1. ﮪﯩﻨﺪﯨﺴﺘﺎﻥ ﺋﺎﻧﺪﺍﻣﺎﻥ ﺗﺎﻗﯩﻢ ﺋﺎﺭﺍﻟﻠﯩﺮﯨﺪﯨﻜﻰ ﺷﯩﻤﺎﻟﯩﻲ ﻗﺎﺭﺍﯞﯗﻟﺨﺎﻧﺎ ﺋﺎﺭﯨﻠﻰ. ﺑﯘ ﺋﺎﺭﺍﻝ ﺑﯧﻨﮕﺎﻝ ﻗﻮﻟﺘﯘﻗﯩﻐﺎ ﺟﺎﻳﻼﺷﻘﺎﻥ ﺑﻮﻟﯘﭖ، ﺑﯜﻙ-ﺑﺎﺭﺍﻗﺴﺎﻥ ﺋﻮﺭﻣﺎﻧﻠﯩﻖ ﺑﯩﻠﻪﻥ ﻗﺎﭘﻼﻧﻐﺎﻥ ﻛﯩﭽﯩﻜﻜﯩﻨﻪ ﺑﯩﺮ ﺋﺎﺭﺍﻝ، ﻣﻪﺯﻛﯘﺭ ﺋﺎﺭﺍﻝ ﭘﯜﺗﯜﻧﻠﻪﻱ ﻣﺎﺭﺟﺎﻥ ﺧﺎﺩﺍ ﺗﺎﺷﻠﯩﺮﻯ ﺑﯩﻠﻪﻥ ﺋﻮﺭﯨﻠﯩﭗ ﺗﯘﺭﻏﺎﭼﻘﺎ، ﻛﯧﻤﻪ-ﭘﺎﺭﺍﺧﻮﺗﻼﺭﻧﯩﯔ ﻳﯧﻘﯩﻨﻠﯩﺸﯩﺸﻰ ﻧﺎﮪﺎﻳﯩﺘﯩﻤﯘ ﺗﻪﺱ. ﺋﻪﯓ ﻗﻮﺭﻗﯘﻧﭽﻠﯘﻗﻰ ﺷﯘﻛﻰ، ﺷﯩﻤﺎﻟﯩﻲ ﻗﺎﺭﺍﯞﯗﻟﺨﺎﻧﺎ ﺋﺎﺭﯨﻠﯩﺪﺍ ﺳﯧﻨﺘﯩﻨﻪﻝ ﺩﻩﭖ ﺋﺎﺗﯩﻠﯩﺪﯨﻐﺎﻥ ﺑﯩﺮ ﺋﯩﭙﺘﯩﺪﺍﺋﯩﻲ ﻗﻪﺑﯩﻠﻪ ﻳﺎﺷﺎﻳﺪﯗ، ﺋﯘﻻﺭ ﺳﯩﺮﺗﻘﻰ ﺩﯗﻧﻴﺎ ﺑﯩﻠﻪﻥ ﮪﻪﺭ ﻗﺎﻧﺪﺍﻕ ﺷﻪﻛﯩﻠﺪﻩ ﺋﺎﻻﻗﻪ ﻗﯩﻠﯩﺸﻨﻰ ﺭﻩﺕ ﻗﯩﻠﯩﺪﯗ. ﺋﯧﻴﺘﯩﺸﻼﺭﻏﺎ ﻗﺎﺭﯨﻐﺎﻧﺪﺍ ﺋﯩﻠﮕﯩﺮﻯ ﮪﯩﻨﺪﯨﺴﺘﺎﻥ ﭼﻮﯓ ﻗﯘﺭﯗﻗﻠﯘﻗﯩﺪﯨﻦ ﺋﯩﻜﻜﻰ ﺑﯧﻠﯩﻘﭽﻰ ﺋﯘﻗﯘﺷﻤﺎﻱ ﺑﯘ ﺋﺎﺭﺍﻟﻐﺎ ﭼﯩﻘﯩﭗ ﻗﺎﻟﻐﺎﻧﺪﺍ، ﺋﺎﺭﺍﻟﺪﯨﻜﻰ ﺳﯧﻨﺘﯩﻨﻪﻝ ﻗﻪﺑﯩﻠﯩﺴﻰ ﻛﯩﺸﯩﻠﯩﺮﻯ ﺑﯘ ﺋﯩﻜﻜﯩﻴﻠﻪﻧﻨﻰ ﺋﯘﺭﯗﭖ ﺋﯚﻟﺘﯜﺭﯛﯞﻩﺗﻜﻪﻥ. ﮪﻪﺗﺘﺎ ﮪﯩﻨﺪﯨﺴﺘﺎﻧﻨﯩﯔ ﻳﻪﺭﻟﯩﻚ ﮪﯚﻛﯜﻣﯩﺘﯩﻨﯩﯔ ﺋﺎﺭﺍﻟﻨﻰ ﻛﯚﺯﯨﺘﯩﺶ ﺋﯜﭼﯜﻥ ﺋﻪﯞﻩﺗﻜﻪﻥ ﮪﻪﺭﺑﯩﻲ ﺗﯩﻚ ﺋﯘﭼﺎﺭ ﺋﺎﻳﺮﻭﭘﯩﻼﻧﻠﯩﺮﯨﻤﯘ ﺑﯘ ﻗﻪﺑﯩﻠﻪ ﻛﯩﺸﯩﻠﯩﺮﯨﻨﯩﯔ ﺗﺎﺵ ﯞﻩ ﺋﯘﭼﺎﺭ ﻧﻪﻳﺰﻩ ﮪﯘﺟﯘﻣﯩﻐﺎ ﺋﯘﭼﺮﺍﻳﺪﯗ. ﺷﯘﯕﻼﺷﻘﺎ، ﺑﯩﺨﻪﺗﻪﺭﻟﯩﻚ ﺋﯜﭼﯜﻥ ﻳﻪﺭﻟﯩﻚ ﮪﯚﻛﯜﻣﻪﺕ ﮪﻪﺭ ﻗﺎﻧﺪﺍﻕ ﺳﺎﻳﺎﮪﻪﺗﭽﯩﻨﯩﯔ ﺑﯘ ﺋﺎﺭﺍﻟﻐﺎ ﻳﯧﻘﯩﻨﻠﯩﺸﯩﺸﯩﻨﻰ ﻗﺎﺗﺘﯩﻖ ﭼﻪﻛﻠﻪﻳﺪﯗ.
2. ﺑﯩﺮﺍﺯﯨﻠﯩﻴﻪﺩﯨﻜﻰ ﻛﯘﯞﯦﻴﻤﺎﺩﺍ ﺋﺎﺭﯨﻠﻰ. ﺑﯘ ﺋﺎﺭﺍﻝ ﻳﻪﻧﻪ «ﻳﯩﻼﻥ ﺋﺎﺭﯨﻠﻰ» ﺩﻩﭘﻤﯘ ﺋﺎﺗﯩﻠﯩﺪﯨﻐﺎﻥ ﺑﻮﻟﯘﭖ، ﺑﯩﺮﺍﺯﯨﻠﯩﻴﻪﺩﯨﻜﻰ ﺋﻪﯓ ﻗﻮﺭﻗﯘﻧﭽﻠﯘﻕ ﺑﯘ ﺋﺎﺭﺍﻟﺪﺍ ﺩﯗﻧﻴﺎ ﺑﻮﻳﯩﭽﻪ ﺋﻪﯓ ﺧﻪﺗﻪﺭﻟﯩﻚ، ﺯﻩﮪﯩﺮﻯ ﺋﻪﯓ ﺋﯚﺗﻜﯜﺭ ﻳﯩﻼﻥ «ﻧﻪﻳﺰﯨﺒﺎﺵ ﭼﺎﺭ ﻳﯩﻼﻥ» ﻧﺎﮪﺎﻳﯩﺘﻰ ﻛﯚﭖ.
