ئۆي ئىچىدە تۇرۇپ قالغان تاماكا ئىسى تولىمۇ سېسىق، شۇنداقلا سالامەتلىككە زىيانلىق. ئەمما مۇتەخەسسىسلەر بۇ خىل پۇراقنى يوقىتىدىغان مۇنداق ئۇسۇلنى سەمىمىزگە سالىدۇ:
بىرىنچى، ئىلمان سۇدا سۇيۇلدۇرۇلغان ئاق ئاچچىقسۇ بىلەن دېرىزە ۋە ئەينەكنى سۈرتكەندىن كېيىن، دېرىزىلەرنى ئېچىپ ھاۋا ئالماشتۇرسا؛ مۇمكىن بولسا، شامالدۇرغۇچ بىلەن ھاۋا تازىلىغۇچنى ئېچىۋەتسە، تاماكا پۇرىقىنى يوقاتقىلى بولىدۇ.
ئىككىنچى، ھەربىر ئۆيگە ئاق ئاچچىقسۇ قۇيۇلغان تەخسە قويۇپ قويسا، ھاۋادىكى تاماكا ھىدى يوقىلىدۇ؛ ئاق ئاچچىقسۇدا نەمدەلگەن لۆڭگىنى پۇلاڭلاتسىمۇ، ئوخشاش ئۈنۈمگە ئېرىشكىلى بولىدۇ.
ئۈچىنچى، 1:1 نىسبەتتە تەڭشەلگەن ئىسسىق سۇ + ئاممىياكلىق سۇ ياكى ئىسسىق سۇ + ئاق ئاچچىقسۇغا بۇلۇتنى چىلاپ تام ۋە تورۇسنى سۈرتسىمۇ ئۈنۈمى بولىدۇ.
تۆتىنچى، پەردە، ئۆي جاھازىلىرى ياپقۇچى ۋە ئەدىياللارنى يۇيغاندا، ئادەتتىكى سوپۇن پاراشوكى ئىشلەتسە بولىدۇ. چايقىغاندا سۇغا بىر ئىستاكان ئاق ئاچچىقسۇ قوشۇۋەتسە، تاماكا ھىدىنى يوقىتىش ئۈنۈمى تېخىمۇ ياخشى بولىدۇ.
مەنبە: ئۈرۈمچى كەچلىك گېزىتى
