺗﻪﻥ ﺋﻪﮔﻪﺭ ﺋﻪﺭﻛﻪﻙ ﻗﯘﺷﻨﯩﯔ ﻳﻪﻡ-ﺧﻪﺷﯩﻜﻰ ﺑﻮﻟﻤﯩﻐﺎﻥ ﺑﻮﻟﺴﺎ، ﻛﯧﻴﯩﻨﻜﻰ ﻗﻪﺩﻩﻣﺪﯨﻜﻰ ﮪﻪﺭﯨﻜﻪﺗﻨﻰ ﻗﺎﻧﺎﺕ ﻳﺎﻳﺪﯗﺭﺍﻟﻤﯩﻐﺎﻥ ﺑﻮﻻﺗﺘﻰ.

ﺋﻪﯓ ﺋﺎﺧﯩﺮﯨﺪﺍ، ﻳﯧﺮﯨﭗ ﭼﯩﻘﻘﺎﻥ ﺑﯩﻠﻪﻧﻤﯘ، ﺑﯩﺮ ﭼﯩﺸﻰ ﻗﯘﺷﻨﯩﯔ ﺑﺎﻟﯩﺴﯩﻨﻰ ﺑﯧﻘﯩﺸﻰ ﺗﻪﺳﻜﻪ ﺗﻮﺧﺘﺎﻳﺪﯗ، ﺗﯧﺨﻰ ﺗﻮﻟﯘﻕ ﻳﯧﺘﯩﻠﻤﯩﮕﻪﻥ ﺑﺎﻟﯩﺴﻰ ﺳﯩﺮﺗﻘﻰ ﻣﯘﮪﯩﺘﻘﺎ ﻣﺎﺳﻠﯩﺸﺎﻟﻤﺎﻳﺪﯗ. ﻗﯘﺷﻼﺭﻧﯩﯔ ﻛﯚﭘﯩﻨﭽﯩﺴﯩﺪﻩ «ﺑﯩﺮ ﺋﻪﺭ ﺑﯩﺮ ﺧﻮﺗﯘﻧﻠﯘﻕ» ﺑﻮﻟﯘﺵ ﺗﯜﺯﯛﻣﻰ «ﻳﻮﻟﻐﺎ ﻗﻮﻳﯘﻟﻐﺎﻥ» ﺑﻮﻟﯘﭖ، ﺑﯘﻧﯩﯖﺪﯨﻜﻰ ﻣﻪﻗﺴﻪﺕ ﺋﻪﺭﻛﻪﻙ-ﭼﯩﺸﻰ ﺋﯩﻜﻜﻰ ﺗﻪﺭﻩﭘﻨﯩﯔ ﺋﻪﯞﻻﺩﻟﯩﺮﯨﻨﻰ ﺑﯩﺮﻟﯩﻜﺘﻪ ﺑﯧﻘﯩﺸﯩﻐﺎ ﻳﻮﻝ ﻗﻮﻳﯘﺷﺘﯩﻦ ﺋﯩﺒﺎﺭﻩﺕ، ﻳﺎﻟﻐﯘﺯ ﺑﯩﺮ ﺗﻪﺭﻩﭘﻨﯩﯔ ﺑﯧﻘﯩﺶ ﺟﺎﭘﺎﺳﻰ ﻧﺎﮪﺎﻳﯩﺘﻰ ﻳﯘﻗﯩﺮﻯ ﺑﻮﻟﯘﭖ، ﺋﻪﯞﻻﺩﻟﯩﺮﯨﻨﯩﯔ ﻳﺎﺷﯩﺸﯩﻐﺎ ﭘﺎﻳﺪﯨﺴﯩﺰ.

ﺋﻪﻳﻨﻰ ﭼﺎﻏﺪﺍ ﻛﯩﺸﯩﻠﻪﺭ ﮪﻪﻣﻤﯩﻼ ﻳﻪﺭﺩﻩ ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺷﻨﻰ ﺋﻮﯞﻟﯩﻐﺎﻥ، ﺋﻪﻣﻤﺎ ﺋﯘﻻﺭﻧﯩﯔ ﻳﺎﺷﺎﺵ ﺋﺎﺩﯨﺘﯩﻨﻰ ﺋﯘﻧﺘﯘﭖ ﻗﺎﻟﻐﺎﻥ، ﺑﯘﻣﯘ ﻗﺎﻟﭙﺎﻗﻠﯩﻖ ﻛﻪﺭﻛﯩﺪﺍﻧﻘﯘﺷﻨﯩﯔ ﺋﯧﻐﯩﺮ ﺧﻪﯞﭘﻜﻪ ﺋﯘﭼﺮﯨﺸﯩﺪﯨﻜﻰ ﻣﯘﮪﯩﻢ ﺳﻪﯞﻩﺏ.

ﺳﻮﺩﺍ-ﺳﯧﺘﯩﻖ ﺑﻮﻟﻤﯩﺴﺎ ﺯﯨﻴﺎﻥ-ﺯﻩﺧﻤﻪﺕ ﺑﻮﻟﻤﺎﻳﺪﯗ، ﭘﻪﻗﻪﺕ ﻛﯚﭘﭽﯩﻠﯩﻚ ﻗﺎﻧﯘﻧﺴﯩﺰ ﻗﯩﻤﻤﻪﺕ ﺑﺎﮪﺎﻟﯩﻖ ﺳﻪﻧﺌﻪﺕ ﺑﯘﻳﯘﻣﻠﯩﺮﯨﻨﻰ ﺳﯧﺘﯩﯟﺍﻟﻤﯩﺴﯩﻼ، ﺋﻮﯞﭼﯩﻼﺭ ﺋﻮﯞ ﺋﻮﯞﻻﺷﻨﻰ ﺧﺎﻟﯩﻤﺎﻳﺪﯗ. ﺷﯘﯕﺎ، ﻳﺎﯞﺍﻳﻰ ﮪﺎﻳﯟﺍﻧﻼﺭﻧﻰ ﻗﻮﻏﺪﺍﺵ ﺟﻪﮪﻪﺗﺘﻪ، ﮪﻪﻣﻤﻪ ﺋﺎﺩﻩﻡ ﺗﻪﯓ ﮪﻪﺭﯨﻜﻪﺗﻜﻪ ﻛﯧﻠﯩﺸﻰ ﻛﯧﺮﻩﻙ.