ﺑﯘ ﻳﯩﻼﻥ ﻧﯚﯞﻩﺗﺘﻪ ﺩﯗﻧﻴﺎﺩﯨﻜﻰ ﺋﻪﯓ ﺯﻩﮪﻪﺭﻟﯩﻚ ﻳﯩﻼﻥ ﺩﻩﭖ ﻗﺎﺭﯨﻠﯩﺪﯗ. ﺋﺎﺭﺍﻟﺪﯨﻜﻰ ﺋﯧﻜﻮﻟﻮﮔﯩﻴﻪ ﺳﯩﺴﺘﯧﻤﯩﺴﯩﻐﺎ ﺋﺎﺳﺎﺳﻪﻥ ﺋﯘ ﺑﺎﺷﻘﺎ ﻳﯩﻼﻧﻼﺭﻏﺎ ﺋﻮﺧﺸﺎﺵ ﺳﯜﺕ ﺋﻪﻣﮕﯜﭼﻰ ﻛﯩﭽﯩﻚ ﮪﺎﻳﯟﺍﻧﻼﺭﻧﻰ ﺋﻪﻣﻪﺱ، ﺑﻪﻟﻜﻰ ﺋﯘﭼﺎﺭ ﻗﯘﺷﻼﺭﻧﻰ ﺗﯘﺗﯘﭖ ﻳﻪﻳﺪﯗ، ﺷﯘﯕﻼﺷﻘﺎ ﺋﯘﻧﯩﯔ ﺯﻩﮪﯩﺮﯨﻤﯘ ﺗﻪﺭﻩﻗﻘﯩﻲ ﻗﯩﻠﯩﭗ ﺋﺎﺩﻩﺗﺘﯩﻜﻰ ﺯﻩﮪﻪﺭﻟﯩﻚ ﻳﯩﻼﻧﻼﺭﻧﯩﯔ ﺯﻩﮪﯩﺮﯨﺪﯨﻦ ﺑﻪﺵ ﮪﻪﺳﺴﻪ ﻛﯜﭼﯩﻴﯩﭗ ﻛﻪﺗﻜﻪﻥ، ﺋﯘ ﭼﯧﻘﯩﯟﺍﻟﻐﺎﻥ ﮪﻪﺭ ﻗﺎﻧﺪﺍﻕ ﺟﺎﻧﻠﯩﻖ ﻏﯩﯔ ﻗﯩﻠﻤﺎﻳﻼ ﺟﺎﻥ ﺑﯧﺮﯨﺪﯗ.
3. ﻓﯩﺮﺍﻧﺴﯩﻴﻪﺩﯨﻜﻰ ﻟﻪﺳﻜﻮﯞ ﻏﺎﺭﻯ. ﺑﯘ ﻏﺎﺭ ﻓﯩﺮﺍﻧﺴﯩﻴﻪﻧﯩﯔ ﻏﻪﺭﺑﯩﻲ ﺷﯩﻤﺎﻟﯩﻐﺎ ﺟﺎﻳﻼﺷﻘﺎﻥ ﺑﻮﻟﯘﭖ، ﻣﻪﺯﻛﯘﺭ ﻏﺎﺭﻧﯩﯔ ﺗﺎﻣﻠﯩﺮﯨﺪﺍ ﮪﺎﺯﯨﺮﻏﺎ ﻗﻪﺩﻩﺭ ﺑﺎﻳﻘﺎﻟﻐﺎﻥ ﺗﺎﺭﯨﺨﺘﯩﻜﻰ ﺋﻪﯓ ﻣﻪﺷﮭﯘﺭ ﻛﻮﻧﺎ ﺗﺎﺵ ﻗﻮﺭﺍﻟﻼﺭ ﺩﻩﯞﯨﺮﯨﮕﻪ ﺋﺎﺋﯩﺖ ﺗﺎﻡ ﺭﻩﺳﯩﻤﻠﯩﺮﻯ ﺑﺎﺭ. ﺋﺎﻟﯩﻤﻼﺭ ﺑﯘ ﻗﻪﺩﯨﻤﯩﻲ ﺗﺎﻡ ﺭﻩﺳﯩﻢ ﺋﻪﺳﻪﺭﻟﯩﺮﻯ ﺑﯘﻧﺪﯨﻦ 17 ﻣﯩﯔ ﻳﯩﻠﻼﺭ ﺑﯘﺭﯗﻥ ﺳﯩﺰﯨﻠﻐﺎﻥ ﺩﻩﭖ ﺑﯧﻜﯩﺘﻜﻪﻥ ﺑﻮﻟﯘﭖ، ﺑﯘ ﺭﻩﺳﯩﻤﻠﻪﺭﻧﯩﯔ ﻛﯚﭘﯩﻨﭽﯩﺴﯩﺪﻩ ﺗﺎﺷﻘﺎﺗﻤﯩﻠﯩﺮﻯ ﺋﺎﺭﻗﯩﻠﯩﻖ ﺋﻪﻳﻨﻰ ﯞﺍﻗﯩﺘﺘﺎ ﺋﺎﺷﯘ ﺭﺍﻳﻮﻧﻼﺭﺩﺍ ﻳﺎﺷﯩﻐﺎﻧﻠﯩﻘﻰ ﺋﯩﺴﭙﺎﺗﻼﻧﻐﺎﻥ ﻏﺎﻳﻪﺕ ﺯﻭﺭ ﮔﻪﯞﺩﯨﻠﯩﻚ ﮪﺎﻳﯟﺍﻧﻼﺭﻧﯩﯔ ﺭﻩﺳﯩﻤﻠﯩﺮﻯ ﺳﯩﺰﯨﻠﻐﺎﻥ.
