ئۇيقۇسىزلىقنىڭ سەۋەبى ناھايتى كۆپ بولۇپ ، يىغىنچاقلىغاندا
مېڭىگە زىيادە قۇرۇقلۇقنىڭ يېتىشى ، ئۇنىڭدىن باشقا ئۆتكۈر ۋە سوزۇلما خارەكتىرلىك كېسەللىكلەرنىڭ تەسىرىدىن كېلىپ چىقىدۇ . كېچىنى كۆز يۇمماي ئۆتكۈزۈش ياكى كۆز يۇمۇش بىلەن غەيرىي چۈش كۆرۈش ، 1-3 سائەتنى ئۇخلاش بىلەن ئۆتكۈزۈپ ، بىر كېچە كۈندۈزنى ئۇيقۇسىراش بىلەن ئۆتكۈزۈش بۇ كېسەللىكنىڭ مۇھىم ئالامىتى ھېساپلىنىدۇ .
ئۇنى داۋالاشنىڭ ئۇسۇللىرى تۆۋەندىكىچە : -
ھەر قېتىم ئۇخلاشتىن بىر سائەت ئىلگىرى يەتتە دانە سوقا چىلاننى ئۇرۇقچىسى بىلەن بىرگە ئىستېمال قىلسا شىپا بولىدۇ .
كۈندە كەچ يېتىشنىڭ ئالدىدا تىزنىڭ تۆۋەنكى قىسمىنى ئىلمان سۇغا 5-15 مىنۇتقىچە چىلاپ يۇيۇپ بەرسە شىپا بولىدۇ .
يېڭى لىموننى پۇرىسا ئۇيقۇ كەلتۈرىدۇ ، روھنى قوزغىتىپ ، يۈرەكنى شادلاندۇرىدۇ .
يۇمغاقسۈت كۆكىنى چىڭ سىقىپ ، سۈيىگە مەلۇم مىقداردا شېكەر ئارىلاشتۇرۇپ ئىستېمال قىلسا ، ئۇيقۇنى ياخشىلايدۇ .
كۈندە كەچ ئۇخلاشتىن يېرىم سائەت ئىلگىرى بىر ئىستاكان سۇۋۇتۇلغان قايناق سۇغا بىر قوشۇق ئاچچىقسۇنى ئارىلاشتۇرۇپ ئىچىۋەتسە، ئۇيقۇنى ياخشىلايدۇ .
بالىلارنىڭ ئۇيقۇسى ئازلاپ كەتسە ، قوينىڭ قۇيرۇق يېغىنى بالىنىڭ ساغرىسى ، غولى ، يىرىقلىرى ۋە ئۈگىلىرىگە سۈركەپ بەرسە ياخشى ئۇخلايدۇ .
كاللەكبەسەينى سىقىپ سۈيىنى چىقىرىپ ، بۇرنىغا تېمىتىپ بەرسە ، ئۇيقۇ كەلتۈرىدۇ.
تەرخەمەكنى پۇراپ بەرسە ياكى پوستىنى سويۇپ پېشانىگە قويۇپ بەرسە ، ئۇيقۇ كەلتۈرىدۇ .
ئۇيقۇسىزلىق كېسىلىگە گىرىپتار بولغان كىشىلەر بىر تال سۇڭپىيازنى ئاقلاپ بىر نەچچە پارچە قىلىپ ، ئۇخلاشتىن ئىلگىرى ياستۇقنىڭ يېنىغا قويۇپ قويسا ، تېزلا ئۇخلاپ قالىدۇ .
چەكلىك تاماققا كۆپ مىقداردا پىياز قوشۇپ ئىستېمال قىلسا ، نېرۋا ۋە بەدەننىڭ چارچىغانلىقىنى يوقىتىپ ، ئۇيقۇنى ياخشىلايدۇ .
