بۇ سىز ئۈچۈن بەك مۇھىم- 大数跨境

Tepekkur

2021-02-03

ئۆز پىلانىم

بۈگۈن 2021- يىلى 1- ئاينىڭ 31- كۈنىدىن باشلاپ، ئامىرىكىلىق يازغۇچى توماس.كېلى 5 يىل ۋاقتىنى سەرىپ قىلىپ، 233 مىلىيونىر بىلەن 128 تۇرمۇشتا قىيلىنىۋاتقان ئادەتتىكى ئادەملەرنىڭ ياشاش ئادىتتىنى كۈزۈتۈش ئارقىلىق، بۇلۇپمۇ 233 مىلىيونىرنىڭ ئىچىدىكى 177 نەپەر ئۆز تىرىشچانلىقى بىلەن باش كۈتۈرگەن مىلىيونىرنىڭ كۈندىلىك ئادىتىنى تەكشۈرۈش ۋە كۈزۈتۈش ئارقىلىق يېزىپ چىققان « باي بۇلۇشنىڭ ياشاش ئادەتلىرى » دىگەن كىتابىنى تەرجىمە قىلىشنى باشلىدىم.

1982 – يىلى نەشىر قىلغان 1994- يىلى كىنو قىلىپ قويغان كىلاسىك كىنو « شاۋشەنكېدىكى قۇتۇلدۇرۇش » ناملىق كىنودىكى چوڭ بانكىداردىن ناھەق مۇددەتىسىز كىسىلىپ كەتكەن باش پۇرسىناژ " ئەندى " نىڭ 19 يىل تىرىشىش ئارقىلىق ئاخىرى ئۆزى ئارزۇ قىلغان بەخىتكە ئېرىشكەن ۋاقىتتىكى رەسىمنى بۇ قېتىملىق ئۈزۈندىلەر توپلىمىنىڭ باش رەسىمى قىلدىم.

بۇ رەسىمنىڭ باش رەسىم قىلىشتىكى ئۈمۈدۈم، كۆپچىلىكنىڭ مىنىڭ « باي بۇلۇشنىڭ ياشاش ئادەتلىرى » دىگەن كىتابتىن يازغان ئۈزۈندىلەر ئارقىلىق " مەن مۇشۇنداق ئۈتۈپ كەتكىدەكمەن " دىمەي، توغرا ياشاش ئادەتلىرى ۋە ئۈمۈتلىك روھىي ھالەتتە ئۆزىمىزنىڭ گۈزەل كەلگۈسىمىز، بايلىققا تولغان كەلگۈسىمىز، بەخىتكە تولغان كەلگۈسىمىزنى ئۆزىمىزنىڭ قولى ۋە ئەقلى بىلەن بارلىققا كەلتۈرۈش ئۈچۈندۇر.

بۇ كىتابنى بۈگۈن رەتلەش ئارقىلىق دۆلەت تىلىدىكى نۇسخىسى جەمئىي 98867 تال خەت، 168 ژورنال بېتى چىقتى. جەمئىي ئىككى بۆلۈم 19 پارچە (ئارسىدا 13 باپ، 6 پارچە مەزمۇن بار).

مەن كىلەركى 5 ئاي ئىچىدە مەخسۇس مۇشۇ كىتابتىن ھەر ھەپتىسى تەرجىمە قىلغان 1 پارچىدىن ئەڭ ياخشى ئۈزۈندىلەرنى كۆپچىلىككە تەپەككۈر سالونىم ئارقىلىق يوللاپ تۇرىمەن. ئۆزەمگە مەدەت تىلەيمەن، ئەگەر ئىملا خاتالىقى كۆرۈلۈپ قالسا، كۆپچىلىكنىڭ كەچۈرىشىنى ئۈمۈت قىلىمەن.