ﺑﯘ ﻏﺎﺭ ﻳﻪﻧﻪ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﻣﺎﺋﺎﺭﯨﭗ، ﺋﯩﻠﯩﻢ-ﭘﻪﻥ ﯞﻩ ﻣﻪﺩﻩﻧﯩﻴﻪﺕ ﺋﻮﺭﮔﯩﻨﻰ ﺗﻪﺭﯨﭙﯩﺪﯨﻦ «ﻗﻮﻏﺪﯨﻠﯩﺪﯨﻐﺎﻥ ﺩﯗﻧﻴﺎ ﻣﺎﺩﺩﯨﻲ ﻣﯩﺮﺍﺳﻠﯩﺮﻯ» ﺗﯩﺰﯨﻤﻠﯩﻜﯩﮕﻪ ﻛﯩﺮﮔﯜﺯﯛﻟﮕﻪﻥ. 2008-ﻳﯩﻠﯩﺪﯨﻦ ﺑﯘﻳﺎﻥ ﻣﻪﺯﻛﯘﺭ ﻏﺎﺭ ﭘﯜﺗﯜﻧﻠﻪﻱ ﺗﺎﻗﯩﯟﯦﺘﯩﻠﮕﻪﻥ ﺑﻮﻟﯘﭖ، ﭘﻪﻗﻪﺕ ﻣﻪﺧﺴﯘﺱ ﻏﺎﺭﻧﯩﯔ ﺗﯧﻤﯩﺪﯨﻜﻰ ﺭﻩﺳﯩﻤﻠﻪﺭﻧﻰ ﺗﻪﺗﻘﯩﻖ ﻗﯩﻠﯩﺪﯨﻐﺎﻥ ﻧﺎﮪﺎﻳﯩﺘﻰ ﺋﺎﺯ ﺳﺎﻧﺪﯨﻜﻰ ﺋﺎﻟﯩﻤﻼﺭﻻ ﺋﺎﻻﮪﯩﺪﻩ ﺗﻪﺳﺘﯩﻘﺘﯩﻦ ﺋﯚﺗﻜﻪﻧﺪﯨﻦ ﻛﯧﻴﯩﻦ ﻏﺎﺭﻏﺎ ﻛﯩﺮﯨﭗ ﺑﯩﺮ ﺋﺎﻱ ﺗﻪﺗﻘﯩﻘﺎﺕ ﺑﯩﻠﻪﻥ ﺷﯘﻏﯘﻟﻠﯩﻨﺎﻻﻳﺪﯗ.
