…………
…………
بوستان سېكىلەك
مىرەخمەت مامۇت
قاچاندۇر دىلدا كۆكلەر بىر تىلەك،
شۇ تىلەكلەرگە تەلپۈنەر يۈرەك.
ئىشقىمنى بايان ئەيلەپ ھەر قەدەم ،
ھەر نەپەسلەردە تولغىنار كۆكرەك .
قۇرۇپ قاقشالغا ئايلاندى لېۋىم ،
ئۆزۈمگە ئۆزۈم بولدۇم يار يۆلەك .
قايسىدۇر بىر قىز كۆيدۈردى قاچان ،
بەرمىدى ئەمما ئىشقىدىن دېرەك .
كىرپىكلىرىمدە قۇرىدى شەبنەم ،
ۋىسال دەردىدە سارغايسام كېرەك .
ھەر قەدەملەردە سۆيگۈ چېچەكلەپ ،
ئۆتسىكەن دەيمەن بۇ كېچە تېزرەك .
ئايلاندىم تامام سۆيگۈ قۇلىغا ،
ئالماقتا ھايات مەندىن مىڭ كۆرەك .
ھەر قاراشتا ئاھ، ئالدىغۇ جاننى ،
مەڭزلىرى گۈل بوستان سېكىلەك .
تارىم ژۇرنىلى سالوندىن ئېلىندى
ئاستىدىكى ئىنكاس رايۇنىدا كۆرىشەيلى . سۆز قالدۇرۇشنى ئۇنتۇپ قالماڭ