🧡مەن سېنى تولدۇرۇپ سىزاي بەتلەرگە

مەن سېنى تولدۇرۇپ سىزاي بەتلەرگە

زۈھەل

، بىلمەيمەن خەتلەرنى ئۇزۇن يېزىشنى

بۇ ئاپئاق بەتلەرنى قانداق تولدۇراي؟ 

، ئالمىدەك چېچەكلەپ كۈلۈپ بەر جېنىم 

. كۈلكەڭنى باھارغا تاج قىلىپ قوندۇراي 

، بېدىلەر ياشىرىپ بولدى تۆت قۇلاق 

ئېرىقلار سۇ بىلەن تولغىلى نىكەم؟ 

، بىزغۇ ھېچ كۆرۈشۈپ باقمىغان، لېكىن 

. يۈرىكىم غۇچچىدە تولدى سەن بىلەن 

، مەن سېنى تولدۇرۇپ سىزاي بەتلەرگە

. كۆزۈمنىڭ قارىسى كۆزۈڭگە باقسۇن

، سەكرەپ چۈش گۈللەرنىڭ بەرگىلىرىدىن

. ياشلىرىم مەڭزىڭگە سەل بولۇپ ئاقسۇن  

، مەن سېنى شېئىر دەپ يازاي  خەتلەرگە 

. خەتلەرگە رەڭ بەرسۇن لېۋىڭدىكى خال

، مەن كېتەي شېئىردەك گۈزەل يەرلەرگە

. پۈتكەن شۇ بىر رەسىم دەرتلىرىمگە دال

2020-يىلى 2-ئاينىڭ 10-كۈنى