4. ﻧﻮﺭﯞﯦﮕﯩﻴﻪﻧﯩﯔ ﺳﯩﯟﺍﻟﺒﺎﺭﺩ ﺗﺎﻗﯩﻢ ﺋﺎﺭﺍﻟﻠﯩﺮﯨﺪﯨﻜﻰ ﺩﯗﻧﻴﺎ ﺋﯘﺭﯗﻕ ﺋﺎﻣﺒﯩﺮﻯ. ﺳﯩﯟﺍﻟﺒﺎﺭﺩ ﺩﯗﻧﻴﺎ ﺋﯘﺭﯗﻕ ﺋﺎﻣﺒﯩﺮﻯ ﺑﻮﻟﺴﺎ ﻧﻮﺭﯞﯦﮕﯩﻴﻪﻧﯩﯔ ﺳﯩﯟﺍﻟﺒﺎﺭﺩ ﺗﺎﻗﯩﻢ ﺋﺎﺭﺍﻟﻠﯩﺮﻯ ﺋﯩﭽﯩﺪﯨﻜﻰ ﺋﻪﯓ ﭼﻮﯓ ﺋﺎﺭﺍﻝ ﺑﻮﻟﻐﺎﻥ ﺳﯩﭙﯩﺘﺴﺒﯧﺮﮔﯧﻦ ﺋﺎﺭﯨﻠﯩﻐﺎ ﺟﺎﻳﻼﺷﻘﺎﻥ ﻏﺎﻳﻪﺕ ﺯﻭﺭ ﺑﯩﺮ ﻳﻪﺭ ﺋﺎﺳﺘﻰ ﺋﯘﺭﯗﻕ ﺋﺎﻣﺒﯩﺮﻯ ﺑﻮﻟﯘﭖ، ﻳﻪﺭ ﺋﺎﺳﺘﻰ ﯞﻩ ﻳﻪﺭ ﺋﯜﺳﺘﻰ ﻗﯩﺴﻤﯩﻨﻰ ﻗﻮﺷﻘﺎﻧﺪﺍ ﺋﻮﻣﯘﻣﯩﻲ ﺋﯧﮕﯩﺰﻟﯩﻜﻰ 122 ﻣﯧﺘﯩﺮ ﻛﯧﻠﯩﺪﯗ. 2008-ﻳﯩﻠﻰ 2-ﺋﺎﻳﺪﺍ ﺑﯘ ﺋﺎﻣﺒﺎﺭ ﺭﻩﺳﻤﯩﻲ ﭘﯜﺗﯜﭖ ﺋﯩﺸﻘﺎ ﻛﯩﺮﯨﺸﺘﯜﺭﯛﻟﮕﻪﻥ، ﮪﺎﺯﯨﺮ ﺑﯘ ﺟﺎﻳﺪﺍ ﺩﯗﻧﻴﺎﻧﯩﯔ ﮪﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﻛﻪﻟﮕﻪﻥ 84 ﭼﻮﯓ ﺗﯜﺭﺩﯨﻜﻰ 4000 ﺧﯩﻞ ﮪﻪﺭ ﺧﯩﻞ ﺋﯚﺳﯜﻣﻠﯜﻛﻠﻪﺭﻧﯩﯔ ﺋﯘﺭﯗﻗﻠﯩﺮﻯ ﺳﺎﻗﻼﻧﻤﺎﻗﺘﺎ. ﻣﻪﺯﻛﯘﺭ ﺋﯘﺭﯗﻕ ﺋﺎﻣﺒﯩﺮﯨﻐﺎ ﻳﻪﺭ ﺷﺎﺭﯨﻤﯩﺰﻧﯩﯔ ﻗﺎﻳﺘﺎ ﺗﯩﺮﯨﻠﯩﺶ ﺋﯜﻣﯩﺪﻯ ﺑﺎﻏﻼﻧﻐﺎﻥ، ﻳﻪﻧﻰ ﺋﯘ ﻳﻪﺭ ﺷﺎﺭﻯ ﺧﺎﺭﺍﻛﺘﯧﺮﻟﯩﻚ ﺯﻭﺭ ﺋﺎﭘﻪﺗﻠﻪﺭﺩﻩ ﺑﺎﺭﻟﯩﻖ ﺋﯚﺳﯜﻣﻠﯜﻛﻠﻪﺭﻧﯩﯔ ﻧﻪﺳﻠﻰ ﻗﯘﺭﯗﭖ ﻳﻮﻗﺎﭖ ﻛﯧﺘﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ ﻗﯘﺭﯗﻟﻐﺎﻥ ﺑﯩﺮ ﺋﯘﺭﯗﻕ ﺑﺎﻧﻜﯩﺴﯩﻨﯩﯔ ﺑﯩﺨﻪﺗﻪﺭﻟﯩﻚ ﺳﺎﻧﺪﯗﻗﯩﺪﯨﻦ ﺋﯩﺒﺎﺭﻩﺕ. ﻣﻪﺯﻛﯘﺭ ﺑﺎﻧﻜﯩﻐﺎ ﺋﺎﻻﮪﯩﺪﻩ ﮪﻮﻗﯘﻕ ﺑﯧﺮﯨﻠﮕﻪﻥ ﺑﯩﺮ ﻧﻪﭼﭽﯩﻼ ﻛﻪﺳﭙﯩﻲ ﺗﻪﺷﻜﯩﻼﺕ ﻳﺎﻛﻰ ﮪﯚﻛﯜﻣﻪﺗﻠﻪﺭ ﺋﯘﺭﯗﻗﻠﯩﺮﯨﻨﻰ ﺋﺎﻣﺎﻧﻪﺗﻜﻪ ﻗﻮﻳﺎﻻﻳﺪﯗ ﯞﻩ ﺑﯘ ﺋﯘﺭﯗﻗﻼﺭﻧﯩﯔ ﮪﺎﻟﯩﺪﯨﻦ ﺧﻪﯞﻩﺭ ﺋﺎﻟﯩﺪﯗ، ﻧﺎﮪﺎﻳﯩﺘﻰ ﺋﺎﺯ ﺳﺎﻧﺪﯨﻜﻰ ﻣﯘﻧﺎﺳﯩﯟﻩﺗﻠﯩﻚ ﺧﺎﺩﯨﻤﻼﺭﺩﯨﻦ ﺑﺎﺷﻘﺎ ﮪﯧﭽﻜﯩﻤﻤﯘ ﺑﯘ ﺑﺎﻧﻜﯩﻐﺎ ﻛﯩﺮﯨﭗ ﭼﯩﻘﺎﻟﻤﺎﻳﺪﯗ.
5. ﺟﯘﯕﮕﻮﺩﯨﻜﻰ ﭼﯩﻦ ﺷﯩﺨﯘﺍﯓ ﻗﻪﺑﺮﯨﺴﻰ. ﭼﯩﻦ ﺷﯩﺨﯘﺍﯓ ﻗﻪﺑﺮﯨﺴﻰ ﻣﯩﻼﺩﯨﺪﯨﻦ ﺑﯘﺭﯗﻧﻘﻰ 246-ﻳﯩﻠﯩﺪﯨﻦ ﻣﯩﻼﺩﯨﺪﯨﻦ ﺑﯘﺭﯗﻧﻘﻰ 208-ﻳﯩﻠﯩﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﻗﯘﺭﯗﻟﻐﺎﻥ ﺑﻮﻟﯘﭖ، 39 ﻳﯩﻠﺪﺍ ﭘﯜﺗﻜﻪﻥ، ﺋﯘ ﺟﯘﯕﮕﻮ ﺗﺎﺭﯨﺨﯩﺪﯨﻜﻰ ﺑﯩﺮﯨﻨﭽﻰ ﺑﻮﻟﯘﭖ ﻗﯘﺭﯗﻟﻐﺎﻥ ﺯﻭﺭ ﻛﯚﻟﻪﻣﻠﯩﻚ ﯞﻩ ﻳﺎﺧﺸﻰ ﭘﯩﻼﻧﻼﻧﻐﺎﻥ ﭘﺎﺩﯨﺸﺎﮪ ﻣﻪﻗﺒﻪﺭﯨﺴﯩﺪﯨﻦ ﺋﯩﺒﺎﺭﻩﺕ. ﭼﯩﻦ ﺷﯩﺨﯘﺍﯓ ﻗﻪﺑﺮﯨﺴﻰ ﻧﯘﺭﻏﯘﻥ ﺳﻪﯞﻩﺑﻠﻪﺭ ﺗﯜﭘﻪﻳﻠﯩﺪﯨﻦ ﮪﺎﺯﯨﺮﻏﺎ ﻗﻪﺩﻩﺭ ﺋﺎﺭﺧﯧﺌﻮﻟﻮﮔﯩﻴﻪﻟﯩﻚ ﺗﻪﻛﺸﯜﺭﯛﺷﻜﻪ ﺋﯧﭽﯩﯟﯦﺘﯩﻠﻤﯩﺪﻯ، ﻧﯚﯞﻩﺗﺘﻪ ﮪﯧﭽﻜﯩﻤﻤﯘ ﺑﯘ ﺟﺎﻳﻐﺎ ﻛﯩﺮﯨﭗ ﻛﯚﺭﯛﭖ ﺑﺎﻗﺎﻟﻤﺎﻳﺪﯗ.
