欢迎关注微信公众
རྟོགས་སོང་།
ཨ་ཐུགས་ནས།
འདས་ཟིན་པའི་ལོ་ཟླའི་ནང་ན
ནམ་ཡང་དྲན་ངོས་སུ་ཤར་བ་ནི
ཨ་ཁུ་ཆོས་རྒྱལ་གྱི་མདུན་དུ་ཁྲིད་པའི་ནད་ངན་དེ་རེད
དུས་དེ་ནས་
ངེད་ཕ་མ་ཡི་བྱམས་སྐྱོང
སྤུན་ཆེན་གྱི་བརྩེ་བ
གྲོགས་པོ་ཡི་ལྷག་བསམ
ཚེ་གྲོགས་ཀྱི་སེམས་ཁུར
ཡོད་ཚད་ཀྱི་ཡོད་ཚད་དེ་ནས་རྟོགས་སོང
ད་དུང་
སྟོང་ལྷང་གི་ཨར་ཁང་གྲུ་བཞིའི་ནང་ན
བརྩེ་བ་ཆེ་བའི་སྨྱོན་གྲོགས་མང་པོ
སྙིང་སྟོབས་ལྡན་པའི་སྨྱོན་གཏམ་དུ་མ
སྙིང་པོ་མེད་པའི་དམ་བཅའ་འབེལ་པོ
འཇིག་རྟེན་གཞན་ཞིག་གི་འཚོ་བའང་དེ་ནས་རྟོགས་སོང
ཀྱེ་མ
ཁྱེད་ཀྱང་མི་འདུག
ཁོང་ཡང་མ་རིག་
རང་ཉིད་ཀྱི་སེམས་པའང་སྟོང་ལྷང་ལྷང
དེ་དུས་ལག་ཟུང་སྙིང་ཁར་སྦྱར་ནས་བསྒོམ་རྒྱུ་བླ་མ་དཀོན་མཆོག་ཡིན་པའང་གཞི་ནས་རྟོགས་སོང་།།
