…………
…………
🦋
ھەممىنى ئىچىمگە قويدۇم يوشۇرۇپ
ئايتېكىن
بىلمەيسەن نەقەدەر ئامراقلىقىمنى
بۇ ساڭا كۈلكىلىك تۇيۇلار بەلكىم
مەيلىلا ئۇ سېنىڭ ئەركىنلىكىڭدۇر
بەرى بىر ئۆزىگە تەۋە ھاياتنى
خالىغان تەرىزدە ياشايدۇ ھەركىم
بىراق مەن يەنە شۇ ئاۋالقىدەكلا
سەن بىلەن باسىمەن ھەربىر قەدەمنى
مەيلى دە ئۇ مېنىڭ ئۆزلۈك ئەركىمدۇر
چالىمەن ئەڭ گۈزەل جاھىللىقىمدا
سەن بىلگەن ھېلىقى كونا پەدەمنى
سەن مېنىڭ سۆيۈملۈك ئۆكتەم ئەبلىخىم
سەن بولغان ھاياتمۇ گۈزەل شۇ قەدەر
مەن سېنى ھېچكىمگە ئوخشىتالمايمەن
سەن مېنىڭ مۇھاببەت سۇلالەمدىكى
ھېچكىمگە ئوخشىماس يىگانە بىر ئەر
بىلمەيسەن…خۇددى سەن كېلىدىغاندەك
چىرايلىق ياسىنىپ مېڭىپ كېتىمەن
تىرنىقىم خېنىلىك بوينۇمدا شارپا
مۇزلىغان قۇلۇمنى ئىشقىلاپ تۇرۇپ
يوللارغا ئۈمۈتلۈك قاراپ كېتىمەن
ھوزۇرلۇق بىر ئىشقۇ سېنى سېغىنىش
مۇڭلۇق بىر ناخشىنى تىڭشاپ ئولتۇرۇپ
تۇرۇپلا ئاغرىيدۇ ئەمما سول تەرەپ
شۇندىمۇ مەن ئاشۇ پىنھان سۆيگۈمنى
بىر قۇشتەك شۇ يەرگە قويدۇم يوشۇرۇپ
♡
🦋
ئاستىدىكى ئىنكاس رايۇنىدا كۆرىشەيلى . سۆز قالدۇرۇشنى ئۇنتۇپ قالماڭ