6. ﻳﺎﭘﻮﻧﯩﻴﻪﺩﯨﻜﻰ ﺋﯩﺴﯥ ﺟﯩﻨﮕﯘ ﻣﻪﻗﺒﻪﺭﯨﺴﻰ. «ﻳﺎﭘﻮﻧﯩﻴﻪﺩﯨﻜﻰ ﺋﻪﯓ ﻣﯘﻗﻪﺩﺩﻩﺱ ﻣﻪﻗﺒﻪﺭﻩ» ﺩﻩﭖ ﻗﺎﺭﯨﻠﯩﺪﯨﻐﺎﻥ ﺋﯩﺴﯥ ﺟﯩﻨﮕﯘ ﻣﻪﻗﺒﻪﺭﯨﺴﻰ ﻣﯩﻼﺩﯨﺪﯨﻦ ﺑﯘﺭﯗﻧﻘﻰ 4-ﺋﻪﺳﯩﺮﻟﻪﺭﺩﯨﻼ ﺑﺎﺭﻟﯩﻘﻘﺎ ﻛﻪﻟﮕﻪﻥ ﺑﻮﻟﯘﭖ، ﺑﯘ ﺟﺎﻳﺪﺍ «ﻗﯘﻳﺎﺵ ﺋﯩﻼﮪﻰ»ﻏﺎ ﺗﺎﯞﺍﭖ ﻗﯩﻠﯩﻨﯩﺪﯗ. ﺑﯘ ﻣﻪﻗﺒﻪﺭﻩ ﭼﻮﻗﯘﻡ ﮪﻪﺭ 20 ﻳﯩﻠﺪﺍ ﺑﯩﺮ ﻗﯧﺘﯩﻢ ﺋﯚﺭﯛﯞﯦﺘﯩﻠﯩﭗ ﻗﺎﻳﺘﺎ ﻗﯘﺭﯗﻟﯩﺪﯗ، ﺑﯘ ﻳﺎﭘﻮﻧﯩﻴﻪ ﺷﯩﻨﺘﻮ ﺩﯨﻨﯩﺪﯨﻜﻰ ﮪﺎﻳﺎﺕ-ﻣﺎﻣﺎﺗﻠﯩﻘﻨﯩﯔ ﺩﻩﯞﺭﯨﻲ ﮪﺎﻟﺪﺍ ﺋﺎﻟﻤﯩﺸﯩﭗ ﺗﯘﺭﯗﺷﻰ ﺩﯦﮕﻪﻥ ﺋﻪﻗﯩﺪﯨﻨﯩﭗ ﺋﯩﭙﺎﺩﯨﻠﯩﻨﯩﺸﻰ ﺩﻩﭖ ﻗﺎﺭﯨﻠﯩﺪﯗ. (ﺑﯘ ﻣﻪﻗﺒﻪﺭﻩ ﻛﯧﻴﯩﻨﻜﻰ ﻗﯧﺘﯩﻢ 2033-ﻳﯩﻠﻰ ﻗﺎﻳﺘﺎ ﻗﯘﺭﯗﻟﯩﺪﯗ) ﺋﯩﮕﯩﻠﯩﻨﯩﺸﯩﭽﻪ ﺑﯘ ﺟﺎﻳﻨﻰ ﭘﻪﻗﻪﺕ ﻳﺎﭘﻮﻧﯩﻴﻪ ﺗﯧﻨﻨﻮﺳﯩﻨﯩﯔ ﺋﺎﺋﯩﻠﯩﺴﯩﺪﯨﻜﻰ ﺋﺎﻟﯩﻲ ﻣﻪﺭﺗﯩﯟﯨﻠﯩﻚ ﺋﺎﻳﺎﻝ ﻛﺎﮪﯩﻨﻼﺭ ﻳﺎﻛﻰ ﺋﺎﻳﺎﻝ ﺭﺍﮪﯩﺒﻼﺭﻻ ﺯﯨﻴﺎﺭﻩﺕ ﻗﯩﻼﻻﻳﺪﯨﻜﻪﻥ.
ﺑﯜﮔﯜﻧﻜﻰ ﻣﯘﮪﯩﻢ ﺧﻪﯞﻩﺭﻟﻪﺭ ﺗﻮﺭﻯ ﺧﻪﯞﯨﺮﻯ، ﻧﯘﺭ ﺗﻮﺭﻯ ﺗﻪﺭﺟﯩﻤﯩﺴﻰ.
