旁友，侬是上海人伐？
侬看得懂上海闲话伐？
要是侬看得懂下头迭篇文章，外加还深表赞同，个么侬就是正宗个上海人！
上海开埠170年以来，体现搿个城市魅力搭内涵个文化品格搭精神气质，积淀下来潜移默化，成为上海市民个基本民风搭处世态度，而搿点特色搭味道侪浸润散布辣都市市民个习惯用语当中。
第一种精神，就是“实打实”。
上海是移民城市，移民来到上海以后,多数人侪是“脚碰脚”,面对差勿多是相等个地位搭机会，积极谋生，辣自由竞争中培养了一种重实际、负责任个实干精神：“硬碰硬”、“实打实”、“明打明”、“乌龟掼石板”,“着实”勿做“虚头”。
做生活“担肩胛”，“吃辛吃苦”，一步一个脚印个苦干；阿拉反对“滑头”、“拆烂污”、“空口说白话”，指斥无边际个空谈为“飞机上吊大闸蟹——悬空八只脚”。
第二种精神，是“门槛精、活络”。
竞争个商业社会磨砺陶冶了上海人个“门槛精”，行事“精打细算”，讲究能力搭技巧，“懂经、来事、有法道”。
办事还养成了“活络”个门道，“头子活，路道粗，花露水浓，兜得转”，就会保险勿“豁边”，“木头木脑”、“外行搭煞”是勿来三个。
第三种是“桥归桥、路归路”搭“契约”精神。
上海人奉行“各人头浪一爿天”个原则，“桥归桥，路归路（各管各、互勿相关）”，各人管好做好自家个事体，“脱侬浑身勿搭界”，反对随便“轧一脚（插一手）”；
也不占人便宜，别人有什么嗜好，“关我啥事体”！“勿来勿去，大家清爽”。
上海人辣商业化社会里又养成了可贵个遵守规则、重理性个契约精神，崇尚“产权分明”，要合作办事，就要签张“单据”，按章办事，“关门落栓”。
协调关系，做事体讲究“摆平”，“刀切豆腐两面光”，“谈得拢就上，谈勿拢拉倒”，勿“敲橡皮图章”，勿做“一笔糊涂账”，十分鄙夷“放空炮”、“开大兴”，拨人“吃空心汤团”，“放白鸽”拨人“吃药”。
第四种是“拼死吃河豚”个精神。
有了契约规则，创新就有保证。
上海人十分崇尚进取开拓，觉着呒没新个“花头”就“勿适意、勿太平”。敢于冒险创新，就“勿管三七廿一”，勿惜“掼铜钿银子”、“横竖横，拆家棚”，去“钻天打洞”，所以上海是个“冒险家的乐园”。
上海话当中崇扬创造性个成语特别多,像“碰碰额角头”,要“出风头”，“一蓬风”勇往直前，勿怕“顶山头”,勿怕“老虎头浪拍苍蝇”,交关人有“闯市面”、“开码头”个勇气。
伊拉深知“小钿勿去，大钿勿来”“旧个勿去，新个勿来”的道理。会做生意个上海人还常常对常例“勿领盆”,企望“小鬼跌金刚”,“棉纱线扳倒石牌楼”。
伊拉连小囡都褒扬从小“野得出”，“出趟”，最勿屑个是“脑子勿转弯”，或者成为“软脚蟹”、“缩头乌龟”一类个“缩货”。
感谢你读完了这篇文章，如果你喜欢，请点击右上角，让更多的人看到吧！
我们只是新闻的搬运工，版权属于原作者
本内容源自网络
